تجمع للصف الخامس ابتدائي للعام الدراسي 2012 / 2013

[أحلام ضائعه]

اى ورقة أولى ( عربى - انجليزى - قرآن )​

 

[أم عبووووود]

السلام عليكم

انا ولدي امس عطوه جدول الامتحانات وراح يبدي من الاربعا بيكون قران واخر يوم بيكون 29/11

ربي يوفق عيالي وعيالكم ان شالله

 

[كارلوفي فاري]

انا بنتي من الاثنين. بس حروني مدرستها ماعطونا الجدووول

 

[لولو أبل]

الاربعاء امتحنوهم انجليزي ورقه اولى
باجر امتحان عربي ورقه اولى والاثنين قرآن
بس متى باقي المواد ... للحين ماعطونا جدول

 

[لولو أبل]

عطونا الجدول خلاص
بنات العلوووووووم شلون ادرسها وايد صعب ماتعرفون ملخصات للعلوم

 

[كارلوفي فاري]

العلوم لا زم تكونين مراجعه لها من قبل. ومذكرات جمعية المعلمين فيها نماذج امتحانات بس ترا ماينفع بليلة الامتحان لازم قبلها بفتره
بنتي امتحانها العلوم الاربعا والله صعبه ماادري راح يكفيها الوقت ولا لا

 

[Dancing^Queen]

بيحوشني انهيار عصبي من التدريس والضغط الي احنا فيه

انا اتعامل مع خوووش ابله تيي تدرسهم علوم واسلاميه واجتماعيات وتربيه وطنيه ماشاءالله تبارك الرحمن اتهبل وزينه وماراح اوزع رقمها
بس العربي الحين كسرو فيني!
والرياضيات توني مبلشه مع ابله يديده تززف!
اول كنت ادخل معاهد ماشفت نتايج قويه او شي يسوا المبالغ اللي اقطها
قمت ايب ابلات يتابعون وانا وراهم اتابع وادرس من مبدا هين قرشك لاتهين نفسك
اللي حصل الاسعار قامت تزيد لدرجه مو معقوله ويتشرطون بعد
صرنا مصرررر ياجماعه
بفهم لاني حييييييييييييييييييييل محتره
ابلاتهم بالمدرسه ليش مايحللون معاشاتهم
ليش حئنا كله بابلات مالهم خلق وذبحوناااا مرضيااااااااااااااااااات وتكروت بالدارسه وكله يتشكون يا البنت تستحي ماتشارك الا لما اقومها يا البنت تتحجا وايد!
وان كلمتيها قالت لاالالالا بنتج تبي متابعه يبلها احد يتابعها بالبيت
ابي افهم
حضرتج محلله معاشج علي شنو؟
شقاعده تسويييييييييييييييييييييييييييييييييييين
اذا بناتي يقولولي نص الحصه تزفنا لاتكلمون والنص الثاني نقلوووو ولاتكلمون بعض!
وين التدريس
وين الابلات اللي يشنغلون بضميييييييييير
اشوا انهم اخر سنه باطفال التبن المستقبل
واااااااااااااااااااااااااااي باقي شويه واهج من الديره واغير اسمي

 

[أم عبووووود]

السلام عليكم

طبعا اليوم ولدي امتحان علوم والله يستر ربي لايضيع التعب

دانسنج
اذا الحين بتهجين شنو بتسوين بالمتوسطه منهج لايطاق مع بعض المدرسات اللي ربي يهديهم اعتمادهم على ولي الامر

انا اللي عمري مافكرت اييب مدرسين هالسنه قامت تراودني الفكرة لاني فعلا تعبت من المناهج والتدريس اللي يعور القلب بس ليما الحين فكرة ماطبقتها لان مشكلتي صعب اني اثق باي مدرسه

باجر عندنا انجليزي والله المستعان

ربي يوفق عيالي وعيالكم ان شالله

 

[Dancing^Queen]

السلام عليكم

طبعا اليوم ولدي امتحان علوم والله يستر ربي لايضيع التعب

دانسنج
اذا الحين بتهجين شنو بتسوين بالمتوسطه منهج لايطاق مع بعض المدرسات اللي ربي يهديهم اعتمادهم على ولي الامر

انا اللي عمري مافكرت اييب مدرسين هالسنه قامت تراودني الفكرة لاني فعلا تعبت من المناهج والتدريس اللي يعور القلب بس ليما الحين فكرة ماطبقتها لان مشكلتي صعب اني اثق باي مدرسه

باجر عندنا انجليزي والله المستعان

ربي يوفق عيالي وعيالكم ان شالله

ام عبود مو جنه عيالج كانو خاص؟
شيابج للحكومه
:eh_s(11)::eh_s(11): علي قولتهم شجابني للظيم كنت مدلله
ابله الصبح صفر عالشمال حبيبتي ماتسوي شي
وانا اهبل وانا ادرس اصلا جني مصريه امسك الصفحه والخصها وافهمها عدل واسوي خريطه برين ستورم للنقاط اللي مرتبطه ابعض
اقدع تلخيص
وحده من بناتي تمشي وياي
الثانيه ماتقدر تحفظ تقدر تفهم وتتتوتر وااااااااااااااااااااااااااااااااااااااااايد وتتربك ان غلطت غلطه وحده انهدت الدنيا وبس ماتعرف تجاوب ولاشي ثاني حتا لو تعرفه تجاوب غلط
صعبه جدا بالتعامل
اكتشفت ان لي ييتلها مدرسه تدرسها بالبيت تمشي معاها بساعه اللي تمشيه بثلاث وياي وتحفظ!!
بس وياي انا ماتمشي علي قوله ام ريلي شفت امي شفت همي
من تشوفني خلاص اتعومس مع اني ماصرخ ولاشديده وماحسب عالدرجات بالعكس اقولها مهم عندي انج تحاولين مو كسلانه مو مهم فول مارك
بس وصلنا مرحله انا وياها خلاص ديد ايند علي قولتهم اهي اتعمد تستفزني عشان اهدها مادرسها ووصلت اني قمت اصرخ باخر مرتين ادرسها
فهين قرشك لاتهين نفسك
اييب مدرسه وانا اراجع وياها
بدال لا انا ادرس ونخسر بعض
وترا خامس يعني اولي متوسط عالسستم القديم

امس خلصنا دراسه الساعه 12 بالليل
قلبي الصغير لايتحمل
الله يعطينا الصبر وطوله البال ولايضيع تعب
باجر رياضيات مادري شنو بيصير فينييييي




المهم ام عبود اللي حاطته بتوقيعج اكاونت تويتر والا انستغرام؟
اذا انستغرام راسيليني خل اطرشلج انستغرامي ونظيف بعض

 

[JANAA]

ربي يعين اعيالنا جميعهم ويوفقهم يارب

الله يعينا انا من يومين خليت ريلي يروح المدرسه ويطلب ابلة الرياضيات بالصف اتحل مع الطلاب بس مسالتين او ثلاث وتصلح طبعا يرد الطالب يحل بالبيت وما ترجع تاخذ الكتب واتصلح طيب شوفيه حالل صح ولا غلط بدنا نعرف حلنا صح ولا غلط شنو ردت على زوجي انا مااقدر اخذ الكتب واصلحها المسائل طويله بخامس مو نفس رابع وثالث لازم يعتمدون على نفسهم واي شي خليهم يجوني بالفرصه واصلح لهم اخ بس قلت حق ولدي ماما روح لها بالفرصه خلها تشوف كتابك وحلك والله المستعان.

بنات تدريسنا اول كان احسن والمدرسين ممتازين بالدراسه وما كان فيه دروس خصوصية الا نادره جدا جدا كنا نطلعمن الحصه فاهمين عدل ذاكرين اشكثر كلينا مساطر علشان ما كتبنا الواجب وننسخ الدرس خمس مرات الله على مدارس وتدريس ايام زمان لو ما كان التدريس قوي ما قدرنا اندرس عيالنا الحين

الله يوفق عيالنا جميعا يارب ويوفقهم وينجحهم

 

[كارلوفي فاري]

يا جمااعه انتوا شايفين المناهج شلون صااايره. ترا العيب بتوزيييع المنهج. الكميه كبييييره حيل والمعلومااات يبيلها ايااام علشان تنحفظ. والابلات ياناس مالهم شغل. لاحظوا انه العام الدراسي بادين من نص سبتمبر والامتحانات اخر نوفمبر يعني شهريييييين. يعني الدروووس حتى الابله لو شارحه عدل البنات راح ينسون من طول المده وتراكم المعلووومات.
انا اتمنى انه التواجييه والوزاره تعيد حساباتها بتوزيع المنهج. وتوزيع الفترات.

 

[xxx]

باجر علوووووم :eh_s(4):


الكميه وايد

الله يعينا :eh_s(2):

 

[كارلوفي فاري]

اخباااركم بنات

 

[أم الهواشم]

اليوم كان علوم وخلصنا منه باجر ان شاءالله انجليزي

 

[كارلوفي فاري]

الاجتماعيات والله يدوخ. الكميه قليله بس محشي حده

 

[xxx]

عسى الله يوفقهم راح الكثير باقي القليل ان شاءالله

احنا باجر انجليزي خفيف حمدالله

وبقى الوطنيه المفروض الخميس بس ماراح يدوامون عشان الانتخابات وأجلو الامتحان



بسالكم عن واجب بكراسة التماين صفحة 56

رقم 4 و 6

متوهقه بنتي بالحل

 

[أم عبووووود]

ام عبود مو جنه عيالج كانو خاص؟
شيابج للحكومه
:eh_s(11)::eh_s(11): علي قولتهم شجابني للظيم كنت مدلله
ابله الصبح صفر عالشمال حبيبتي ماتسوي شي
وانا اهبل وانا ادرس اصلا جني مصريه امسك الصفحه والخصها وافهمها عدل واسوي خريطه برين ستورم للنقاط اللي مرتبطه ابعض
اقدع تلخيص
وحده من بناتي تمشي وياي
الثانيه ماتقدر تحفظ تقدر تفهم وتتتوتر وااااااااااااااااااااااااااااااااااااااااايد وتتربك ان غلطت غلطه وحده انهدت الدنيا وبس ماتعرف تجاوب ولاشي ثاني حتا لو تعرفه تجاوب غلط
صعبه جدا بالتعامل
اكتشفت ان لي ييتلها مدرسه تدرسها بالبيت تمشي معاها بساعه اللي تمشيه بثلاث وياي وتحفظ!!
بس وياي انا ماتمشي علي قوله ام ريلي شفت امي شفت همي
من تشوفني خلاص اتعومس مع اني ماصرخ ولاشديده وماحسب عالدرجات بالعكس اقولها مهم عندي انج تحاولين مو كسلانه مو مهم فول مارك
بس وصلنا مرحله انا وياها خلاص ديد ايند علي قولتهم اهي اتعمد تستفزني عشان اهدها مادرسها ووصلت اني قمت اصرخ باخر مرتين ادرسها
فهين قرشك لاتهين نفسك
اييب مدرسه وانا اراجع وياها
بدال لا انا ادرس ونخسر بعض
وترا خامس يعني اولي متوسط عالسستم القديم

امس خلصنا دراسه الساعه 12 بالليل
قلبي الصغير لايتحمل
الله يعطينا الصبر وطوله البال ولايضيع تعب
باجر رياضيات مادري شنو بيصير فينييييي




المهم ام عبود اللي حاطته بتوقيعج اكاونت تويتر والا انستغرام؟
اذا انستغرام راسيليني خل اطرشلج انستغرامي ونظيف بعض

هلا والله حبيبتي

صح عيالي كانوا خاص بس صارلي فترة مطلعتهم ابي المناهج اسهل ويخف الضغط عليهم وحتى مدرستهم نزل مستواها وقمت نقلتهم للحكومه جان يغيرون المناهج ويزيد الضغط دبل الدبل :eh_s(16)::eh_s(16):

طبعا يومنا الدراسي حدث ولا حرج انا كنت ما اصارخ بس التدريس خلاني اصارخ واطق مرات الله المستعان

قاعده افكر اسوي مثلج اييب مدرسين بس للامتحانات ادرس لاني تعبت الضغط مو طبيعي وانا ادرسهم ربي يحفظهم :krkrkr:

بالنسبه حق اللي بتوقيعي هذا حساب تويتر خاص للمنتدى حياج ضيفيني :eh_s(15):

ربي يوفق عيالي وعيالكم ان شالله :eh_s(17):

 

[أم عبووووود]

ربي يعين اعيالنا جميعهم ويوفقهم يارب

الله يعينا انا من يومين خليت ريلي يروح المدرسه ويطلب ابلة الرياضيات بالصف اتحل مع الطلاب بس مسالتين او ثلاث وتصلح طبعا يرد الطالب يحل بالبيت وما ترجع تاخذ الكتب واتصلح طيب شوفيه حالل صح ولا غلط بدنا نعرف حلنا صح ولا غلط شنو ردت على زوجي انا مااقدر اخذ الكتب واصلحها المسائل طويله بخامس مو نفس رابع وثالث لازم يعتمدون على نفسهم واي شي خليهم يجوني بالفرصه واصلح لهم اخ بس قلت حق ولدي ماما روح لها بالفرصه خلها تشوف كتابك وحلك والله المستعان.

بنات تدريسنا اول كان احسن والمدرسين ممتازين بالدراسه وما كان فيه دروس خصوصية الا نادره جدا جدا كنا نطلعمن الحصه فاهمين عدل ذاكرين اشكثر كلينا مساطر علشان ما كتبنا الواجب وننسخ الدرس خمس مرات الله على مدارس وتدريس ايام زمان لو ما كان التدريس قوي ما قدرنا اندرس عيالنا الحين

الله يوفق عيالنا جميعا يارب ويوفقهم وينجحهم

هلا جنا

تصدقين انا احتريت

حبيبتي المفروض زوجج مايسكت لها مو بكيفها ماتصلح احنا الابله تصلح بشكل شبه يومي واذا صار درسين واكثر خذتهم مايطول الكتاب مومصلح

السنه الماضيه بنتي ابلتها كانت تاخذ الكتاب كل اسبوعين مره تقريبا بس قالت ان ضغط عليها بس هي اللي تصحح ماقالت يعتمدون على نفسهم هذي مدرستهم كسوله ومالها خلق

الرياضيات يبي له تدقيق ومتابعه مايبي له نفس نوعية هالابله

الله المستعان

ربي يوفق عيالي وعيالكم ان شالله

 

[أم عبووووود]

يا جمااعه انتوا شايفين المناهج شلون صااايره. ترا العيب بتوزيييع المنهج. الكميه كبييييره حيل والمعلومااات يبيلها ايااام علشان تنحفظ. والابلات ياناس مالهم شغل. لاحظوا انه العام الدراسي بادين من نص سبتمبر والامتحانات اخر نوفمبر يعني شهريييييين. يعني الدروووس حتى الابله لو شارحه عدل البنات راح ينسون من طول المده وتراكم المعلووومات.
انا اتمنى انه التواجييه والوزاره تعيد حساباتها بتوزيع المنهج. وتوزيع الفترات.

بالضبط هذا هواللي المفروض يصيربس التوجيه مايقعدو الا مع المدرسات والمدرسات كل يقولون شنسوي هذا التوجيه زين وصلوا اللي يصير مع الطلبه

و في بعض المدرسات وللاسف الشديد انها ماتستحق انها تكون بهالمكان

انا بقول لج موقف صار مع ولدي مع ابلة الانجليزي شنو سوت الحلوة جمعت دفاتر الانجليزي اللي فيها الحلول واوراق العمل وكل شي وخذت الوورك بوك قبل الامتحان بيومين وغابت مو مشكله هي بشر ويمكن مرضت او صار عندها ظرف كلنا نمر بظروف بس مو المفروض انها توصي اي مدرسة او المدرسه الاولى ترجع حق الطلبه الكتب والدفاتر قبل الامتحان

والله يوم امتحان ولدي الانجليزي قمت احوس باوراق اخته اللي العام لو مو هالاوراق انا محتفظه فيها جان شنو ادرسه

الله يسامحها لا واللي يقهر يوم داومت تقولهم بعد اشتبون عطيتكم 4 ايام اجازه :eh_s(14):

 

[أم عبووووود]

عسى الله يوفقهم راح الكثير باقي القليل ان شاءالله

احنا باجر انجليزي خفيف حمدالله

وبقى الوطنيه المفروض الخميس بس ماراح يدوامون عشان الانتخابات وأجلو الامتحان



بسالكم عن واجب بكراسة التماين صفحة 56

رقم 4 و 6

متوهقه بنتي بالحل

بنت الكويت

ان شالله ارجع البيت واشوف لج الحلولو واكتبها لج ولا يهمج