تجمع مواليدديسمبر2011ومواليديناير2012

[حنان المحبه]

الحمدلله لي لي ... عسى دووم الراحه والسلامه لكم ...
الله يعينچ عالحر .. تو قبل چم يوم كان خربان التكييف عندي مت من الحر حتى عيالي المساكين خاسوا وبنتي زبده ماتت بچي ماقدرت تنام من الحر وكان عندهم دوام تخيلي متى ناموا تقريباً الساعه ٣الفجر لا بملااابس داخليه بعد ...
كلش ولا الصفير بتبان ويرافس يبي البراد جان اشغل مروحتي تهف علينا ... والحمدلله تصلح ... عسى ربي يبرد عليچ قلبچ وحياتچ وويصلح التكيييف عندچ..

شوشو ...
اهلين أبلتي شخبارچ واخبار حمودي ؟؟؟
مافي دروس جديده ابله ؟؟؟ هههههههه
غلاوي ياهلا
شخبارج مع الاميرات ..
عروسه شخبارچ ..
اليوم الحمدلله طعمت ولدي الدرن ٣شهور حيل متأخره فيه ...
وانا ولدي مايقلب بس يقحص يفتر على صوب واحد ... عسى ربي يبارك فيهم..
صج وين توحه..
شخبارها عقب الخدامه والرجيم ...

 

[اجمل الذكريات]

بناااااااااااااات
الي عيالهم اولى الابتدائي متى يعطلووون
انا بنتي عطوها الشهاده قبل اسبوع والحمدلله نااجحه
ابي اعرف شي الحين تعتبر ناجحه اخر السنه ولا في بعد شهاده ثانيه علمووني حدي عليميه مااعرف

 

[توحه1]

السلام
انا بخير ويويواااتي الحمدالله بفضل الله ودعواتكم :*


عسوله القعده بعمر خمس شهور بنصفهاتقريبا
اما التسنين الشهر ٦

انا ولدي ماقلب قلبه كامله لي الحين افشل بيبي وابرد واحد اخوانه بعمره قالبين قلبه كامله

 

[توحه1]

وعلى طاري وزني اكمل شهر باذن الله يوم الاحد وراح اوووزن واعترف

 

[توحه1]

بس لمن قست وزني بعد اسبوع او عشر ايام كان ثابت لازاد ولا نقص حمدة ربي المهم موزايد

 

[توحه1]

كروووشات
راح اسافر ماليزيا بعدكم يوم
ابي همتكم معاي شنواسوقتهم احلا شي واسعاره معقوله ابي اهبس وين احصل دبل اكس لارج او ٣ اكس لارج هههه ٨٥ وزني شنوا تتوقعون البس سموووول

لووووووووووووللل

 

[توحه1]

ههه عجبتني بدليتي
دبل = بدل
الظاهر بشتري خواتم هاليومين هههه

 

[غلا عموري]

انا شوشو كنت مساافرا ورديت وع طوول دشيت عليكم
فديتك يارررررب
تووحه ماعندي اي معلوومه بالنسبه لماليزاياااا
تروووحين وتردين بالسلامه

 

[Le chat]

غلوي الحمدلله عالسلامه عسا استانستو انتي والبرينسيسات الله يخليهم لج يارب
توحه مااعندي فكره بس اتوقع شرق اسيا مقاساتهم كله نتفه انا احتر لما ادش مواقعهم واشوف الشوزات تشوق بس ماالقا مقاسي لانه ريلي طرااد شطولها شسوي سيرج بقوقل ان شاء الله تلقين موضوع يفيدج او دشي قسم السياحه بالمنتدى

 

[Le chat]

وله اقولج اخذي مقاس صغير عشان يكون عندج دافع وتضعفين هههههههههههه شرايج بالخطه
شوفي اذا انتي راعيه قهوه او جاي اخضر كثري منهم يسدون الشهيه كل ما يعتي شربي قهوه بدون شكر او جاي اخضر تونينجز اتوقع جذي اسمه انا ادمنت عليه حده كان لذيذ وبعد بماليزيا اكيد تلقين اشكال والوان الجاي الاخضر بنادي تشامبيونز كانو اييبون نوع موصج اينن وريحته بسكوت دايجستف اموت عليه بس ماادري قطعوه وله ليما الحين موجود جربي كل شي وعسا الله يضعفج بالصحه والعافيه وارد واقولج هالله هالله بالفيتامينات لاااتقطعينهم عشان شعرج وبشرتج وصحتج والحمله اليايه باذن الله

 

[.. BNT ..]

لي لي ..
عين الله تحرسها وتحفظها وتستر عليها
ربي يبرد قلبج بتمام عآفيتهآ يارب .,,


ام دندونه ..
بعد عمري والله منوره بينا ..
اويلي على هالتطعيمات متى يخلصون =(


حنونه..
فديتج يابعدي ..


عروووس ..
طريقتج خووش طريقه
بعتمدها ان شاء الله
ربع بسطوته بـ 4 ارقام مميته


لولو
زين ع البركه الراحه ..


غلاوي
هلا وغلا بهالطله ..
هم ولدي مايوقف ولايمسسسك رقبته ..
عاد يقولون انه من الحليب مدري صج لو لا ><


تووووحه
زين اهم شي مايزيد .. ومع المشي بيطيح ان شاء الله ..
اقولج لاتنسين صوغتي وولدي هههههههههههههههه

وهم انتاي لي لي ابي صوغه حقي وحق نتفتي مو تنسينا ههههههاي

اهم شي الصوغات ترااااااااااااا

شوشو وينج وين غاطه مالج طلات

 

[.. BNT ..]

وله اقولج اخذي مقاس صغير عشان يكون عندج دافع وتضعفين هههههههههههه شرايج بالخطه

لي لي هذا تعذيب ترا ههههههههههههههههههااي
شاريه فستان اصغر من مقاسي وماقدرت اطلع من المحل ما اخذه زووغه ..
قلت عادي بسوي رجيم وبيجي مقاسي ولي الحين يسمعني بالكبت ههههههههههههههههههاي
كل ماجوفه بالكبت يعورني قلبي خخخخخخ

 

[Le chat]

ههههههههههههههه بنت انا جذي كنت قبل لا اضعف لي شفت شي عجبني مااقدر مااخذه احس قلبي يعورني عاد اخذه واحطه بالكبت بس اتفرج عليه واخر شي ينقط المهم مااخليه بخاطري

 

[توحه1]

الله يسلمكم حبايبي

لي لي ليش اعذب حالي اصور القطعه وخيطها على مقاسي هههه
ان شاء الله راح امشي وايد بس بالسفر اكون متفرغه حق نفسي

 

[توحه1]

انتظروني غدا. الساعه ١٠ ص اعترف لكم بنظام رجيمي سواء نزلت ولا لي الحين ثابت
غدا الامتحان يكرم المرء او يهان

 

[al505a]

شخباركم

توحة شلونج
تروحين وتردبن بالسلامة ان شاء الله
االله يخفظكم

لي لي شلونج ماعليها شر حبيبتي جنونة
الله كريم يارب تصير احسن

حنان شلونج عساج بخير

دفوشة. عسوله بنت لولو غلاوي. ام دندونة ام حمودي
كلكم
شخباركم *

 

[al505a]

وحشتوني
اشتقت لسوالفنا ايام الحمل

 

[توحه1]

هلا بالزين شخبارج خوخه شوجديد البيبي اي مرحله وصل

 

[توحه1]

انا كوالتي لي الحين ماقلب قلبه كامله بس يخمس بالفراش هههه
بندخل الخمس شهور بعد ١٢ يوم وبنشوف شنوتطوراته

شوشو وغلوي
سننووو عيالكم
طلع الولو ولا لي الحين عمر خمس لي ٨ شهور يسنن البيبي
والقعده من ٦ شهور
ويوقف عمر ٨ شهور
ويخطي من ٩ لي سنه
الحباي من عمر ٧ لي ٩ شهور

 

[عسووولــــة]

هلا حبيباتي

توحة كم رضعة نعطية بيبي في هالعمر وكم ملعقة في الرضعة الوحدة ؟؟؟