تجمع مسافرات لندن (2013)

[نـعـومـه]

شرايككم ببحوثاتي هههههههههههههههه
احب ابحث لي يوم السفر

تدرين من السنه اللي طافت ابحث هههههه

صج سويتو الفيزا ولا بعد

 

[.:lady bug :.]

شسوي نعومه هذي ميزانيتي
بحجز ع اول واحد شكلي

اما الفيزا اول 10 بسسويها
قلت لريلي الحين قال امبجر
قاله رفيجه عن فيزه vip الي تخلص ب 3 ايام
قال انسويها اول 10 ان شاء الله


بس احاتي الثلاجه
بتاكد من اي مكتب سفريات ع هالسالفه

 

[.:lady bug :.]

بس نعومه
صج موشي نجومهم
بس موقعهم زين
تعليقات الناس زينه عليهم
حرام اقط فلوسي بالغالي وهذا مثله
والفندق بالنسبه لي للنوم وبس ههههههه هههه
لان لندن بس شوبينق

 

[مشتطـه]

شلون فندق باكسفورد و ب300

اكييييييييييييد رديييييييييء

لا تغامرين

الزم ما عليج نومتج ونظافة المكان؟؟؟؟؟؟؟

 

[مشتطـه]

انا صارلي اسبوع راده من لندن
تهبل توسع الصدر
مافيها شي


انا احب الديرة الهيصه والوناسه

ما احب القته والكآبه

اللي ماتحب الزحمة خل تروح اوربا غته وضيقة خلق وماكو الا اجانب


ولندن مو بس سووووق
شكثر مناطق ينراح لها بالقطاار

دوري وبحثي ولحد يقص عليج

 

[فوفو22]

انا صار لي اكثر من ٢٠ سنه اروح بره لندن

بس اذا بروح لندن اما مطار هيثرو او هارودز او البنك

سؤالي

بعد كم يوم بروح لندن

شنو اكثر شي مميز ب

بيكاديلي
كوفن كاردن
ليبرتي

يسوا العنوه لهم او لا
اقصد التسوق فيهم


فوفو

 

[نـعـومـه]

امبيه ليدي افتكو من الفيزا من الحين

في اي بي ترا هم يطولون لأن زحمه

 

[نـعـومـه]

مشتطه

الحمدالله على السلامه

شلون السفره فيدينا يمكن نستفيد بجم معلومه

 

[.:lady bug :.]

منو يفهم ريلي عاد مو بكيفي
والله 300 زين يامشتطه

 

[نـعـومـه]

ليدي

سألو عن فندق هوليدي ان يقولون حلوو وموغالي




بناات صج يقولون التسوق بشارع اكسفورد نااار ؟؟ هدفي انا سياحه بس ودي اخذ لي جم شي وين اماكن نفس مستوى زارا اج اند ام نيولوك هالطقه

 

[نـعـومـه]

اهلنا اللي بلندن الحين يقولون ذبحه زحمممممممه

مادري اذا عيد الأضحى هم جذي زحمه ولا لا

 

[لآ بيرلآ]

lady bug

حبيبتي مااااااااااااااله داعي تسوين VIP
و الله كلللللللش ماله داعي
احنا سوينا فيزنا الاربعا الصبح مبجر رايحين طلعت الاحد
و لمن استلمنا اللي كانوا ياايين معانا الاربعا دافعين الشي الفلاني ما طلعت فيزهم و معصبين
دام عندج مجال شحقه تقطين عالفاضي ولاااا راح يفرق

بتروحين شهر 1 سويها شهر 11 .. شهر 10 في عطلة يعني اقل شي نطري لي عقب عيد الاضحى و سويها

ماتطول و الله حدها قطعععت روحها اسبوع .. احنا قالتلنا الموظفة حق الفي اي بي 700 دينار اي شحقه و ماكو ضمان انها تخلص بس صدقيني ماتاخذ الا 5 ايام او حدها 7
و ترا الفي اي بي بس عشان ما توقفين دور و الا انتي اذا عالنطرة ما فرقت معاج ناطرة ناطرة اهم شي المستندات كاملة و الصور حديثة و خلفية بيضا المصورين يعرفون و مايعطلونكم كلش

 

[.:lady bug :.]

لابيرلا
صاجه بس هذا حجي ريلي انا ماعرف بالهالسوالف

بس انا قلت له لاتاخرنا قال ماكو زحمه

 

[نـعـومـه]

بنات حرام عليكم وين ماكو زحمه

احنا قدمنه موعد على الفيزا بالنت وعبينا البيانات بالنت وطلبنه في اي بي موعدنا بعد أسبوعين وهذا في اي بي

واليوم يه موعدنا طابور برا وبس دشينه هم في شوي زحمه في اي بي بس الحمدالله دشينه علطول لان معبين البيانات عن طريق النت في ناس ناطره لانها ماعبت عن طريق النت

وسوينا شغلنا قال بعد 10 ايام تخلص الفيزا ! يعني هذا في اي بي نطرنا موعد أسبوعين وعقب الموعد ننطر اسبوع لي 10 ايام هذا كله في اي بي شلون لو العادي !؟

وبس طلعنه العادي طاااااابوووور طابور

مادري انا اول اروح لندن فماعرف الاجواء بس نصيحتي اللي تروح موسم تختار في اي بي انا شرحتلكم الوضع اما اللي تروح وقت ميت او مسويه الفيزا قبل السفره بشهرين ثلاث هنبه يمكن تستغنى عن العادي

والله ايسرلنا

 

[.:lady bug :.]

انا بسويها قبل العيد لان سفرتنا اخر 10
لو بكيفي جان خلصتهامن الحين

جم اتكلف الفيزا

 

[لآ بيرلآ]

نعومة

انا مسوية الفيزا الاربعا اللي قبل اللي طاف
احنا مرافقين مريض يمكن هذا الفرق
مادري بس الموظفة قالتلنا مالنا شغل بتاريخ الموعد و رحنا أجلناه و الصدمة يوم الاحد العصر جيكت طالعة م
ما قالت اسبوعين قالت 7 ايام بالكثير

انتي ما وقفتي دور لانج في اي بي هذي ميزتها .. و الا لو يفرق الفي اي بي جان ما نطرتي اسبوعين

بنات عمي مسافرين لندن الحين مسوين في اي بي و طول عمرنا نروح لندن بس هالمرة بدت الزحمة عشان الناس كلها حولت اوروبا و مسوين في اي بي بس عشان ما يوقفون بالدور و الا اهيا يقولج تاخذ 5 ايام مايستعيلون عشان في اي بي لا ماله شغل هذا كلام اللي بالسفارة .. و لي يوم سفرهم خذت 7 ايام بالضبببببط ناطرين كانوا لي اخر لحظة عشان يأجلون حجزهم

بس بالمنطق انا بسافر شهر 1 و الفيزا اوكي قطعت عمرها على قولتج اسبوعين شحقه اروح اسويها قبلها بجم شهر و انا قاعده بالديرة؟ يعني اسوي فيزا 6 شهور شهر 10 و انا بسافر شهر 1 طاف منها على وقت سفرتي جم شهر اوكي انا معاج قبل بشهر حيل مناسب

انا مو قاعده اكلمج على سنين قبل انا اكلمج عالاسبوع اللي فات طالعة فيزتي .. و تدرين شنو يعني تدفعين 700 دينار على شغلة ما فرقت معاج بشي ؟ خصوصا ان الناس كلها هابين بسالفة الفي اي بي احنا حتى دور ماطولنا اللي دشوا معانا استلموا فيزهم معانا لا مرضى و لا شي و اللي في اي بي جدامنا تهاوشوا و عصبوا ليش ان مسولفين مع ريلي و عمي و يعرفون بعض و يدرون ان احنا كلنا يايين بتفس اليوم معاهم و غرفة الفي اي بي خنقققققققققة من الزحمة و رايحين مبجر قبل لا تبطل السفارة و زحمة و واقفين دور بس مسألة ان الفي اي بي تفرق اذا انتي مو مستعيلة لا و الله ما تفرق كلش اقولج محد مستعيل كثرنا ورانا موعد و مريضنا الله يكافيج الشر فيه سرطان بس قالتله اشكككككككرة الموظفة ماكو ضمان انها تطلع و الحين زحمة تاخذ اكثر من الوقت المعتاد قالها لا يبا عيل اكنسل موعدي و انطر فيزتكم لمن تطلع احجز

و الناس واعليا مشتطييييييين و واقفين دووور و الحالة حالة يعني المسألة مسألة توقيت اللي بينطر حده حده عشان يطلع الفيزا و يكون موسم لا يعتمد ان الفيزا بتطلع بوقت طبيعي بس مو قبلها بشهووور عاد حرام ما يسوى

 

[لآ بيرلآ]

لايدي

الا سويها من الحين ما فرقت معاج زحمة بزحمة و لمن يقرب العيد الللللله يالزحمة اللي بتشوفينها طق مطاقق

و الله روحي مبجر احنا و الله 8 و نص واصلين وقفنا دور و الموظفين توهم ما يو

مااذكر بالضبط التوتال اشوفلج الموقع دقايق

 

[لآ بيرلآ]

6 شهور ( دخول متعدد او مرة وحدة ) = 37 دينار

سنتين = 128

5 سنين = 235

10 سنين = 339

انتي قدمي على موعد من الحين مو شرط تحطينه قريب حيل بس ضمني موعد لان شوفة عينج الناس توهقت بالمواعيد نفسها مو محصلين

و بزيد شغلة انا ريلي مو مرافق و مقدم على 5 سنين و طلعت معانا بنفس اليوم
دام المستندات كاملة ماتطول انا قاعده اتكلم على الفيزا متى تطلع مو الموعد اللي يعطونكم عشان تقدمون المستندات عشان اكون واضحة بس

 

[نـعـومـه]

مادري عن وضعكم بس انا شرحتلج اللي صارلي

قدمنا موعد على الفيزا بالنت وجاوبنا على الاسئله وردو قالو الموعد 1-9 ورحنا امس بصمنا وجذي قالو بعد أسبوع 10 ايام تخلص

احنا اخترنا في اي بي لان اول مره خفنا وبروح بالعيد

في اي بي ولا عادي الله ايسرلنا سفره حلوه وموفقه

والله يشافي مريضكم

 

[نـعـومـه]

في اي بي 700 ؟؟!

احنا شخصين 116