تجمع مجربات الـ Derma Roller ..!

[أحساس مجروحهـ]

انا صارلي فترة استخدمه فالبيت .. السبب اللي خلاني اطلبه ان العقنقز ياني على كبر وخله اثر حفر بويهي
وطبعا استخدامه مو بالسهوله اللي تفكرون فيها .. له خطوات وايد مهمه واساسيه ابتدي معاكم بالطريقة
اول شي اختاري الرولر المناسب مثل ماذكرت الاخت ريم ستايل
قبل الاستخدام لازم تتأكدين من نظافة الرولر ونظافة المكان اللي راح تعالجين فيه ونظافة الايد
وغسل الويه بالماي والصابون قبل البدء
وفي كريمات ظرورية لازم تكون متوفرة معاج بفترة العلاج مثل : سيروم فيتامين سي و كريم يحتوي على فيتامين سي و اي وانا استخدم scacare مادري اذا متوفر بالكويت ولا لا بس انا طالبته من امازون واهو بنفس الوقت يعالج ويصحح البشره ويعيد شبابها
واذا بشرتج حساسه ظروري فيسوكورت او كريم مضاد للبكتيريا
ويستحسن يكون عندج مادة معقمه للرولر ويكون فيها نسبه من الكحول
وطريقة استخدام الرولر مثل الفيديو :
Perfect Skin using the Derma Roller - YouTube
طبعا ما يحتاج انج تدوسين بالرولر عشان تحصلين على افظل نتيجة بالعكس راح تأذين بشرتج ما تصلحينها
وعقب ما تخلصين حطي بالترتيب السيروم وبعدها الكريم العلاجي
ولا تغسلين ويهج بالصابون لمدة 3 ايام من عقب العلاج بس استخدمي الكريمات بكثرة والسيروم قبل النوم ظرووووري ولا ما راح تبين نتيجه معاج
واذا تحبين تبين معاج نتيجه سريعه وحلوه اخذي كبسولات فيتامينات ومكملات غذائية تحتوي على الفيتامين سي والاي قبل الريوق او الغدا عشان يكون العلاج داخلي وخارجي
للامانه الحفر اللي كانو بويهي ومأزمين نفسيتي اختفو بنسبة 70% وانا حاليا مستمرة وانشالله ماراح اقطع العلاج لين يختفون نهائيا

المموضوع قديم شوي. بس يعطيج العافيه علا ذكر تجربتج
وحبيبتي ممكن صورة ال scacare كريم؟ او شنو لون الكرتون لان فيه انواع وااايده ويعطيج العافيه

 

[DO7AWE]

اب اب اب

 

[روج عنابي]

روج عنابي أنا أخذته من يا تاعبني ...

دلال وفوفوبس يصير تستخدمونه لفروة الرآس أهم شيء لازم تعقمينها زين عند كل استعمال عشان ما تنتقل الميكروبات وتزيد حالتك سوء لا سمح الله

يووووووه انتي وينكـ عني من زمان :yaaaaaarb::yaaaaaarb: والله صارلي أكثر من خمس شهور وانا اسأل ابي احد شاريه من وحده من مندوبات منتدى عالم حواء وكل الي يردن علي مايبردن جبدي
روحي ياشيخه عسى الله يفتحها في وجهك ويرزقك حتى يرضيك ويسعدك في الدارين


عندي كذا سؤال طولي بالج ووسعي صدرج معي لاهنتي ؟؟؟

أولا : انا ودي اطلب مقاس واحد ونص ابيه لندب السطحيه والمسامات الواسعه الي بالوجه بس لاني قريت انها ماتصلح تستخدمينها للوجه والجسم مع بعض

ثانيا : ووش استخدمتي من كريمات وغسول ابي طريقة التعقيم ياليت لو تشرحين لنا بالتفصيل الممل انا احب التفاصيل الدقيقه حتى لو تكتبن وقمت ومشيت ترى ماعندي مشكله هههههه حدي مستانسه ان في احد رد علي

ثالثا : كم اخذتي وقت لين وصلتك من الندوبه يعني من طلبتيها لين وصلتك وعادي استخدمها للمسامات الي على الأنف

اخيرا : كم مره الفروض استخدمها بالشهر وعادي لو في حبوب قليله جدا ولله الحمد ومو ملتهبه

وألف شكر ياعسل وعسى الله يثيبك على طرح تجربتك وان شاء الله تتحسن حالتك افضل وافضل :aha::aha::aha:


في انتظار ردك ​

 

[روج عنابي]

يووووووه انتي وينكـ عني من زمان :yaaaaaarb::yaaaaaarb: والله صارلي أكثر من خمس شهور وانا اسأل ابي احد شاريه من وحده من مندوبات منتدى عالم حواء وكل الي يردن علي مايبردن جبدي
روحي ياشيخه عسى الله يفتحها في وجهك ويرزقك حتى يرضيك ويسعدك في الدارين ​

عندي كذا سؤال طولي بالج ووسعي صدرج معي لاهنتي ؟؟؟​

أولا : انا ودي اطلب مقاس واحد ونص ابيه لندب السطحيه والمسامات الواسعه الي بالوجه بس لاني قريت انها ماتصلح تستخدمينها للوجه والجسم مع بعض ​

ثانيا : ووش استخدمتي من كريمات وغسول ابي طريقة التعقيم ياليت لو تشرحين لنا بالتفصيل الممل انا احب التفاصيل الدقيقه حتى لو تكتبن وقمت ومشيت ترى ماعندي مشكله هههههه حدي مستانسه ان في احد رد علي​

ثالثا : كم اخذتي وقت لين وصلتك من الندوبه يعني من طلبتيها لين وصلتك وعادي استخدمها للمسامات الي على الأنف ​

اخيرا : كم مره الفروض استخدمها بالشهر وعادي لو في حبوب قليله جدا ولله الحمد ومو ملتهبه ​

وألف شكر ياعسل وعسى الله يثيبك على طرح تجربتك وان شاء الله تتحسن حالتك افضل وافضل :aha::aha::aha:​

في انتظار ردك ​

:bbbiu::bbbiu::bbbiu::bbbiu::bbbiu:

 

[حنو الحنينه]

السلام عليكم

​

ابي وحده تحتسب الاجر وتحط صور الكريمات اللي جابت نتيجه مع الرولر :eh_s(9):عسي الله يوفقها

صور كريمات اللي قبل وصور الكريمات اللي بعد وجزاها الله كل خير​

 

[الكيكه دندن]

افكر اشتريها ان شاء الله للسترتش مارك عندي خطوط صغار بفخوذي حيل قاهريني جنه قطو شمخني ههههه

 

[حنو الحنينه]

السلام عليكم


تواستخدمتها علي خفيف بدون ضغط وحمرة بشرتي وحطيت بعد التجربه كريم مضاد الالتهاب اللي رسمت اسد

بكره ان شاء الله اقدر احط كريم بي بي الكوري الذهبي علي البشره

 

[وصايف الحلوة]

السلام عليكم
بنات اللي مستخديمين الرولر بشرونا عن النتايج أنا عندي سترش مارك وسيلولايت وأبي أعرف هل صج يعطي نتيجه لو 50% راضية الحمدالله
وياريت تحطون صور الكريمات اللي أستخدمتوها
ومشكورين يا أحلى كويتيات

 

[حنانك سر حبي]

بنات عندي سؤالين

١- اقدر استخدمه بمناطق معينه بالويه ولا لازم امرره على كل الويه .. انا عندي منطقه الحنج. اكثر شي فيه ندبات واثار حب شباب يصير بس بهالمنطقه اسوي بس كتجربه اخاف اسوي كل ويهي

٢- اذا تعرفون دكاتره موثوق فيهم يسوونه لان عندي كبدايه اجربه عند طبيب مختص احسن وين الدكاتره اللي يسوونه

 

[روج عنابي]

انا زعنانه ليش ماتردووون

 

[روج عنابي]

إذا حبوبك كثيرة وملتهبه انتبهي تستخدميه عشان ما ينقل العدوى لأماكن سليمة
مقاس 0،20 = للهالات وخطوط التجاعيد
مقاس 0،50 = للشد والنضارة
مقاس 0،75 = للمسامات الصغيرة ولفروة الرأس
مقاس 0،1 = للحبوب والمسامات الواسعة ولفروة الرأس
مقاس 1،50 = للحفر والندبات
مقاس 0،2= للسيلوليت وخطوط التمدد البسيطة
مقاس 2،50 = للسيلوليت وخطوط التمدد العميقة _يعني اللي صار لها سنوات كثيرة مرررة ظاهرة_

بنات أنا حقي مقاس 2 وعادي أستخدمه لبشرتي كنت في البداية أستخدمه لوجهي ولخطوط التمدد بعد ما أعمقها كويس ، بس ملييييت صرت أحط على خطوط التمدد زبدة الكاكاو وأترطب على طول والحمدلله ماشي حالها صايرة أحسن من أول ، أما وجهي استخدم نفس المقاس اللي قلته لكم ، طبعا ما أغرس الإبر جوا لالا أمررها فقط لأن المقاس كبير ...

وأي سؤال أنا حاضرة ، ومقاس 1،50 كويس عادي

بنات الله يرضى عليكم ويعطيكم حتى يرضيكم

انا ابي رد من الاخت حنين السعوديه او اسماء المنور

طلبت الرول وبيوصلني هاليومين بس بغيت الكريمات الي استخدمها مع الرول وبعده
حق الندب والمسامات الواسعه

حاولت ارسل رسائل خاصه للأخوات بس مشاركاتي ماتسمح
ياليت اذا وحده ترسلهم رساله خاصه الله يكتبها في ميزان حسناتكم
عشان يردون على ااسئلتي خساره استخدم الرول بدون كريمات ماراح يجيب نتيجه

والله يعطيكم العافيه​

 

[fwateen]

الموضوع روعه يعطيكم الف عافيه
انا ماعندي اثار بس ابي بياض ونضارة للوجه وابي استخدمها لليدين ابيها بيضاء ومشدوده ةض رايكن وش استخدم كريمات وسيريومات يلليت بالصور

 

[عروس2013]

بنات من تعرف احد يبيع الرول الاصليه بالسعوديه

 

[إيمــآن الكويت]

.
.


هالآلــه ودي اشتريها
بس كل مره اتردد ..

فيدونا بنات بتجاربكم بليز ..
تنفع للمسامات والخطوط او لآ :/​

 

[fwateen]

وين المجربات بنات ممكن تعطوني فكرة عن افضل المحاليل والسيريومات مع الديرما لبياض البشرة وللبقع

 

[fwateen]

وينكم ياحلوات

 

[نوف الصقعبي]

شكله يخرع كله إبر

مايشجع شلون تستخدمونه​

 

[عبث مراهقه]

السلام عليكم

صبايا ياعسولات ادري الموضوع قديم بس في بنات لسى متحمسات مع الآله الاعجوبه
derma roller

فقلت اكتب تجربتي المتواضعه مع هالآله العجيبه وانا لسى في اول استخدام ورح اكتب المستجدات هون
واتمنى نشجع بعض واللي مجربينها من اول يفيدونا بخبراتهم

بس اللحين رح اكتب بداياتي في التعرف ع الآله
في البدايه انا اعاني من تساقط رهيب بشعري لدرجه قربت اصلع
وفي رحلت بحثي عن طريقه توقف التساقط وتساعد على نمو الشعر
طبيت بهالآله العجيبه وقرأت عن تجارب كثيره ومدح رهيب

بحثت وبحثت وقرأت تجارب البنات معها للبشره والشعر لحد ما توكلت على الله وطلبتها من امازون
طبعا لقيت انواع مرررررره كثير ورخيصه جدا بس هذي بشرتي وماحبيت اغامر فيها

فقررت اطلب الاصليه واحافظ على بشرتي ورح تدوم معي فتره اطول
وسعرها مناسب ومو مرره غالي
طلبت dr.roller مقاسين 1 &1.5
الواحده ب 60 دولار وتقريبا كلفت الواحده لين توصل السعودية 300 ريال

جا معها كريم مخدر هديه بس قرأت نصائح اخصائيين البشره ومايفضلون استخدامه
فنصيحتي لكم تحملوا الالم البسيط ولا تستخدمونه

*تكنيك عمل الآله:
للي مو عارفه الابر هذي اللي ع الـ roller تخترق سطح البشره ويختلف عمق الاختراق باختلاف المقاس
البشره في هالحاله تحس انها مهاجمه تقوم تحفز انتاج الكولاجين الطبيعي عشان تلتأم الجروح
وبكذا نساعد ع افرازه بشكل طبيعي جدا ورح تعالج مشاكل البشره القديمه وبدون اي اضرار
وتساعد البشره في امتصاص 99% من الكريمات اللي رح نحطها


بعد هالحكي كله نرجع للمهم
وصلتني الطلبيه يوم الثلوث اللي فات وكنت مرررره متحمسه لها:eh_s(9):
اخذتها واستعملتها على طول ماصدقت وصلت
مشاكل بشرتي

وجهي :
باهت وشاحب جدا عندي هالات فضيعه عشان السهر والدراسه
واستخدام الكومبيوتر والايباد والBB دائما وعلى فترات طويله
وفي اثر خدش قديم بخدي من يوم انا متذكره فيسي وهو فيه
تقريبا طوله 2سم وعمقه نص سم

بشرة جسمي :
في شوي مارك سترتش وسلوليت خفيف في افخاذي
وعندي اكزيما بكفوفي وشوي في الايد فوق الاكواع
وفي اثر حرق فير شوي عميق من قبل 4 اشهر تقريبا في ايدي فوق الكف بشوي

شعري :
سبق ذكرت المشكله وهي سبب معرفتي بالآله تساقط فضيع وتقصف والشعر باهت مررره


نجي لاول استخدام لي :
قررت اسوي جلساتي العلاجيه مرتين بالاسبوع كمرحله اوليه وبعدين تصير في الاسبوع مره
عشان اعطي بشرتي فتره راحه تنتج الكولاجين

استخدمت لتعقيم بخاخ ديتول ومويه حاره للآله ولبشرتي alcohol swab

بدأت مع وجهي ب مقاس 1
سميت بالله وبدأت امررها وانا خايفه مرره بس قويت قلبي ومررتها على خفيف كبدايه :yaaaaaarb:
قسمت فيسي بخطوط وهميه ومررت في كل قسم 15 مره طولي و15 عرضي و15 مايل
بدون ما اقربها من منطقة العين ابدا لان الجلدة رقيقه ماتتحمل هالمقاس..
وانتظرت خف الاحمرار وحطيت زيت جنين القمح من وادي النحل لان كله فيتامين E
ورح ابحث عن كريمات مفيده وماتضر واذا استخدمتها رح اكتبها واكتب النتائج هنا..

بعدها عقمت الآله كويس واستخدمتها لشعري واستخدمت بعدها خلطة زيوت..

بعدها اخذت مقاس 1.5
عقمته واستخدمته على منطقه الارداف والافخاذ وحطيت بعدها كريم بالمرز للمارك سترتش
وبعدها فازلين تجديد البشره اللي معزز بالكولاجين .. ورح اشتري زبدة الشايا ان شاء الله واستخدمها

عقمته واستخدمته ع الحرق وحطيت بعده جنين القمح ..

اليوم الثاني الصباح غسلت وجهي بغسول (المفروض مانستخدم اي مادة كماويه قبل 24 ساعه)
وحطيت بعده BB كريم الذهبي واحس بشرتي شوي نضره ومنوره الحمدلله:eh_s(16):
اما جسمي لسى مالاحظت شي

ورح اكتب النتايج اول باول باذن الله

ملاحظه
قرأت عن الاضرار الجانبيه للجهاز انه ممكن يسبب جفاف للبشره فلذلك لازم الترطيب المستمر
التعقيم التعقيم التعقيم مهم ياصبايا
وكل شخص لازم له roller خاص ..


اتمنى اشوف تفاعلكم ونشجع بعض :eh_s(22):

لكم:eh_s(17):

 

[عبث مراهقه]

وين تفاعلكم ياصبايا :eh_s(16):
تحطمت :0bee2e8d89:

 

[fwateen]

اختي عبث مراهقه
الله يعطيك الف عافيه بصراحه انا اشتريتها من تاجره بالرياض اسمها كوريه ميه ميه
وﻻن طلبت وحده ثانيه من ايباي
والحمد لله انا ابيها لنضارةىبشرتي ولتفتيخ بشرتي وعندي بقع بكفوفي ومفاصل وشوية تجاعيد على كف اليد ابيها تكون بيضاء وناعمه وشوي منفوخه