تجمع مسافرات صيف 2011 إلى بلاد الاستجمام والشوبنغ..لندن الساحره

[tahoona]

حبايبي بنات الله يعافيكم سؤال ..... صج زادوا سعر فيزة لندن ؟؟ وإذا صج جم صارت ؟؟ والبرتش صج الوجبة بفلوس والمقاعد مو مضمونه عادي يطشرونا ..آنا معاي يهال أخاف يطشرونا ؟؟؟

 

[law love]

سعر الفيزا المفروظ انه باجر يزيد سعرها على كلامهم جيكي بسايتهم

و بالنسبه للبريطانيه الاكل مو بفلووس مجاني و يعطونج كذا وجبه مو وحده

و تقدرين بالنت تحددين الوحبات الي تحبينها لحوم ، دياي ، بحري ، اطفال و حتى فواكه

و الاماكن لا عند الكاونتر حرصي عليه نبي يم بعض و اذا يهال اكيد ما راح يطشرونكم

و تبين الصج البريطانيه من افضل الشركات خاصه حق لندن

رحله سعييده ؛)

 

[miss foOoshya]

ترانزيت حق لندن !!!

ليييييش اتدورين التعب لا يبا دايركت لا تفكرييين بالترانزيت

و بالنسبه حق فرنسا تقدرين تروحين بقطار خاص حق دزني من لندن لي دزني

بس حرام اسمج رايحه قعدي جم يوم فباريس يعني طلعي من لندن ليه باريس باليورو ستار
و من باريس روحو دزني يوم كامل و ردو باريس

حرام توصلين باريس و ما تشوفينها

اها بس حبيبتي شلون احجز حق باريس وبعدين ارد لندن احس اذيتج سوري :eh_s(2):

 

[law love]

تاخذين تذكرة اليورو ستار رايح راد من لندن
يعني مثلا طرتي من الكويت ورحتي لندن قعدتي ٥ ايام اوكي اليوم السادس تسوين جيك اووت من الفندق و تاخذين الاغراض الي تكفيج حق فرنسا و الباجي تخلينهم عند الكونسيرج بالفندق

تاخذين القطار الي اسمه يورو ستار من لندن و تروحين فيه لي باريس تقعدين جم يوم و باحد الايام تروحين دزني بالقطار

ليه خلصتي من باريس ترجعين لندن باليورو ستار و تروحين فندقكم و اغراضج راح تكون موجوده و تاخذين غرف طبعا يديده لانج جنج اول مره تدخلين الفندق يعني حجز ثاني

و تكملين ايام لندن عقب تردين الكويت

 

[miss foOoshya]

حبايبي بسالكم عن هالفندق احد سمع عنه شي ؟؟ امان ؟؟ لان بروح فرنسا وبعدين برد لندن امان احط اغراضنا ؟؟
MiNC Mayfair Court
حبيبتي law love ماتعرفين عنه ؟؟
ابي احجز انا وريلي بس نبي رخيص وزين منو اتعرف ؟؟ تعبت وانا ادور

 

[miss foOoshya]

فديتج والله ريحتيني عسى ربي يريحج دنيا واخره

بس حبيبتي وين احجز تذاكر القطار ونفس شي اذا كنت بفرنسا وين اروح احجز حق الرده ترا اول مره اروح فرنسا وخوفج اتوهق

وايهو احسن فندق فباريس وشلون احجز اخاف مالقا حجز اذا رحت وبعد يعني اذا بروح دزني اسال الفندق اذا يوفر لي رحله ولا لاء

ادري اذيتج بس شسوي حبيبتي ابي اسال عشان لانضيع ولا اتوهق سامحيني

 

[tahoona]

سعر الفيزا المفروظ انه باجر يزيد سعرها على كلامهم جيكي بسايتهم

و بالنسبه للبريطانيه الاكل مو بفلووس مجاني و يعطونج كذا وجبه مو وحده

و تقدرين بالنت تحددين الوحبات الي تحبينها لحوم ، دياي ، بحري ، اطفال و حتى فواكه

و الاماكن لا عند الكاونتر حرصي عليه نبي يم بعض و اذا يهال اكيد ما راح يطشرونكم

و تبين الصج البريطانيه من افضل الشركات خاصه حق لندن

رحله سعييده ؛)

مشكووووورة يابعد عمري ما قصرتي على الإفادة ،،، والله يسعدأيامج دووم بعد عمري:yaaaaaarb:

 

[law love]

فديتج والله ريحتيني عسى ربي يريحج دنيا واخره

بس حبيبتي وين احجز تذاكر القطار ونفس شي اذا كنت بفرنسا وين اروح احجز حق الرده ترا اول مره اروح فرنسا وخوفج اتوهق

وايهو احسن فندق فباريس وشلون احجز اخاف مالقا حجز اذا رحت وبعد يعني اذا بروح دزني اسال الفندق اذا يوفر لي رحله ولا لاء

ادري اذيتج بس شسوي حبيبتي ابي اسال عشان لانضيع ولا اتوهق سامحيني

شوفي بالنسبه لتذاكر القطار احنا نحجز من النت كل ما حجزتي ابجر تطلع عليج ارخص
وليه حجزتي تحددين تاريخ الروحه و الرده

و بالنسبه للفندق فباريس فتحددين الايام الي بتروحين فيها باريس من الكويت و تحجزين

انا ما رحت الا مره وحده و فندقنا كان ميريديان اتوال بالشانز فبدايته مو بالنص
وكان زين و مجدد

و رحلة دزني الفندق ساعات يسوي عروض حق الرحلات انتي سئلي الرسبشن قبل لا تروحين
وترى سهالات بس تعرفين المحطه و تروحين بالتاكسي و تحجزين حق دزني و هناك يعلمونج على كل شي

في مو ضوع عن الطريق من لندن ليه باريس ارجع احطلج اياه





بالنسبه للفندق الي سئلتي عنه ما اعرفه

شوفي تجاربي بفنادق لندن بالموضوع مال الفنادق المثبت

 

[law love]

Tahoona
العفو ما سويت شي تستاهلين

و مشكووره على الدعوه الحلوه

 

[BaiTotia]

واي أبي أروح بالإيستر

إهيء إهيء :eh_s(2)::eh_s(2)::eh_s(2):

منو رايحتلها بمايووووو؟؟؟؟؟؟؟؟ وشلون السوق لأن أهم شي عندي لول

 

[BaiTotia]

ليش صخه

هالسنة ماتبون لندن ولا شنو؟؟؟

 

[الدلال]

مساء الخير

شلوونكم وشخباركم

 

[ReD^QueeN]

السلام عليكم حبيباتي انا باعد معاكم بهل التجمع و انشالله اذا الله كتب راح اروح هل الصيفية لندن مدينة الضباب بس استقراري بمدينة برايتون اجمل منها مافي تقريبا تبعد عن لندن بالقطار 45 - 50 دقيقة ... يعني مو وايد بعيده

 

[مزيونة 20]

السلام عليكم خواتي انا عضوة يديدة في المنتدى بس اذا في احد يساعدني ابي معلومات عن منطقة براولي شلون المعيشة هناك لاني ناويه اروح هناك الصيف فيريت الي عندها معلومات تفيدني و مشكورين وااايد

 

[مزيونة 20]

شدعوة مافي احد يساعد ؟؟؟؟؟؟؟؟؟
خيبتوا ظني يا كويتيات ؟؟؟؟؟؟؟؟؟؟؟؟

 

[BaiTotia]

ماعرف مزيونة

 

[84 Miss Chocolate]

بإذن الله هالصيف إن شاء الله لندن بس ليلحين جاري البحث عن سكن ... وبالنسبة لسؤؤال مزيونه ماعندي فكره للأسف

 

[MissChoco]

السلام عليكم

وييني عنكم من زمان صج الحمال متعب نساني كل شي ههههه

مرو شلونج ياقلبي ذكرتيني؟؟ انا معاج من تجمع لندن 2009 اتوقع
وياحلووو لندن والله مابدلها بدييره ،، كل ماقالولي غيري روحي ديره ثانيه وانا ارفض لاني درت اوروبا كلها وماكو غير لندن دشت مزاجي ياحلوووها والله
وبصير معااااكم

 

[84 Miss Chocolate]

اشرايكم بهالشقق
Grand Plaza Serviced Apartments

 

[مزيونة 20]

مشكورين واايد بس عفيه الي عندها معلومات لا تبخل علي او احد هناك يدبر لنا سكن او يساعدنا بدون ما ينصب ؟؟؟