تجمع مدرسة النجاة النموذجية اللي بالمنقف

[المزن83]

مشكوووووووووورة يا عمري يا حورية والله صج ريحتيني وجني بتوكل على الله وبسجل بنتي حق السنة الياية ان شاالله .

حبيبتي والله مجنونة نت شكلج مقهورة حدج الصراحة ما ألومج بعد هذي بنتج وانتي خليج وراهم وراهم والله كريم
وروحي حق الناظرة احسن وكلميها بهالفوظى اللي صايرة ، يمكن يتغيرون وكثر الدق يفك اللحام

 

[المزن83]

وياريت باجي البنات اللي بناتهم بهالمدرسة يشاركونا ويفيدونا من خبراتهم
و ما تقصرون حبيباتي

 

[حورية بنت حواء]

اب


اب

 

[مجنونة نت]

عيدكم مبآآآرك

شلونكم... وشلون عيآلكم

أنآ غيبت ولدي آلخميس قبل آلعيد,,, قلت خل يلعب ويستانس

وأفكر أغيبه الاحد

 

[حورية بنت حواء]

عيدكم مبآآآرك

شلونكم... وشلون عيآلكم

أنآ غيبت ولدي آلخميس قبل آلعيد,,, قلت خل يلعب ويستانس

وأفكر أغيبه الاحد

وانتي بخير وعساج من الفايزين العايدين

تصدقين انا بعد غيبته الخميس
بس ليش بتغيبينه الاحد من صجج ماله داعي خليه يداوم

 

[حورية بنت حواء]

اب





اب

 

[كريستآله]

انا عيالي واحد برابعه والثاني بثانيه بالنجاة المنقف صراحه دراستهم مو عاجبتني مو نفس المدارس الخاصه الثانيه والله العظيم انهم نفس الحكومه بالضبط بس الفرق ان الحكومه ببلاش وهذولا قاعدين ندفع لهم يعني ادرس واصارخ ونحل الواجبات كل يوم وماكو فايده اما المدارس الخاصه الثانيه يدرسونهم بضمير وواجباتهم يحلونهم بالمدرسه والولد يفهم عدل من المدرس والا النجاة صراحه ما اعجبتني طريقة تدريسهم بس زوجي مو راضي يطلع عيالي منها لان الشي الوحيد اللي حلو فيها الاحترام ومافي صبيان قليلين ادب والناظر والمشرفين امشين الطلاب سيدا
وسامحوني طولت عليكم

 

[حورية بنت حواء]

بنات حبيباتي

منو مشركه ولدها بالباص

 

[شموااهـ]

رد : تجمع مدرسة النجاة النموذجية اللي بالمنقف

انا اول اشارك معاكم بالموضوع
اعجبتني حركتهم
اليوم الرياضي في نادي الساحل
ولدي حيل استانس
صراحه حلو تغيير بطربقة التدريس

 

[حورية بنت حواء]

ابه والله صاجه خوش حركه
والولد راد مستانس الحمد الله

بس تدرين ياني وطاقته الشمس الولد قالب كحلي
قعدنه يوم كامل نفرك فيه

هههههههههههه



بس تدرين ياني والمقلمه مو معاه يقول ماما انا اسف نسيت المقلمه
جان اقوله فدتك مية مقلمه

 

[CrystalQ8]

والله زين عتدهم الأبتدائي ترفيه انا ولدي بسابع مايقول لي شي الله يعين

 

[حورية بنت حواء]

بنات
متى الشهايد ماصارت

 

[CrystalQ8]

السلام عليكم
حوريه حبيبتي شلون نظام الأبتدائي عندهم في ترفيه وحوكات مثل المدارس ثنائيه اللغه لأن احتمال انقل ولدي من المستقبل صف ثانيه يروح

 

[CrystalQ8]

السلام عليكم
حوريه حبيبتي شلون نظام الأبتدائي عندهم في ترفيه وحوكات مثل المدارس ثنائيه اللغه لأن احتمال انقل ولدي من المستقبل صف ثانيه يروح

 

[مجنونة نت]

وعليكم آلسلآم

كرستال انا نقلت ولدي من المستقبل لهم والصراحة فرق

اول شي نفسيته صارت حلووووة.. ثاني شي احسه فهم اكثر عليهم وتحسن مستواه ثالث شي فيه اهتمام من المدرسين

وبالنسبة للترفيه عندهم رحلات اما المستقبل معظم احتفالاتهم بالاعياد النصرانية وهذا السبب اللي طلعنا ولدي منها

واللي تقول الواجبات بالعكس النجاة واجباتها اقل من المستقبل.. المستقبل كان يكرف لين ينام بالواجبات والنجاة ساعتين وهو خالص

أنا حيييييييييييل عاجبتني مدرسة النجاة للاولاد عناية وحرص واهتمام

 

[CrystalQ8]

مشكوره مجنونة نت انا كنت بسجله هالسنه بس مالقيت مكان فسجلته بالمستقبل ماصذقو خذوة انا مجربتها بولدي من سادس عندهم مستانس عندهم ان شالله الحق عالتسجيل متي يبدي هر ١او٣

 

[CrystalQ8]

مشكوره مجنونة نت انا كنت بسجله هالسنه بس مالقيت مكان فسجلته بالمستقبل ماصذقو خذوة انا مجربتها بولدي من سادس عندهم مستانس عندهم ان شالله الحق عالتسجيل متي يبدي شهر 1او3

 

[هجووورة]

السلام عليكم
اشلوووونكم يالغاليات
اسمحولي دخلت تجمعكم بسبب هالسكراب
بس رب ضارة نافعة
انا كان واحد من عيالي بالنجاة اللي بالمنقف وديناه لان اكثر المدارس صاروا معلمات والابو ما يبي ولده يتطبع عشتو
المهم
اطالع الا ولديي قام يتردى وراح توضح الصورة اخر العام انقله ما يعرف كوعه من بوعه مع انه اول السنه شعلة
وسأل زميلاتي بالدوام جان ترد وحده قالت طيعيني ووديه الحكومه ترا ما بينهم فرق اللهم دفع الصاريف النجاة جتها فترة كانت رووووعة
بس هالحين ترا عاديه وسألي فلانه وفلانه وفلانه اللي ودوا عيالهم الحكومه
المهم في السنه اللي عقبه نقلانه ورزقنا الله في خوووووش مدرسات مسكوا ولدي من ثانيه بصراحه ما كان عندهم مجاملات مثل المدارس الخاصة يعطونج الصافي
الحمدلله ولدي مشى من غير الجاة او غيرها
انا حبيت انقل تجربتي كأم ولا كان قصدي احبطكم بس التوفيق من الله
عندي زميلة جابت ولدها من النجاة ودخلته المتوسط حكومي اقسم بالله ما مشى ردته على الجري التعبانه

 

[حورية بنت حواء]

السلام عليكم
الحمد الله واخيرا استلمنا الشهايد


وامس كان في اجتماع
انا ما رحت الاجتماع علشان حسيت انه ماله داعي لروحتى للاجتماع


اشلون كان الوضع بشرو عن شهايد عيالكم

 

[توتا وحب الكويت]

وعليكم السلام ورحمة الله وبركاته

يعطيكم العافية بنات التجمع

انا اول مره اشارك معاكمكم بالتجمع بس كنت متابعه جيده لكم

بالنسبة للشهايد استلمناها والحمد الله تبشر بالخير الله يديمها علينا
مع اني كنت خايفه وايد لانه الولد ناقلته يديد من المستقبل وما ادراك ما المستقبل