&& تجمع للحوامل اللي ولادتهم في **اغسطس وسبتمبر** تجمع مميز جدا&&

[الفنانه79]

اي انا خذيت ابرة التفجير يوم 13 - 1 وحسبت يعني صارلي الحين 5 اسابيع باجر ادخل الاسبوع السادس ​

 

[مبدعة]

بنات اللي اعرفه علشان تحسبين مدة الحمل تشوفين اول يوم ياتج اخر دورة و تحسبين منها مو على اساس ابره التفجير او التلقيح لان انا اخر دورة يتني 8 يناير و سوا لي ترجيع يوم 26-1و قالت لي الطبيبه تعالي يوم 1-3 انسوي سونار يكون لج 7 اسابيع !

 

[++The DuchesS++]

والله ما ادري اشلون الحسبه بالضبط
امي تقولي من اخر دوره لج تحسبين
وبنت خالتي تقولي من يوم التلقيح
على العموم اذا رحت مراجعتي الاسبوع الياي
اشوف الحسبه بالضبط
وان شاء الله خير

 

[الفنانه79]

صج مبدعه عيل انا اكثر خليني اروح اشوف واغير التوقيع لان آخر دوره 23\12 ؟؟؟؟

 

[الفنانه79]

عيل انا عدلت التوقيع لان دورتي 23\12 اذا زدنا 7 ايام = يصير 30 \9 تقريبا

يعني لي 7 اسابيع والله الله اعلم بالمراجعه اليايه ايبين معاي

 

[TeAcHeR_BeZaRiN]

بنات بلييييز ابي اعرف اشلون اتعرفين انه فيج إالتهاب ؟؟

اخاف فيني إلتهاب وانا مادري !!

بعدين شلون يعني الدكتورة تاخذ منج مسحة !!

يعني ادخل الحديدة ؟؟؟؟؟؟؟؟

 

[++The DuchesS++]

اتوقع جذيه والله
لاني قبل كل ما يسون
لي يحطون الحديده

 

[TeAcHeR_BeZaRiN]

وااااااااي يقولون مو زينة الحديدة حق الحامل !!!!!!!

ابي أتاكد اذا فيني التهاب ولا لأ بس مابي الحديد اشلووون

 

[علايه]

قولي حق الدكتوره ابي اسوي تحليل ما ابي فحص

 

[علايه]

حتى انا ماني عارفه اشلون احسب

خذيت الابره في 31-12

يعني الحمل صار في 1-1-2008

يعني صارلي 7 اسابيع

بس الشريط طالع 9 اسابيع

 

[++The DuchesS++]

علايه
ناس تقول الحسبه من تاريخ اخر دوره لج
وناس يقولون من تاريخ التلقيح او بعد الابره التفجيريه

 

[بساط الريح]

بنات السلام عليكم شلونكم وشخباركم ولهت عليكم

غبت عنكم والله كنت تعبانة بنات بشروني شلونكم مع النساة واللوعة والنووووووووووووووووووم اهم شي هذا

قاعدة اقرا الردود بغيت ارد على الزنجبيل بنات انا مرت اخوي دكتورها كان يقولها شربي الزنجبيل عشان الكحة واللوعة والله مسكينة قطت بوخمس اشهر بسم الله علينا كلنا احنا الحمال من الزنجبيل ترى حاااااااااار والله ديربالكم
بالنسبة حق العصبية صايرة شرارة محد يقدر يكلمني الانزرت بوجه واصرخ من قمة راسي وكل ابجي جني ياهل بنات انا الوحيدة جذي ولا انتو نفس الحالة اللي انا فيها

يارب الله يثبت حملنا ونولد بالسلامة

 

[++The DuchesS++]

بالنسبه حق العصبيه
انا صايره مزاجيه حدي حدي والله
مره اضحك واسولف عادي
ومره اصير وحده ثانيه

 

[nouriya]

السلام عليكم ربى يرزق كل البنات بالذريه الصالحه والخلقه الصالحه
والى حامل الف مبروك وربى ايسهل عليها ويرزقها بالذريه الصالحه
بالنسبه لى كانت اخر دوره 8/12/2007
واراجع عند فرجينيا فى المواساة
وهذا اول حمال لى
والصراحه انا لاوعت الجبد ذابحتنى ومو معطتنى فرصه انى اكل عدل او اعتنى فى نفسى كلش
وصالى شى وهو ان من جم اسبوع نزل على دم ورحت قالتلى الدكتوره لازم راحه وعطتنى حبوب تثبيت وابره يوميا ولمدة شهر اخذها
وبس هذا كل اللى عندى وما اطلع ولا اروح مكان بس اخذ الابره وارد
عندى موعد مع الدكتوره هذا الاسبوع باذن الله

 

[++The DuchesS++]

نوريه
الله يثبت حملج حبيبتي
اهم شي الراحه حبوبه
ارتاحي كثر ما تقدرين
وبشرينا عن اخبارج

 

[ZajiL]

بساط الريح
الله يعييييييييييييييينج هونيها وتهون ترى اهم شي النفسيه وترى الي تمرين فيه عادي حبيبتي
ان شاء الله بس تخلصين الثالث تتحسن النفسيه

نوريه
الله يثبت حملج يارب وحملنا وحمل كل مراه حامل اللهم امين
طمنينا عليييج حبيبتي

 

[علايه]

نوريه

الله اعينج .. كل يوم ابره لمدة شهر .. الله اثبت حملج

 

[أم بنات]

هلا حبوبه... والله تمام الحمدالله

الوضع اليوم مستتب عندي بس المشكله الازليه اللي اهيا النوووووووووم :ch12:

واي ياسمين على طاري النوم من بديت أخذ حبوب اللوعه والنوم زااااااااايد... بس ياربي ماسووا لي شي الحبوب اللوعه ذابحتني وويهي من ألحين ماينشاف الله يستر شلون بيصير ويهي عالثامن والتاسع:bbbiu:

 

[أم بنات]

عيل انا عدلت التوقيع لان دورتي 23\12 اذا زدنا 7 ايام = يصير 30 \9 تقريبا

يعني لي 7 اسابيع والله الله اعلم بالمراجعه اليايه ايبين معاي

عدل جذي كلامج أنا أخر دوره 23/12 ودكتورتي قالتلي كل 30 من شهر تدخلين شهر يديد

 

[أم بنات]

بنات بلييييز ابي اعرف اشلون اتعرفين انه فيج إالتهاب ؟؟

اخاف فيني إلتهاب وانا مادري !!

بعدين شلون يعني الدكتورة تاخذ منج مسحة !!

يعني ادخل الحديدة ؟؟؟؟؟؟؟؟

لا حبيبتي ماتدخل الحديده أنا خذت مسحه من بره تدخل راس المسحه شويه من غير الحديده بس الوضع كان مزعج....وراجعي وإن شالله ماكو إلا الخير