تجمع مدرسات الاسلامية حيااااااااااااااااااااااكم

[قــ عينه ـــره]

السلام عليكم
الله يعطيكم العافيه على هالتجمع وعسى الله يزيدكم ويبارك فيكم
اانا مدرسه اسلاميه متوسط
انا فى اجازه امومه الحين وبداوم اول خمسه
وعندى سوالين
الاول

بينقلونى ولا لا ؟

الثانى
بيعطونى جدول ولا لا ؟

 

[أمة2006]

حيااااااااااااج الله ياقلبي

النقل حسب الناظرة
لكن اذا كان في نقص بمدرستج عادة ما ينقلونج اما اذا في اكتفاء وتم احضار بديل عنج ممكن ينقلونج
اكيد راح يعطونج جدول طبيييييييييعييييييييي

 

[أمة2006]

يبت لكم رابط

للملف الانجازي لكل معلمة
ضرووووووري تقرونه وانصحكم من الاول ابدي اشتغلي فيه عشان ما يتراكم ويضيع تعبج

وهذا الرابط

ملف انجازات كل معلمة

http://www.q8yat.net/showthread.php?t=326240

 

[أمة2006]

ام هنودة حبيبتي هذا الرابط راح يفيدج بدرس القرآن
افكار من حبيبتي نجمة ومني انا
اخذي وعدلي اللي تبينه

http://www.q8yat.net/showthread.php?t=326134

 

[قــ عينه ـــره]

حيااااااااااااج الله ياقلبي

النقل حسب الناظرة
لكن اذا كان في نقص بمدرستج عادة ما ينقلونج اما اذا في اكتفاء وتم احضار بديل عنج ممكن ينقلونج
اكيد راح يعطونج جدول طبيييييييييعييييييييي

يقولون المراقب متشدد وما تهمه لا الناظره ولا واسطه ولا غيرها
وبالنسبه للجدول اتوقع بيكونون مشطبين على المناهج .

 

[أم هنودة]

مشكوووووووووووووووووووووره حبيبتي امه 2006 ما قصرتي وانشالله اقدر اخدمج بيوم من الايام

 

[+بسبوسة+]

اذا انتي بالعاصمة كلمي بدرية الزيد

وقبلها شوفي موجهج...

بس اذا مدرستج فيها اكتفاء سهلة النقل..

نصيحتي داومي جم يوم قبل لاتنتهي الإجازة قبل لا يطلع قرار النقل..
وان شاء الله تصير سالفة تثبيتج في مدرستج اسهل...
وهذا الي سويته صج ذلوني بس الكل قالي لو ناطرة تخلص الإجازة كانت الإجراءات وايد اصعب

وبالتوفيق

 

[أمة2006]

للرفع

صباح الخير وجمعة مباركة للكل

قيمة الحياااااااااء اللي عندها فكرة اي شي عنها تساعدني

 

[نوني.]

انا مدرسة عربي بس دخلت مدرسه مستقبليه وادرس اسلاميه ومتوهفه فيه حيييييييييييييييييييييييييييييييييييييل

 

[أم هنودة]

السلام عليكم
ويييييييييييييييييييييييييينكم ابلات صارلكم اسبوووووووووووووووع لا حس ولا خبر
فقدناكم

 

[+بسبوسة+]

اي والله صخه


محد عنده ورشع درس ريادي

احنا نعين ونعاون

 

[غلاا الرووح]

[color="blue"]السلام عليكم ورحمة الله وبركاته .. الله يبارك هالتجمع ويزيده فائدة ونور ..

خواتي آنا عندي درس نموذجي ومحتاجة مساعدتكم .. الدرس حق سادس .. عفية اللي درست سادس تعطيني الأهداف السلوكية للدرس

معرفية ووجدانية ونفس حركية .. وأسلوب الأداء .. أول مرة أدرس سادس .. الدرس عنوانه ( الرسل الكرام أصحاب رسالة ورجال

عمل وجد ) ويا ريت إذا في مشهد تمثيلي تحطونه .. وشااكرة مساعدتكم [/b][/color]

 

[غلاا الرووح]

أمة 2006 حبيبتي احنا سوينه ندوة عن الحياء وااااايد روعة بس لأن عندي إشراف إداري ما حضرتلها كلها .....

والندوة للداعية ( نوال الصواغ ) ترى مو مذكره اسمها عدل بس متأكدة أنها من عايلة الصواغ الكرام

كان في ستاند حطيت فيه صور عن الحياء أخذتها من googl إن شاء الله أفدتج

 

[أمة2006]

مشكووووووووووووووووورة حبيبتي عظيم الشوق

يزاج الله الف خير

انزين والستاند اللي حطيتيه من غوغل شنو كتبتي بالبحث؟؟
جان زين اذا قدرتي تتذكرينه عشان تريحيني وان شاء الله بدوره بعد


انا ادرس سادس حبيبتي وراح اعطيج تحضيري وانتي عليج تعدلين فيه اللي تبين
بررررب

 

[أمة2006]

تحضير الدرس الرابع والعشرون

--------------------------------------

بسم الله الرحمن الرحيم
الدرس الرابع والعشرون
كان الرسل الكرام أصحاب رسالة ورجال عمل وجد

الأهداف السلوكية: 1- المعرفية
• تذكر أن الرسل مبشرين ومنذرين للبشر.
• تبين أن الرسل حثوا على العلم والعمل معا.
• تعدد الصفات والأخلاق التي دعا إليها الرسل الكرام.


2- الوجدانية
• تشكر الله على نعمة إرسال الرسل
• تقبل على العلم والعمل اقتداء بالرسل الكرام.
• تحرص على الاتصاف بمكارم الأخلاق.

3- النفس حركية
• تكثر من العبادات طاعة لله.
• تدرس وتتعلم استجابة لأمر الله ورسوله.
• تقرأ السيرة النبوية .

الوسائل التعليمية
• صور لأعمال ووظائف .
• شفافية
• لوحة الحديث الحفظ.

التمهيد
من هو رسولنا الكريم ؟
عددي أسماء بعض الرسل والأنبياء .
عللي : بعث الله الرسل الكرام .

المناقشة الصفية
1. ما أكبر نعمة أنعم الله بها علينا ؟
2. ما مهمة الرسل ؟ ما مهمتهم الثانية ؟
3. ماذا قالت السيدة عائشة عن خلق الرسول ؟
4. إلام دعا الرسل الكرام ؟ما أهمية العلم ؟
5. لم دعا الرسل الكرام إلى العمل الشريف؟
6. عددي أمثلة من حياة الرسل تدل على أنهم عملوا بالأعمال الشريفة؟
7. كيف حرر الرسل الناس من الخوف ؟اذكري مثال من سيرة محمد صلى الله عليه وسلم .
8. ما أهمية التعاون في حياتنا ؟اذكري مثال من السيرة النبوية.
9. اذكري مثال على التعاون في أيامنا الحاضرة ؟
10. كيف طبق الرسول مبدأ التعاون في حياته ؟
11. هل هناك فرق في الحساب بين الفقير والغني ؟ دللي بمثال .
12. إلام دعا الرسل الكرام من الأخلاق ومم نهونا عنه ؟

الحقائق والمفاهيم
• جاء الرسل مبشرين ومنذرين للبشر
• دعا الرسل الكرام إلى العلم والعمل الشريف .
o من أهم المبادئ التي دعا لها الرسل : التعاون – المساواة – الأخلاق الكريمة .....

القيمة المستفادة :
الاتصاف بمكارم الأخلاق
ومن مظاهرها السلوكية :
• شكر الله على نعمة إرسال الرسل.
• الحرص على العمل والعلم.
o الاتصاف بالصفات الحميدة ومنها الصدق والتعاون .

التقويم :

الواجب:

الدرس القادم :
الدرس الخامس والعشرون ....



هذا تحضيري العادي وانتي عدلي فيه وكملي التقويم والواجب لي الحين ما حطيتهم
طبعا لا تنسين تناقشين الموجهه فيه وشوفي الشي اللي مو عاجبج غيريه


اما موقف حاليا ما يحضرني شي

 

[أمة2006]

نوني حبيبتي ليش متوهقة فيه حيييييييييييييل؟؟؟
ماكو احلى من الاسلامية وحاضرين انساعدج بس قولي وين الصعوبة ؟؟؟

 

[غلاا الرووح]

أمة 2006 __ حطيت googl الصور وكتبت ( الحياء ) .. وطلعتلي صور تعبيرية كثيرة وحلوة حفظتها بالمستندات ونسختها عالوورد

وكبرتها A3 أو أي حجم تبين وغلفتها حراري .. وكان الله غفور رحيم

 

[أمة2006]

انزين حبيبتي عظيم الشوق مشكورة
ما شفتي التحضير فوق؟؟ مناسب والا لأ؟؟

 

[كويتيه عالي سماها]

السلام عليكم ..

شلونك يا ابلات

انا طالبه بالكليه والدكتور طلب واجب وهو تحضير درس وانا حضرت درس ثالت ابتدائي تربيه اسلاميه

وهو الدرس السابع " المسلم يرحم الطير والحيوان "

وباجر آخر يوم تسليم الواجب صدفه شفت موضوعكم قلت إن شاء الله تفيدوني خصوصا الإخت أمة2006
انا بس أبي الأهداف السلوكيه اللي إهيه المعرفيه والوجدانيه والنفس حركيه للدرس نفسه طبعا

وكلي امل تردون علي اليوم لأن مثل ما قلت باجر آخر موعد للتسليم

مشكورين مقدما وفي الانتظار وما لكم إن شاء الله إلا الأجر ودعوه بظهر الغيب

 

[غلاا الرووح]

إيه حياتي أمه 2006 تحضيرج حلو مع اختلاف بسيط بالقيمه احنا نحطها في كلمه بس مو جملة ونتي اللي حاطته كأنه حقيقة ..

تسلمين يا قلبي فدييييييييييييتج .. ها شفتي الصور ب googl ؟؟

كاني وماني .. بودي أفيدج بس آنا متوسط ...