السلام عليكم شلونكم خواتي
قريت بالمنتدى موضوع وحده من الخوات يعطيها العافيه عن طريقة تشجيع الطلبه بالحصه وكان خاص للبنين
شوفوا الصدفه طلعت انا مسويه نفس الحركه بس باختلافات بسيطه
وانا فكرتي تصلح للبنات بعد
قسمت الصف 4 مجموعات كل مجموعه اختارت اسم من اسماء الفواكه (فراوله/برتقال/مانجا/كرز)
وسويت وسيله فيها ايام الاسبوع كل يوم فيه 4 اظرف على عدد المجموعات ولزقت على الاظرف صور للفواكه إلي اختاروها البنات فكانت الألوان إتيين المهم
وداخل الظرف في اوراق a4 كل حصه سواء اسلاميه او قرآن أطلع الورقه من اليوم (مثلا كان يوم الاحد) افتح الاربع اظرف للمجموعات جهة يوم الاحد واوزعهم على بنت بالمجموعه تكون اهيه القائده مسئوله عن هدوء المجموعه وتجيك على الدفتر بحصة الاسلامية يكون اسلامية والقرىن يكون قرآن لأن واااايد يتخربطون ذبحوني
المهم اوا ما ادش اجيك على نظافة المجموعه والكل يايب الكتب والدفاتر والكل موجود مو متأخرين على الحصة والمجموعه الهاديه فإلي متوفر في جذي اقول حق القائدة تحط صح لكل شغله سووها زينه واذا ناقصهم شي اقولها تحط غلط وجذي كل ما وحده تجاوب صح نضيف لها نقطة واي شغله غلط نحط لهم غلط لي يوم الخميس نعد مجموع النقاط والمجموعه الفايزه لها هدايا
صج صج صج نفعت الحركه فيهم من ناحية اهتمامهم بالماده ومن ناحية هدوووووئهم
اتمنى فهمتوني لأن قرقت وايد
انشالله الكل يستفيد
