تجمع لبنات الشريعه ^-^ ...

[قلب أبيض]

من ناحيتي أفضل دوامي يبدي من 9 وثلث لي 1

وإذا المادة ماتطوف والدكتور عجيب أخذ 8​

 

[n-o-n-a]

السلام عليكم بنااااااااات ... ها شلون تقديمكم للسيرة .. صج الامتحان سهل بفضل الله سبحانه وثم البنات الي نقلنا منهم محاضرة س 9 والحمدلله طلع سهل بس عندي غلط من زود الغباء نسيت ميزة وهذا اسهل شي بالمذكره بس الحمدلله ان شاء الله يصد عنها الدكتووور ....


محد منكم راح الرحله حق نادي جمعية المهندسين انا ورفيجاتي رحنااا الرحلة كانت فضيعه والله تمنيت كل بنت احبها تروووح صج استانسنا وغيرنا جوو خصوصا ان مع بنات الشريعه والله عسل كل وحده اطيب من الثانيه .....


واخيرا شسويتوا على جداول الصيفي انا جدولي مو مضبوط عندي 3 مواد تفسير ايات 2 , نقود ومصارف , عقيدة 2 شرايكم شكلي بحط مادة رابعه الي اهيا اصول 1 د. سعاد ليلحين ماخذيتها ووراي 2 و3 شرايكم بنات اخذها ؟؟ وشولن د. سعاد المطوع

 

[layan 23]

موفقه ياقلبي وقلتلج الامتحان حيل سهل والله يوفق الجميع

بالنسبه للرحله لا والله مارحت وتصدقين انا ماحب هالنوع من الرحلات مادري ليش ماعندي سبب مقنع لرفضي بس مادري يمكن عشان ولا مره جربتها..

المهم على جدول الصيفي انا سجلت اربع مواد من ضمنهم د. سعاد المطوع مادة اصول 1 وصراحه انا الدكتوره شفتها وهي خوش وحده وسمعت انها متساهله مع البنات وامتحاناتها حلوه والله يستر..

وعلى فكره انا من النوع اللي ما اهتم للدكتور كثر ما اهتم للماده والوقت يعني اذا كان الوقت يناسبني والماده لازم اخذها عشان ما اتأخر عالتخرج هذا يكفيني..

 

[n-o-n-a]

الله يوفقج يارب ويوفق كل بنات المسليم لما يحبه تعالى ويرضااه .....اللهم اميييييين

شكرا حبيبتي على ردج ومشاركتج

 

[حلاتي باخلاقي]

السلام عليكم
شلونكم؟
ابي اقول لنونا اخذي اصول فقه عند الدكتوره سعاد وانت مغمضة امتحانتها سهلة و كتاب المقرر سخيف وسهل وهي حييييييييييييييييييل تراعي وانا ماخذه عندها (((وسأل مجرب ولا تسأل طبيب)))
وانتي عند منو ماخذه عقيدة 2؟؟؟؟؟؟؟؟؟؟؟؟؟

 

[أصدق شعور]

ياااااااااااليييييييييييييييييييييييت من يطير وايي عندكم

فديتكم يا بنات شريعــــــــــــــــــــــــــــــــــــة

:krkrkr:

فديتج والله كلامج يهبل:33_1185028183:

 

[أصدق شعور]

بناااااااااااااااااااات "(هل من مجيب)؟؟

ابي امتحان علوم قرآن د.عبدالعزيز المطوع لاتطنشوني

 

[layan 23]

المهندسه حبيبتي ترى الامتحان مو بس سهل الا سخييييييييييييييييييييييييييييييف
والمطوع مفروض ماتخافين من امتحاناته حيل حيل حيل سهله
ادرسي دراستج العاديه وركزي على النقاط المهمه مثل السور المكيه والمدينه وعدد الايات والسور وهالاشياء العاديه لاتعبين نفسج ياقلبي واضمني a لاتحاتين..

موفقه ياقلبي...

 

[غنـ الكويت ـويت]

السـلاآآآآآآآآآآآآآآآآآآم بنات شـلونــكم ؟

بغيت اسأل عن الدكـتور يوسف ذياب محمد الصقر اذا اي وحده تعرفه اتمني تفيدني

واكون شاكره لـها

 

[قلب أبيض]

السـلاآآآآآآآآآآآآآآآآآآم بنات شـلونــكم ؟

بغيت اسأل عن الدكـتور يوسف ذياب محمد الصقر اذا اي وحده تعرفه اتمني تفيدني

واكون شاكره لـها

حياج الله حبيبتي .. بس بأي كلية يدرس هالدكتور؟؟

ماعتقد بالشريعة .. !!​

 

[أصدق شعور]

فديتج يا (الحب عذاب)


ماتقصرين

وان شاء الله نجيب درجات عاليه ... مشكورة مره 2

 

[قلب أبيض]

بناات مو ملاحظين شغلة بالجدول الصيفي

منزلين شوية مواد وأغلبها للطلبة أو تعليم عن بعد شي يبط الجبد بصراحة :0bee2e8d89:

وترى نظام التعليم عن بعد من وجهة نظري حده فاشل كلش مانفهم شي وساعات صوت الدكتور يصير مو واضح :eh_s(14):

شالحل يعني ؟؟ :0bee2e8d89:

شرايكم خواتي ؟؟!​

 

[layan 23]

حبيبتي المهندسه العفو ياقلبي انا حاضره متى مابغيتيني والله يوفقج..
قلب ابيض انا ماخذه للصيفي ماده تعلم عن بعد واول مره اجرب هالنظام خوفتيني بس شسوي مجبوره اذا ما اخذتها راح اتأخر عالتخرج

 

[غنـ الكويت ـويت]

حياج الله حبيبتي .. بس بأي كلية يدرس هالدكتور؟؟

ماعتقد بالشريعة .. !!​

أمبــله بالشريعه

منزل ماده القضاء والدعوى والاثبات

 

[نــوف]

موفقين بنات الشريعه

حبيت أستفسر عن مقرارات الحفظ للقرآن .. أبي أعرف م مقرر الزامي؟ وكم جزء حفظ؟ وهل يشترط التجويد خلال التسميع ؟

أتمني تردون علي ..

وشكراا..

 

[غنـ الكويت ـويت]

بناات مو ملاحظين شغلة بالجدول الصيفي

منزلين شوية مواد وأغلبها للطلبة أو تعليم عن بعد شي يبط الجبد بصراحة :0bee2e8d89:

وترى نظام التعليم عن بعد من وجهة نظري حده فاشل كلش مانفهم شي وساعات صوت الدكتور يصير مو واضح :eh_s(14):

شالحل يعني ؟؟ :0bee2e8d89:

شرايكم خواتي ؟؟!​

أي واللــه هالصيفي احس ان مو شي لا وطويل بعــد أحس

وانا عن نفسي ما جربت نظام التعليم عن بعد بس رفيجتي تقول مو شي

 

[غنـ الكويت ـويت]

موفقين بنات الشريعه

حبيت أستفسر عن مقرارات الحفظ للقرآن .. أبي أعرف م مقرر الزامي؟ وكم جزء حفظ؟ وهل يشترط التجويد خلال التسميع ؟

أتمني تردون علي ..

وشكراا..

آجمعين يارب

مقررات الحفظ 4 الزامي كلهم
وكل مقرر جزء ونص تحفظيــن
واكـيد لازم تجويـد ولا شلـون بتعرفيـن تقريين:eh_s(6):

 

[قلب أبيض]

أمبــله بالشريعه

منزل ماده القضاء والدعوى والاثبات

إيييي عرفته أنا رفيجتي ألحين ماخذه عنده نفس المادة أسألها وأردلج خبر :eh_s(6):​

 

[فديت ناسي]

السلام عليكم ورحمة الله وبركاته
بنات بغيت أسأل منو أحسن دكتوره سيره نبويه صيفي(مستوره المطيري والا شذى العبدالكريم)
ابي بالتعامل والامتحانات والحضور
الله يخليكم ردو علي بسرعه علشان التسجيل

 

[فديت ناسي]

بلييييييييييييييز بنات ردووو همتكم يابنااااات الشريعه