&& تجمع للحوامل اللي ولادتهم في **اغسطس وسبتمبر** تجمع مميز جدا&&

[Yasmin]

صبـــــــــــــــاح الخير :tek:

 

[ضي2007]

iهلا ياسمييييييييييييييين صباح الورد .. قاعده أقول وينكم .. خو أنا اليوم من فير الله داشه

 

[Yasmin]

هلا بنات شلونكم ؟

ياسمين الله يعينج على هالانكشاح والثقل .. انا ماكو شي يديد ناطره أولد .. بس امس رحت موعدي عند ناهده

كل شي تمام وبالاسبوع 37 ويوم و قالتلي بعد باقيلج 3 أسابيع وانا ضاق خلقي أبي أولد ..

هلا ضي :tek:

بشوف اخرة الانشكاااح شنو, موعدي الاحد ان شاءالله

اي والله ضي احبااااط لي سمعتي 3 اسابيع بعد :cxxxp: بس ما تدرين يمكن قبل

السلام اشلونكم

ان شالله ربي يقومنا كلنا بالسلامه ونفرح بشوفة البيبيات ابخير

امين يارب

وينكم
اليوم رحت الاكوابارك على ابو تغييير واعدل النفسيه
لكن حدي ملييييييييييت.كانت الساعه 3 العصر..وبنتي ام 4 سنوات مستانسه مع عيال اختي
لكن انا ابي ارجع البيت خلاص مابي اقعد بالحر والرطوبه ولا دقيقه زياده
وعقدتهم لما رجعنا كلنا عالسبع....افففففففف توبه اروح له مره ثانيه

زينانه اذا رايحه وبس قاعده وتتطمشين اكيد بتذوبين وانتي قاعده بالجو العليل :0bee2e8d89:

واحنا بروحنا ذايبين وخالصين

صباااح الخير كروشات شلونكم ؟

أنا قاعده من فير الله بنشاط وحيويه أول مره بتاريخ حمالي .. لاني نايمه مبجر ومريحه

زيناته واااي صج حر أنا ما أطلع من البيت والسبه هالواهي .. والله لمن اطلع بالحر تشوفيني راده تعباااااااااااانه .. الله يصبرنا

ويعينه على هالجو ..

كل ما أكلم أحد من أهلنا ولا صديقاتي اللي بلندن واللي بالنمسا واللي باريس يقولون الجو باااارد والمطر ما وقف والله

أقول يابختهم والله .. الله يهنيهم ويسهل علينا ولادتنا

لولو شلونج وشلون ضغطج ؟؟

ياسمين شخبارج ؟

صباح الورد,,,,,,,,, ما شاءالله اليوم همه ونشااااط

طبعا هالحركه بالدوام ما تصير بس بالعطله........ لان الواحد تكون نفسيته مرتاحه

وعلى السفر حديييييييي فيني سفره لو مكان قريب...... بس وين :cxxxp:

حتى لي ولدت احس مو مال اسافر قبل 6 اشهر, لانه البيبي بهالعمر مو مال سفر, وهم احس يكسر الخاطر اذا خليتيه واهوا توه نتفه

يالله ملحوووقه ان شاءالله

ا شلونكم ضي وياسمين ولولو

انا الحمدلله احسن

ضي منوره

مافي احلى من النوم امبجر انا مجربته


بس ياحسره ما اقدر اروح مكان اتعب ابسرعه والهث كله من فقر الدم

الله يبعده عنكم

سلامتج ام فله..... فقر الدم معاج على طول والا بس بالحمال؟؟

الله يسهل عليج يا قلبي :tek:

وينكم بنات .. صخه اليوم .. عسى ما ولدتوا وخليتوني

لولو مالج حس ..

ياسمين وينج ؟

لا وين نولد كاني موجوده

لولو شكلها نايمه

 

[Yasmin]

iهلا ياسمييييييييييييييين صباح الورد .. قاعده أقول وينكم .. خو أنا اليوم من فير الله داشه

هلا ضي

اي اشوفج ما شاءالله منقعه من الصبح

انا اليوم قاعده على صدااااع :cxxxp: الحمدالله مو قوي بس خايفه يزيد وانا ناويه اليوم اطلع اخلص شغلي

اييييييييييييييييييييييييي وينج ما قلتلكم..................


واخيييييييييرا وليس اخرا خلصت من الكفر :ggdw::ggdw:

 

[ضي2007]

ياسمين زيييييييييييين أشوه افتكيتي من الكفر .. عاد باجي خطوه ثانيه ولا بس وقفتي ؟

اي والله انا بعد ودي أسافر بس يلا الله كريم ..

تدرين بولادتي اللي طافت أنا ولدت شهر 5 الله وكيلج شهر 8 أنا مسافره ومخليه بنتي عند أمي .. حدي ولهت عليها بس

على الأقل غيرت جو .. ولرديت وشهر 11 حملت مره ثانيه فولادتي بالصيف .. فقاعده أقول أشوه اني سافرت على الاقل

تغيير

 

[ضي2007]

تصدقين أنا أمس قاعده على صداع بس عقبها حسيت بلاعيمي شويه تعورني من كثر الثلج اللي أبلعه

 

[ضي2007]

عن اذنكم بنات انا بطلع دخت بريح شويه :

 

[Yasmin]

ياسمين زيييييييييييين أشوه افتكيتي من الكفر .. عاد باجي خطوه ثانيه ولا بس وقفتي ؟

اي والله انا بعد ودي أسافر بس يلا الله كريم ..

تدرين بولادتي اللي طافت أنا ولدت شهر 5 الله وكيلج شهر 8 أنا مسافره ومخليه بنتي عند أمي .. حدي ولهت عليها بس

على الأقل غيرت جو .. ولرديت وشهر 11 حملت مره ثانيه فولادتي بالصيف .. فقاعده أقول أشوه اني سافرت على الاقل

تغيير

لا والله بعد باقي بعض الخطواااات

اليوم بروح اشوفلي شرشف ساده للكفر...... واشتري قمصان نوم

الجنطه بحاول اخلصها هالاسبوع

طبعا الكفر لو ما رفيجتي يعطيها الف عافيه جان ما شريته الا بعد الولاده :cxxxp:

الاسبوع الي طاف قاعده اسولف معاها واني ما شريت كفر, ولقيت 2 بأسعار غاليه

تخيلي البنت كل يوم اقعد معاها بس ما يبتلها طاري الكفر, يوم درت قالتلي ليش ما قلتيلي انا احب اشتغل بهالسوالف!!! ومسويه حق اكثر من وحده

يعني مو ماخذتها تجاره بس جذي هوايه تحب تسوي لها وللقراب منها, تقولي اسويه لج وان ذبح روحه بيطلع بحدود ال100

تفولي لو قايلتلي مبجر كنت سويتلج فناتق بالكفر,,,,,,,, بعد قلبي مرتني بنفس اليوم عشان اختار اللون اللي ابيه وخلصته ب5 ايام

واهيا اللي يابته لي

والله فشلت منها بس تينن وريحتني.......

حتى التوزيعات قالتلي راح اوصي وحده تيبهم من لبنان, البنت توصل يوم اليمعه الياي

تقولي خل تيب لج شي غريب وماكو منه هني, وقبل لا توصي اهيا راحت بروحها هني تدورلي توزيعات وقالتلي لقيت بهالاسعار


وتقولي قوليلي شنو باقيلج اقدر اسويه عنج, خلصي شغلج وريحي

جد جد جد يعطيها الف عافيه, والله ما قصرت كلش, قلت اذا ان شاءالله ولدت بالسلامه ودي اشتري لها شغله كنوع من الشكر للي سوته لي... ومادري شاخذ لها

تصدقين أنا أمس قاعده على صداع بس عقبها حسيت بلاعيمي شويه تعورني من كثر الثلج اللي أبلعه

ضي ديري بالج مو وقته اييلح التهاب

 

[Yasmin]

ضي زين سويتي سافرتي قبل الحمال وغيرتي جوووو

انا اقول حق ريلي خل نسافر بو اسبوع او 5 ايام على عطلة العيد الوطني اذا الله احيانا.... لانه يكون صايراي جم شهر والده

وعلى ما تكمل البيبي سنه ممكن نسافر سفره عدله

الله كريم ان شاءالله

 

[Yasmin]

عن اذنكم بنات انا بطلع دخت بريح شويه :

الله وياج :tek:

 

[فروحة الكويتية]

شلونكم بنات

ريولي متفوخة ما أدري من الثقل والازلال؟؟؟

مالي خلق شي لا طلعة ولا يمعات حتي عيالي مالي خلق لهم

عسي الله يهون علينا

 

[Yasmin]

شلونكم بنات

ريولي متفوخة ما أدري من الثقل والازلال؟؟؟

مالي خلق شي لا طلعة ولا يمعات حتي عيالي مالي خلق لهم

عسي الله يهون علينا

هلا فرووووحه, شلونج يا قلبي؟؟

انا بعد ريلي ريلي منتفخه بس شويه مو وايد

اذا شويه اعتقد التتفخ طبيعي

 

[ضي2007]

ياسمين والله يحليلها رفيجتج ماشالله شالت تقريبا أهم الأشياء .. الحمدالله انج خلصتي ..وشغل لبنان يونس بعد

أنا في بنتي التوزيعات طلبتها من هناك من محل كله نتعامل معاه .. بس تصدقين شغل أمريكا وااايد أحلى و أرخص بوااايد

وعن السفر لاحقه خير ان شالله شوفي وضعج لا ولدتي عقب قرري

فروحه الله يعينج حبيبتي .. تصدقين أنا لريولي مع المساج تفش والحمدالله الحين ماكو انتفاخ .. حتى لو بالبيت أخلي الخادمه تسويلي مساج حق ريولي صج أرتاح ..

بنات أنا فاقده لولو عسى المانع خير .. مو عادتها

 

[فروحة الكويتية]

والله قاعدة أنقع ريولي بالماي الدافي مع الملح والله كريم

لولو وينها ما أشوفها عسي المانع خير

 

[علايه]

جوه بنات شخباركم

صارلي جم يوم كل ما ابي ادخل على المنتدى

ولدي ما اخليني .. اقول حطيلي لعبه او بارني او اغاني

مليت

ما صدقت انام العصر .. خلت خل اشوف شخبار البنات


محد ولد .. ليلحين صامدين

 

[ضي2007]

علايه هلا فيج والله .. الله يعينج على حنة هاليهال صج ماتخلص ..

والله حتى أنا فاقده لولو .. مو عادتها .. ان شالله انها تكون بخير

 

[Yasmin]

ياسمين والله يحليلها رفيجتج ماشالله شالت تقريبا أهم الأشياء .. الحمدالله انج خلصتي ..وشغل لبنان يونس بعد

أنا في بنتي التوزيعات طلبتها من هناك من محل كله نتعامل معاه .. بس تصدقين شغل أمريكا وااايد أحلى و أرخص بوااايد

وعن السفر لاحقه خير ان شالله شوفي وضعج لا ولدتي عقب قرري

فروحه الله يعينج حبيبتي .. تصدقين أنا لريولي مع المساج تفش والحمدالله الحين ماكو انتفاخ .. حتى لو بالبيت أخلي الخادمه تسويلي مساج حق ريولي صج أرتاح ..

بنات أنا فاقده لولو عسى المانع خير .. مو عادتها

اي والله ضي بعد قلبي ما قصرت.... والا انا عيل مركز البروووود

اييييي امريكا يا حلاتها ويا حلات كل سوالفها, انا قبل حمالي كنت هناك, بس ريلي ما رضا اشتري اي شي للبيبي لاني مثل نا قلتلج حملت بعد ما رديت,,,, كان يقولي اذا حملتي تشترين قبل الحمال لا

ولبنان الحين اكيد زادزا الاسعار بعد ما قاموا يطلبون منهم وخصوصا بعد الاوضاع اللي صارت عندهم اخر فتره... اللي اعرفهم الحين بلبنان يقولون وايد اغلى من كل مره


ضي مادري عن لولو من الصبح وانا اسأل عنها بالتجمع ىالثاني يارب تكون بخير وتطمنا

جوه بنات شخباركم

صارلي جم يوم كل ما ابي ادخل على المنتدى

ولدي ما اخليني .. اقول حطيلي لعبه او بارني او اغاني

مليت

ما صدقت انام العصر .. خلت خل اشوف شخبار البنات


محد ولد .. ليلحين صامدين

هلا علااااايه

لا وين لما الحين صامدوووون,,, العين على ضي اهيا قبلنا

 

[ضي2007]

بنات سمعت من التجمع الثاني ان لوووووبووووو اولدت .. ادعولها بناااااااااات

 

[Yasmin]

بنات سمعت من التجمع الثاني ان لوووووبووووو اولدت .. ادعولها بناااااااااات

اي ضي توني قريت الخبر من فجوره

ياربي تقومها وتقوم البيبي بالسلامه

حبيبتي كانت تتمنى توصل نص التاسع... واهيا توها تقريبا بنص الثامن

خيرة يارب وتقوم بالسلامه وتفرح بالبيبي

 

[ضي2007]

ياسمين اي والله خيره .. امين يااارب