تجمع للمصابات بالداء الجميل(داء السكري)

[ورد و ريحان]

هلا ورود

في د علي بعياده الحكمه في الفروانيه ممتاز

يعطيج الف الف عافيه حبيبتي

 

[shooosh_s]

صباح الخير بنات .. شلونكم .. طبعا مثل ما انتو عارفين انا اشتغل بمجال السكر واحب اقولكم اني ركبت مضخه الانسولين طبعا بس عشان اجربه ولاا انا مافيني سكر فاللي حاه تعرف عنه تراسيلني عالخاص

 

[كارلوفي فاري]

هلا اختي شوش شلون تركبين مضخه وانتي مافيج سكر ؟ وعطينا معلومات عنها -ومشكووووووووره

 

[النجممه]

السلام عليكم
والله يا بنات ما أدري من وين أبدى وش بقول انا للحين ماني قادره أستوعب الموضوع
للأسف اني أكتشفت أن ولدي عمره 9 سنوات طلع فيه سكر من شهر بس.
لاحظت انه يروح للحمام ويشرب ماي بكثره فعلطوول حللتله لأني عندي خلفيه عن أعراضه من بنت أختي جاها بنفس عمره وكانت الصدمه طلع فووق ال600 تخيلو حتى الجهاز ما طلعلي رقم لأن حده ال600 يعني يطلعلى هاي Hiتخيلوطبعا على طول المستشفى وتنويم لحد ما نزلوه وعطونا الجرعه كم أبره والطريقه طبعا وهو ياخذ المكستارد الحمد لله على كل حال والله يشفيه ويشفي أخواني وأختي وبنت أختي من هالمرض اللعين ويأجرنا ويصبرنا جميعا ويشفي مرضانا ومرضى المسلمين
اه اه اه يارب صبرني

 

[shooosh_s]

قوة يا حلوات ... طبعا مثل ماقلت اني مركبه مضخه الانسولين .. طبعا انا مركبتها وبدال الانسولين فيها محلول عادي .. ومركبه السينسور بعد .. الجهاز هذا بحجم البيجر بالضبط ووظيفته يدخل جرعات معينه من الانسولين بالجسم طول 24 ساعه بالاضافه انه في جرعات وقت مايرتفع بسبب الاكل ووقت المرض وغيره .. وفي ابره مثل اللي بالمغذي ( بلاستيك بس )تكون بالبطن ولازم تتبدل كل 3 ايام لكن الابره كلش كلش ماتعور انا قاعده اكتب الحين واهي مركبه .. وانا اموت خوف من الابر
الجهاز ينفع للمرضى الاطفال والكبار بعد وحتى الحوامل لكن لازم الواحد يكون مستعد انه يفحص السكر .. ووو مادري شنو حابين تعرفونه بعد .. اي الجهاز قيمته 1600 تقريبا وبالمستشفيات الحكوميه يركبونه للكويتيين لكن لهم طريقه ماعرفها في اختيار المرضى .. يعني مو كل واحد يقدر يركبها لازم يكون متعلم وفاهم ومنتبه حق نفسه

وانا مركبته عشان احس باحساس المريض ولمن اقوله الابره ماتعور اكون صاجه بكلامي ولمن اقول ان تركيبه واستخدامه سهل اكون عندي خبره عمليه وفاهمه وبعدين هذا جزء من شغلي

واي استفسار انا حاضره

 

[كنوز78]

السلام عليكم


شلونكم بنات؟؟


نجمه حبيبتي ... انتي نفس قصتي بس نصيحه لوجه الله لا تعطينا المكستارد... وديه د. ابراهيم السيد في مركز عنايه الالماني ... حيل ادويته احسن و يطمنج اكثر.... و الله يشافي كل مريض... اللهم امين




بالنسبه للمضخه في وحدة احدث منها ما تبدلين الواير كل ثلاث ايام ... فقط تبدلين القطعه الخارجيه.... يعني حيل اسهل و احسن ... بس للاسف مو موجوده بالكويت .... فقط في امريكا


اللي عندها فكرة عن المضخه ... و مدى توفرها في مكان ثاني تبلغنا و مشكورين

 

[ورد و ريحان]

السلام عليكم
والله يا بنات ما أدري من وين أبدى وش بقول انا للحين ماني قادره أستوعب الموضوع
للأسف اني أكتشفت أن ولدي عمره 9 سنوات طلع فيه سكر من شهر بس.
لاحظت انه يروح للحمام ويشرب ماي بكثره فعلطوول حللتله لأني عندي خلفيه عن أعراضه من بنت أختي جاها بنفس عمره وكانت الصدمه طلع فووق ال600 تخيلو حتى الجهاز ما طلعلي رقم لأن حده ال600 يعني يطلعلى هاي hiتخيلوطبعا على طول المستشفى وتنويم لحد ما نزلوه وعطونا الجرعه كم أبره والطريقه طبعا وهو ياخذ المكستارد الحمد لله على كل حال والله يشفيه ويشفي أخواني وأختي وبنت أختي من هالمرض اللعين ويأجرنا ويصبرنا جميعا ويشفي مرضانا ومرضى المسلمين
اه اه اه يارب صبرني

حياج الله بيننا حبيبتي ان شالله تلقين المفيد بهالتجمع
الله يصبرج ويشافي ولدج ويجعله اجر وعافيه يارب

ماعليه حبيبتي كل انسان ربي يمتحنه بصحته او بماله او بعياله وسكر اشوى من غيره

معانا بالتجمع الاخت كنوز والاخت غير كل الناس ان شالله يفيدونج اكثر مني لان التعامل مع السكر يفرق بالنسبه للعمر والشخص والجنس واذا الشخص نفسه او ولده

ان شالله تفرحين فيه وتشوفينه باعلى المراتب

 

[ورد و ريحان]

وينكم بنات شخباركم؟؟؟؟؟

 

[غير كل الناس]

سالت عن المضخه قالو لفوق 12 سنه وبنتي صغيره وسمعت انها في دبي وتكلف 1800د

 

[ورد و ريحان]

سالت عن المضخه قالو لفوق 12 سنه وبنتي صغيره وسمعت انها في دبي وتكلف 1800د

ما ادري ليش زوجي مو راضي يقتنع فيها
كله من القصه اللي سمعها...........

 

[غير كل الناس]

بلعكس الكي يمدحها

 

[كارلوفي فاري]

سلااااااااااااااااااااام عليكم -ادري الوقت متاخر بس شسوي مدبقه -توني افضى واشبك بس اموري والله مو عاجبتني صايره اخربط بالاكل ووزني قاعد ينزل بس الظاهر صايره معاي مشاكل بالكيتون انا ماجيكدت -باحاول هاليومين اتاكد -ورد وريحان شلون الصحه عساج والله بخير

 

[النجممه]

السلام عليكم


شلونكم بنات؟؟


نجمه حبيبتي ... انتي نفس قصتي بس نصيحه لوجه الله لا تعطينا المكستارد...
مشكوره على النصيحه بس ليش المكستارد موزين وفيه أدويه أفضل منه ؟

 

[كارلوفي فاري]

هلا خواتي -لاحظت انكم مو مفضلين المكستارد ليش -انا علاجي مكستارد ومااحس انه لا تاثير حلو -وشنو الاحسن معناته استخدم

 

[dandooosh]

مرحبا بنات شخباركم ؟؟؟ انشالله تمام
اختي نجمة والله عورني قلبي على ولدج ،،، وكل اللي في عيالهم والله اني لما أقرأ معاناتكم تدمع عيوني ما أقدر قلبي ضعيف على الاطفال لاني لما اشوف معاناتي افكر في الاطفال اشلون يحسون :eh_s(2):
الله يشافي كل مريض ويهون عليكم وعلى عيالكم وانشالله الطب الحين تطور وكلها فترة بسيطة ونتعافى كلنا اشالله
:yaaaaaarb:
حبيت أقولكم بعد اني بديت اخذ من امس مغلي ورق الزيتون ،، سمعت عنه من فترة انه ينظم السكر ويعالج بعد ،،، فنجان قبل كل وجبة
انا وصلني عن طريق الايميل وحدة بالدوام عطتني بس كاتبين ان لازم اترك العلاج بس انا طبعاً ما تركته لان لازم استشير الطبيب
بس خايفة اني ما استفيد منه لانهم اذا قالو تركو الدواء معناته ممكن يأثر على الاعشاب لان معروف ان الادوية تبطل مفعول الاعشاب
وما ادري
انا حددددي خايفة موعدي يوم الخميس 8 ابريل وما ادري شسوي ؟؟؟
طبعاً بكون صايمة بس التحليل بيطلع مرتفع مثل كل مرة لاني ما اتبع حمية وما عندي وقت للرياضة :weight_lift:
وبس
:bye22:

 

[dandooosh]

اي تذكرت بقولكم عن المضخة ،،، اخوي مركبها ومثل ما قالت الاخت ان في شروط للتركيب ،، لازم يكون المريض عنده خلفية ومعلومات عنها ويكون مهتم بصحته ،، واخوي عطوه المستشفى كتاب عنها قبل ما يركبا وقعد فترة طويلة يدرس بعدين عطوه اختبار وما نجح الا ثاني مرة بعدين ركبها
يعني اللي بيستخدمها لازم يكون عارف لها صح
وانشالله تستفيدون

 

[ورد و ريحان]

سلااااااااااام حبايب قلبي
والله صارلي يومين معطله الشبكه مالت النت ومو قادره اتواصل معاكم
شخباركم حبايب قلبي


هالايام السكر عندي مرتفع على طول ما ادري ليش مع اني ملتزمه
بس الظاهر في مشكله ولا شي

 

[عقربه]

سلامي عليكم سكريات تجمع السكري

خالتي ام زوجي فيها مرض السكري

بس من فترة التزمت في علاجين مع الكلوجوفاج

اولا القرفة :
تغلي القرفة مع ماي و تشرب منه كوب او كوبين كل يوم

ثانيا اوراق الزيتون:
تغلي اوراق الزيتون و تشرب منه كل يوم ( لونة يصير كانة زيت زيتون)

و طبعا تاخذ حبوب الكلوجوفاج بو800

هذا دواك و على الله شفاك

جربوهم يا بنات ولا تستهينون فيهم خالتي كان السكر يوصل عندها 15 و 16

و الحين بعد المغليين القرفة و ورق الزيتون صار بين ال6 و ال9

 

[ورد و ريحان]

سلامي عليكم سكريات تجمع السكري

خالتي ام زوجي فيها مرض السكري

بس من فترة التزمت في علاجين مع الكلوجوفاج

اولا القرفة :
تغلي القرفة مع ماي و تشرب منه كوب او كوبين كل يوم

ثانيا اوراق الزيتون:
تغلي اوراق الزيتون و تشرب منه كل يوم ( لونة يصير كانة زيت زيتون)

و طبعا تاخذ حبوب الكلوجوفاج بو800

هذا دواك و على الله شفاك

جربوهم يا بنات ولا تستهينون فيهم خالتي كان السكر يوصل عندها 15 و 16

و الحين بعد المغليين القرفة و ورق الزيتون صار بين ال6 و ال9

حياج الله ياقلبي ومشكوره ما قصرتي عالافاده
صادقه والله امي جربت الدارسين وحيل ارتاحت عليه

 

[ورد و ريحان]

اليوم عتدي مراجعه دعولي تكون خير
وان شالله بخبركم سصار معاي