&& تجمع مسافرات لندن 2012 &&& هيا ونااااسه

[فوفه 82]

بسم الله الرحمن الرحيم والحمد لله رب العالمين
خواتي حبيباتي بمنتدي كويتيات ماادري شقول اشكثر انتوا ماجورين علي كثر مااستفدت منكم وتعلمت معلومات وابتعدت عن الشين وعرفت الزين بفضل الله ثم انتم نبي ندردش بهالموضوع ونفيد ونستفيد من بعض لين نسكر جناطنا ونطير علي مطار الكويت بوابة لندن قولوا يارب علي خير :eh_s(7):

طبعا ماحد يدري اشكثر انا ولهاااانه علي الصيف وموسمه
لان هالصيف خاص لان زوجي اقتنع يسافر لندن فا ابي همتكم بنات خاصة اهل لندن
1-اهم الماركات المحصوره بس في لندن ومو موجوده بالكويت
2-فندق وسط السوق يغنيني عن التكاسي
3-افضل مده للقضاء في لندن
4-شنو الممنوعات في لندن اقصد اثناء التعامل معاهم
5-هل اهم نفس طريقة محلات دبي يعطوني سعر المنتج بالكويتي اذا طلبت
6-الفندق فيه استشوار شحن الاي فون يشتغل عادي بالفندق
7-اشسالفة التاكس فري؟

هذي اتوقع اهم اسئله تخص الناس اللي اول مره تسافر لندن
والحين همتكم بنات ديرتي

 

[افتخر بعزتي]

اقدر اجاوبج ع كل هالاشياء بس عطيني مهله

لاني حددددددددددددددددددي نعسانه

بس ابشري حبيبتي كل هالمعلومات عندي

 

[Samurai]

عاد الصيف هذا راح تكون لندن زحمه وغاااااليه واحتمال أغلب الفنادق فل .. بسبب الاولمبياد

 

[دلوعة أبوهآ]

انا كنت مسافره في الصيف تحديداً في جون
بس آجلنا السفره ل اوقست

دآيم لندن زحمه غير طبيعيه في الصيف
والحين بالذات بتزيد عشان الاولمبيآد ..


فَ الله يعينكم ع الزحمه ويصبرنآ لوقت السفر

 

[الدلال]

اذا الله كتب ناويه على لندن شهر 6 , للحين مو اكيد تقريبا 70% لندن

 

[فوفه 82]

افتخر بعزتي وينج ناطرين معلوماتج
Sam انا احب الزحمه واذا سافرت ديره ولقيت مافي عجأه علي قولة اللبنانيات هههه مااستانس
دلوعة ابوها ان شاء الله تكون لندن مميزه هالسنه
الدلال عاااااد انتي خبرة بلندن نبي همتج ومعلوماااااات
يلا بنات نبي مواقف سوالف تونس ☺

 

[t_a_x]

ننتظر الردود علشان نستفيد...

 

[t_a_x]

حبيباتي بغيت اعرف وش تاخذون من لندن للبشره؟؟ يعني وش المنتجات اللي ماتنفوووووووووت


عذرا من صاحبة الموضوع.. ان شاء الله يفيدج سوالي

 

[اصايل]

ماشاء الله خوش تجمع ان شاء الله نفيد فيه ونسيتفيد
الله يعطيك العافيه فوفا
بالنسبة للفنادق كمبرلاند وثيستل ماربل ارتش وهيلتون ميتروبول هذولي فنادق موقعهم حلو عند السوق والهايد بارك
والمده أنا بالنسبة لي ١٠ ايام كافي داخل لندن اما اذا بتطلعين مناطق بره يبيلج وقت اكثر
وديري بالج من البوق عندهم منتشر هالايام وخصوصا بالباصات أحنا صارلنا موقف أنا وريلي
والتاكس فري يردونه لج بالمطار وانتي راده
وعملتهم سهله مايبلها حسبه الباوند تقريبا نص دينار يعني ان قالج ١٠٠باوند يطلع ٥٠ دينار وانتي رايحه
والباجي ان شاء الله يفيدونا فيه البنات
*

 

[فوفه 82]

بعد قلبي اصاااااايل صج مشكوره خاصة علي سالفة العمله طلعت السالفه النص بالنص هينه
وانا لاحظت من قرائتي لتجمعات السابقه ان افضل فندق يحبونه الكويتين اهوا ثيستل ماربل
ماادري ليش
شكلي بحجز فيه
بعيد عن هارودز؟ عادي اروح له مشي ،،،،

 

[الدلال]

بالنسبه لي اذا راح اقعد بلندن بس اشوف 10 ايام كافي
اذا كان في بالج رحلات برا لندن طولي اكثر من 10 ايام

السكن احب منطقة مارليبون , تكون بالوسط يمج كل شي, الاكسفورد ,الهايدبارك ,الاجوردروود
منطقه نظيفه وفنادقها حلووه وشوفي الفنادق اللي سكنتهم بلندن بموضوعي مال الفنادق

 

[الدلال]

بعد قلبي اصاااااايل صج مشكوره خاصة علي سالفة العمله طلعت السالفه النص بالنص هينه
وانا لاحظت من قرائتي لتجمعات السابقه ان افضل فندق يحبونه الكويتين اهوا ثيستل ماربل
ماادري ليش
شكلي بحجز فيه
بعيد عن هارودز؟ عادي اروح له مشي ،،،،

الهارودز موجود بالنايتسبريدج
تقدرين بالباص او الاندرجراوند
بس ترى مو اللي بعيد وايد

 

[فنيسيااا]

hello london
مشتاقين متعنين
يارب اروح لها بالسلامه يااارب
يا رب

 

[رووح ابووها]

بنات شلون الجوو اخر شهر ٤ ؟!

 

[الظروف وحشه]

ان شاء الله سفرتنا راح تكون بداية جون وننقعد 25 يوم بس مو كلها بلندن ننطلع برا لندن وذي ثاني مره اروح لها وبالنسبه للشوبنق ماحبه بالسفر الرياض تكفي وتوفي لو رحت ودي بالسلفردج ابي لي ميك اب وعطور

 

[ام مضاوي]

انا ببريطانيا وكل فتره انزل لندن اذا فضينا ووقت اللاجازات واحيانا الويك اند كله نقضيه فيها
البنات ماقصرو
بالنسبه لسؤالج عن العمله الكويتيه
بهارودز و السيلفردج و هارفي نيكلس اذا تبين قوليلهم بعرف السعر بالدينار الكويتي عادي

 

[عمرى غير]

ماشاءالله ام مضاوي كل فتره تنزلين لندن الله يهنيك اتمني اعيش في لندن فتره احب القصور وودي اشوف القصور وياليت اذا عندك افكار انا بقضي ان شاءالله 10ايام فيها يمكن اطلع بره بس مواكيد ابي الصبح يصير سياحه والعصر سوق كذي يصير اونس وتصير الروحه تسوي شرايكم

 

[الدلال]

ماعدكم فكره جم وصلت قيمة التذكره حق شهر 6؟

 

[MissChoco]

السلام عليكم


لندن تينن وعموما كل الماركات موجوده عندنا بس عندج فولي فولي مو موجوده عندنا وجواتي dune وانتي بكرامه وتومز وهالسوالف وبرادا وميو ميو

عندج اكسفورد يغنيج عن كل شي اهوا يعتبر السنتر في كل المحلاات وكل الماركات
وعندج مجمع ويست فيلد هذا نفس محلات اكسفورد مصغر ومرتب
عندج شبربوش نفس طريقة السوقه الشعبيه
عندج بعد الهارودز غني عن التعريف
عندج اوت ليت بستر فيلج تروحينله بقطار


القهاوي بجيمس ستريت تينن ,,
وبعد البكديلي بليل تروحيله بس انا ماحبه لانه ازعاج ومن كل اشكال والوان تشوفين وانا ماحب جذي وبس اروح المطاعم الي فيه


بعد عندج سوق الاحد


الفنادق واااايد عندج ان جان تبين بالاكسفورد او منطقة ماي فير او اجوررود او كنزوي وفيها فنادق حلوه

المهم لندن تينن وتونس ولو تقعدين سنه ماتشبعين منها



وعلى فكره الباوند نازل 100 باوند=42 دينار وايد نازل

 

[كويتية و لكن]

اي اي انا معاكي بكل ما تقولين لندن حلوة بس ماهو بطول السنه حلوة بالشتا لكن بالصيف حر وازعاج ومشكل وبوق