تجمع مدرسة الابداع فرع السالميه ica

[bambena]

احنا مو كامب اوت بس بيجاما داي
يروح المدرسه بالبجاما

والمدرسه بالنسبه لي زينه بس لازم متابعه من ولي الامر ط

 

[kaboOOOOOOOOsa]

انا بالنسبه لي ولدي في grade 1 كل اسبوع يطرشون معاه خطة الاسبوع عاد امشي معاه يوم بيوم

وطبعا كل يوم لازم يقرا القصص الي عليه هل سبوع و اراجع معاه الspelling words كل يوم واحل معاه الواجبات و اسويله تمارين يحلهم
هذي قصتي يوميا



والله ما عندي فكره ان شاء الله البنات يفيدونج

سآلي مدرسته افضل



اي والله ان شاء الله يتصحصح



لا الافضل يروحون في بيجاماتهم

انا لبست عيالي بيجاماتهم وراحوا

بس انا مستغربه من شغله
بنتي في kg1
و طرشوا معاها ورقه مكتوب فيها انه يبون نييب اي صنف من الاكل الي فهمته انه حق الصف كله !!!1

بس جنه محد يايب بالصف غيرها

احد شاف هل ورقه غيري؟

انا طرشت معاهم ساندوش بس لاحظت وايد ياييبين شبس ووحده يايبه ببكورن لا فيه بس على قولتج مو الكل ياييب بس ولدي مسكين مشتهي الساندويش رجع اتشره ان ماحطوه ولا كلوه بطو جبدي صراحه بسال ابلته شكوو ما وكلته اتنرفز

 

[kaboOOOOOOOOsa]

اشكالهم زوووووووقه اسم الله عليهم الله احفظهم
انا احب هالسوالف

ودي كل اسبوع اسون لهم شغله
انا استانس اكثر منهم

 

[bambena]

اي صاجه هالسوالف تونس وتحبب الياهل بالمدرسه

 

[kaboOOOOOOOOsa]

اقولون في شاهادات هالاسبوع بكون تقييم

 

[kaboOOOOOOOOsa]

حاطين يوم الخميس حل تمارين الكتاب اي كتاب

 

[Q8_Diva]

صج؟!؟!! تقييم kg1 or kg2???

أي كتاب؟؟

 

[امنيتى الجنة]

السلام عليكم اخواتى والله انا كتير متضايقة لانى حتى الحين مو شايفة اى استفادة الميس حق الكلاس بتاع ابنى كانت غايبة من اسبوعين وطبعا اتاخروا فى الاسبوعين دول عن باقى الكلاس التانى ولما اجات اديت لهم حق الاسبوع هدا والاسبوعين اللى فاتو راحو عليهم شو ها النظام انا بعت للمدرسة ومنتظرة الرد والتقييم هيكون لجميع الطلاب الكى جى والتمهيدى

 

[kaboOOOOOOOOsa]

انا ودي اروح اشوف شنو السالفه صراحه اليهال مايعطونج حق ولا باطل وانا عندي توم كلاس مس ليلى تعطيني الاوراق واتبلغني اول باول بس كلاس ولدي لا اخذ منها لاحق ولا باطل الاوراق بالزور طلع منها شي

والمشكله بس زاهبه اتحلطم عليه وان ما اركز ولا ينتبه

 

[kaboOOOOOOOOsa]

صج؟!؟!! تقييم kg1 or kg2???

أي كتاب؟؟

تقييم kg1 ا
ي كتاب ما ادري ممكن يقصدون الكتابه للاحرف :eh_s(10):

 

[bambena]

المدارس الخاصه يبون الياهل مخدي عشان ما يتعبهم مايبونه يتحرك بالصف

يهال على 6 سنين مادري شلون بيقعدون عجال 7 ساعات !!

عن جد ينرفزون بالتشكي​

 

[Pissy Missy]

بنات انا بعد متنرفزه ولدي طبعه وايد حركي ويحب اللعب
قمت اتنرفز كثر ما مدرسته تحن علي
ياربي شسوي كل يوم قاعده اوصيه واكلمه مادري شنو اسوي اكثر
الحمدالله درجاته زينه واييب full marks
ضاق خلقي ومادري شلون اتصرف معاه

 

[bambena]

نفسي بالضبط قمت انقمت لا دشيت المدرسه وايد متضايقه وايد يحنون سويت معاه كل شي ولاحظت ان الصراخ او الاعصاب ماتفيد ونفس الشي شاطر وذكي اسم الله عليه

كلميه بهدوء ووعديه بمكافاه لا صار زين


ولدي بالبيت يسمع الكلام ويقعد ويدرس الابله المفروض تضبط اليهال بالصف !!

ولاحظت انها تشتكي لاغلب اولياء الامور الي اشوفهم من شطانة عيالهم نفس الكلام تبيهم كلش لايتحركون ولا ينطقون !!

يعني صف اولاد وصغار اولى !

الله يهديهم ان شاءالله ويوسع صدرها عليهم

 

[Pissy Missy]

نفسي بالضبط قمت انقمت لا دشيت المدرسه وايد متضايقه وايد يحنون سويت معاه كل شي ولاحظت ان الصراخ او الاعصاب ماتفيد ونفس الشي شاطر وذكي اسم الله عليه

كلميه بهدوء ووعديه بمكافاه لا صار زين


ولدي بالبيت يسمع الكلام ويقعد ويدرس الابله المفروض تضبط اليهال بالصف !!

ولاحظت انها تشتكي لاغلب اولياء الامور الي اشوفهم من شطانة عيالهم نفس الكلام تبيهم كلش لايتحركون ولا ينطقون !!

يعني صف اولاد وصغار اولى !

الله يهديهم ان شاءالله ويوسع صدرها عليهم

اي والله تصدقين انا بعد ملاحظه نفس الشي بالبيت عندي يقعد ويركز معاي ويحل الواجب

والمشكله ابلة العربي تشتكي من خطه بالكتابه وانه ما يكتب بالصف يضيع الوقت بالحصه

وعندي بالبيت تعالي شوفي خطه شلون مرتب حتى بغيت اقولها شوفي دفتر الواجب شلون خطه مرتب

اهو بس يبيله احد يقوله ويجيك عليه

اظاهر انه اهم يعطونهم التعليمات وخلاص يخلونه على كيفه ويبونه بعد ينتبيه ويركز

يعني مو كل اليهال ملائكه وهادين

المفروض اليهال الي شوي حركيين يعطونهم انتباه اكثر واهتمام بس مو ملاحظه هل شي

امس فكرت بطريقه عشان اشجعه

رحت المكتبه شريت صبوره بيضه وعلقتها بغرفته وحطيت جدول مكتوب فيه ايام الاسبوع و كتبت home و school

قتله كل يوم اذا صرت عاجل بالمدرسه راح احط لك star واذا صرت عاجل بالبيت وسويت واجباتك ودرست هم تاخذstar

اذا يمعت بالاسبوع من 8 ليه 10 نجمات لك هديه حلوه

ان شاء الله تييب نتيجه معاه

 

[bambena]

الله المستعان

ترى باجر بارتي واييبون جنك فود

 

[Pissy Missy]

انا وديت معاه جنك فود بس مادري يلبسون اليونيفورم والا ملابس عاديه ؟

انا لبسته اليونيفورم


بنات قريت انه في يوم في ديسمبر "disney" احد يعرف شنو سالفته هل يوم ؟

هل يلبسون على شخصيات دزني والا شنو ؟

 

[الـــريـــم]

بنات انا عندي استفسار بالنسبه للمدرسه

انا انشالله بسجل ولدي السنه اليايه kg1

شلون المدرسه بشكل عام والمدرسين والمنهج

 

[Q8_Diva]

party and junk food!!!
shesalfaa!?!?
ay class?
madre about the disney day,,any one does?

 

[bambena]

ديفا اعتقد بس صفنا اولى اولاد مو الكل

حتى انا قريته دزني بس مادري شنو اذا يبون كوستوم يالله يمدينا نطلب

 

[Pissy Missy]

اي نفس تفكيري عشان يمديني اطلب

كنت ناويه اسآل مس دوري اشوف شنو الموضوع بس نسيت :/