تجمع مسافرات لندن في صيف 2010

[om-3abodey]

مرو مادري والله بس زوجي نرفزني مسرع ما يصدق جنه لاقي فلوسه من الشارع

انزين مرو ما تعرفين الجهاز الي قالت عن ام الاعيال

 

[mr000]

هلا والله ام عبودي ..لاوالله مااعرفه..آنا هم يبيلي ادير بالي هالمره من كثرة الوزن حرام الواحد يقط له مبلغ جذي عالوزن

 

[شمعة أبوها]

سلام عليكم بنات
ادري لجيتكم
بس عفيه ردوا علي لاني ع ساعه 10 ونص بروح لشبر بوش
ابي اعرف اي باص اهو ؟ واي احسن يوم
رفيجتي تقول خليها السبت احلى بس ما فيني صبر ؟
شنو انسب وقت ؟ وين احصل كريم لندن ؟؟
شكرا

 

[شمعة أبوها]

بلييييز ارجو الرد

 

[om l3yal]

سلام عليكم بنات
ادري لجيتكم
بس عفيه ردوا علي لاني ع ساعه 10 ونص بروح لشبر بوش
ابي اعرف اي باص اهو ؟ واي احسن يوم
رفيجتي تقول خليها السبت احلى بس ما فيني صبر ؟
شنو انسب وقت ؟ وين احصل كريم لندن ؟؟
شكرا

حبيبتي روحي اي وقت ما يفرق ماعدا يوم الاحد يسكر
الباص روحي يم بريمارك اللي باكسفورد رقم 94

 

[om l3yal]

مرو مادري والله بس زوجي نرفزني مسرع ما يصدق جنه لاقي فلوسه من الشارع

انزين مرو ما تعرفين الجهاز الي قالت عن ام الاعيال

هلا ام عبودي بالعكس احنا نبيج تلهين وتستانسين
حبيبتي اصغر من جف ايدج ميزان تعلقين فيه الجنطة وريلج يشيله انا كل سنة اروح لازم تكون جناطي مضبوطة حتا المطار يستغربون مني واتعمد اخلي اكبر جنطة اخر وحدة علشان يطوفونها
وترا سعره ما يتعدا 10 باون اهو اقل بس ماذكر

 

[mr000]

أم العيال آنا ريلي ماراح يسافر معاي اشلون من يوزن لي الجنطه..ماكو إلا أنادي أحد من اللي يشتغلون بالفندق..العام ثاني يوم اللي وصلت فيه لندن حطيت اللابتوب داخل جنطه الملابس الكبيره وقفلتها وآنا طالعه الصبح رديت بالليل بفتحها ماتنفتح,,حاولت فيها ماكو فايده..ناديتهم كسروا الجنطه حسافه عاد يديده ورديت شريت غيرها..

 

[om l3yal]

هلا والله بالغالية
شوفي اذا فيج شدة تشيلينها شيليها واذا مافيج شدة ماكو الا تنادين احد

 

[ملح مكتت]

بنااات انتوا مو خايفين من الايسلند فولكينو الغيمه السوده..؟

 

[حضاره]

صباح الخير لندنيات 00اشلونكم

مرووو شخبارج ياعسل

ام العيال00وينج يااشطه ؛)

ترى للحين مومتريقه00عشان جذيه نكاتكم على الصبح عسل واشطه ههههههههه

 

[حضاره]

بنااات انتوا مو خايفين من الايسلند فولكينو الغيمه السوده..؟

والله ياملح انا خايفه 00يعني دافعين فلوس التذاكر وبندفع هاليومين فلوس الفنادق!!

بس عزائي ان اذا صار شي فهو مكتوب ومقسوم من رب العالمين وان اكيييييييييييييييييييد خيره وماكو شي صدفه!!

نسأل الله حبيبي ايسر امورنا ولاينكد علينا يارب ونروح مستانسين ونرد مستانسين ان شاءالله

 

[mr000]

هلا والله حضاره..اشلونج شخبارج..والله آنا أكثر وحده خايفه من سالفة هالبركان لايخرب سفرتي لأن بشهر 9 وايد بعيد مايندرى شيصير..والله لو ماآنا حجز الفندق مايتغير جان رحت بشهر 6 أو ماتخلص بنتي الجامعه..مادري شاللي خلاني فكرت بشهر 9..يالله الله كريم كلشي على قسمة الله

 

[حضاره]

مرووو 00ياقلبي ترى الانسان مسير مومخير واللي فيه خيره يجيبه رب العالمين والحمدلله على كل حال00

شخبارج مع هالجو 00ياااااالله من فضلك 00شنو جدولج هالويك اند؟

ام العيال وينها 00وعز وينها

 

[mr000]

والله حضاره ماكو خطط يديده هالويك أند حاله حال غيره..باجر الغدا بالأفنيوز..وعقبه بنكبيريييييييي..والسبت أشوف العاده أودي بنت ولدي هم تلعب بالأفنيوز أو المارينا..الجو موشي استغفرالله..حضاره جيكي أيميلاتج أكو مكان يديد نفس بنكبيري بس مادري وين مكانه..أي والله مادري شخبار عز ان شاءالله بنيتها أحسن ..وسارونه من زمان ماطلت علينا..ربوع ألحين في دبي وبسمه في فرنسا..الله يردهم بالسلامه..أم عبودي وينج اليوم ..شخبارج.

 

[حضاره]

هلا مرووو00صاجه مع هالجو اشعندنا غير الاسواق والمجمعات!!

الله يرد بسمه وربوع بالسلامه ان شاءالله00كاني بروح اشيك على ايميلاتي عالسريع000000

 

[om l3yal]

هلا فيكم انا كاني وانتي صاجة حضارة اليوع ترا كافر اذا يعتي راح تشوفين كلشي أكل
مرووو عندي لج اقتراح دقي على الفندق شوفي في مجال تغيرين التاؤيخ اذا في شوفي الطيران ويمكن ياخذون على كل تذكرة 40باوند اعتقد جربي
انا الحين باخذ عيالي بنروح نتغدا بمطعم ايراني رفيجاتي مادحينا حقي اسمه شيرين بانو يم اشارة دسمان وبعدها بوديهم سينما خلاص اخر ويكند نطلع خل يحللون علشان نبدي الجد
وباجر عندنا مدرس الصبح عقبها بروح الافينيوز نتغدا هناك واقضي اغراض الجمعية من كارفور
والسبت عرس ولد اخوي وخلاص عقبها الطلعة تكون تاريخ 29/6 سجن اجباري

 

[om l3yal]

مرووو حضارة تعالوا السالفة صار فيها ايميلات وانا يا غافلين لكم الله هوب هوب هوب انا اغار

 

[mr000]

أم العيال ألف مبروك عرس ولد أخوج الله يهنيهم ويتمم عليهم.:lolo:.عيل أم العيال نشوفج باجر بالأفنيوز..حرررره بس آنا أعرفها لما أشوفها..أنتوا ماتعرفونها.:lololoe:.شوفي إحنا العاده الحلو في بنكبيري والقهوه في كاريبو كوفي..بس كارفور لأ ماأحبه بالويك أند زحمه كله هنود وفلبن وغيرهم وريحتهم :rgewrg:...أم العيال آنا حجزي مال الفندق مايتغير ..نسيتي سالفتي بأول التجمع مو الملقوفه مروو قامت وحجزت بالأنترنت وهي عليميه غشيمه وعطيتهم رقم بطاقتي الفيزا واحجزوا عالمبلغ وطلع تالي نوع الحجز اللي آنا اخترته مايتغير..وماقصرت سارونه قالت حق اللي تعرفه بلندن يساعدني بس ريلي مارضى..قال خبز اللي خبزتيه يالحلوه أكليه...هو طبعا ماقال يالحلوه..بس آنا أقص على روحي:050103nbh_prv:

 

[حضاره]

ام العيال 00زين تسوين والله 00طلعيهم وونسيهم قبل الامتحانات وحكرتها ويارب الله يوفقهم وتفرحين بنجاحهم

ان شاءالله

مرووو حضارة تعالوا السالفة صار فيها ايميلات وانا يا غافلين لكم الله هوب هوب هوب انا اغار

اي عيوني اش عبالج 00ناس اتشاوف وناس اتراسل ايميلات00خو مايصير الاثنين خخخخخخخخخخخخخ

 

[حضاره]

صج ام العيال مبروك عرسكم وموفقين ان شاءالله