تجمع للي اطفالهم يعانون من حساسيه المكسرات!!

[M.O.F]

السلام عليكم ورحممه الله وبركاته


انا ولدي تم تشخيصه ان يعاني من الحساسيه ولما قعدت اسوي سيرج واقرا عن هالموضوع للاسف مالقيت اي اهتمام كبير وتوعيه عندنا احنا العرب عكس الاجانب عندهم مواقع خاصه تعين الوالدين شلون يتعاملون مع الوضع

معاناتي الحين لما ولدي راح الحضانه قلبي معورني بس احاتيه اخاف احد من اليهال يعطيه المكسرات

ولاحظت ان هالشي صاير منتشر بين اليهال هالفتره ان يعانون نوع من انواع حساسيه الاكل، طبعا في يهال اذا كبرو تروح عنهم بس غالبا حساسيه المكسرات تظل معاهم العمر كله

الحمدالله على كل حال

بشوف اذا في احد معاي بهالتجمع ان شاءالله بنعين بعض وكل وحده فينا تحط خبرتها او اي مواضيع تفيد عيالنا



عسى ربي يحفظهم من كل شر يارب​

 

[M.O.F]

Up up

 

[Aloe Vera]

وعليكم السلام بصراحة ماعرف احد عنده هالنوع من الحساسية و مثل ماقلتي العرب ماعندنا وايد توعية و تثقيف بهالمواضيع الله يعينج و يشافي ولدج و شوفي بالانستقرام و المواقع المتخصصة ان شاء الله تحصلين معلومات و دعم معنوي

 

[amonitta]

بنت عمي عندها حساسيه من المكسرات بس اهيا كبيره بالجامعه

والله يشفيه ويعينج يارب

 

[M.O.F]

Aloe vera
حبيبتي مشكوره على الدعوه والمرور


Amonitta

ربي يشافيها اذا عندها عضويه خل تدخل اهني يمكن تقدر تفيدني بشي وشلون اتعامل مع الوضع
حدي احاتي وشاغل بالي هالشي
الحمدالله على كل حال

 

[M.O.F]

اب اب

 

[Q8_QT]

انا ولدي يعاني من الحساسية اول مرة قالولي من الخبز وبعد فترة تحسن وعادي ياكله الحين وردت له الحساسية مرة ثانية وهالمرة قالولي من الفراولة والمنجا ومنعته عنهم والحمدلله راحت والحين فيه حساسية وقالولي من المكسرات والكاكاو مع انه ماياكل كاكاو وايد بس من امنعوه عنه تعلق فيه زيادة وبصراحة ما ارتحت لتشخيصهم لان بدون تحليل ولا شي ودي اوديه اسوي له تحليل واشوف لان أكثر من مرة الحساسية تروح وترد له وكل مرة يقولون من شي غير وهالمرة احسها اجيد من كل مرة

 

[M.O.F]

انا ولدي يعاني من الحساسية اول مرة قالولي من الخبز وبعد فترة تحسن وعادي ياكله الحين وردت له الحساسية مرة ثانية وهالمرة قالولي من الفراولة والمنجا ومنعته عنهم والحمدلله راحت والحين فيه حساسية وقالولي من المكسرات والكاكاو مع انه ماياكل كاكاو وايد بس من امنعوه عنه تعلق فيه زيادة وبصراحة ما ارتحت لتشخيصهم لان بدون تحليل ولا شي ودي اوديه اسوي له تحليل واشوف لان أكثر من مرة الحساسية تروح وترد له وكل مرة يقولون من شي غير وهالمرة احسها اجيد من كل مرة

بعد عمري لاعبين فيه حرام تمنعينه من شي ويمكن مايضره

انصحج سويله تحليل للحساسيه يبين بسرعه عالاقل بس تعرفين السبب ولا تتشتتون جذي


وطمنيني عليه ان شاءالله شي بسيط

 

[M.O.F]

استغفرالله

 

[M.O.F]

...........

 

[Q8_QT]

بعد عمري لاعبين فيه حرام تمنعينه من شي ويمكن مايضره

انصحج سويله تحليل للحساسيه يبين بسرعه عالاقل بس تعرفين السبب ولا تتشتتون جذي


وطمنيني عليه ان شاءالله شي بسيط

ان شاءالله بس اخلص نفاسي بوديه اتطمن بسوي له تحليل بس حبيبتي تعرفين دكتور شاطر اروح له ؟؟

 

[M.O.F]

انا رحت حق دكتور خالد السعيد ونصحني للحساسيه اوديه لمستشفى االصباح
يسوون له تحاليل على ايده يحطون له كل الاشياء اللي ممكن تسببله حساسيه ويقولون لج من اكل او من حيوانات وحتى شجر
هالطريقه يسوونها حتى بمستشفيات اوروبا وايد افضل للطفل والكبير


انا خذيت موعد بالصباح قسم الحساسيه للاطفال عند دكتور جنه اسمه وليد الحرز اتوقع ما عندهم غير

ةوالله يعينج يارب ويطلعج بالسلامه

 

[Q8_QT]

تسلمين حبيبتي بس شلون طريقة المواعيد آخذ تحويل من المستوصف بعدين اروح لهم؟

 

[M.O.F]

هلا حبيبتي لا انا خذيت تقرير من دكتوره الخاص ورحت الطواري اهمه حولوني عالعياده