تجمع للي تربي عيالها بروحها single mothers

[تـــرحـــال]

رد: رد : تجمع للي تربي عيالها بروحها single mothers

الســـــــــــــــــــــــــــــــــــــــــــــلام عليـــــــــــــــــــــــــــــــكم

بعد غيـــــــــــــــــــــــــــــــاب طويـــــــــــــــــــــــــــــــــــــــــل
جنه فى اشياء وايد طافتنى شسوى دايخه من هالفلونزا دارت على البيت
واخر محطه انا من بعد عنوبى وام عنوبى وبنتى الحين انا دايخـــــــــــا
منها وكلا مالى خلق واذنى مسكره وراسى داير وعيونى تزغلل استغفر الله


جنى قرقت وايد ياسنقلات شخباركم والله ولهت على سوالفكم الحلوة​

:hjy5jewf:

هلا بالطش والرش والماي المعبى بغرش :ggdw:

الضاهر متفقه انتي واختج تغيبون علينا تجربون غلاتكم يعني

غاليين والله غاليين بس لا تغيبون
:tek:

شخبارج وشخبار بنووتتج

 

[أم عنوبي]

رد: رد : تجمع للي تربي عيالها بروحها single mothers

الســـــــــــــــــــــــــــــــــــــــــــــلام عليـــــــــــــــــــــــــــــــكم​

بعد غيـــــــــــــــــــــــــــــــاب طويـــــــــــــــــــــــــــــــــــــــــل
جنه فى اشياء وايد طافتنى شسوى دايخه من هالفلونزا دارت على البيت
واخر محطه انا من بعد عنوبى وام عنوبى وبنتى الحين انا دايخـــــــــــا
منها وكلا مالى خلق واذنى مسكره وراسى داير وعيونى تزغلل استغفر الله​

جنى قرقت وايد ياسنقلات شخباركم والله ولهت على سوالفكم الحلوة​

:hjy5jewf:

وعليكم السلام ورحمة الله وبركاته

سلامات وماتشوفين شر ان شاء الله<---- كلش مو ناقلتلها المرض _shh_:

أجر وعافيه....مايخالف المرض زين يضعف وينزل الوزن أحيانا" لوووووووو​

 

[أم عنوبي]

حي الله الغاليه

انتي وين غاااطه حيل طولتني علينا

هاا بشري شخبارج وشخبار عنووبي

بشري شصار بقضاياج ابشرج رفعت قضيه على طليقي ومطرش ابوه يحايلنا نتنازل جان اطلع واقول زقوووم في بطنه ما

اتنازل عن فلس حمر لبنتي لو انه لي عادي اتنازل مثل ما تنازلت عن شغلات واجد بس لبنتي ما اتنازل عطيت ولدك وجه

زياده عن اللزوم وحشمته وهو مو كفو حشيمه

هلا يالغاليه شلونج حبيبتي وشلون جوجو العسل
السموحه حبوبه كنت مريضه انا وعنوبي حاشه إلتهاب بأذونه واحتقان بلاعيمه ...وليلة العيد ارتفعت حرارته مسكين وبالعيد....عيدنا بضرس :wqedqw:

والله قضاياي ماشين فيها بالمحكمه أخذت حكم النفقه والأخ مستأنف الحكم يبي ينزل من قيمة المبلغ البخيل
وحكم الرؤية وكلت فيه محامي الحكم بنص شهر 12 الله يستر ويحكمون لصالحي
وقضية الطلاق برفعها بعد عملية عبادي مالي خلق محاكم ألحين لمن أخلص من عملية ولدي والله المعين


رفعت قضيه على طليقي ومطرش ابوه يحايلنا نتنازل جان اطلع واقول زقوووم في بطنه


لووووووووول زززززين سويتي لا تتنازلين عن حق البنت قطيعه تقطعهم
وأشوه أخيييييرا الوالد رضا يرفع عليه قضيه؟؟

لا تخلونه بهذلوه بالمحاكم مثل ما بهذل حياتج الله لايوفقهم​

 

[أم عنوبي]

مرحباااااا بناااااااات ... شخباركم ؟

شكل التجمع كله صابغ شعره اشقر بهالعيد <<-- الاخت معاهم :wqedqw:

ام عنوبي مشكوووووره حبيبتي عالترحيب :friends:

لووووووووووووووووووول

أقولج شي.....حتى طيفوف صابغه شعرها أشقر ههههههههه

ولدي لمن شافها ما عرفها طول اليوم قاعد يخزها ...منو هذي ؟؟أعرفها ما أعرفها؟؟ عقدت ولدي لووووووول



والعفو حبوبه وحياج الله بين خواتج:eh_s(21):
​

 

[unapproachable]

ولكم ولكم للشقروات الجدد لووول

ام عنوبي .. مايشوف شر عنوبي ياعله بابوه مو فيه لووول استغفرالله عموما الله يعينج على القضايا ومايشوف شر عنوبي بس عملية شنو؟؟

طيفوف ... ماتشوفين شر انتي وبنتج وولكم للشقره اليديده مبروووك النيولوك

 

[unapproachable]

ترحال .. من امه زقوووم في بطونهم فلوسنا وزين سويتي الصراحه هذا حق بنتج ومافي حشيمه بهالسوالف وخل يحشم نفسه اهو اول ريال شكبهر يبي حفيدته تتنازل عن حقها ... دنيا رديه الله يكافينا شرها

 

[unapproachable]

جنون اندرو .. والله مادري الصراحه انا طليقي ليما طلعت من بيته قام يلحقني بالسياره ويراقبني بس ماشفته ولا مره اهو قايل لابوي بس صدقيني الريال اللي يمد ايده على مرته دايما يكون جبان وعند الرياييل غير عن عندج .. واذا دخلتي المخافر والقضايا اتوقع بيخاف بس مادري عاد شنو نوعه طليقج يمكن يطلع مايخاف .. ومااشجعج على القضايا والمخافر بس اذا انتي شايفه ان ماكو غير هالحل فلا تخافين وادعي من الله كل ليله ان يكافيج شره انتي وعيالج
وموفقه حبيبتي

 

[unapproachable]

انا شفت ام طليقي بعرس ... وولدها ملج مادري تزوج المهم كل مره اذا شافتني بمناسبات تسلم وتسال عن حفيدها بس هالمره غير ... شافتني وسوت نفسها ماشافتني عطتني سكب محترم واتوقع انها جبانه وخايفه تواجهني لانها كانت حالفه انها ماتزوج ولدها لان في عيوب شرعيه ماتأهله للزواج وشكلها تراجعت وحلفها كلها خرطي والله ان شاءالله بيحاسبها .. بس حسيتها حقيره وقبل كانت تسلم علي عشان بس اتستر على عيوب ولدها بس الحين ضمنت ان الولد تزوج ولقتلها مقروده ثانيه وخلصت مصلحتها معاي

بس اخته سلمت علي بالعرس وطلعت احسن من الام .. صج دنيا رديه الناس تنسى الطيب وتنسى العشره ...انزين اوكي انا مااحب ولدكم بس علاقتي فيكم زينه شكو تسكبني

 

[unapproachable]

جنون اندور ... انا اول ما رديت لاهلي وقررت اني اطلب الطلاق كانت نفسيتي حيل تعبانه اذكر اول 3 ايام كانت حرارتي مرتفعه حيل وامي اللي ودتني الطبيب .. اذكر اني كنت انام انا وولدي واخلي الخدامه تنام معاي بالدار لاني كنت منهاره نفسيا وصادف ملجه اختي يعني لازم اكون موجوده بالعرس والملجه .. صج كانت ايام تعيسه اذكر رديت من عرس اختي بجيت بجي من نظرات الناس لي اذكر اني انفجرت وكنت متحطمه نفسيا وبس ابي احد يواسيني ويحس بمعاناتي .. لكن صدقيني كلها مساله وقت بس اول اسبوعين صعبين ومن تعدين 6 اشهر تنسينه سبحان الله .. انا قدرت انساه بسرعه لان انسان ردي ونسيانه كان سهل

 

[unapproachable]

اي والله صاجه غلط تاخذين احد يصيرلج لان راح يكون الوضع وايد صعب .. وصاجه المره اليايه من امه طاف تولي اهي وولدها وان شاءالله محد بيعطيهم الطاف الجايد اللي بيجرحهم بقلبهم الا المره اليديده ... عسى الله ينتقم لي من كل شخص ظلمني

والله يعينج الطلاق مو هين .. بس انتي حاولي ماتفكرين بالموضوع واهتمي بعيالج اكثر عشان ماتندمين بعدين

 

[تـــرحـــال]

عسى ماشر ام عنووبي شفيه عنووبي ليه بتسوين له عمليه؟

وخل يحشم نفسه اهو اول ريال شكبهر يبي حفيدته تتنازل عن حقها ... دنيا رديه الله يكافينا شرها

لا حرام منووول ابوه ماله ذنب اهو جا يقول خل نحل الموضوع من غير محاكم وانا بتكفل بكل شي

يبي يرقع الموضوع المسكين متفشل وشارينا وما يبي توصل للمحاكم بس نو واي انا اقنعت اهلي عقب الشين

 

[أم عنوبي]

يا هلا بالشقراوات
ههههههه
شرايكم نغير اسم التجمع من سينغل وومان الى شقراوات وومان
لووووووووول

مع احترامي لج منووووول

ولدي الله يسلمكم فيه فتاق ويحتاج عمليه

الله المعين

 

[unapproachable]

ترحال ... زين اشوه عيل فيه الخير اليد ..

ام عنوبي انا شعري احس مو عاجبني حيل قصته واللون حلو بس مادري ليش مو طايقه نفسي لوول بس ان شاءالله بعتني فيه واخليه غصب طيب يطول ان شاءالله ...
ومايشوف شر عنوبي بعد عمري

 

[تـــرحـــال]

لا تحاتين جنون اندرو ماراح اتنازل

دق ابوه اليوم على ابوي بعد يطلبه قال البنت رافضه اهلي الحمدلله اقتنعو بالسالفه ومصممين اكثر مني

للاسف انا مو من الشقراوات انا chocolateya

 

[أم عنوبي]

ام عنوبي

مايشوف شر ولدج وعساها بأبوه مو فيه ... ولاتحاتين بعد عمري ترا عمليتها سهله

تعالوا بنات شسالفة الشقار بهالتجمع شكلي كل مابشوف وحده شقرا بقول هذي ياترحال ياأم عنوبي ياطيفوف المهم انها وحده

مننا خخخخخخخخ

الشر مايجيج حبيبتي...الله لايوفقه أبوه خو ما اطلعت هالبلاوي الا من عيونه امصيبه صابته من شافه والولد مو مترقع حسبي الله ونعم الوكيل فيه...يقولون العمليه سهله بس على قلبي مو سهله
ههههههههه
حلووووووه منج جنون أندرو صرتي نفسي لمن كنت حامل أشوف اللي بالسوق تجهز للولاده أقول هذي أكيد من تجمع شهر ديسمبر واللي بطنها صغير أقول من تجمع شهر 2 بكيفي أوزع حريم خلق الله :dddds:

 

[أم عنوبي]

ام عنوبي انا شعري احس مو عاجبني حيل قصته واللون حلو بس مادري ليش مو طايقه نفسي لوول بس ان شاءالله بعتني فيه واخليه غصب طيب يطول ان شاءالله ...
ومايشوف شر عنوبي بعد عمري

يختج النفسيه تأثر....حبيبتي تراج مثل القمر بس نفسيتج يبيلها فوق تحت رايحه رونج سايد :eh_s(8):

الشر ما يجيج حياتي

 

[أم عنوبي]

لا تحاتين جنون اندرو ماراح اتنازل

دق ابوه اليوم على ابوي بعد يطلبه قال البنت رافضه اهلي الحمدلله اقتنعو بالسالفه ومصممين اكثر مني

للاسف انا مو من الشقراوات انا chocolateya

وااااازينها الشوكليتــــــا والله

غيريه وانظمي لنا الشقراوات :eh_s(7):

 

[أم عنوبي]

اليــــــــــــوم عيــــــــدميلاد عنوبـــــــــــي​

:lolo: هيـــــــــــــا نحتفــــــــــــل:lolo:​

http://http://www.youtube.com/watch?v=ZLONWBmROKY​

​

​

​

الله يطول بعمره​

 

[meen_ana]

كل عام وعنووبي بالف خير ياارب بشري شنو سويتي طلبتي له الكوكيز ولالا

 

[تـــرحـــال]

كل عام وعنوووبي بخير عقبال المليووون

الله يطول بعمره

وااااازينها الشوكليتــــــا والله

غيريه وانظمي لنا الشقراوات

المشكله توني صابغته بصبر شوي عقب اغيره