&& تجمع مسافرات لندن 2012 &&& هيا ونااااسه

[حنان العيون]

الألعاب الأولمبية الصيفية 2012، تعرف رسميا ألعاب الأولمبياد XXX، من المقرر أن تقام في لندن، إنجلترا، المملكة المتحدة، من 27 يوليو إلى 12 أغسطس 2012.[1] وسوف تصبح لندن المدينة الأولى التي تستضيف الألعاب الأولمبية الحديثة ثلاث مرات،[2] بعد اتستضافتها لها مسبقا في 1908 وفي 1948.[3][4]

 

[كويتيه cool]

الفيزا العاديه بعد 5 ايام

بس ألفي اي بي ممكن بنفس اليوم او بعد يومين

 

[حنان العيون]

بنات ضايق خلقي

قاعدة اقرا عن اخر منتجات كاكاو لندن النازله

و لا يطلعلي موضوع عن كاكاو كادبوري و ان كل منتجاته تحتوي على

الرمز اي442 و ان هذا الرمز من الممكن ان ياخذ من مصدر حيواني فيكون حرام

بس شلون ياخذونه من مصدر حيواني و مكتوب على منتجهم ان للنباتيين

تعقدت احد يشرحلي شالسالفه

 

[كويتيه cool]

حطي لنا الرابط حنان العيون

 

[حنان العيون]

دورته عن الموقع ما لقيته

 

[فنيسيااا]

بنات اهنيييكم على لندن الحلوه
ان شاء الله لي زياره لها قريبا
بس هالسنه الاسعار نار اشلون على الحجوزات
انا حصلت شقق ب1000 دينار للاسبوع وااي دبل
العام اخذنا شقه لعائله وغرفتين مطبخ وحمام بالاوكسفورد اسبوعها ب450
اي سؤال عن لندن انا حاضره بخبرتي المتواضعه

 

[فنيسيااا]

قووووووه بنات شلونكم

بغيت اسألكم عن شي ياريت تفيدوني

سوق لندن ينفع اجسي منه ملابس الصيف حق طلعات والعزايم ؟؟ يعني بدال لا اشتري من الكويت ملابس للطلعه سوالف نفانيف مع تنونز وبنطلون وجذي اشتري من لندن ملابس للطلعات والزوارات وجواتي وبنفس الوقت يكون شكلها غريب

حق متحجبه

والاسعار نفس الكويت ولا اغلى حق هالسوالف ؟؟

فهمتو قصدي ؟؟

ياريت تفيدوني بهالشي

اي تقدرين اسعارهم نفس الكويت ولا ساعات ارخص العام اخذت جاكيت من نكست لندن
من باب الفضول رحت لنكست اللي عندنا بالديره ما لقيت نفسه بس في واحد مشابه له تخيلي دبل سعر نكست لندن
بجايم اعيالي نفس سعر الكويت بس ارخص ب دينارين او ثلاثه
اخذت تونزات وجاكيتات منهم وتكرمين بوتات مطريه ما تحصلينها بالكويت
وموفقه:eh_s(7):

 

[JBRNI AL-W8T]

بناات سوولفووو منو اللي سفرتهاا قربت !!! انا طيارتي 26 هالشهر للحين ماجهزت شي

انا بعد 26
بس بغيت اعرف شلون الجو هناك؟؟
اييب ملابس شتويه او صيفيه؟؟

 

[q8helwa]

مارديتوا علي منو بتسافر واهي حامل


ردوا بنات عطوني تشجيييع

 

[كويتيه cool]

بنت عمتي تقول لي ييبي شتوي معاج

انا ما افضل اسكن بشقه بالسفر لان اشلون تحسين نفسج مسافرة

مافي احد كويت حلوة بس ليش السؤال؟

 

[فوشية]

انا شهر 8 بسافر لها بس مو متحمسه مادرى ليش

 

[حنان العيون]

امبييييه
الطبطبائي
شفيه
حتى لندن بيحط دوبه بدوبها
و مو بس غلط على علمنا
هم غلط على ملكة بريطانيا
هذا حده بايعها

 

[q8helwa]

بنت عمتي تقول لي ييبي شتوي معاج

انا ما افضل اسكن بشقه بالسفر لان اشلون تحسين نفسج مسافرة

مافي احد كويت حلوة بس ليش السؤال؟

انا حامل وبسافر

 

[q8helwa]

بنات تهقون قبل الالمبياد الاسعار تصير
نار غاليه


والا بوقته

لان سفرتي اول شهر ٧

 

[نـعـومـه]

اي تقدرين اسعارهم نفس الكويت ولا ساعات ارخص العام اخذت جاكيت من نكست لندن
من باب الفضول رحت لنكست اللي عندنا بالديره ما لقيت نفسه بس في واحد مشابه له تخيلي دبل سعر نكست لندن
بجايم اعيالي نفس سعر الكويت بس ارخص ب دينارين او ثلاثه
اخذت تونزات وجاكيتات منهم وتكرمين بوتات مطريه ما تحصلينها بالكويت
وموفقه:eh_s(7):

مشكوووووووه عالرد

بس بغيت اسألج لما قلتي الشقه اول بالاسبوع 450 والحين 1000 طبعا السعر زاد بشكل خيالي ! عشان الاولمبيات ولا لايكون علطول اسعارهم بتصير جذي !

 

[اسرار70]

حنان العيون ليش شقايل الطبطبائي

 

[حنان العيون]

بتويتر طابين فيه
قايل
ان هالخرجة مو لازم ترتفع بلندن بالاولمبياد
الخرجة قصده علم الكويت

و طاب بملكة بريطانيا مطنز عليها بس ما ادري بالضبط شنو كانت التطنيزه
لان بتويتر كاتبين السياح الكويتيين للندن هالسنه راحوا فيها بسبب الطبطبائي

و ناس كاتبيله نعتذر لشهداء الكويت ان بذلوا دمائهم لخرجة على قولة الطبطبائي
دشي تويتر و اقري

 

[حنان العيون]

هذي بعض التغريدات

@KW_SALEM: طبطبائي مايعرف انه مكان علم كويت بجسد كل كويتي وبقلب كل محب لكويت ومستعد كل واحدفينا يضحي بعمره وعياله وامواله في سبيل بقاء علم الكويت عالي

@hussainz1971: يا سيد طبطبائي الخرجه اللي تقول عنها شهداء ضحوا بدمائهم عشانها.. الامير كل سنة يقبل الخرجه ايذاناً برفع العلم. الخرجه هذي علم الكويت يا هذا.

@AkhbarAlkuwait: الخبر/الطبطبائي: المحبة الكبيرة التي حازتها ملكة بريطانيا ما كان لتكون لولا انها تملك ولاتحكم، وتركت إدارة تفاصيل حياة الناس لهم بدون تدخل

@AkhbarAlkuwait: الخبر/الطبطبائي: المحبة الكبيرة التي حازتها ملكة بريطانيا ما كان لتكون لولا انها تملك ولاتحكم، وتركت إدارة تفاصيل حياة الناس لهم بدون تدخل

@Altabtabie: الطبطبائي : المحبة الكبيرة التي حازتها ملكة بريطانيا ماكان لتكون لولا أنها تملك ولا تحكم وتركت ادارة تفاصيل حياة الناس لهم بدون تدخل
#الحكومة-الشعبية

 

[اسرار70]

الله يحفظ الكويت امين

 

[كويتيه cool]

وااااااي ليش دايما تحطون تعليقات تضيق الخلق يبا حطو لنا تعليقات مفيده حق السفرة