تجمع مسافرات مريكا 2012 باذن الله ( تم دمج المواضيع )

[ذات مشاعل]

حبيبتي ذات مشاعل اختي عروس بتجهز واهي في واشنطن ماعندج خبرة بالاماكن الرخيصة للشنط خاصة ماركة باول بوتيك وفيرولا كاندي بوصيها عليهم وابي محلات حلوة للبنات الاطفال مابي شي عملي ابي شي للعيد بوصيها حق بناتي ومشكووورة حبيبتي

أهلين حبيبتي ..
اللي كتبت عليهم اللي اهم تي جي ماكس و روس ومارشل حلو بس للبس العادي يعني تحصلين فستان كلفن كلاين رخييييص و بدل جوسي كوتور واايد رخيصه بس لازم تدورين عدل وفيه منهم في واشنطن

اما الشنط انصحك بهذا المحل Henri Bendel | Fashion Accessories - Designer Handbags - Designer Jewelry انا اخذ من شنطه واكسسواراتهم ولا احصلهم على احد ابدددد واسعاره حلوووووه .. واحلا شي كل شناطهم يصير جواتها مرايه ,, اذا ما حصلت محلهم خل تطلب اون لاين .. ويعد اخذت شنطه من london fog فيه منه اون لاين وايد حلوه وعمليه ورخيصه

اما لبس الاطفال والله اسفه ما اعرف .. بس اهي عندها مول حلو اسمه تايسون كبييير وكل شي فيه .. انتي ادخلي موقعهم وشوفي المحلات واتصفحي مواقعهم ووصي اختك

 

[احلى من الحلى]

وينكم بنات وين الصور الطبيه. وبعد محد رد على شنو احسن شركه سيارات من مطار ميامى ؟

 

[روان_الكويت]

وين رحتو
يالله تعالو
منو رحلتها بالعيد؟

 

[jen2n]

رفيجتي ضيقت خلقي تقول امريكا مو شي هالسنه وحيل حارة راحت نيويورك واورلاندو

تقول ما تسوى الروحه 13 ساعة والاسعار لا رخيصه ولا شي نفس اوربا !!!

عاد كنت ناويتها عقب ما اولد!

 

[Toulin RTN]

رفيجتي ضيقت خلقي تقول امريكا مو شي هالسنه وحيل حارة راحت نيويورك واورلاندو

تقول ما تسوى الروحه 13 ساعة والاسعار لا رخيصه ولا شي نفس اوربا !!!

عاد كنت ناويتها عقب ما اولد!

لا حبيبتي مالج شغل
حلوة تهببببببببل وحدها وناسة وحتى حرها مقبول
روحي استانسي... وانا انصحج بأورلاندو
نيويورك كافي يومين ثلاث

احنا ان شاء الله سفرتنا ب 30/8

 

[كاكاووو]

وينكم الامريكيات اللي راحووو امريكا شخباركم ووين تقااريركم ؟؟؟
انا وريلي فيزنا من شهر خمسه عطوني الفيزا بس ريلي ليلحين ماعطوووه
وليلحين ناطرين مالت عليهم

 

[Behtar2]

مرحبا من زمان عنكم مادري تذكروني ولالا
بيهتار حسابي الاولي مادري شفيه تميت شهور احاول مايدخل سويت ثاني
ان شاءالله باذن الله بروح بعد اسبوعين واشنطن اورلاندو ميامي نيويورك
وخالصين لله الحمد بس باقي اسكر جناطنا

 

[صفاء عبدالله]

وينكم من زمان ما تدخلون وتعطونه رايكم

 

[سهوومه]

بنات عفيه منو تفيدني انا مخططه ابي اروح اولاندو حق دزني لاند ولامره رحت ولاعندي فكره وخاطري اروح نهايه شهر12 لمده 20 او15 يوم مع ريلي وبنتي 7 سنوات جم يكفينا وشلون طريقه ابي تفاصيل عفيه بس اولاندو ومشكوورين

 

[سهوومه]

بناااات وينكم عفيه لاتبخلون علينا

 

[Behtar2]

سهومه حبيبتي اورلاندو وايد حلوه واحس ٢٠ يوم شوي عليها
فيها اماكن وايد فوق ماتصورين
ودريني بروحه يبيله ٤ ايام غير يونفرسال والسي وورلد
وفيها مطاعم حلال وكل شي حلو وقريب من بعضه بشارع انترنشنال درايف
وفي حدايق حلوه وتقدرين تروحين لتامبا ساعه عن اورلاندو
وفي متاحف شكثر وفي حق ناسا والبيت المقلوب
يعني اكيد مخططين قبل السفر بشهور وين تروحون
وفي ميامي تسوا يومين ٣ من نظري
عاد الجو بيكون وايد حلو
وبتوفيق

 

[Behtar2]

قصدي دزني *

 

[سهوومه]

سهومه حبيبتي اورلاندو وايد حلوه واحس ٢٠ يوم شوي عليها
فيها اماكن وايد فوق ماتصورين
ودريني بروحه يبيله ٤ ايام غير يونفرسال والسي وورلد
وفيها مطاعم حلال وكل شي حلو وقريب من بعضه بشارع انترنشنال درايف
وفي حدايق حلوه وتقدرين تروحين لتامبا ساعه عن اورلاندو
وفي متاحف شكثر وفي حق ناسا والبيت المقلوب
يعني اكيد مخططين قبل السفر بشهور وين تروحون
وفي ميامي تسوا يومين ٣ من نظري
عاد الجو بيكون وايد حلو
وبتوفيق

حبيبتي مشكووووره ماقصرتي حووبي

 

[Behtar2]

سهومه حبيبتي ترا ماقدرت ارسلج رساله مشاركاتي قليله
لي رجعه حتى اذا تبين اسويلج جدول واعطيج لاسعار كلها
بس دامج بتروحين شهر ١٢ حاولي الحين تحجزين من النت عالخطوط الي تبينها
وبس اشارك بدزلج عن سفرتي كل شي راح تستفيديين وايد ان شاءالله

 

[Behtar2]

سهومه بكتب لج الاشياء ممكن تفيدج مثل مافادتني
اول شي اذا تبين كل شي باسعار حلوه لازم لازم تحجزين من الحين بالنت الطيران والفندق واجار السياره وممكن بعد تحجزين تذاكر دزني بالنت من موقعهم
وحاولي تسكنين بانترنشونال درايف باورلاندو كل شي قريب من بعضه
بحط لج اسامي متاحف ومراكز سياحيه مركز صدق اولاتصدق
واكتشاف سفينة تايتنك ومتحف جي اي ار ورحلات الاشباح في كيسيمي
ومركز كينيدي للفضا ناسا وفلوريدا اكواريوم
اما الالعاب والعروض عندج داون تاون دزني حديقة ثيم الداخليه وماجيك كنقدوم ودزني هوليوود ستيديو وايبكوت وعندج سي وورلد في عروض دلافين وعندج
ارابين نايت عشا مع عروض لازم حجز قبل بيوم
اما التسوق في اوت لوت فنيسيا وفي اوت لوت انترناشونال درايف وفيستفال باي مول. وميلينا مول فلوريدا مول
عندج حدايق عامه في ساوث بورت كيميونتي بارك وحديقة بلو جاكت وفي مساجد ومطاعم حلال واايد
وبالنسبه للجو بيكون ادفى من عندنا اورلاندو معروفه بجوها وايد حلو خصوصا بالشتا
اي سؤال من عيوني

 

[سهوومه]

يا بعد جبدي والله فدتيني واايد بس سوال واحد جم راح يكفيني تهقين 3 الاف تكغي حقي وريلي وبنتي مع تذاكر واقامه وكل شي

 

[Behtar2]

انزين بعطيج السعر لمدة ٢٠ يوم بس
انتي بتنزلين بامريكا باي ولايه ؟ ميامي ولا نيويورك او واشنطن
وبنتج جم عمرها ٣وفوق ولا اقل
لان احس ٣ شوي وهذا انتي ماحجزتي طيران ولاشي
لان لو نيويورك او واشنطن لازم تاخذين طيران داخلي بعد
اذا ميامي اوفر تاجرون سياره بس وتروحون لاورلاندو فيها

 

[Behtar2]

نسيت اقولج مو تفهمين دفى غلط ههههه لازم تاخذون بلوفر او جكيتات خفيفه بليل يصير برد
بس برد ينعنش مو يقرص ههه

 

[سهوومه]

انزين بعطيج السعر لمدة ٢٠ يوم بس
انتي بتنزلين بامريكا باي ولايه ؟ ميامي ولا نيويورك او واشنطن
وبنتج جم عمرها ٣وفوق ولا اقل
لان احس ٣ شوي وهذا انتي ماحجزتي طيران ولاشي
لان لو نيويورك او واشنطن لازم تاخذين طيران داخلي بعد
اذا ميامي اوفر تاجرون سياره بس وتروحون لاورلاندو فيها

والله مادري لين الحين انتي شنو تشوفين توقعين لو اجرنا سياره راح ندل مناطقهم وبنتي 7سنين تصدقين جنه حطيتيها بمخي اقعد يومين ميامي واروح اورلاندو صج افدتيني وايد حبيبتي مشكوووره

 

[Behtar2]

لو اجرتوا سياره ضروري تاخذين الجهاز مال الخرايط تحطين اسم المكان الي تبينه ويدليكم
وترا شوارعهم تهبل وتمرين على مدن وايد حلوه وبكل مكان محطات وموتيل
وبين ميامي واورلاندو ٣ ساعات ونص جي
بالعكس تمشوا وناسه طريج السياره تاخذون راحتكم وبالنسبه لبنتج يحسبون عليها تذاكر دخول باي مكان غير دزني لاند

واتوقع ان شاءالله ٣ تكفيكم اذا انتي مو راعية ماركات
وحطوا بالفيزا فلوس تحسبا لاي ظرف ويفضل اغلب مشترياتكم بالفيزا ماتدرين الفلوس تنباق لاسمح الله واضمن اريح بعد
ولازم بعد كاش للمحلات الي ماتستخدم كروت ولتكسي اذا لزمكم
بس ماقلتيلي حجزتي ولابعدج حاولي تستعيلين وحجزي من النت وايد ارخص