تجمع مراجعات مستشفى رويال حياة

[@فافى@]

رد: تجمع للحالات اللي تراجع عند د.خالدة المجيبل

بنات اشلونكم شخباركم

 

[بسبوووسه]

رد: تجمع للحالات اللي تراجع عند د.خالدة المجيبل

هلاا فافيي شلوونج انتيي .. احنا بخيير

 

[@فافى@]

رد: تجمع للحالات اللي تراجع عند د.خالدة المجيبل

الحمدالله شخبارج بعد مع الحمال

 

[الكشخة]

رد: تجمع للحالات اللي تراجع عند د.خالدة المجيبل

شلونكم بنات

مادري في غيري مراجعتها كانت هالاسبوع؟

دقيت قبل ما اروح عشان اتأكد اذا في تأخير وللا ادخل عالموعد بالضبط قالت لي زهره في تأخير ربع ساعه بس ، قلت مو مشكلة مقدور عليها، رحنا على موعدنا و نطرنا بالضبط ساعتين بعدها نادتني السستر و قالت لي يللا دورج دخلي دخلت انا و زوجي وللا في وحده داخل ما طلعت زوجي حده انحرج
دخلتني السستر و اسدحتني على السرير و نطرنا تقريبا اقل من عشر دقايق على ما خلصت الدكتورة من المريضة اللي عندها و التلفونات و يتني
حطت السونار على بطني ثواني حتى ما شفت الياهل من سرعتها (عاد انا احبها عشان سونارها) و قالت لي لازم سونار داخلي قلت لها ليش لازم هذا السونار شفيه ؟ جان تعصب و تزفني و تقول انتو الكويتيات دلوعات و راسكم يابس تعاندون كيفج يا سونار داخلي يا انج تراجعيني كل اسبوع (و مسكت السونار الداخلي تأشر عليه طبعا كان مستعمل مو منظفينه و تأشر عليه جدام زوجي حدي انحرجت) تقول خو مو كله بيدخل بس هالكثر راح ادخله و لازم اسويلج انا مو قاعده اقص عليج عشان اخذ فليساتج (كانت معصبه و اسلوبها غريب جان اطالع زوجي) جان تقول: و لا تطالعين زوجج على بالج بخاف منه انتي تبين تخوفيني يعني
طبعا قمت من السرير لقيتها مجهزتلي ورقه طلب تحليل و تقول (حياكم الله يعني طرده )
و الله ما كملت معانا 4 أو 5 دقايق
حتى كان عندي اسئلة وايد بسألها ما عطتني مجال


خفت منها ، اخاف تتنرفز علي وقت الولاده ، بصراحه طلعت منها متنكده و قاعده اراجع نفسي حتى زوجي تضايق من اسلوبها

 

[autointoxication]

رد: تجمع للحالات اللي تراجع عند د.خالدة المجيبل

انا بعد لاحظت انها متوترة حيل و اسلوبها مو مريح

و نفس الشي صار معاي ما مداني كنت مجهزة لستة اسئلة محتاجه اسألها بس ما عطتني مجال

بصراحه عقب هالسالفه قاعده أدور غيرها

ابي دكتور مو دكتورة

لاعت جبدي من زحمه الدكاتره الحريم

 

[مبدعة]

رد: تجمع للحالات اللي تراجع عند د.خالدة المجيبل

انا كان عندي مراجعه عندها و تاخرت نفس ما قلتوا بس ما كانت مستعيله وايد يوم سوت لي السونار يعني جيكت على كل شي بس فعلا قعدت انطر على السرير

بس للامانه اول مرة يصير فيني هالموقف

بالنسبة حق اسلوبها معاج ترى انا سامعه من ناس مقربين حيل منها يعني مو مرضى انها شوي دفشة في اسلوبها بس حبوبه يبي لج تتحملينها يعني اللي ما يعرف اسلوبها يزعل منها

بالنسبة للسونار الداخلي ليش كانت بتسوي لج ؟

 

[الكشخة]

رد: تجمع للحالات اللي تراجع عند د.خالدة المجيبل

اهيه قاست لي عنق الرحم بالسونار العادي و تبي تتأكد من القياس بالسونار الداخلي تقول قياسه اضبط
انزين اضبط بشكثر؟ ما عرفت ترد قامت تبولع ريجها تقول يعني اهوا احسن (و ضيعت الاجابه بأنها قامت تزف و تقول الكويتيات يتدلعون و من هالحجي اللي يقث)

و الله ماحد مطيح حظ الكويتيات غير الكويتيات اللي مثلهم
يعني الكويتية حتى الألم يعتبرونه انها تتدلع و الاجنبيه و اللبنانيه تسوي اللي تبيه عاااادي يحق لها بس الكويتية لازم تنجعم و ما تبطل حلجها بحرف

يعني الحامل تحتاج اللي يراعيها مو اللي يضغط عليها و اهيه تقولي( تتدلعين) جدام زوجي شلون اتدلع مادري ما جنها اهيه اللي قايلتلي لا تتحركين لأن حالتج حساسه و احتمال ولاده مبكره

اصلا بحاله مثل حالتي لما سألت دكتور عن السونار الداخلي قالي ما يصير لأن حالتج حرجه لو بنسويلج سونار داخلي راح ادخله بس لما اطلعه راح يطلع الياهل معاه (يعني يجهض)

ادري الدكتورة شاطرة بس عاد مو معناته انها مستحيل تغلط الكل معرض لأخطاء طبيه ليش أعرض نفسي لفحص مو مضمون لا و بتسويه و اهيه مزاجها متعكر و مستعيله

 

[lollipops]

رد: تجمع للحالات اللي تراجع عند د.خالدة المجيبل

(الكشخه)
انا كنت عندها امس والله تهبل وعطتني وقتي وزياده وسونارها حيل دقيق يعني ما خلت شي وسالتها كل الاسئله اللي عندي بس اخترعت من شغله حايشي تقلص بالرحم وباجر ادش الخامس فقالت لازم ابره تاخذينها كل اسبوع تمنع الطلق المبكر والاولاده المبكره مع تحاميل 3 ايام
ماااادري في احد يعرف شي عن هالموضوع

 

[الكشخة]

رد: تجمع للحالات اللي تراجع عند د.خالدة المجيبل

انا بعد قالت لي لازم اخذ ابرة كل اسبوع ، ابرة تثبيت تمنع الولاده المبكرة اعتقد نفس اللي عطتج اياها عاد سمعت انها مو زينه لأنها تعسر الولاده الله يستر
و بمراجعتي اللي قبلها كانت قايلتلي انه حايشني تقلص بالرحم مسبب قصر عنق الرحم و لما رحتلها بعد اسبوع من تخفيف الحركة قالت لي التقلص راح بس لما الحين عنق الرحم قصير و لازم سونار داخلي و زفتني و القصة اللي قلتها


اللي شككني و حيرني انها تقول انه السونار الداخلي ما يفرق بالقياس عن السونار العادي اللي سوته لي (يعني النتيجه نفسها لكن الصورة تكون أوضح) و هددت اني اذا ما سويت سونار داخلي تعطيني ابر لمده شهر
انزين اذا ما يفرق يعني النتيجه للسونارين بتكون نفسها عيل ليش قالت لي اذا ما سويت السونار الداخلي بتعطيني أبر و اذا سويته ماراح تعطيني؟ مو اهما نفس النتيجه ، ليش الفرق بالعلاج؟

 

[بسبوووسه]

رد: تجمع للحالات اللي تراجع عند د.خالدة المجيبل

ونااييي شالسالفه شصاير معاها عاد موعدي الاسبوع الياي عندها الله يستر و انا كلش على طرييف بغيرها و الله اذا شفت اي شي منها علطول اسحب علييها و ماراح اتعطل كلش

 

[lollipops]

رد: تجمع للحالات اللي تراجع عند د.خالدة المجيبل

(الكشخه)
شرايج عيل ان دكتورتي اللي اروحلها قبل الدكتوره خالده كانت بتفحصني بايدها صبعين بس ما خليتها لان طول عنق الرحم كان زين وسوتلي الداخلي عقب مارحتلها ورحت حق الدكتوره خالده اهي وااايد شاطره ودقييييقه بس يمكن اسلوبها جذي مادري لاني للحين ماشفت شي منها
وانا الحين وايد احاتي التقلصات نفسيا احس ان فيني تقلصات او صج فيني مادري
ولا تحاتين سالفه الابر لان اختي ياللها طلق مبكر بس بالثامن وخذتها والحمدالله ولادتها كانت سهله

 

[autointoxication]

رد: تجمع للحالات اللي تراجع عند د.خالدة المجيبل

انا عقب مراجعتي الاخيرة الغير مريحه معاها

خذيت موعد عند د.عصام صقر انشالله يطلع زين

أهم شي الدكتور أو الدكتورة يعطونج وقت تسئلين اللي بخاطرج و يكون اسلوبهم مريح


ادعولي استقر على دكتور أو دكتورة مليت دخلت الشهر السادس و لما الحين ما احوس بين الدكاترة

 

[مبدعة]

رد: تجمع للحالات اللي تراجع عند د.خالدة المجيبل

الكشخه انا اول مرة رحت لها قالت لي بشوف قياس عنق الرحم بالسونار العادي لو كان قصير لازم اسوي سونار داخلي لانه ادق و اوضح من هالناحية

و بالنسبة للابر هذي تمنع التقلصات لان كثرتها اتسبب ولادة مبكرة و قالت لي كثري من شرب السوائل

 

[مبدعة]

رد: تجمع للحالات اللي تراجع عند د.خالدة المجيبل

انا عقب مراجعتي الاخيرة الغير مريحه معاها

خذيت موعد عند د.عصام صقر انشالله يطلع زين

أهم شي الدكتور أو الدكتورة يعطونج وقت تسئلين اللي بخاطرج و يكون اسلوبهم مريح


ادعولي استقر على دكتور أو دكتورة مليت دخلت الشهر السادس و لما الحين ما احوس بين الدكاترة

انتي من متى تراجعين عندها ؟

حسافة تغيرينها علشان زياره وحده كانت مستعيله فيها او معصبه

كل انسان لازم يمر بضغوط و اهيا الله يعلم بحالها

الصراحة انا وايد ارتحت لها لانها تعطي من وقتها و انا نفسج ما بقى احد ما مريت عليه لكن نفسها و نفس سونارها و وقتها ما شفت

و فعلا اخر مرة كانت شوي مستعيله بس عذرها معاها

هذي وجهة نظري

 

[autointoxication]

رد: تجمع للحالات اللي تراجع عند د.خالدة المجيبل

امساع قاعدين نتناقش
قلت بروح موعدي هالاسبوع و اشوف اذا لما الحين معصبة بقولها بصراحه اني ماحب هالاسلوب يخوفني

لأني شكيت بنفسي ، بمراجعتي اللي قبل كانت اتينن و حيل ارتحت لها بس مادري شصار

الله يكتب اللي فيه الخير

 

[cutey]

رد: تجمع للحالات اللي تراجع عند د.خالدة المجيبل

سلام بنات انا اراجع عند دكتوره خالده من اول شهر واليحن بدخل السادس

بنات صار فيكم نفس الي صار فيني

انا اول مره رحت لها دفعت م20 بعدين رحت لها وانا بالثاني بدخل الثالث صار 30
و لما برابع صار 40 استغربت معنه كل ما تعطيني تحليل ما اسويه عندهم يعني بس سونار
قلت اروح اكلم الرسبشن قالو لي انه الدكتوره اهي الي تحط الأسعار
رحت لها قلت دكتوره انا مسويت شي بس سونار ماكو شي يديد ليش 40 ولاتقولي حبيبتي انتي بطنج كل ماله يكبر وياخذ وقت بالسونار فكل مراجعه زياده 10 دك
انا انصدمت حتى ريلي لنه والله كل مره ما تاخذ اكثر من 10 دقايق و اخر مره خلصت ابجر من الي قبل

يعني لو بدخل التاسع بدفع 90!!!!!!!

قلت لها اذا جذي انا ماراح آراجع عندج هالفتره لأنه بس تسوي سونار وهذا شي عادي
وانشاءالله لما ادخل شهري بييلها عشان تفحصني لني ابيها اهي تولدني اهي خوش دكتوره و وايد زينه
بس صراحه لفلوس الي قاعد اقطها عالمراجعه ايمعها حق الولاده وايد احسن

بس الله يستر جم تاخذ عالولاده

 

[lollipops]

رد: تجمع للحالات اللي تراجع عند د.خالدة المجيبل

الله يعينا على هالمصاريف صاجه بس والله اهم شي سلامة البيبي وسلامه الام

 

[مبدعة]

رد: تجمع للحالات اللي تراجع عند د.خالدة المجيبل

انا من رحت لها للحين نفس السعر

15 دينار للدكتورة

25 دينار للسونار

8 تحليل

ما تغير شي يعني و لا قالت بطنج كبر و لا صغر

والحين انا بالسادس

واهيا ما تاخذ اكثر من 15 مريضة باليوم لانه تعطي كل مريضة 20 دقيقة هذا اللي فهمته من سكرتيرتها

الا اللهم اذا يتها حالات طواري مادري شلون يصير الوضع

 

[lollipops]

رد: تجمع للحالات اللي تراجع عند د.خالدة المجيبل

انا للحين تعطيني وقتي وزياده والزياره والسونار 40 بدون تحاليل بس انشالله هالشي مايتغير بس وايد خايفه اولد بهالمستشفى لان مايمدحونه واسعاره ناار بس بنفس الوقت مرتاحه للدكتوره ومادري شسوي ؟؟؟؟؟

 

[بسبوووسه]

رد: تجمع للحالات اللي تراجع عند د.خالدة المجيبل

لوللي بوب حالتي من حالتج ماودي اوللد بهالمستشفى بس ملزومه الدكتوره فيها و مرتاحه معاها .. و على تغيير الاسعار قاعد يصير ويانا كلنا تغيير الاسعار و المشكله ما ابي اجادلهم اخاف تقلب علي مو وقته