تجمع للي تربي عيالها بروحها single mothers

[حرم سي السيد]

الله يعينكم على تربيه عيالكم

ويعوضكم خير

 

[Air Bag]

رد : تجمع للي تربي عيالها بروحها single mothers

السلام عليكم سنغولات
مبروك علينا المنحة الأميرية و نصرفها بلعافية
ربي يجبر بخاطر أميرنا الغالي و يطول بعمره:q8:
بس بنات تعتقدون منحة عيالنا بتنزل بحساباتنا وله حسابات إبهاتهم؟؟؟؟؟
إذا بتنزل بحسابات إبهاتهم عيل كدوا خيرررر!!!!!!!:0bee2e8d89:

 

[تـــرحـــال]

وعليكم السلام air bag

سبقتيني امس افكر بهالموضوع وبشوف شرايكم

انا النطق بالحكم يوم الاربعاء و السؤال اذا حكم القاضي بمصروف لبنتي هل اي شي مادي من منح

وهالسوالف تنزل بحسابها او حساب ابوها ؟

قلت لاخوي يسال القاضي وبشوف اذا تنزل بحساب ابوها بدق عليهم وبتنازل عنها اعرف وحده نفس وضعي

دقت عليهم وقالت مابيها عجبتني حريمه ياخذها انا اتعب واجمع الفلس ع الفلس عشان اصرف على بنتي وهو ياخذها بارده مبرده no way

 

[تـــرحـــال]

تسلمين حبيبتي حرم سي السيد

جزاج الله خير وماقصرتي

 

[Air Bag]

رد : تجمع للي تربي عيالها بروحها single mothers

رحولة.... ان شاءالله القاضي يحكملج بشيء يسوى ويطلعلج حق بنتج كامل مكمل
والمنحة قريت هني بلمنتدى إنها تنزل بحسابات عيالنا إلي بلمحكمة دام الحضانة عندنا:eh_s(9):
يعني حامض على بوزهم ياكلون فلوس عيالنا

 

[unapproachable]

حلوه اغنيتج ترحال


اير باق .. بالضبط هذا تفكيري .. بس كلمت ابوي عن الالف وقال يخسي ياخذه ... وان شاءالله يارب ماياخذه وراح اتفائل خير

 

[unapproachable]

ترحال .. انا بعد ودي اكمل والله .. بس عيزانه اسوي اوراقي لوول شوف الكسل ومرات اقول مالي خلق دراسه

التدريس مشكلته يشلج نفسيا من تدشين ماتقدرين تطلعين منه

 

[unapproachable]

التلفون ماسكت من المسجات (واتس اب)

تحسون الناس مقحطين مساكين .. شنو مشاريعكم بنات ؟؟

انا قلت بشتري اب 500 واخش الباجي بالبنك
وودي اسوي حق ريولي ليزر .. ومررات اقول اسدد شوي من قسط سيارتي وافتك منه

 

[تـــرحـــال]

عشان جذي ابي على طول اكمل مابي اتوظف اخاف اكسل وابرد

في بالي كذا طريقه شلون اكمل وان شاء الله خير

 

[تـــرحـــال]

air bag

الله يسمع منج وتنزل حق عيالنا ولا تروح لهم ما فادوهم بشي وياخذونها حرام

الحضانه لازم بامر المحكمه او شلون انا من تطلقت وبنتي عندي من غير امر محكمه

 

[تـــرحـــال]

تخطيطاتي لهالمنحه اللي بتطير بسرعه

ناويه اخشها لان وراي عرس اخوي وعاجبني نفنوف ولازم احوش له من الحين :cxxxp:

 

[Air Bag]

رد : تجمع للي تربي عيالها بروحها single mothers

رحولة.... الحضانة لازم تكون عندج بأمر محكمة.. أنا عيالي بحضانتي بأمر محكمة ونفقتهم تمشي بحساب المحكمة
إن شاء الله باجر القاضي يحكملج بلحضانة وبلنفقة وترتاحين يارب

 

[تـــرحـــال]

الله يسمع منج air bag

عاد حدي خايفه عقب اطمن نفسي واقول ان القانون مع المراه والطفل وخصوصا اني مو طالبه شي لي

وتنازلت عن كل حقوقي بس ابي حق بنتي والله كريم

وانا عندي قناعه ان كل واحد ياخذ على قد نيته وانا باذن الله نيتي صافيه :wqedqw:

 

[ماعرفتك زين!!]

رد : تجمع للي تربي عيالها بروحها single mothers

السلام عليكم شلونكم بنات
انا عندي امر حضانه من المحكمه وابوهم هم فاتح لولدي الكبير حساب يحولهم نفقتهم بس الحساب كان ودي بدون قضيه ولا مشاكل يعني بدون قاضي
المنحه وين بتنزل؟؟عند ابوهم ولا بحسابهم؟؟لانه بس عندي ورقة حضانه من المحكمه

 

[تـــرحـــال]

:eh_s(12)::eh_s(12)::eh_s(12)::eh_s(12):

التجمع بالصفحه الرابعه :eh_s(11):ياللهول

 

[Air Bag]

رد : تجمع للي تربي عيالها بروحها single mothers

بنات وينكم:080402ask_prv:؟؟!!!!!
شسالفتكم!!!؟؟
رحولة... بشري شنو صار على قضيتج اليوم؟؟
:yaaaaaarb:يااااارب خير لج ولبنتج
ماعرفتك زين.. إذا عندج حكم حضانة لازم تراجعين المحكمة قسم التنفيذ وتسوين إجراءات عندهم عشان المنحة تنزل بحسابج,أنا باجر بروح وأشوف شيصير معاي
أنا محكمة الجهراء:rgewrg: آخر الدنيا.. أنتي شوفي تابعة حق أي محكمة وراجعي عندهم والله كرييييييييم

 

[توته شيطونه]

انقول كل وحده تحط لها محامي وهو يسوي كل شي وانتي قاعده بالبيت احسن لج

 

[BABY MASTER]

السلام عليكم

بنات انا ولدت

يبت احلى بنوته و صرت منافسة لترحال وبنتها هع

الولاده,,,,,,,,,,,,,عالم اخر!!!!!

بس تبون الصج ما حسيت شي لان اخذت ابرة الظهر

ولهت عليكم يا حلوات,,,,

 

[Air Bag]

رد : تجمع للي تربي عيالها بروحها single mothers

بيبي ماستر ... حمدالله على سلامتج وسلامة البنوتة
يااااارب تتربى بعزج وعسى فالها خير عليج
ربي يعوض تعبج وصبرج بلي فبالج
حاولي تريحين عمرج ولا تحاتين شيء أو تتضايقين بهلفترة
ترا مو زين لج وللياهل ..إسأل مجرب... الله يعوضنا

 

[Air Bag]

رد : تجمع للي تربي عيالها بروحها single mothers

توتة شيطونة.. أنا عندي أتعب وأراكض بريولي ولا أحط محامي
يوخيتج لعبو بحسبتي
شفطو فلووووووسي علطل
لو بسولفلج فيلم ماتصدقين مواقفي معاهم:rgewrg:
التالية قمت أدابج على قضاياي بريلي يالله طلعت لنفسي حق