&& تجمع مسافرات لندن 2012 &&& هيا ونااااسه

[كويتيه cool]

ليش بالقطار ابعد من التاكسي!؟

 

[مشاوي]

قووه بنات. بغيت محل سيفورا موجوود بلندن؟؟ ابي باليت ناكيد !! اذا اي ووين مكانه بليز

 

[حنان العيون]

لان بالقطار راح يوديج لمحطة ليفربول و من ليفربول تاخذين باص يوديج للاوت لت
بينما بالتاكسي مباشره بوديج للاوت لت

 

[jen2n]

بالنسبه للأوت لت اللي قلتو عنه بمانشستر
مجرب؟
وشنو الماركات اللي فيه ؟

 

[حنان العيون]

هذا موقعه شوفي الماركات اللي فيه
http://m.cheshireoaksdesigneroutlet.com/

 

[كويتيه cool]

حلووووو مقارب حق بيكستر فيلج

بس بيكستر فيلج الماركات اللي فيه معروفه عندنا

بس كتغيير حلو

 

[katalee]

بنات انا ولامرة رحت لندن
تكفون , دلوني الاماكن الطبيعية اموت,على هالسوالف
ابي الاماكن تستاهل ازروها

,شنو الاكسفورد والاجورد ترا ماعرف شي
والاماكن التاريخية وطريقة الباصات والقطار , ووين افضل الشقق بسعر مناسب وشنو التحذيرات اللي ,نحترس منها

 

[jen2n]

اماكن طبيعيه بلندن مافي غير هايد بارك. وريجينت بارك
اما اماكن سياحيه في اي لندن. متحف الشمع دنجوان بيغ باص رحلات نهريه عالتايمز متحف صدق او لا تصدق ووايد اشيا
اما اكسفورد فهو شارع المحلات والتسوق
واجوردرود شارع مطاعم عربيه

وطبعا الشارعين قراب من بعض بعدد خطوات

وجبالهم تكون الهايد بارك

بصراحه ما اعرف بالشقق لان اولا مو مضمونه وثانيا لازم تشوفينها بنفسج غير جدي ما راح تحسين نفسج مسافرة اذا كنتي قاعده بشقه

 

[اصايل]

بنات شرايكم بالويست فيلد اليديد الكبير
ياليت اللي رايحتله او تعرف احد راحله تفيدنا

 

[حنان العيون]

بنات انا ولامرة رحت لندن
تكفون , دلوني الاماكن الطبيعية اموت,على هالسوالف
ابي الاماكن تستاهل ازروها

,شنو الاكسفورد والاجورد ترا ماعرف شي
والاماكن التاريخية وطريقة الباصات والقطار , ووين افضل الشقق بسعر مناسب وشنو التحذيرات اللي ,نحترس منها

هذا جدول يساعدج شوي

اليوم الاول
صباحا : مدام توسو ( متحف الشمع ) + حديقة الحيوان تابعه لحديقه ريجنت ( جميله جدا )

عصرا مجمع الويست فيلد يغلق 10 ليلا

اليوم الثاني :
صباحا : البيج بين ( برج الساعه ) + اكواريوم لندن + لندن اي
عصرا : شارع الاكسفورد للتسوق اشهر محلاته ( بريمارك + سيلفدرج + ديزني + بي اج اس )

اليوم الثالث :
بيكاديلي ستريت شارع فيه محلات و مطاعم
اشهر ما فيه متحف صدق او لا تصدق و محل ام اند امز
بعدين طلعي منه لشارع الاكسفورد

اليوم الرابع
صباحا قصر باكينجهام ( قصر الملكة ) المميز فيه تبديل الحرس بطقوس خاصه يبدا الساعه 10
ثم التوجه لهارودز محل يحتوي على ماركات مختلفه و حلويات و الخ
ثم التوجه الي متحف العلوم فيه سينما اي ماكس و العاب علميه و الخ

اليوم الخامس
التوجه الى بيكستر فيلج بالقطار تقريبا ساعه طريج
فيها اوت لت لبيع الماركات باسعار منخفضة

اليوم السادس
التوجه الى التون تاور مدينة العال كبيره جدا
بالقطار تقريبا ساعتين

و اذا تبين اتضيفين شي
ليلتين في الريف الانجليزي
3 ساعات بالقطار من لندن الى ويندرمير

 

[كويتيه cool]

بنات اذا شارع اكسفورد زحمه ترا في شارع اسمه كينقستون نفس المحلات موجوده اهناك

فلا تحاتون ان بيصير زحمه وبتخلص الاشياء وما قدرنا نشتري شي

 

[اسرار70]

امس الجو حلو مطر حفيف
بس السوق صارلي يومين افتر ابي اشتري شي حلو حق الكويت
ما عجبني كلش
شرايكم الي بلندن اللحين بالسوق
اذا في محل بدلاته حلوه قولولي بليييز

 

[نجد دياري]

بنات منو اللي سافرت لندن باطفال صغار؟
ابي اسأل ممكن الاقي عندهم البامبرز؟
اكيد بيكون موجود منتجات اطفال بس اللي جربها يقولي زينه والا؟
اباخذ معاي ان شاء الله الحليب لان صعبه اغيره على بنتي فجأه بس البامبرز وباقي لسوالف ماودي اشيلها معاي زيادة عفش

 

[ام ريان3]

اي والله فيدونا

 

[كريستال]

نجد

حبيبتي بتلقين البامبرز واكل للاطفال في صيدلية بوتس

وايد انواع عندهم بس انتبهي مايكون فيها لحم خنزير

 

[jen2n]

عادي حتى العام كانت اول ٥ ايام البضاعه كلش رحت مانشستر ورديت والا البضاعه متغيرة ١٨٠ درجه
حتي تحسفت أني صرفت فلوسي بمانشستر

 

[نجد دياري]

حبيبتي كرستال ماقصرتي والله انا ماراح استخدم اكلهم انا اقصد المناديل المرطبه وهالسوالف
يعني عندهم حفائظ الاطفال نوعية بامبرز نفس اللي نستخدمه هنا

 

[katalee]

حنان العيون يمال جمة مشكورة,

 

[مشاوي]

قووه بنات طبعا اذيتكم اساله لان سفرتي قربت . ابي اسال وين احصل جنطه فورلا الكاندي ووينهم اي صووب

 

[al_3needa]

مشاوي ولا عليج امر

حطي لنا صور اذا ممكن للجنطه