تجمع مسافرات لندن (2013)

[لآ بيرلآ]

احنا 3 و 6 شهور و ريلي سنتين 600 وشي قالت مادري شلون حسبتها صراحة \بس متأكدة من الرقم لاني بققت عيوني
انصعقت ..
هني قلنا خلاص ناخذها عادي و ريلي حط 5 سنين

بعدين لمن قالت ماكو ضمان تطلع قبل 7 ايام عمل و زيدي الويك اند مو محسوب 10 ايام

بس الحجي شي و الواقع شي .. قالت 10 و الفيزا طلعت ب3 ايام عمل اربعا و خميس و احد عقب الساعه 3 جيكت لقيتها طالعة رحنا استلمنا الجوازات

دشي موقع VFS في track your application
حطي الرقم اللي اوله KUW موجود بالاوراق عندج و تاريخ الميلاد ودشي عقب 3 و نص يعني عادي 3 و نص و خمس المهم و شوفي لا تنطرين 10 ايام و الا اسبوعين بالله طلعت قبل و انتي ماتدرين و قاعده على اعصابج تخافين تطول

و حطي ببالج انا قاعده اقول كلام يفيد مو قاعده أألف من عندي ما حبيت نبرة التشكيك بس ماعليه مقبولة انتي اول مرة انا متعودة بس اني من زمان مارحت و انا اقولج فيزتي طالعة الاحد اللي فات و ريلي مو مرافق و 5 سنيين حتى قالت الموظفة ترا احتمال تطول فيزته لان مدتها طويلة و طلعت ب3 ايام يعني مااافرقت بشي حجيها كله خرطي اشوة عمي فاهم و الا جان فعلا قطينا 700 دينار على فاشوش على قولة اخوانا المصريين
و بالمنطق لو مبدأ الفي اي بي يفرق ان الفيزا تطلع بسرعة جان ماقالولج 10 ايام حالج حال اللي مطلعها عادي هذي الفكرة اللي ابي اوصلها انتي دافعه 116 حق شخصين عشان في اي بي غيرج دافع حق الفيزا عادي 74 دينار و بتطلع فيزكم مع بعض .. هذا مكتب تجاري اكيد بيحطلج خدمات عشان يستفيد بس الفرق ان متى تستغلينها فقط لا غير
و مثل ما قلتلج دشي جيكي لمن تطوف 5 ايام عمل عقب ال3 و نص و ان شاء الله بتكون طالعة فيزكم و تستانسون بسفرتكم بالعافية

 

[.:lady bug :.]

لابيرلا حبيبتي
بسجل بالنت علميني شلون
ريلي مسافر دراسه يوصل 5 / اكتوبر
اول مايوصل بنفيز
اقنعته قبل ايروح انسويها ومارضا

 

[لندن مكاني]

صباح الخير بنات
انا مسجله عشانكم
حابه اقولكم بروح لندن اول مره شاءالله بعدي الاضحى
قبل العيد بروح بيومين
احد يقول لي كيف بيكون الجو ؟ نلبس كيف ربيعي
ولا شتوي
بيكون برد برد ولا لا عادي نتحمله :|
دورت اكثر من موقع عشان الجو هناك بس كل موقق غير

وعطوني بنات تقارير حق سكوتلاند ( ادنبره + جلاسكو )

والف شكر لكم

 

[نـعـومـه]

لابيرا

يمكن الايام العاديه اطول اكثررر مثلا في اي بي بعد اسبوع 10 ايام والعاديع بعد 20 يوم مثلا !!

بس شكووو ماحبيتي نبره التشكيك !!!!!

انا بعد رحت وقلت اللي شفته واللي صار معاي

االي صارلي مختلف عنج مومعناته انه وحده فينا غلط او اشكك !!

 

[نـعـومـه]

لندن مكاني

انا نفس وقت ومحتاره بسالفه الجو

 

[لآ بيرلآ]

لايدي بق
حبيبتي انا مو مسجلة بالنت بس نطري علي شوية على مااطلعلج الطريقة و اهيا سهلة بس بشوف اذا احصلج صور بالخطوات :*

لندن مكاني
الجو يقولج الصبح دافي و بالليل برد
انا امس مكلمة ناس بلندن قالولي درجة الحرارة بالنهار 25 و حر مشغلين المكيف و بالليل تصير بالتعش توصل 12 و لازم جاكيت .. انا بكون موجودة هناك شهر 10 ان شاء الله اوافيكم بالاخبار و حالة الطقس هههههه و ترا شوفي اهيا المسألة نوعا ما نسبية لان في ناس تستبرد اسرع من ناس .. و لازم يكون معاج كوت او اذا تتصبرين اول يوم و تاخذين من هناك كيفج
سكوتلاند ابرد حيل من لندن .. و دشي trip advisor تحصلين معلومات و صور و اشياء و مواقع المتخصصة بالسسفر العربية قصدي تلاقين فيها تقارير

 

[نـعـومـه]

لابيرلا

انتو استلتمو الفيزا من عندهم ولا وصلوها البيت

 

[لآ بيرلآ]

نعومة

انتي مو فاهمتني .. الفيزا من السفارة ما تزييييييييد عن 7 ايام و انا متأكدة من كلامي الا بحالات خاصة و خاصة قصدي جواز بينتهي و الا احد عنده مشكلة
انا مااقولج انتي غلط انتي تقولين اول مرة تسوينها و صار معاج جذي اوكي انا فاهمة بس قاعده اقولج الفي اي بي مو عشان الفيزا تطلع اسرع عشان ما توقفين دور .. ما تطلع بيوم عشان في اي بي لا تطلع بيوم عشان مو زحمة انا هذا اللي اكلمج عنه لان المسألة صارت استغلال لا اكثر حسوج مستعيلة و تبينها تطلع بسرعة قالوا في اي بي انا مو عنج و لا عني و لا عن اللي صار معاج او معاي قاعده اتكلم عن الفكرة بشكل عام لان تحسين استغلال استغفال مادري بالضبط شيبون لان ما يشرحون حق الاغلبية احنا لمن قالت لنا عن الفي اي بي بس سألت تبونها او لا .. مستغلة عمي كبير عبالها ما يفهم او ما يعرف انجليزي حتن لمن سألها ليش اهيا بتفرق و بتطلع اسرع قالت نوووو سير ماكو غرنتي تاخذ 7 ايام يمكن .. حسب ..
انا قاعده اقولج بالحالتين ممكن تطول لان مايعتمد على نوعها في اي بي و لا عادي |.. و اذا انتي مو مستعيلة ليش اروح اقط مبلغ بس عشان مااوقف دور يعني انتي شخصين غيرج عايلة كاملة و مايدرون يمكن .. بس هذا اللي بوصله انا مو قصدي شي بس مااحب شركة و الا مكتب و الا شخص يستغل احد و ترا انا اقرق اشرح فطوفي
و مو قصدي شي بنبرة التشكيك لان قلتلج احنا الفي اي بي قالتلنا بحروة 700 قلتيلي شلون احنا شخصين ب116 فطلعت جنج تشككين انا فهمت غلط حقج علي

 

[لآ بيرلآ]

لا عمي راح استلمها مادري عن سالفة التوصيل باي حالة تصير يمكن بس حقكم الفي اي بي يعني

 

[لآ بيرلآ]

http://www.q8yat.com/t1082755.html

هذا موضوع مال العضوة امورة عن الفيزا وااايد مفيد

هذا اللينك مال الفيزا بالعربي
UK Visa Information - Kuwait - Home Page

تدشين على حجز موعد
بتشوفين هاللينك visa4UK :: Welcome تدشين عليه عشان تسوين الابليكيشن

و هذا اللنك فيه الخطوات و شرح خطوة بخطوة

كيفية استخراج الفيزا البريطانية لدول مجلس التعاون الخليجى

و سلامتكم

 

[نـعـومـه]

اهاا

يعني سالفه الفي اي بي عشان دور بس موعشان تطلع اسرع !!! لان صاحب المكتب مال سفريات قالنه ترا لو تقدمون العاديه ماراح تخلصون !!

مادري كنت احسب عشان اسرع !! وقلنا اول مره نروح لندن وموسمنا زحمه فخفنا والفرق بين العادي ووفي اي بي مو جايد بجذي قلنا في اي بي احسن

وسالفه البيت قالنا تبون تستلمونها بنفسكم تيون عندنا بعد أسبوع تبون نيبها البيت بعد 10 ايام

الله يسهل يارب على اعصابي

 

[لآ بيرلآ]

و الله يا حبيبتي انا اقولج لو تفرق جان فيزة ريلي ما طلعت
ريلي لا مرافق مريض و لا شي
و نفس الشي قالوا لنا بالمكتب تسويها في اي بي لان انته 5 سنين يمكن تطول
شوفي الاستغفال عبالهم بيسافر معانا لان موعدنا كان الاسبوع اللي فات بس من زود ماقالت مستحيييييل يبيلها 5 ايام عمل ع الاقل و احنا معانا كتاب من الصحة اهمه المكتب مو السفارة السفارة ماتعطل الاوادم كلللش
و الله طلعت الاحد .. اقولج يمكن ماطولت فوق ال5 ايام لان احنا مرافقين و معانا مريض بس جان قالوا ريلي ماله شغل ..
انا مااقولج تطلع بيومين بس ماتاخذ 20 يوم نوووواي الا اذا ورقة ناقصة شي بس انتي شايفتهم اذا في شي غلط بنفس اللحظة قالوا ييبي غيره
الفي اي بي ماتوقفين دور يعبولج الابليكيشن جنه شي بسيط و تافه اي احد حتى ما يبيله انجليزية قوية يقدر يعبيه
بنات عمي سلموهم الفيزا قبل سفرتهم بيوم لي اخر لحظة بيأجلون بس مو كلهم ناس مثلا يوم الاحد ناس الثلاثا و كلللللهم في اي بي بس لان مالهم خلق يوقفون دور بالزحمة لانهم ما يقدرون يروحون مبجر عشان دواماتهم
احنا 8 و نص و خمس هناك دور صح بس رحنا مبجر و ماتعطلنا و اللي دشوا معانا طلعوا معانا ما خذينا حتى ساعة كاملة يعني سهالاات

لا تتلفين اعصابج و لا تتضايقين انتي وراج سفرة بتستانسين فيها ان شاء الله و الفيزا بتطلع بدون عطلة و لا تأخير بس انتي هدي بالج و لا تضايقين عمرج على شغلة بتخلص باذن الله .. قلتلج نطري 5 ايام و جيكي .. انا كنت من الفراغة كل يوم اجيك
عندج الورقة الطويلة اللي فيهاا اساميكم اللي جنها فاتورة ؟

 

[لآ بيرلآ]

دشي هني و حطي الرقم اللي اوله KUW نفس ما اهوا مكتوب بالضبط و تحته تاريخ الميلاد و بيطلع كلام شوفي شنو اهوا و قوليلي

 

[نـعـومـه]

لابيرلا


احنا من النت عبينا البيانات

في ناس قالو تخلص بسرعه !!

على قولتج بأذن الله تطلع وان شاءالله خير

انتو سفرتكم شهر 10 ولا 1

 

[نـعـومـه]

دشي هني و حطي الرقم اللي اوله kuw نفس ما اهوا مكتوب بالضبط و تحته تاريخ الميلاد و بيطلع كلام شوفي شنو اهوا و قوليلي

هذا شنوو؟؟

 

[لآ بيرلآ]

لا حبيبتي انا سفرتي الخميس الياي عقب باجر

ما طلعت لج الصورة ؟

 

[نـعـومـه]

يعني قصدج احط رقم شنو ؟؟ طلعت صورة

يلااا تروحين وتردين بالسلامه سفره موفقه يااارب

 

[لآ بيرلآ]

الله يسلمج و يخليج و انتي بعد

لمن رحتوا و خلصتوا ما عطوكم وصل؟
جنه فاتورة كاشير

 

[نـعـومـه]

ممممم كلشي عند ريلي

خالاشوف اسئله

 

[لآ بيرلآ]

المفروض موجود لان اهيا اللي تستلمون فيها الفيزا جنه
المهم اذا لقيتيها سوي اللي قلتلج و كتبي لي شنو يطلع بليز