تجمع مراجعات مستشفى رويال حياة

[lollipops]

رد: تجمع للحالات اللي تراجع عند د.خالدة المجيبل

انا الصراحه قلت حق الدكتوره انا موحابه المستشفى لسببين الاول ما يمدحون الستاف اللي بالمستشفى وثاني شي الاسعار ما تناسب ميزانيتي مو الكل يقدر عليها عاد قالتلي الستاف مغيرينه كله يديد واهم شي الدكتوره اللي بتولدج وثاني شي بالنسبه للفلوس مومهمه الاهم سلامتكم و في نظام الاقساط وطبعا المستشفى ما يقولون عنه وزهره قالتلي بعد عن هالسالفه فما ادري والله محتااااره وايد كل ما اسال وحده ما تمدحلي المستشفى

 

[بسبوووسه]

رد: تجمع للحالات اللي تراجع عند د.خالدة المجيبل

المشكله الغرفه اللي ابيها ب 3000 الياسمين لأن انا قيصريه ... وايد الصراااحه بس ما اعرف دكتوره ثانيه و شاطره مثلها هذا شي و اا ما احب دار الشفى كفايه دخلته تييب اليهد و زحمه و لويه .... بس رويال جني قاعده بفندق و الممرات عجييبه هدووووووووووووووووووء وتلفزيون الغرفه في قناه يحطونه على البيبي في الحضانه فهذي الاشياء اللي مكبرته بعيني يعني لي دشيتوا دارالشفى ولا غيره جنج داشه سوق مو مستشفى

 

[lollipops]

رد: تجمع للحالات اللي تراجع عند د.خالدة المجيبل

صاجه والله اسعار تكسر الظهر
وانا توام فمايندرى اولد طبيعي ولا قيصريه خااييييفه بس اهي طمنتي ان اكثر حالات التوائم تولدهم طبيعي لان يكونون صغار اسهل وقالتلي كيفج اذا ما تبين تولدين عندنا على راحتج ادزج على دكتووره ثانيه مااادري احترت انا حابتها ومرتاحتلها
وانشالله الله يتمم حملي هالمره ويرزقنا ويرزق الجمييع

 

[*دانة الخليج*]

رد: تجمع للحالات اللي تراجع عند د.خالدة المجيبل

صاجه والله اسعار تكسر الظهر
وانا توام فمايندرى اولد طبيعي ولا قيصريه خااييييفه بس اهي طمنتي ان اكثر حالات التوائم تولدهم طبيعي لان يكونون صغار اسهل وقالتلي كيفج اذا ما تبين تولدين عندنا على راحتج ادزج على دكتووره ثانيه مااادري احترت انا حابتها ومرتاحتلها
وانشالله الله يتمم حملي هالمره ويرزقنا ويرزق الجمييع

اذا انتى حامل بتوأم راح تحصلين اهتمام بمستشفى الصباح وراح ياخذون البيبيات منج لان بنت عمتى والده عندهم وخدمتهم لام التوأم غير عن العاديه ويفحصون التوأم لانه يخافون عليهم وايد واذا صغار راح يعطونهم حليب خاص ماتحصلينه الا بمستشفيات الحكومه لاطفال الخدج مشا الله مفعول الحليب روعه يتفخ البيبي بسرعه
وكانت تمدح فيهم وايد وبعنايتهم لها ولبيبيات
واذا قيصريه لج غرفه خصوصي قبل اي احد ثاني (( يعني لج الاولويه ))

وان شاء الله تقومين بالسلامه

 

[*دانة الخليج*]

رد: تجمع للحالات اللي تراجع عند د.خالدة المجيبل

المشكله الغرفه اللي ابيها ب 3000 الياسمين لأن انا قيصريه ... وايد الصراااحه بس ما اعرف دكتوره ثانيه و شاطره مثلها هذا شي و اا ما احب دار الشفى كفايه دخلته تييب اليهد و زحمه و لويه .... بس رويال جني قاعده بفندق و الممرات عجييبه هدووووووووووووووووووء وتلفزيون الغرفه في قناه يحطونه على البيبي في الحضانه فهذي الاشياء اللي مكبرته بعيني يعني لي دشيتوا دارالشفى ولا غيره جنج داشه سوق مو مستشفى

يمدحون السلام يقولون غرفه حلوه واسعاره رخيصه شفت الاسعار في الموضوع عن اسعار المستشفيات
موضوع مثبتينه

ترى ماجربته مستشفى السلام بس جربت المواساة قيصريه روعه:ggdw:

 

[@فافى@]

رد: تجمع للحالات اللي تراجع عند د.خالدة المجيبل

شخباركم بنات غريبة استغربت من الى قريتة اشفيها الدكتورة متغيرة معقولة بس انا لما راجعت عنها اتههههههههههههههبل وتنحط على الجرح يبرى ومعاملتها حلوة وعطتنى وقتى وازايدة والحين عندى مراجعة عندها رددتونى ما ادرى اروح ولالاء مو ناقصة ضيقة خلق

 

[lollipops]

رد: تجمع للحالات اللي تراجع عند د.خالدة المجيبل

@فافي@
لا حراااام معاماملتها تهههههبل واخلاقها حلوه وتنكت بعد واهي وااايد شاااطره الصراحه انا راجعت جم مكان قبل لا اروحلها وكله اخذ امي وزوجي معاي امي قالت للحين د.خالده اشطر دكتوره رحتيلها

 

[autointoxication]

رد: تجمع للحالات اللي تراجع عند د.خالدة المجيبل

اعتقد انها ما تستحمل الضغط
كان عليها ضغط كبير بالفترة الاخيرة
الله يستر من موعدي هالاسبوع ، اذا لما الحين منرفزة راح اضطر اغيرها مع انه ماودي لأنها شاطرة و لأني ارتحت حق المستشفى
اذا بغيرها بروح حق دكاترة مستشفى السلام اهما احسن شي بس المشكلة ماحب مستشفى السلام

 

[بسبوووسه]

رد: تجمع للحالات اللي تراجع عند د.خالدة المجيبل

وايي بناات انا باجر موعديي ما يندرا يا انيي اغيرها يا اني اثبت وياها ... باجر يبين ادعووليي

 

[lollipops]

رد: تجمع للحالات اللي تراجع عند د.خالدة المجيبل

انشالله الله يكتب اللي فيه الخير وطمنونا عليكم

 

[*دانة الخليج*]

رد: تجمع للحالات اللي تراجع عند د.خالدة المجيبل

دكتوره تخصهها نادر بالكويت اللي افضل منها دكتور ماجد الشمرى وهي كانت تدرب عنده بالصباح

وهي زينه وماعليها اي كلام للحالات الصعبه

بس عيبها ان اسعارها غاليه وايد مو ثابته

والعيب الثاني انها عيوله بالولاده كل تسوي تحريض ولاده ماتننتظر الطلق مع اني سمعت انه مو زين لانه يسبب ترهل بعنق الرحم والحملات القادم احتمال الوحده تحتاج ربط

بس اللي محتاجتها وحملها في مشاكل فانصحها فيها مع ان موجود دكتور افضل منها وهو دكتور ماجد الشمري بالصباح وعنده عياده خاصه
بس انا افضل المرأه على الرجل؟؟؟؟

 

[*دانة الخليج*]

رد: تجمع للحالات اللي تراجع عند د.خالدة المجيبل

شلونكم بنات

مادري في غيري مراجعتها كانت هالاسبوع؟

دقيت قبل ما اروح عشان اتأكد اذا في تأخير وللا ادخل عالموعد بالضبط قالت لي زهره في تأخير ربع ساعه بس ، قلت مو مشكلة مقدور عليها، رحنا على موعدنا و نطرنا بالضبط ساعتين بعدها نادتني السستر و قالت لي يللا دورج دخلي دخلت انا و زوجي وللا في وحده داخل ما طلعت زوجي حده انحرج
دخلتني السستر و اسدحتني على السرير و نطرنا تقريبا اقل من عشر دقايق على ما خلصت الدكتورة من المريضة اللي عندها و التلفونات و يتني
حطت السونار على بطني ثواني حتى ما شفت الياهل من سرعتها (عاد انا احبها عشان سونارها) و قالت لي لازم سونار داخلي قلت لها ليش لازم هذا السونار شفيه ؟ جان تعصب و تزفني و تقول انتو الكويتيات دلوعات و راسكم يابس تعاندون كيفج يا سونار داخلي يا انج تراجعيني كل اسبوع (و مسكت السونار الداخلي تأشر عليه طبعا كان مستعمل مو منظفينه و تأشر عليه جدام زوجي حدي انحرجت) تقول خو مو كله بيدخل بس هالكثر راح ادخله و لازم اسويلج انا مو قاعده اقص عليج عشان اخذ فليساتج (كانت معصبه و اسلوبها غريب جان اطالع زوجي) جان تقول: و لا تطالعين زوجج على بالج بخاف منه انتي تبين تخوفيني يعني
طبعا قمت من السرير لقيتها مجهزتلي ورقه طلب تحليل و تقول (حياكم الله يعني طرده )
و الله ما كملت معانا 4 أو 5 دقايق
حتى كان عندي اسئلة وايد بسألها ما عطتني مجال


خفت منها ، اخاف تتنرفز علي وقت الولاده ، بصراحه طلعت منها متنكده و قاعده اراجع نفسي حتى زوجي تضايق من اسلوبها

عادي هذا اسلوبها الدكتوره سبحان الله بالخاص والحكومه ماتغيرت ابدا

ماتعرف تجامل وايد مع انها لازم تكون مرحه وايد لانه عياده خاصه

يمكن كانت متضايقه من المرضى لانهم وايد يتشكون:cxxxp:

يمكن كانت تعبانه او عندها ظروف خاصه؟؟؟

ان شاء الله تقومين بالسلامه

 

[autointoxication]

رد: تجمع للحالات اللي تراجع عند د.خالدة المجيبل

دكتوره تخصهها نادر بالكويت اللي افضل منها دكتور ماجد الشمرى وهي كانت تدرب عنده بالصباح

وهي زينه وماعليها اي كلام للحالات الصعبه

بس عيبها ان اسعارها غاليه وايد مو ثابته

والعيب الثاني انها عيوله بالولاده كل تسوي تحريض ولاده ماتننتظر الطلق مع اني سمعت انه مو زين لانه يسبب ترهل بعنق الرحم والحملات القادم احتمال الوحده تحتاج ربط

بس اللي محتاجتها وحملها في مشاكل فانصحها فيها مع ان موجود دكتور افضل منها وهو دكتور ماجد الشمري بالصباح وعنده عياده خاصه
بس انا افضل المرأه على الرجل؟؟؟؟

وين احصل د.ماجد الشمري؟؟ اقصد وين عيادته الخاصه ؟؟

 

[بلي ستيشن]

رد: تجمع للحالات اللي تراجع عند د.خالدة المجيبل

اشفيكم يا الحريم تبون جنازة وتشبعون فيها لطم كل هذا عشان دكتورة خالدة تتكلم عشان مصلحة المريضة!!!! والله عجيبة أنا كنت أراجع عندها بالصباح وراجعت عندها بالرويال حياة ما تغيرت أبدا حبوبة وتحطينها على الجرح يبرا بس للأسف في ناس حاقدة ليش مادري!!!!
ويا بنت الخليج اذا انتي مو متأكدة من كلامج لا تقولينه عن دكتورة خالدة مع احترامي للدكتور ماجد الشمري فهم الأثنين نفس التخصص ولو تعرفينه روحي سإليه عن دكتورة خالدة أصلا في بعض الحالات الصعبة لما يحب يتأكد منها يحولها حق د .خالدة عفية سألي وانا واثقة من كلامي .
حرااااااااااااااااااااااااااااااااااااااااااااااااااااااااااااااااااااااااام عليكم بسكم حش وغيبة ونميمة استغفر الله يا ربي.

 

[autointoxication]

رد: تجمع للحالات اللي تراجع عند د.خالدة المجيبل

حبيبتي الحش و النميمة شي
و تبادل التجارب شي ثاني
انا شخصيا زفتني و كان اسلوبها سيء معاي بموعدي الاسبوع اللي فات
طلعت منها و طلبت موعد عند دكتور ثاني بس ما أكدولي الموعد جان يقولي زوجي خلينا نجربها بعد مرة اخيرة هالاسبوع

و الصراحه اهيه شااااطره لكن الوحده تبي بعد اسلوب حلو بالتعامل
يعني تخيلي بتولدين و تكون دكتورتج منرفزة
حده مو وقته

انا هذا اللي احاتيه
ما ابي حزة الولاده يكون احد من اللي معاي منرفزين بروحه كافي اللي فيني

اجرب باجر موعدي و الله كريم

خصوصا اني حبيت المستشفى و ارتحت لها

 

[مبدعة]

رد: تجمع للحالات اللي تراجع عند د.خالدة المجيبل

اخت بلي ستيشن هدي اعصابج ما لا داعي كل هالانفعال

الاخوات ما حشوا فيها كل وحده وقالت الموقف اللي صار لها

و اهيا الدكتورة خالدة صج حبوبة و فاهمه شغلها و شاطره بس ترى اسلوبها معروف انها ما تجامل و دفشه شوي يعني ما اتحب الدلع

ويمكن البنات يوم راحوا لها كانت مضغوطة و الا ماره بظروف

الله واعلم

 

[جرح الليالي]

رد: تجمع للحالات اللي تراجع عند د.خالدة المجيبل

وين احصل د.ماجد الشمري؟؟ اقصد وين عيادته الخاصه ؟؟

عيادته الخاصة بالجهرا

اخذي جوازج وروحي له خخخخخخخخخخخخ

 

[autointoxication]

رد: تجمع للحالات اللي تراجع عند د.خالدة المجيبل

عيادته الخاصة بالجهرا

اخذي جوازج وروحي له خخخخخخخخخخخخ

لوووووووووووووول صاجه

عاد انا ذاك اليوم رايحه دبي بالبطاقه المدنية بس الجهرا يبيلها نزهب جوازاتنا :dddds:

 

[جرح الليالي]

رد: تجمع للحالات اللي تراجع عند د.خالدة المجيبل

خخخخخخخخخخخخخخخخ



بس ترا يستاهل العنوة

مرة حولتني له د خالدة عشان تحليل محد يسويه بالكويت الا هو

انشالله محد يحتاج حق هالتحليل

 

[@فافى@]

رد: تجمع للحالات اللي تراجع عند د.خالدة المجيبل

ششخباركم بنات شنوا مسوين جرح الليالى عشاش من شافج autointoxication مبدعة وبنت الخليج وبلى ستيشن وبسبوسة lollipops اتمنى انى ما نسيت احد اشلونكم جمياعا نفر نفرا
بقترح عليكم اشريكم كل وحدة تكتب اهى باى شهر عشان نعرف منوا قبل الثانى ولادتة والله يسهل على الكل