تجمع مراجعات مستشفى رويال حياة

[جرح الليالي]

اشلونكم يا بنات <<< مو لايق خخخخخخخخخخخخ


شخباركم ولهت عليكم مادري شفيني مالي خلق ادخل المنتدى يمكن من كثر ما يعلق


شخبار الشرنقة ؟

ولدت والا بعد

كت كات شلون النونو

ام ربي سلامات قلبووو وعوار الظهر عدي وخربطي ابداعات

غالي الاثمان انا مرة قعدت مع وحدة تشتغل بالمستشفى وقمنا نسولف فقالت ان الدكتورة ما عندها عيال عسى الله يرزقها بس ما ادري من متى متزوجة

داعية اعتقد ان المقصودة هي الشرنقة

مس والله الصباح زوينين يعني لي توهقو فيج ما يقطونج مستشفى ثاني

انا مرة بالاسبوع 22 طرحت وصار فيني نزيف بس نطرو الدكتورة اتيي وقالت لهم اميرجن سي وطارو فيني لي غرفة الولادة والحمد لله عدت على خير

بس ترا على المشيمة هذا الوضع الطبيعي لانها بروحها تنزل مو اهم ينزلونها وهذا شي من الله

وسلامتكم حبايب البي

 

[جرح الليالي]

اليوم كلكم غياااب

ههههههههههه

وينكم ؟؟ عسى المانع خير

 

[كيت كات]

اهلين جرح الليالي
لا والله حضور بس مكسسسسسسسسسسسسله ادش النت بكيره
توني راده سويت تحليل سكر واااااااااااي مت 4 بالمستشفى صايمه
هلكت وراسي صددددع وماشاء الله الدكتورة عليها زحمة حيييل
انتو شلونكم ؟؟عساكم بخير
وشلون الشرنقه
شكلها ولدت ...رحت اصلي بالدور الثاني صوب الليلي متروووس
شكلها ولدت خخخخخ وشفت النونووات ياحلوووووووهم ماشاء الله عسى الله يسهل على الجميع

 

[جرح الليالي]

زين تحليلج كت كات الحمد لله رب العالمين

4 يعتبر طبيعي بس هالله هالله لا تكثرين من الحلو الله يكفيج شر السكر

الشرنقة انا اقول بعد شكلها ولدت

الله يسهل عالجميع

وين باجي البنات؟

 

[Angel]

اينجل منو الله يرزقها بالضنى تقصدين منو الدكتورة ..

تصدقين كل استحي اسالها اهي متزوجة والا لأ عندها يهال والا لأ لانها تشتغل اغلب الوقت وايد مسكينة الله يعينها

شنو اهي ما عندها عيال ومن متى متزوجة ...

غالي الأثمان اهي الدكتورة متزوجة بس من متى عاد مادري ؟؟؟؟!!!! واللي فهمته من كلامها وهي تنكت " ان باب النجار مخلع " يعني تعالج الحريم وهي هم تتعالج وان شاء الله الله يرزقها الضني قولوا آمين يارب العالمين ادعولها ان الله يرزقها ان شاء الله.

 

[Angel]

نفس السؤال...

نفس الرد لغالي الأثمان

 

[جرح الليالي]

الله يسمع منج يا انجل

ويرزقها بالذرية الصالحة يااااااااااااااااارب

 

[جرح الليالي]

اين انتم يا زميلات الدرب؟؟

 

[كيت كات]

هاااااا
كاناااااااا
هني
تحليلي الحمدلله طلع تمام
واليوم رحت موعدي قالولي فيج توم؟؟قلت لاء ليش جان يقولون بطنج كبيرخخخخخخخ
طبعا انا استانست مادري شالطبخه اثاري طلع بالسونار ماي الياهل زايد والسبب غير معروف
والحمدلله كل شي اوكي
يالله السهاله ...قالتلي لا تخافين اذا ولدناج مبجر قلت الحمدلله على كل حال
المهممممممم انتو شلونكم
جرح الليالي واصله بعد عمري
شلون الباجي؟؟؟

 

[احبج يا كويت]

اشلونكم حبيباتي انا ودي اراجع عند د. خالدة

و عندي بعض الاستفسارات اذا ممكن

جم سعر الاستشارة عندها

و اذا ابي اولد ب حياة رويال جم تاخذ للتوليد يريت تفيدوني يا حبايبي

 

[Mrs. Finance]

السلام عليكم
شلونكم يا بطوطات و شلون البيبيات؟

اتا صارلي جم يوم مالي خلق اشارك يانا بالبيت وباء مو طبيعي من النزقة ولدي الله يهديه خلال اسبوعين طاح 3 مرات صخونه توصل لي 40 و عاداني و الدكتوره زفتني تقولي وخري عنه.. شسوي بالدلع انا:\ المهم ان امس بديت اصحصح الحمدلله بس بقت الكحة الي تذبج.. ( جني قصيت قصة حياتي؟)

المهم يا بنات انا ضايق خلقي حلمت حلم بقمت .. في وحدة منكم حلمت بشي موزين و ما ضرها ؟

انا ان شاء الله موعدي باجر مع دكتورتنا الغالية عشى الله يرزقها من واسع رزقه .. و ان شاء الله خير

كيت كات ما تشوفين شر ان شاء الله .. عاد انا ما ركزت على بالي فيج توم استانست .. و انا خبري الماي اذا قل خطر بس اذا زاد مادري مو متاكده

احبج يا كويت ..
اعتقد ان الاسعار نفس كل مكان .. بس يمكن المختبر شوي اغلى و سعر الولادة لما تروحين حق سكرتيرة الدكتورة ساليها الدكتورة جمتاخذ و هم بعد عندها اسعار الولادة.. الله يتتم علينا و عليج بالصحة و العافية

 

[جرح الليالي]

سلامات يا مس سلامات

اي الحرارة مو شي حق الحامل اللي يكفيج الشر

بالنسبة للاحلام امممممممممم

دفعي صدقة وتوكلي على الله

يمكن تحاتين وايد

كت كات ما قالت لج من شنو زايد الماي؟؟

 

[جرح الليالي]

احبج يا كويت

لا تطووفج هالدكتورة

ملاااااك بهيئة انسان

تهببببببببل

 

[كيت كات]

مس فانينس سلامتج حبيبتي وما تشوفين شر
انا جربت الحرارة موتتني وانا اللي عديت ولدي هههههههه
توم جان زين والحمدلله على واحد
والدكتورة امس كان ضايق خلقها كسرت خاطري ودي اقولها شفيج
حبيبتي خفت تخترع ههههههههههههههههههه
والماي حسب ماشافت ان كل شي تمام فالسبب غالبا ماتعرفه او اني اشرب
ماي وايد وهذا اللي حاصل انا الماي مايفارقني

 

[Mrs. Finance]

السلام عليكم،،
جرح الليالي .. الشر ما اييج .. حدها مو شي الحرارة خصوصا ويا الحكة و انت بطنج شبرين جدام .. و الولد متسلط على بالوونه بالوونه ما بقى بلونه بالكويت ما يبيني اتفخها:krkrkr: .. قط مره جربتو تتفخون بلونه و انتو حمل؟ .. و سالفة الصدقة جزاج الله خير على التذكير

كيت كات ..
الله يسلمج حبيبتي ..
حطي بالج على وليدج مسكين ترا حنا لي مرضنا وايد اهون من عيالنا لا نقدر نشيل و لا نجابلهم مثل اول .. و المشكلة عنده تطعيم سنتين المفروض الاسبوع الي طاف و خايفة اطعمة ابتلش
اشفيها الدكتوره بعد عمري و الله ما تستاهل ترا مرات تكون متضايقة من الي يراجعون عندها .. ذاك اليوم زهره قالت لي سالفة من السوالف الي تصير حق الدكتوره ترا الناس نماين بعضهم يغثون و بعضهم ما عندهم اخلاق .. و هذه الدنيا ... لان انا يبت لها طاري الي تكلمو عنها بالمنتدى فقصتلي جم قصه شي يحر و الله .. و الله يعينها:0bee2e8d89:
ترا الماي الي تشربينه ماله علاقة بالماي الي حول الجنين مو تقللين من الشرب لان هذا صحة لج و للبيبي و ان شاء الله مافيه الا العافية

 

[جرح الليالي]

كت كات مثل ما تقول مس الماي اللي تشربينه ماله شغل

احنا بالاشهر الاخير نصير جرب ماي هههههههههههه


مس حبيبتي عيل فيج شدة ادز لج جم كرتون تفافيخ حق عيد ميلاد بنتي هههههههههههههه

<< تسلطت عليج


وعلى طاري هالمنتدى تقول الدكتورة منتداكم هذا باط جبدي

تقول لي حتى انتي من ربع المنتدى خخخخخخخخخخخخخخخخ

شكلها اخر شي راح تشترك ويانا اشرايكم ؟

عاد تالي تسوي لها موضوع تجمع للحالات اللي تراجعني لووووووووول

<<< اليوم خيالي خصب حده الله يستر ههههههه

وعلى قولتج بكل مكان في الزييييين وفي الشين

 

[كيت كات]

اهلييييييين
حبايبي والله مادري شسالفه الماي
وتسلمون حبايبي
مس فانينس طعميه ولا تحاتين هذا سحايا لاسخونه ولا شي
جرح الليالي والله مسكينه هالدكتوره شكلها كارهتني لاني اول من ياب طاريها بالنت ههههه
انا الله يسلمكم محتاجه وايد شغلات اولها جنطة الولادة ودي ازهبها للطواري
وابي كفر وابي ازهب الكاكاو واخر شي جنطة البيبي اللي اهي مو مهمه وايد الحين
بس والله مو قادره اسوي شي والعيد على الابواب
وانا راح اتنفس في بيتي بحكم مرض امي وجلسات الكيماوي اللي تاخذها عسى الله يشافيها
بروحها تبي من يداريها
ابي ازهب وانظف البيت الله كريم ان شاء الله ما اولد الا بالتاسع وانتو بعد وبيسر وسهاله يالله ياكريم

 

[ام ربى]

كيت كات سم الله عليك و ان شاء الله لي تمامه
و مس الله يعينج عليه

 

[كيت كات]

مشكورة يالغاليه ولج مثله يارب
وللجميع السهاله والسلامه اللهم امين

 

[Mrs. Finance]

جرح الليالي..
حسبي الله على ابليسج كرتون لوووووووول والله انا ما قدرت اتفخ نص بلونه جان تتصلب علي كرشتي لوول بعد عمري راح عيد ميلاده و هو مريض
و انت يبتي للدكتوره طاري المنتدى انا قايلة لكم انها ما تواطنه لوول

كيت كات ..
اسأل الله العظيم رب العرش العظيم ان يشفي الوالدة شفاء لا يغادر سقما.. و عسى الله ياجرها
و بيني و بينج ترا اريح شي الوحده تتم في بيتها انا ودي والله ما اتنفس في بيت اهلي .. بس شسوي مجبر اخاك لا بطل الوالده تشنقني !!
انت تدرين بولدي زهبت جنطتي لما نزل علي الماي؟ كنت بس مزهبة اغراضة و مخليتهم برا ما حطيت شي بالجنطه هيهيهيهي .. احس تو الناس على الجنطه ان شاء الله تكملين الى 40 اسبوع علشان يطلع البيبي متختخ سلم قلبه
انت بتسوين استقبال بالمستشفى؟

ام ربى ..
جزاك الله خير:tek: