تجمع مدرسة Gulf British Academy

[new woman]

الأية الأستاذ ماشاءالله كان محفظهم اشويه وانا كملت عليه والحين خلاص حفظها

بس العربي صارلهم جم يوم ما في دراسة

ليش صفكم جذي -- احنا المساعدة أول بأول اتحط الأوراق المدرسات يصلحون علا طوووووووول

 

[bambena]

مادري والله اهم زينين ويتابعون وايد بس هاليومين لان ابلته كانت مصممه الحفله مالت المطافي وتروح وياهم فلهت الظاهر

والسوره توهم ماخذينها ماحفظوها الظاهر متاخرين شوي

فت اند فن طلع بالجامعه سالت بنت حماتي بالجامعه جان تقول هذا مو لليهال للكبار مافيه الا بلياردو وبولينغ وهالسوالف تقول اييبونله رحلات طلبة الثانوي !!

قتلها مايصير اليهال باجر رحله بيروحونله احتمال فيه شي لليهال مسكر ولا مو مبين مادري حتى ورتني صوره ماكو الا بليارد وهالسوالف مالت الكبار

 

[new woman]

أي جامعة ؟؟ ولدي متأمل حديقة الشعب حولي بارك شيء من هالسوالف مو جامعة شكو

خل يخلصون ابتدائي علشان يرحون جامعة الظاهر بيسونهم طموحيييين

واجب الساينس drow or find pictures of different light sources

واجب توبك make a poster to show the toys your grandparents used to play with the toys your parents used to play with and the toys that you play with

 

[bambena]

والله اقولج حاطه صوره بالبي بي فت اند فن جان اسالها هذا وين قالت عندنا بالجامعه مايندرا بعد جان فيه مكان ثاني لليهال

دزيت مسج توني للابله قلتلها مايصير جذي انتي قلتي حطيتوا الكتب ورد الولد جنطته مافيها شي ! والعربي صور لنا ورقه وحده وبس لا واجب ولا ندري وين واصلين مو باجر تحاسبونا على الهوموورك

قالتلي اسمحيلنا انا مشغوله مع حفلات المدرسه وماكو الا ابله وحده بالصف وراح اوصل شكوتج للاداره

الولد اسمعه يسمع وطني وعلمي ويرفرف لكن كلش ماكو واجب نفس اول ولا كتاب نحل فيه !!

 

[new woman]

انا يبت حق ولدي كتاب من الحكومة مال العربي علشان يتقرا ويكتب

بصراحة رحلتهم غريبة عجيبة بس ماقلتي شنو أسم الجامعة ؟؟؟؟؟؟؟؟؟؟؟؟؟؟؟

 

[bambena]

بالشويخ اعتقد علوم اداريه

او احتمال انه له مكان خاص وحاطين لهم فرع موقت بالجامعه

 

[new woman]

صبــــــــــــــــــــــــــاح الخيــــــــــــــــر

ان شاءالله اجازة الأسبوع الياي شنو خطتكم حق اليهال ؟؟ شكل عاشقة غربة بالسلامة

سافرت

والله انا كان مفروض اسافر الصين بس احاتي عيالي الكبار علشان موعد امتحاناتهم

 

[bambena]

صباح النور

والله لاتسافرين شيوديج الحين هالاماكن تخرع

تصدقين ماقالولي لي الحين عن العطله

اليوم قالي عبود الابله قالت للرحله نلبس لبس رياضه وناخذ بس لنش بوكس وصدقته ماوديت وياه الجنطه

 

[new woman]

انا احب السفر واعشقه

حتى امس علاوي راح من غير جنطة عادي بس ما حطيت له اكل عطيته فلوس جان يقولي الأكل اللي شريته مو حلو وكان حبيبي حده يوعان

 

[new woman]

صج ما حطوا ورقة العطلة بس ابلة العربي كاتبتله ان عنده املاء يوم 17 - 4

 

[new woman]

يا كثر الواجبات وبدال القصة معطينه قصتييييييين

 

[BaLLoNa]

انا انشالله عقب سنتين بنظم وياكم بلتجمع ريلي مو راضي روضة خاصة يقول مايسوى يقط فلوس علروضة مايدري ان اهم شي التأسيس شلون افهمه مادري مليت ، انشالله هلسنتين روضة ادخلهم حكومية والابتدائي بوديه هلمدرسة ، اذا عندكم نصايح فيدوني

 

[bambena]

صباح الخير

والله انا ما انصح

لانههم يبدون يعلمونه يكتب من الروضه ان دش كبير بيصير فيه فرق بينه وبين اليهال انا ولدي كان بحضانه انجليزيه بس الظاهر ما كانوا يخلونهم يكتبون وايد فلما يبته عندهم روضه اهو كلش ما يكتب والباجي اللي عندهم من الحضانه ماشالله خطهم ورسمهم يهبل

امس حطولي ورقه ان العطله الاسبوع الياي

 

[new woman]

اي والله انا مع بامبينا

اهم شيء التأسيس والروضة عندهم غيررررررررر كلا نشاط وحيوية وانتاج
بس روضة الحكومة خمول واسكت لا اتحرك لا كتابة ولا شيء

حوالي تقنعينه بهداوه لآن لما اتودينه وهو كبير راح يحطونة مع اليهال اللي ما يعرفون انجليزي وراح يتعب بالبداية لانه مو فاهم شيء

 

[new woman]

بسوي عيد ميلاد وليدي بعد الأجازة ان شاءالله
لأن عيد ميلاده يوم 16 -4 بما انه عطله بسويلها يوم الأحد اذا الله كتب

شنو تنصحوني ايبله غير الكيك والعصير
ابي الهدايا ايب مثل شنو ؟؟؟ اهو قايلي ما ابي تشترين لي من بو 100 فلس ( صادني )

يعني شنو اشتري حده وهقني

 

[BaLLoNa]

اي انشالله بقنعه حتى لو علاقل ثاني روضة اوديه . نيووو بخصوص هدايا التوزيع روحي ماكس حولي عندهم خوش العاب و مو غالية يعني 400 فلس و فوق*

 

[new woman]

مشكوووووووووووووره بالونة

بمر باجر واشوف اذذا اكثر من 400 ما راح اشتري

 

[new woman]

مساء الخير

شلونج بامبينا وبالونة عساكم بخير

اشلون عيالكم --- انا ولدي طاير من الوناسة علشان العطلة لأني مواعدته اني بطلع كل يوم مكان

عاد كلام الليل يمحيه النهار

 

[new woman]

صباح الخير

اشلونكم واشلون عيالكم عساكم بخير

 

[داريني]

حبيايبي انا ولدي في بلاي قروب وناويه انقله يير ون عند مدرستكم اشرايكم فيها بكل صراحه اهم شي سهلين ولا صعبين
انا ابدي مدرسة ما تثقل بالهوم ورك مو كسل مني بس لاني هم انا طالبة وادرس
وانا العام مريت لهم مبنى حده صغير و على الاساس بدخله من روضه بس زوجي ما رضا ما عجبه كلاسات والمكان مقموت
بس صفوف الابتدائي اتوقع اشرح والمهم ابي الادارة والستاف التدريس زينين ولا يعني ؟