تجمع مسافرات امريكا (2013) بأذن الله

[سيكولوجية]

السلام عليكم


لاحظت بهالقسم ماكو مواضيع وايد عن امريكا
ف قلت خلينا نبطل تجمع عشان نفيد بعض ونستفيد


وانا اول وحده ابي رايكم


الاسئله بتكون :

1- متى ناويه تروحين و اي ولايات؟

2- جم الميزانيه و جم شخص ؟

3- اي طيران ؟

4- جم المده ؟

انا عن نفسي بروح يا شهر 3 او 4
بروح ( اورلاندو - ميامي - نيويورك - شلالات نياغرا )
لمدة 25 يوم

ميزانيتي 5 الاف و 500 ولشخصين انا وزوجي

وحابه احجز الاسبوع الياي عالقطريه لاني احب طيران القطريه

بنات الميزانيه كافيه ؟
علما بتسوق بس شي خفيف. يعني اللي يعجبني باخذه

 

[ام البنين2000]

السلام عليكم


لاحظت بهالقسم ماكو مواضيع وايد عن امريكا
ف قلت خلينا نبطل تجمع عشان نفيد بعض ونستفيد


وانا اول وحده ابي رايكم


الاسئله بتكون :

1- متى ناويه تروحين و اي ولايات؟

2- جم الميزانيه و جم شخص ؟

3- اي طيران ؟

4- جم المده ؟

انا عن نفسي بروح يا شهر 3 او 4
بروح ( اورلاندو - ميامي - نيويورك - شلالات نياغرا )
لمدة 25 يوم

ميزانيتي 5 الاف و 500 ولشخصين انا وزوجي

وحابه احجز الاسبوع الياي عالقطريه لاني احب طيران القطريه

بنات الميزانيه كافيه ؟
علما بتسوق بس شي خفيف. يعني اللي يعجبني باخذه

هذي الميزانيه من غير الفندق والسياره والتذاكر ؟ ولا شامله كل شي

 

[سيكولوجية]

هلا خيتو

شامله كل شي

 

[سيكولوجية]

بنات للي حابه تروح امريكا

امس مريت سفريات وسأل عن اسعار تذاكر حق امريكا بشهر 3

عالقطريه

حصلت التذكره ب 290

وايد زين السعر لاتطوفكم

 

[ودي***أفرح]

أنا بعد ناويه اروح أمريكا يمكن شهر 8

إن شاءالله نروح لوس انجلوس وسان فرانسيسكو ( للحين ما اكتملت الخطه)

ودي اروح ع القطريه لاني جربتها حلوه

المده : تقريبا شهر

المسافرين : أنا طبعا وزوجي وعيالي 2 شباب

الميزانية : ما راح تكون أقل من 5000دينار

سيكولوجيه وقتج حلووو لا تطوفينه وسعر القطريه حلو بعد

 

[سيكولوجية]

ان شاءالله بحجز عالاسبوع الياي بس نتأكد من اجازه زوجي

بس خايفه من الميزانيه احترت !

ناس تقولي تكفي وبتزيد
وناس تقول حده حده !

 

[Loloki]

انا بصراحه محتاره وين اروح يا اوربا. وهالدول يعني نقعد فيها اسبوع او اسبوعين
المانيا سويسرا فرنسا ولندن

ومحتاره بين امركا لان رحتلها ب ٢٠٠٦. رحت la انجلس وفيغس

فيغس قعدنا فندق بيلاجيو وبصراحه مادري جم كلفت وعلى طياره رحنا بطياره خاصه من فرنسا كان لان رحنا حله بحريه

طلعنا بكروز انا واهلي من ردينا من بحر لان قعدنا اسبوعين بعدين طرنا من كان لي امريكا بطيتره خاصه برتش مالت الخرافي

رخنا فيغاس قعطنا اسبوع بعدين انجلس.

ف قولولي رايكم وين اروح *

 

[أم سيف وسلطان]

اكيد امريكا

 

[نـعـومـه]

الله يهنيكم وعقبالي اشوف امريكا


رايي تروحين اوربا دام رحتي امريكا اذا بخاطرج امريكا روحي مناطق ماشفتيها

 

[سيكولوجية]

لولوكي جربي ولايات غير

اورلاندو
ميامي
نياقرا
نيويورك

 

[aljoodi]

السلام عليكم انا حابه أشارككم بالتجمع لأني ناويه أسافر امريكا بشهر يونيو ان شاء الله وبغية اسأل اذا في احد مجرب الفلل الي في اورلاندو او سنو ترشح لي من فلل عائلية سعرها زين و ياريت لو تكون في منطقة كيسيمي. ولكم مني جزيل الشكر​

 

[سيكولوجية]

الجودي
حياج الله بينا وان شاءالله البنات يردون على استفسارج


انا امس حجزت عالقطريه من 26- 4 الى 24-5
لمدة شهر

طلعت علي تذكرتين ب 660 دينار


بنات عفيه فيدوني بخصوص الميزانيه ؟
ماني عارفه شنو الميزانيه كافيه وله لا

 

[مهندسه مستقبل]

حلم اختي تروح امريكا و كل سنه تحن عليي لان ملينا من دول اووربا و دول اسيا حفظناهم وماكنت ابي اروح امريكا الى و انا متخرجه عشان يكون معاي مصروف قوي لان يبيله سووق والله
ف الحين نوينا نروح امريكا بتاريخ 15|2 لي 28|2 مع سفريات ب 975 يعني 14يوم
( سان دييغو - لاس فيغاس - انهايم ديزني ) و شامل الفنادق و الطيران و المواصلات
بنات شلون السعر زين و لا غالي ؟
و رفيجتي تقول اقل شي لازم المصروف يكون 2000 خصوصا ان غرامي الكترونات و الالعاب و اتوقع ماراح يكفيني

 

[سيكولوجية]

مهندسه

بالعكس مو غالي السعر مناسب دام شامل الفنادق والمواصلات

وحتى الميزانيه حلوه لان المده اللي بتقعدينها قصيره

بس إذا شايفه انج تبين تتسوقين حاولي تزيدين عليها

 

[fat]

السلام عليكم انا ناويه اروح امريكا اذا الله كتب بالصيف لان عطله عيالي وان شاء الله يعطونه الفيزا لان العام رفيجتي قدمت عطوها بسرعه بس ريلها اخروه 3 شهور يالله عطوه

انا افضل السفره مع قروب وبصراحه اتمنى اطول مدة لان امريكا تبي اقل شي 3 اسابيع لان العام سافرت وكانت سفرتي مدتها اسبوعين لاوربا كانت متعبه

اتمنى تفيدونه يا بنات واكون شاكرتكم ابي الكل يستفيد من الموضوع يعني مثال تعطونه احسن المجمعات والاوت لت واحسن الاماكن السياحيه وكل صغيره وكبيره

وبخصوص الميزانيه اكون دافعه من لكويت التذاكر والفنادق يعني آخذ مصروف للرحلات والاكل والتشري


واسأل القايد يعطيني التقريبي وتقريبا يعني الشخص 1500 بالكثير سكن وتذاكر والمصروف 1000

والله يسهل عليكم ويسهل اموركم ان شاء الله

 

[سيكولوجية]

فات ان شاءالله الله يسهل عليج
بس نصيحه قدموا عالفيزا من الحين لان مدتها ل 10 سنوات

لو سمح الله رفضوا يمديكم تردون تقدمون

والله احنا سهالات بالفيزا كلش ماطولوا معانا ويومين يابوا جوازاتنا انا وريلي
كان حده سهالات
حتى بالمقابله اسئلونا 4 اسئله بس ماطولنا دقيقه


وصاجه امريكا حلاته اقل شي تقعدين 3 اسابيع حتى لو قعدتي شهر شهرين يقولج ماتملين
لانها كبيره وتنقلاتها يبيلها وقت

انا حجزت حق شهر بالضبط 30 يوم

 

[nhafez]

انا اناوية اروح نيويورك شنو احسن مكان حق السكن وشنو الولايات اللقريبة اللي تسوى غير اورلاندو

 

[aljoodi]

انا السنة الي طافت رحت بشهر يونيو لمدة سته وثلاثين يوم قعدت خمس ايام بنيويورك وباجي المدة باورلاندو كانت فعلا رحلة ممتعه. بنيويورك سكنا بكراون بلازا كان ممتاز وموقعه وايد وايد حلو بالتايمز سكوير. وأورلاندو سكنا بفيستا كاي باي ميلينيوم كان وايد حلو بس كان نظام شقق وكان يمنا جمعية اسمها ببليكس ومطعم صيني ومطعم بيتزا. بس هالمرة ودي اسكن بفلل بكيسمي لان لما شفتهم المرة الي طافت عجبوني وايد عشان جذي قلت باسال اذا احد مجرب وحاجز بالفلل من قبل

 

[سيكولوجية]

اختي الجودي

جم كفتج الميزانيه حق هالمده مصرف ومشتريات ؟

وحابه اسألج عن الفندق اللي ذكرتيه بنيويورك جم كانت ليلته ؟
وحتى اللي ب اورلاندو

 

[aljoodi]

هلا حبيبتي سيكلوجية بالنسبة للمصرف يعني بحدود الست آلاف دينار. وفندق نيويورك كانت الليلة ب ١٠٠ دينار. وفندق اورلاندو طلع علي لمدة شهر ١٢٠٠ دينار.