تجمع مسافرات لندن في صيف 2010

[راعية الخير]

مساء الخير بنات حبيت اخذ رايكم اى طيران احسن حق لندن البرتش او الكويتيه ؟ ومشكورين مقدما

 

[ربوع الحلوة]

راعية الخير أكيييييييييييد البرتش طبعا لعدة أسباب :

مواعيد البرتش أضبط وتطير بموعدها / الكويتيه تنطر اللي يتسحبون وإنت قاعده بالطياره ملطوعه

البرتش موعد وصولها لندنتوصلين العصر يمدي تروحين مكان / الكويتيه تتأخر مع التأخير طبعا

والأهم البرتش هدوووووء / الكويتيه كلها هواش

عيل ليش بيخصخصونها ؟؟؟؟؟؟؟؟؟؟؟؟؟؟؟؟

 

[راعية الخير]

مشكوره اختى ربوع الحلوة انه سألت لانى اموت خوف من الطياره واول مره اروح على البرتش يعنى اتوكل على الله احجز عليها

 

[om-3abodey]

om-3abodey ووووينج حبيبتي شنوعالغيبه ماطلين علينا ولهنا علي أسئلتج اللي ماتخلص (( نسيتي ))

زين سويتي إخذي بنوتج معاج راح ترتاحين أكثر وحطيها بعربانه وديرررري بالج شهر 10 برررررد وديلها ملابس وكوت حق الليل

وإنت بعد لاتمرضين نفس المره اللي طافت

اهلين حبيبتي انتي شلونج انا موجودة بس لهيت بعلاج الحمال والتتفخ الي صار فيني تخيلي وصل وزني 90 احس بنفجر
وماالله كتب لي الحمال
وعلى اسالتي امبيه والله حدي مستحيه هههههههههه منكم وما قصرتوا وبنتي بعد اخس مني استغفر الله بسرعه تمرض المرة الي طافت ما اكلت الا يوم فرايديز ويوم ماكدونالدز قزرتها موز وروب :lkmnkl: بسبت بطني متحسفه اني مارحت مطاعم هههههههههه
وحدة تصير لي تقولي في مطعم باخر الادجوررود تقول اكلاته حلوه ورخيص لبناني

 

[نور البدر]

بسألكم جم الميزانية حق لندن
اللي بيروحون شهر9

 

[نور البدر]

شدعوة لندنيات وينكم

 

[mr000]

السلام اشلونكم لندنيات شخباركم..ربوع في وحده هني قلتلي هالماركه شايفتها بسيلفريجز..وبنتي أكيد بتخمهم..مس بريتش والله مومتأكده عدل بس جنه الشاور اللي بغرفتي العام ثابت ماينشال..بس مو متأكده..أم عبودي اشلونج شخبارج الله يرزقج ان شاءالله بالذريه الصالحه وماتدرين يمكن خيره علشان تروحين لندن مره ثانيه قبل لايصير عندج بيبي وتنحبسين..أو يطيح عليج جو لندن هالمره وتردين ان شاءالله حامل بلندني صغير..أم العيال وجوجوا اشلون رحلة كانت رحلة برايتون اليوم عسى استانستوا واستانسوا العيال..بالنسبه حق الطياره البريتش دايما تطير 8 وربع الصبح وتوصل الساعه 1 الظهر مو العصر..العام الطياره الكويتيه ويييع وييييييييع من كل ناحيه..مع ان ماكان فيه زحمه ولاتأخير بس مو مريحه وكلشي خربان ولاتلفزيون يشتغل طقت جبدي 6 ساعات مادري شسوي قريت كل المجلات..عالأقل لو تلفزيون تسليه..

 

[أم*سلمان]

 

[أم*سلمان]

منو يعرف عن هالوشن ...؟

 

[om-3abodey]

واااااااااااااااااي مروووووو حبيبتي انتي وتسلمين عالدعوة وياحلاتج يوم قلتي احمل بلندني
مرو شكلها مو بنتج الي بتخم السوق انتي بشري شنو جهزتي وسويت جدول مرو بذبحج ان ما مشيتي عليه من شهر 5 وانتي تسوين هههههههههههه

 

[mr000]

لا والله أول مره اشوفه!!! بنات اللي تروح كوفنت غاردن لاتنسون تمرون هالمحل http://www.davidandgoliathtees.com/women.html?limit=all ألحين عنده عرض تيشيرت مجانا اذا شريتي 2

 

[fona]

alla yesalimch ya rboo3a el 7elwaa mafe salfa bs ana eshawar afa`6la yekon mt7arik mo thabit adreee ma3nde salfa loooool
mr000 abe a3aref lazem abat eb manchestar or no need
ana ga3daaaa ashof report 7`6ara shakelha el man6ega wayed 7elwa

 

[أحلى^حياه]

بنات بليز في احد الحين بلندن علاج عن طريق الدفاع ؟؟؟؟

 

[q8 nono]

رد : تجمع مسافرات لندن في صيف 2010

مرحبااااااااااااا بنات

شلونكم و شلون لندن واااااااااااااااي قولوا انشاءالله يصير الحلم حقيقه و اشم هوا لندن قبل لا اموت بعد عمر طويل لووول

على فكره ترا اول مره ادش تجمعكم و انشاءالله كل سنه انظم معاكم بهالقروب

قبل لا ابدي بس بسألكم اذا عندكم فكره و لا لاء ... انشاءالله ناوية اروح لندن و فرنسا و اسبانيا ... بس في مكتب مال سفريات قالنا ان لندن فيزا ثانيه لها لانها مو من ضمن الاتحاد الاوروبي مادري هالكلام عدل و لا لاء ؟؟؟؟ يعني مثلا فرنسا و اسبانيا لهم فيزا و لندن فيزا بروح ؟!؟!


انشاءالله و اذا الله راد مخططه على لندن يا تقريبا اخر 9 او اول 10 هالوقت يعني و من خلال خبرتكم بلندن تهقون 5 ايام فيها تبرد القلب و اغطي كل معالمها ؟؟؟ عندي اسئلة وايد والله و ادري انكم ما تقصرون بس اول خلاظمن التذاكر و يصير خير !!

اي و لي يعافيكم تعرفون بالفنادق الزينه الي بلندن ؟؟ يعني ابيها تكون يم المجمعات و نظيفة و زينه و رخيصه مره وحده لوووول ..شسوي ابي اضبط السفره ابيها تصير موفقة خاصة اني المنظمة لهالرحلة و مابي اتفشل جدام ريلي ...

 

[الدلال]

صبحكم الله بالخير بناااااات

شلوون الكل علشان ما انسى احد

شخباركم ولهت حييييييييييل عليكم

سامحووني ما تواصلت معاكم لهيييت بالسوووووووووق يهبل هههههههههه والطلعات

ورحت برايتون وتالي رجعت وباجر برووح مانشستر يعني لووويه

سامحووني والله ماقطعت عنكم بكيفي

وانشالله بس ارجع بحط لكم تقرير كامل عن الاماكن والمشتريااات وبالصور بعد

 

[om l3yal]

دلول شلونج احبج عقب امس
امس رجعنا من برايتون وايد كيفوا اليهال وانا استانست اكثر منهم كل اللي سويته من وصلنا برايتون على 12 لي طلعنا على ال6 اني مجابلة البحر حد النفاهة والشراحة والوناسة

 

[om l3yal]

بنات خلاص مابقا لي شي غير اليوم وباجر وعقب باجر الجمعة باذن واحد احد راجعة
الصراحة ماودي ارجع وحتا اليهال يقولون خل نقعد زيادة بس لي متا مردنا بنرجع
اليوم ناوية اخلي الكبار في البيت لانهم يمللون لي ييت اقعدهم من النوم واخذ معاي بس الصغار يبون العاب من همليز وماني كاسرة خاطرهم وبقضي جم شغلة في ريجينت ستريت وبعدها احتمال يا اروح هارودز او ويست فيلد على حسب المزاج

 

[om l3yal]

ام عبودي شلونج وين هالغطة الطويلة ربي يرزقج الذرية السليمة المتعافية الصالحة البارة ان شاء الله ويكتب لج اللي في خير وصالح قولي امين

 

[mr000]

السلاام اشلونكم لندنيات..أم العيال عليكم بالعافيه رحلة برايتون والاستجمام..شكلج متواعده مع دلول..وبعدين اشعندج مجابله البحر طول اليوم ..قالتلي عنج جوجوا..ترى كانت قاعده تسوي تان..تقص علينا تقول استرخاء واستجمام..أم العيال قاعده أتخيل شكلج أنتي الوحيده اللي قاعده بهدوم وحجاب واللي دار مدارج كلهم مايوهات ومفاصيخ..ياالله ميخالف بتردين حق ريلج ويهج برونز..دلول إشلونج..عليج بالعافيه حبيبتي استانسي وخمي السوق قبل لا بعض الناس تشطب على باجيه...

 

[mr000]

الدلال اشكثر بتقعدين في مانشستر..بليز قوليلي عنها إذا تصلح اروح لها يوم بس وإلا مايكفي..يعني أقصد سروح اليوم على القطار رايح وراد؟ أختي نونو ان شاءالله تسافرين سفره حلوه تستانسين فيها وتحققين حلمج..وسفرتج وقتها حلو يعني مو بوقت الزحمه..بالنسبه للفيزا كلامهم عدل فيزة بريطانيا بروح وفيزة دول اوربا بروح لازم تسوين الثنتين..وبالنسبه حق الفنادق عندج فندق كمبرلاند وثيستل ومارليبون وفي بعد كم فندق يقولون لج عنهم البنات بس ترى الفنادق القريبه من السوق ماتكون رخيصه..يعني مو أقل من 60 دينار الليله أو 70 إلا إذا تحصلين عروض من السفريات أو تحجزين بالأنترنت مثلا من موقع booking.com بس والله 5 أيام ماتكفي..بس انتي هالمره هدي معالمها وجابلي سوقها..ولي الله كتب لج سفره ثانيه شوفي معالمها..