## تجمع معلمات تعيين يديد##

[jen2n]

ان شاء الله ناجحه وحده من الناس

ولا تنسين تبلغينا بالتفاصيل

 

[بطوووطة$بيضة]

شلونكم بنات انا خريجة اداب تاريخ واشتغلت ابوزارة سنه والحين بنتقل التدريس بس قالولي في امتحان ومقابله وفي نجاح وسقوط وعندهم موجه تاريخ اسالته صعبه هالكلام صحيح ولا لا ؟؟؟؟؟بليز ردوووو

 

[jen2n]

بطوطه

صح في مقابله وامتحان

اما اسئله الموجه تكون صعبه

ما اعتقد انتي تخصصج تاريخ اكيد تكونين عارفه بتخصصج

ونصيحه درسي مناهج الثانويه القديمه واليديده

واعتقد فراي جنه تخصصها تاريخ اكيد راح تفيدج لان سوت مقابله !

 

[زهراء 24]

قوة بنات انا قدمت اوراقي الاسبوع اللي طاف
وقالوا راح يدقون علي عشان المقابله
انا خريجه اداب تخصصي تاريخ
بليز بنات شنو الاسئله اللي
يسالونها في المقابله
يعني اسئله صعبه ولا عاديه ولا شنو بالضبط
حدي خايفه ومتوترة واحاتي هالمقابله​

 

[زهراء 24]

واي وحده تخصصها تاريخ وسوت مقابله
خل تفيدنا من تجربتها​

 

[ذكريات عشاق]

هلاا جنان انا تخصصي تاريخ
المشكلة التوتر لان بصراحه وايد بنات خرعوني
يقولون بدون واسطة انسي تنجحين ووحده تقول يحرجون بالاسىلة
حححيل يوتورن البنات

 

[jen2n]

قوة بنات انا قدمت اوراقي الاسبوع اللي طاف

وقالوا راح يدقون علي عشان المقابله
انا خريجه اداب تخصصي تاريخ
بليز بنات شنو الاسئله اللي
يسالونها في المقابله
يعني اسئله صعبه ولا عاديه ولا شنو بالضبط​

حدي خايفه ومتوترة واحاتي هالمقابله

هلا والله الله يقويج

بالامتحان يسألونج بأشياء دقيقه فدرسي مناهج الثانويه عددددل

وبالمقابله يسألونج عن تخصصج بشكل عام

ونصيحه شيلي الخوف والتوتر من قلبج

لان اذا حسو بهالشي ممكن يسقطونج

الشي اللي ما تعرفينه لا تسكتين قولي ان شاء الله اذا صرت مدرسه راح ابحث في المعلومه

والا قولي راح اقرا بالكتب عن هالمعلومه لانها ما مرت علي

بس اهم شي لا تسكتين وترتبكين

واي وحده تخصصها تاريخ وسوت مقابله

خل تفيدنا من تجربتها​

اي في وحده معانا نكها فراي

تخصصها تاريخ وخلصت مقابله

هلاا جنان انا تخصصي تاريخ
المشكلة التوتر لان بصراحه وايد بنات خرعوني
يقولون بدون واسطة انسي تنجحين ووحده تقول يحرجون بالاسىلة
حححيل يوتورن البنات

اهلين ذكريات

لا شيلي التوتر من بالج خليج طبيعيه

ونفس اللي قلته حق زهراء

شي ما تعرفين قولي راح ابحث بهذي المعلومه لانها ما مرت علي

او قولي اي شي حتى لو غلط

بس اذا سكتي وقلتي ما اعرف ما ينفع معاهم

وهم بعد درسي مناهج الثانويه كتب التاريخ وشوفي عن شنو يتكلم

اكيد بيسألونج عنه

بالنسبه لي موجهين الفلسفه كانو حليووين وياي ما احرجوني

بالعكس وانا بالمقابله قالو لي نتيجتي حتى البنات اللي وياي كلهم انجحوا

مع ان بالامتحان خاروها شوي لووول


بنات ترا المقابله اهم من الامتحان بعد
​

 

[ذكريات عشاق]

واي مشكورة جنان صج طمنتي قلبي
اي انا الحين والله اقرى بكتب الثانوية واحوس بالنت اتذكر واخذ معلومات عن التاريخ واشاياء دارستها بس ناسيتها
ههههههه من القعده بالبيت و انشالله ماراح اتوتر وانشالله ننجح ونخلص
بس متى بيدقون ياربي

 

[jen2n]

ايه هم شوفي موقع وزاره التربيه امتحانات الثانويه واسألتها اشلون صايره اقري فيها

اقري عن تاريخ الكويت بعد وتاريخ اسلامي واوربا هذيلا المهمين طبعا

حتى انا بالمقابله سألوني بالثانويه يعطون الطلبه فلسفه

تعتقدين شنو المواضيع اللي يدرسونها

عاد الفت لهم وعادي مشى الحال

المهم لا تبينين لهم انج خايفه ويمشونج ان شاء الله

وان شاء الله ناجحه ويدقون عليج قريب

لان رفيجاتي قاعدين يتصلون فيهم هالايام

 

[ذكريات عشاق]

انشالله يارب يدقون ونرتاح وانشالله بدخل على موقع الوزارة واشوف امتحاناتهم
الله يوفقج يارب ويحقق لج كل امنياتج ويريح بالج مثل ماريحتي بالي

 

[jen2n]

ان شاء الله ان شاء الله يارب وتنجحون وترتاحون

حبيبتي تسلمين يا قلبي ما قصرتي جزاج الله خير واجمعين يارب

انا الحين اللي احاتيه الفحوصات بس اخاف يعطوني موعد معين واكون مسافره واتوهق :/

وامس رحت الوزاره قالت لي السكرتيره بقى توقعين بس اذا توقعو راح ندق عليج خلال هاليومين

فان شاء الله يدقون باجر عشان اسوي التحاليل الاحد من غير مواعيد وعوار راس واسافر وانا مرتاحه

او اسوي التحاليل بعد ما ارجع

ادعووووو لي

 

[jen2n]

ايه نسيت شغله بعد

يمكن يسألونكم ويقولون انتو مو تربويات فليش اخترتي تربيه

عاد قولي مثلا احب التدريس من وانا صغيره او قولو انها نصيحه من دكاتره الجامعه لتثبيت المعلومات افضل طريقه اهيا التدريس

مثل يقولون لكم شنو الكتب اللي قريتوها عن تخصصاتكم

عاد حفظو لكم جم كتاب

انا ما سألوني بس هذيلا كانت اسئله بعض البنات

 

[ذكريات عشاق]

انشالله انتي بعد تخلصين من الفحوصات وترتاحين وتسافرين وتستانسين بدون ما تحاتين شي
وترى ما تطول التحاليل والفحوصات

 

[jen2n]

ان شاء الله يارب

انا عارفه ما تاخذ وقت

بس في بنات يقولون معطينهم تاريخ معين عشان يسوونه

واغلبهم 4/7 و5/7 وانا بهالتاريخين بالذات مو موجوده بالكويت :/

 

[ذكريات عشاق]

انزين ماسالتي الموظفات بالوزارة مافادوج بشي
ويمكن هالبنات اداريات مو مدرسات
لان الادارية ماعندها مقابله وامتحان فماوراهم الا الفحوصات عكسنا احنا المدرسات
اكيد يحسبون ان عندنا مكقابله وامتحان ونتيجتهم بروحها يبيلها اسبوعين

 

[زهراء 24]

مشكوره جنان ريحتينا الله يسهل علينا وعليج
يارب وننجح
الله يوفقج وتعدين الفحوصات على خير​

 

[jen2n]

انزين ماسالتي الموظفات بالوزارة مافادوج بشي
ويمكن هالبنات اداريات مو مدرسات
لان الادارية ماعندها مقابله وامتحان فماوراهم الا الفحوصات عكسنا احنا المدرسات
اكيد يحسبون ان عندنا مكقابله وامتحان ونتيجتهم بروحها يبيلها اسبوعين

سألت الموظفه وقالت لي ما اقدر اقول لج اي شي

لما توصل ورقه نتيجه المقابله موقعه من الوكلاء تالي نقول لج

لا والله مدرسات بس اغلبهم سعوديات يمكن احنا الكويتيات غير جان زين والله

المفروض يخلون التحاليل مفتوحه لان اصلا جذي جذي تعيينا بيكون شهر 9

:eh_s(7):

مشكوره جنان ريحتينا الله يسهل علينا وعليج

يارب وننجح

الله يوفقج وتعدين الفحوصات على خير​

و لوووو ان شاء الله ناجحين يارب

اجمعين ان شاء الله :eh_s(7):

 

[ذكريات عشاق]

اي اي صح لا اكيد في فرق ومستحجيل كلنا بيحدددون لنا تاريخ للفحوصات لان اول مرة اسمع فيها

 

[jen2n]

اي حتى انا اول مره اسمع فيها

بس الاداريات سألتهم يقولون يكتبون على الورقه خلال 10 ايام فقط!

 

[ذكريات عشاق]

اي شفتي اكيد في فرق