تجمع للبنات الي سوا عملية تجميل الانف فريش للتواصل

[فطمطم]

الحمدلله سويت عمليتي وخلصنا واليوم ثالث يوم
الدكتور قبل العملية خوفني وايد
وقالي احنا ما نعرف الضرر اللي سواه الزرع الصناعي لخشمج

بعد العملية ياني وقالي ان الحمدلله ما كان في ضرر
والعملية كانت سهله مع العلم انه كان ناوي ياخذ غضروف من اذني
بس قالي ما احتجنا ولله الحمد

ويهي منتفخ حاليا وحوالين عيوني كدمات شديده
بس متعوده على هالشي بعد كل عمليه

ونتريا النتيجة
ومن خبرتي النتيجة الاقرب تنعرف عقب ثلاث شهور من العملية
يارب خير

عندنا في دبي دكتور هندي شاطر اسمه سنجاي الكل يمدح فيه

 

[بلادي الامارات]

عندنا في دبي دكتور هندي شاطر اسمه سنجاي الكل يمدح فيه

مشكورة فطمطم
خلاص يارب ما احتاج لأي دكتور
والله الموضوع مو هين ابدا
نفسيتي تحت
الحمدلله على كل شي
بحياتي ما تخيلت اسوي ثلاث عمليات بخشمي!!!
احس اني نفس هاييل المهووسات اللي يتكلمون عنهم

ويارب النتيجة تكون حلوة على كل هالعوار والتعب
يارب

 

[فطمطم]

مشكورة فطمطم
خلاص يارب ما احتاج لأي دكتور
والله الموضوع مو هين ابدا
نفسيتي تحت
الحمدلله على كل شي
بحياتي ما تخيلت اسوي ثلاث عمليات بخشمي!!!
احس اني نفس هاييل المهووسات اللي يتكلمون عنهم

ويارب النتيجة تكون حلوة على كل هالعوار والتعب
يارب

أنل بعد خشمي تشوه من عقب ماسويت العمليه عند دكتور شجاع الإيراني الأهبل حسبي الله عليه دنيا وآخره يارب

 

[بلادي الامارات]

أنل بعد خشمي تشوه من عقب ماسويت العمليه عند دكتور شجاع الإيراني الأهبل حسبي الله عليه دنيا وآخره يارب

انتي مسويه خشمج!!
عبالي تقولين ريلج مو طايع!!

شوفي دامنج شايفتنه متشوه مو متحسن سيري واسألي
انا بصراحة ندمت على عملية تايلند وقلت ليتني رضيت بالتحسن في اول عملية
بس كله خيره بإذن الله
وانتي نفس ما قتلج الاستشاره ما بتخسرج،
ويصير خير لين وقت العملية
وريلج قوليله صار يأثر عالتنفس
صاير اي شي
الين يقتنع
بس هذا اذا فعلا متشوه نفس ما تقولين
لكن اذا سالفة ان التحسن بالشكل بسيط
اقولج خليج على خشمج هذا افضل

 

[فطمطم]

الي صار انه خشمي صار عوي يعني رايح على جهة اليسار وقصير بعد للاسف حسبي الله عليك يا شجاع وسرت سويت فيلر عند رغد القيسي عشان يتساوى الخشم يمين ويسار وشوهته لي زياده قام يستوي خشمي يتورم ويستوي عود اذا مارست رياضه او بذلت اي مجهود واذا تسبحت واذا ناشه من الرقاد ... والماده تبين لين اللحين في خشمي وكملت سنه وشهرين
يارب تنتقم منها

 

[بلادي الامارات]

الي صار انه خشمي صار عوي يعني رايح على جهة اليسار وقصير بعد للاسف حسبي الله عليك يا شجاع وسرت سويت فيلر عند رغد القيسي عشان يتساوى الخشم يمين ويسار وشوهته لي زياده قام يستوي خشمي يتورم ويستوي عود اذا مارست رياضه او بذلت اي مجهود واذا تسبحت واذا ناشه من الرقاد ... والماده تبين لين اللحين في خشمي وكملت سنه وشهرين
يارب تنتقم منها

ربي يجبر بخاطرج
عاد عند دكاترة التجميل استوتلي وايد اشيا
فعلا ما نقول غير حسبي الله ونعم الوكيل
والمصيبة يوم يخبصلج دكتور وتسيرين عن الثاني تلاقين الثاني العن عن الاولاني ويهبشون من بيزاتنا واحن على امل الجمال والتصليح

شو نوع الفلر اللي سوته لج!
دائم ولا مؤقت؟!
لان اذا مؤقت شليه

 

[فطمطم]

ربي يجبر بخاطرج
عاد عند دكاترة التجميل استوتلي وايد اشيا
فعلا ما نقول غير حسبي الله ونعم الوكيل
والمصيبة يوم يخبصلج دكتور وتسيرين عن الثاني تلاقين الثاني العن عن الاولاني ويهبشون من بيزاتنا واحن على امل الجمال والتصليح

شو نوع الفلر اللي سوته لج!
دائم ولا مؤقت؟!
لان اذا مؤقت شليه

ياليت لو ماده مؤقته
الماده شبه دايمه اسمها raidiesse
وعلى قولتهم تسمى semi permanent..
لو هالورنيك أسيد جان ذوبتها بكل سهوله

 

[بلادي الامارات]

ياليت لو ماده مؤقته
الماده شبه دايمه اسمها raidiesse
وعلى قولتهم تسمى semi permanent..
لو هالورنيك أسيد جان ذوبتها بكل سهوله

الريديس!!
ياربي مو معقول
تعرفين هالماده حقنلي اياها دكتور ربي لا يوفقه
تخيلي تخيلي من دون لاعرف انها ماده شبه دائمه
ما خبرني وانا عبالي نفس الهايرونك اسيد
وخرب ويهي ربي لا يواريج
وسرت عند اكثر من دكتور عشان اذوبهم بس ما كان في امل
تخيلي وصلت للجراحة وقصت علي الدكتورة ولا شالتهم

الين في دكتور واحد ربي يعطيه العافية ويرزقة الوحيد اللي ذوبهم
الحمدلله الحمدلله شكلي رد نفس قبل

 

[فطمطم]

دخيلج منو الدكتور بسير عنده وكم يطلب بعطيه ساعديني

 

[بلادي الامارات]

دخيلج منو الدكتور بسير عنده وكم يطلب بعطيه ساعديني

شوفي الخاص

 

[@دانية@]

بلادي الامارات الحمد لله على سلامتج وان شاء الله افضل نتيجة تتمنينها

ثلاث شهور مدة طويله ، انا الان لي ثلاث اسابيع ونفذ صبري
متى اقدر افرح بالتغيير ?

 

[بلادي الامارات]

بلادي الامارات الحمد لله على سلامتج وان شاء الله افضل نتيجة تتمنينها

ثلاث شهور مدة طويله ، انا الان لي ثلاث اسابيع ونفذ صبري
متى اقدر افرح بالتغيير ?

الله يسلمج يا قلبي
وربي يسمع منج

ثلاث شهور هذا فقط يحددلج اذا تحتاجين عملية ثانية او لا
لكن معروف النتيجة النهائية تكون بعد 6 شهور

ما عليه يا قلبي خليج صبوره
اللي عطانا قوة القلب ونعمل بنج كامل وندخل غرفة العمليات
ونصبر عالالم والفتابل والانتفاخ والتعب
بيعطينا باذن الله الصبر على ان نشوف النتيجة وتكون احلى نتيجة لنا جميعا

بس انتي مبدئيا شو رايج بخشمج؟!
بالاساس شو كان مضايقنج؟!
وشو سوالج الدكتور؟!

 

[فطمطم]

بلادي الامارات الحمد لله على سلامتج وان شاء الله افضل نتيجة تتمنينها

ثلاث شهور مدة طويله ، انا الان لي ثلاث اسابيع ونفذ صبري
متى اقدر افرح بالتغيير ?

منو دكتورج!

 

[@دانية@]

هلا حبايبي
بلادي الامارات وفطمطم

انا سويتها بمشهد دكتور احسان خديوي
مشكلتي انفي الارنبه نازله ومدورة
الدكتور يقول انه رفع الارنبه ونحت جوانب الانف

الان شكل الانف طبيعي مقبول بس مازالت الارنبه وارمه وقاسيه صار لي ٢٣ يوم

فشكل انفي كأنه ماتغير حيل غير انه ارتفع بسيط لان الارنبة مازالت مورمه

 

[بلادي الامارات]

هلا حبايبي
بلادي الامارات وفطمطم

انا سويتها بمشهد دكتور احسان خديوي
مشكلتي انفي الارنبه نازله ومدورة
الدكتور يقول انه رفع الارنبه ونحت جوانب الانف

الان شكل الانف طبيعي مقبول بس مازالت الارنبه وارمه وقاسيه صار لي 23 يوم

فشكل انفي كأنه ماتغير حيل غير انه ارتفع بسيط لان الارنبة مازالت مورمه

ما عليه يا قلبي اصبري شوي ان الله يحب الصابرين
23 يوم بدري انج تحكمين

وانا بما ان هاذي ثالث عملية
واستويت خبيره
ففتحت اللزقات بروحي واطمن عالجرح هههه
ونظفته وشوي شوي يالسه احاول اشيل الخياطة
عشان يوم اشوف الدكتور تكون كل الغرز طايحة وما اتألم

بصراحة لان ثالث عملية فجايسني احباط والحمدلله على كل شي
والله انصح كل وحده اذا خشمها مو وايد مأثر على نفسيتها انها ما تسوي هالعملية
وترضى باللي عندها
والحمدلله على كل شي

 

[@دانية@]

بلادي الامارات

بما انج خبره شنو رايج في اللصقات انا زهقت منهم ومااحس لهم فايده

يصير اشيلهم قبل اكمل الشهر

 

[بلادي الامارات]

بلادي الامارات

بما انج خبره شنو رايج في اللصقات انا زهقت منهم ومااحس لهم فايده

يصير اشيلهم قبل اكمل الشهر

انا باجر بكمل اسبوع باذن الله وخلاص قررت اشيلهم من اليوم
هذا عني انا
وانا مسوية بحث عنهم بالانجليزي
وكل الدكاتره الاجانب يخلونها بالكثير اسبوع فقط

 

[@دانية@]

عاد اسبوع قليل لان لهم فايده يلمون الانف الوارم ويخفونه لاتطالعينه وتدققين كل شوي
صعبة تتقبلين الشكل بالورم في الاسابيع الاولى

انا باقي لي خمس ايام على الشهر واحس مازلت مو متقبله هالورم
باجر بشيل اللصقات دام مالهم تأثير وفي خلاف بين الاطباء على الفتره

 

[بلادي الامارات]

عاد اسبوع قليل لان لهم فايده يلمون الانف الوارم ويخفونه لاتطالعينه وتدققين كل شوي
صعبة تتقبلين الشكل بالورم في الاسابيع الاولى

انا باقي لي خمس ايام على الشهر واحس مازلت مو متقبله هالورم
باجر بشيل اللصقات دام مالهم تأثير وفي خلاف بين الاطباء على الفتره

من الناحية الشكلية مو مشكلة واعرف ان اول شهر ورم وسالفة
بس انا يوم سويت بحث سويته من الناحية الطبية
وكاتبين انه عادي ينشل بعد 5 الى 7 ايام
وانا عني شلته
ويارب خير

 

[بلادي الامارات]

السلام عليكم
اليوم كنت عند الدكتور
وخبرني احط الضاغط او الجبيره
لان في المرتين اللي قبل ما كنت اكسر العظم
وهالمره صار فيه كسر فلازم ينحط
عشان العظم ما ينبني واحصل الشكل اللي اريده

وطبعا لاني كنت شايلتنها من البارحة
فيوم حطاها مت من الالم ��
وعطاني ابره تشيل الورم
والحمدلله