تجمع للمعالجات في مستشفى الصباح قسم اطفال الانابيب

[$غــ(ز)ــل$]

امين ياارب
انزين صج االدكتور حازم مايسوي عمليه للي وزنها زايد؟؟

 

[* حلم الأمومه *]

هلا والله يا الغلا مادري صراحه بس أنا أشوف حريم امتان عادي ويسوون لهم ليش إنتي وزنج زايد يعني جم طولج على وزنج ..........

اللهم آآآآآآآآآمين أنا وياج يارب وجميع المسلمين والمسلمات ممن يرجون الذريه يارب ياكريم

 

[كندوش]

الله يسر امورج ياحلم الامومه ولا يخسر تعبج ويفرحج ويرزقج الذريه المعافاه الصالحه يارب
انا امس بديت ابر منشطه ادعولي تنجح عمليتي

 

[++The DuchesS++]

امين يارب العالمين
الله لا يضيع تعبج ان شاء الله
ويرزقج بالولد الصالح ان شاء الله

 

[هندااا]

امين يارب العالمين
الله لا يضيع تعبج ان شاء الله
ويرزقج بالولد الصالح ان شاء الله

 

[كندوش]

مشكورين ياقلبي على الدعوه

 

[$غــ(ز)ــل$]

حلم الامومه..انا وزني زاد حيل عن قبل يمكن عشرين كيلوابس ماينقال عني دبه يعني متروسه

كندوش..الله يسهل امورج يارب ويرزقد الولد الصالح عاجلا غير آجل

 

[أغصان]

ابشركم بنات افتكيت من العدان خلصت تحاليلي وفحوصاتي وسويت عملية منظار للأنابيب والمبايض وعملية كشف مهبلي للرحم وعطوني يوم الاربعاء تحويل لمركز اطفال الانابيب
ماتوقعت اني بخلص من مراجعاتهم بثلاث شهور صارت معاملتهم احسن من قبل ودكاترتهم يهبلون وشطار

واللحين شلون معاملتهم مركز الانابيب ؟ مواعيدهم قريبه ؟ وهل يبتدون معاي من اول شهر تلقيح صناعي ؟

 

[$غــ(ز)ــل$]

اغصان..الله يرزقج الولد الصالح عاجلا غير آجل
اللي اعرفه ان موعد التلقيح الصناعي يبلش بسرعه يعني مايطولون
والله يسهل امورج ان شاءالله

 

[++The DuchesS++]

اغصان

وحده طفل انبوب تعاملهم وايد حلو والتلقيح يسونه بسرعه عقب ما تودين التحاليل ان شاء الله

 

[q8ya1986]

قوة بنااات شلونكم شخباركم

غفران شلونج ..

وباجي البنات اليدد شلونكم وانشالله تحملوون عن قريب


انا عندي استفساااااااااار انا خلصت فحوصاتي ودكتور حازم قال اني احتاج اطفال انابيب

بس ماقالي موعد معين هل هذا عادي ؟؟؟ يعني قال انطر دوري بس ماقالي متى !

شالسالفه ؟؟؟ والحين واصلين اي سنة ؟؟ جنه اهو قال بادين ب 2004


بنات عفيه قولولي عادي مايعطيني موعد معين ؟؟؟ ماعطاني تاريخ ولا سنه ولا شي !
بس اعتقد حولني اني انابيب !

الله يرزقنا واياكم عاجلا غير اجلا
.

 

[$غــ(ز)ــل$]

اللي دايم اسمعه ان اهم يدقون عليج لما يوصل دورج عاد شوفي متى
اذا توهم بادين ب2004 يمكن بعد 3 سنوات
الله واعلم

 

[كندوش]

انشالله الله يسهل امورج ليش ماسالتيه انا اناشبهم حاولي تدخلين عليه وكلميه خليه يحددلج موعد
والله معاج

 

[++The DuchesS++]

حق طفل انبوب يطوووول وايد حبوبه
التلقيح بسرعه يسوونه
هذا عيب الحكومه
بس اذا عندج واسطه يسونه لج اقرب

 

[$غــ(ز)ــل$]

بنات شخبااركم؟؟
انا عطوني موعد فتح ملف تاريخ24-4 بس نعطيهم الاورا المطلوبه؟؟ولافي شي ثاني
المقابله متى تكون؟؟

 

[++The DuchesS++]

على حسب ما اتذكر اول موعد مقابله ووموعد دورتج تروحين لهم بعدين حق التحاليل
انتي المفروض لمن دقوا عليج تسألينهم احسن

 

[$غــ(ز)ــل$]

بدق عليهم باجر وبشوف
بس اهي قالت فتح ملف
يعني معقوله اتعنى بس عشان فتح ملف بدون مقابله
الله يعين ان شااءالله

 

[ضيم الليالي]

السلام عليكم
انا من زمان افكر بالصباح وانه توفير للمال من هالخاص اللي نهبنا
انا رفيجتي عطتني رقم دكتور مصري وتقولي دقي عليه وهو يضبطج بمستشفى الصباح وبسرعه يمشي دورج..انا مستحيه حدي ولااعرف اسوي جذي..وزوجي موراضي يقول مااحب اترجى احد نطري دورج احسن..ياربي شسوي؟

 

[$غــ(ز)ــل$]

يعني تدقين عليه عادي وتقولين سو اوراقي بدون مايعرفج
والله زين
اذا جذيه عطينا رقمه خل نضبط انفسنا

حبيبتي اذا راح يمشي اوراقج دقي عليه ولاتضيعين وقت

 

[كندوش]

والله ضبطي حالج ودقي عليه
ضيم الليالي واذا بتنطرين دورج ماراح اتخلصين