تجمع مسافرات لندن (2013)

[الدلال]

السلام عليكم​

​

بما ان 2013 مابقى عليها غير ايام معدودة , حبيت افتح هالموضوع علشان العضوات اللي

مفكرين يسافرون لبلاد الضباب سنة 2013 يتجمعون فيه ويتبادلون كل ماله علاقة بلندن

و ان شاءلله نستفيد من هالتجمع مثل ما استفدنا من كل التجمعات السابقه :eh_s(7):

 

[الدلال]

راح ابتدي بنفسي

مفكرة اسافر لندن بعطلة الربيع اذا الله اراد

ومفكره احجز على الخطوط القطرية , جربتها وحيل اعجبتني

 

[امرأتيه وافتخر]

ماشاء الله الدلال تدرين ان اكثر موضوع اقراه في المنتدى موضوعج مال لندن


ماشاء الله اي شهر مفكره تسافرين

 

[مش حائول]

انا ان شاء الله مفكره بشهر واحد وعلى القطريه اول مره من تخاويني

 

[q8helwa]

قوة بنات شخباركم

انشالله مفكره اروح لندن علا شهر ٣ باذن الله

ودي اخذ بنتي عمرها سنه وثلاث شهور

 

[دبلومـاسيه]

الله يا لندن توني راده منها شهر 9 وما شبعت ..
ورحلتي بعد اسبوع ع الاماراتيه بس الله يستر يقولون بررد موت اول مره اروحلها بالشتويه
​

 

[الدلال]

ماشاء الله الدلال تدرين ان اكثر موضوع اقراه في المنتدى موضوعج مال لندن


ماشاء الله اي شهر مفكره تسافرين

حبيبتي اماراتيه :eh_s(22): لي الشرف انج مريتي على موضوعي :eh_s(7):

ان شالله اذا الله كتب وسهل الامور راح اسافر بشهر فبراير , بعطلة الربيع

 

[الدلال]

انا ان شاء الله مفكره بشهر واحد وعلى القطريه اول مره من تخاويني

الله يسهل امورج يارب

خوش طيران :rerrerek:

 

[الدلال]

قوة بنات شخباركم

انشالله مفكره اروح لندن علا شهر ٣ باذن الله

ودي اخذ بنتي عمرها سنه وثلاث شهور

الله يسهل امورج يارب

انا مره اخذت ولدي واهو بهالعمر بس بدع فيني

 

[الدلال]

الله يا لندن توني راده منها شهر 9 وما شبعت ..

ورحلتي بعد اسبوع ع الاماراتيه بس الله يستر يقولون بررد موت اول مره اروحلها بالشتويه ​

لندن ما ينشبع منهاا :eh_s(22):

كثري من الملابس الثقيله واستمتعي بالاجواء البارده

 

[الدلال]

قررتوا وين السكن؟؟ ولا للحين؟؟

انا في بالي كذا فندق بس للحين ما استقريت

 

[q8helwa]

بنات اللي خبره بلندن

جم ميزانيه السفره انا وزوجي وبنتي
مع تذاكر وسكن ومصروف
وبقعد اسبوع فقط

جم تكلفتها

 

[my mimi]

مساء الخير عالكل و شكرا على هالموضوع للاخت الدلال
والله انا مفكره بس على اول شهر سته و اول مره ابي اروح ويا اخواني اثنين واحد بو 20سنه و الثاني بو 17 سنه وطبعا انا القايد مالهم وقد ما اقدر ابي اجمع معلومات والحمدلله قدرت اجمع الا طريقة المواصلات خايفه منها ححيل القطار والباصات
انتو اشرايكم اشلون اتنقل ؟؟؟
وحاليا قاعده اسوي سيرج عن الريف الانجليزي لاني ما استغني عن الطبيعه ما ابي كله شوبينغ بس لي الحين ما كملت السيرج
اشرايكم تنصحوني اروح الريف الانجليزي ولا لا ؟؟؟

 

[my mimi]

اي صج وجم الميزانيه حق 8 ايام حق 3 اشخاص واذا انا بشتري ماركات وعادي بس حد الماركه ما تعدي ال200 طبعا الشوبينغ لي بروحي انا بدون اخواني

 

[وحدة من الناس *]

هاااااااي شخباركم

شكرا للاخت دلال عالموضوع

بالنسبة لسنة 2013 اذا الله احيانا مفكرة اروح بعد الرمضان

يعني على ثالث يوم عيد الفطر

ومن الحين متحمسه لهالسفرة

و بالنسبه للبنات اللي اسألو عن الميزانيه قولو التذكر والفندق ب500 دينار و 500 دينار اكل ومواصلات والف حق المشترا من ماركات وعطورات وميك اب وملابس هالشي بس حق اسبوع الى 10 ايام للشخص الواحد

افضل طريقه للمواصلات الباص و الاندرقراوند التكاسي ترا نار وشرار لا تفكرون فيه

 

[بخـــارى]

باذن الله ناويه اروح مع اخوي شهر2
على طيران الخليج

 

[بدوره87]

مشكوره حبيبتي موضوعج يه بوقته انا ناويه اروح شهر ٨ اول يوم العيد بس انا دائماً أحجز مجبر احس أحسن و بروح اسبوع بس و اول مره و مع خواتي ٢ و امي بس مختاره وين اسكن ابي رقم شقه أمان و زين سعرها و يم كل شي و جم يكفيني مصرف بس للعلم انا رايحه موو تسوق كبش رايحه بس أشوف

 

[toofaa79]

انا رحت لندن هالسنة تهبل مهما كان معاج فلوس راح يخلصون السوق يساعد عالمشترى وادعولي اروح هالسنة يارب الي تدعي من قلبها اتروح معاي بنفس الشهر

 

[كاكاووو]

السلام عليكم ..التجمع يييه بوقته
انا وزوجي ناوين ان شاءالله نروح وهذي اول زياره لنا بإذن الله .. بس ليلحين موعارفه اسوي اي شي

 

[Al3nood82]

مرحبا صبايا لندن

تسلمين يالدلال على طرح الفكره


انا ناويه ان شاء الله على فبراير مع اخوي وولده

وناويه على الخطوط السعوديه بحكم اني من الرياض مع اني ودي اجرب البريطانيه ؟ شرايكم بخطوطهم يابنات


والسكن خاطري بشقه طبعا لمدة اسبوع من 8 فبراير