تجمع لبنات الشريعه ^-^ ...

[بنوته جامعية]

رفع

 

[حصوص]

السلام عليكم


بغيت اسل بخصوص قائمه الشرف ؟
شلون ؟ وكم المعدل اللى اجيبه ؟

وهل هو كل كورس والا بالسنه ؟

 

[حصوص]

السلااااااام عليكم


ها شلووون اليوم الاول ..؟

..............

 

[n-o-n-a]

السلام عليكم بناااات شلونكم ..


من زمان غبينا عنكم .....

بشرونا عسى الكل راضي عن جدوله

حصووص بالنسبة لقائمة الشرف على التخصص العام تكون 3.50 واعلى ياخذون على المعدل العام لين تتخصيصين اذا تخصصتي ياخذون على معدل التخصص .. هذا حسب علمي وسألي مكتب التوجيه والارشاد واهما يفيدونج ان شاء الله


بنااات اول يوم سهل ماعندي الا مادتين سيرة س10وعلاقات س11

منوووو معاااي؟؟

 

[n-o-n-a]

للرفع


^^

^^

^^

^^

^^

^^

 

[n-o-n-a]

يا الله بنات وينكم ....

محد موجود..؟؟؟

 

[الكويت مني وفيني]

السلام عليكم

شلونكم؟؟

بنات انا ابي اسال عن وليد العلي..

شلونه؟؟

صراحه انا اخترعت من اول محاضره

وخايفه منه الصراحه..

شرايكم؟؟

 

[بنوته جامعية]

روووز .. وينج ؟

 

[أصدق شعور]

وينكم ياشرعيات

ياحلو الكلية تهببببببببببببببببببببببببببببببببببببل

 

[أصدق شعور]

نووووووووووووووووووووونه شلونج اشتقنالج

من زمان عنج

شنو جدولج يمكن تكونين معاي

 

[n-o-n-a]

نووووووووووووووووووووونه شلونج اشتقنالج

من زمان عنج

شنو جدولج يمكن تكونين معاي

هلا والله حبيبتي اي والله حتى احنا فقدناكم من بدا الدوام واحنا في لويه ..


عندي الاحد والثلاثاء والخميس ..
10-11 سيرة نبويه د.عبدالعزيز المطوع
11-12 علاقات دولية د. ابراهيم السبيعي

الاثنين والاربعاء
8-9وربع حديث تحليلي د. سعاد حمادي
9ونص الدعوه الى الله ووسائلها د. سعود الدوسري
11 معاملات مالية معاصرة د. فهد الرشيدي



الحمدلله الجدول واااااايد حلوو والدكاتره ولا اروووع بس حساافه كنت ابي ماده سادسه بس الحمدلله قدر الله وماشاء فعل ..

وانتوا شلون جداولكم بشورني عسى في احد معاي الدعوه الى الله مافيها بنات كبري انا 207 دعوه كلها مستجدات

بس فيهم الخير والله حبيبات من اول يوووم نحووس حاطين قاعتنا غلط ..

بالتوفيق كلكم ان شاء الله وجعله الله فصل خير وتميز وعطاء اللهم امييين

 

[لمار77]

11 معاملات مالية معاصرة د. فهد الرشيدي

شنو انطباعج عن الدكتور فهد الرشيدي؟
شرحه وأسلوبه؟
ماخذه عنده هالكورس لكن ما داومت..
يحاسب على الغياب؟ وحدد مواعيد الاختبارات ؟
وشنو كتاب المقرر؟

ويزاج الله خير مقدماً..

****

ومنو ماخذه عند الدكتور عصام العنزي سياسة شرعية؟
شنو قالكم أول محاضرة وياخذ الغياب؟
المحاضرة الثانية حضرتها كان غايب..
أتأزم إذا خذيت عند دكتور ما أعرف طريقته وأسلوبه..

 

[لمار77]

...................

 

[n-o-n-a]

شنو انطباعج عن الدكتور فهد الرشيدي؟
شرحه وأسلوبه؟
ماخذه عنده هالكورس لكن ما داومت..
يحاسب على الغياب؟ وحدد مواعيد الاختبارات ؟
وشنو كتاب المقرر؟

ويزاج الله خير مقدماً..

****

هلا اختي لمار والله شقولج عن الدكتور ماشاء الله عليه المحاضره فضيعه مسليه شرح لنا بالبور بوينت ربط لنا الماده بواقع الحياة الدكتور متفهم جداااا ويقدر اي شي الطالبات يقولونه معطينيا الثقه وقال اي وحده عندها راي او اي شي مو عاجبها انا مستعد اسمع كل شي منكمو وماشاء الله عليه ماخذنا بالهداوه يعني كذا بنت مافهمت الشرح رد يعيد ماعنده مشاكل .. بارك الله فيه وجزااه الله كل الخير ... الكتاب المقرر مذكره المعاملات الماليه المعاصره موجوده بالتصوير وقال الي تبي تقدر تطبعها من الانترنت موقع الدكتور كاتب المذكره اذا تبين تفاصيله اعطيج ..

اما عن الاختبارات وزع علينا اوراق فيها طريقة حساب الدرجات وموعد الاختبار 13-4 واضن في اختبار تحسين درجه كل شي بالورقه .. وياخذ الغياب كل محاضره ...


وفقكم الله لما يحبه ويرضاه وللأعلى دائما اللهم اميييييييييييييييييييييييييييييييين

 

[لمار77]

n-o-n-a..

الحمدلله الله يبشرج بالجنة....

يزاج الله خير طمنتيني..

 

[n-o-n-a]

n-o-n-a..

الحمدلله الله يبشرج بالجنة....

يزاج الله خير طمنتيني..

الحمدلله اهم شي انج تطمنتي .. اجمعين اللهم اميييين

 

[أصدق شعور]

رفع

لي عوده ان شاء الله تعالى

 

[n-o-n-a]

ان شاء الله بانتظارج ماصدقت احد دخل الموضوع كل التجمعات فيهم حركه الا الشريعه

 

[الكويت مني وفيني]

ومنو ماخذه عند الدكتور عصام العنزي سياسة شرعية؟

انا ماخذه عنده شرح احاديث الاحكام..اثنين واربعاء

للحين ما داوم ولا مره .. اول محاضره بعد ما طاف نص ساعه رحناله المكتب سألناه بتحضر ولا لا قال محاضره 8 خلاص ما يمدي ماراح احضر بس 9 ونص بحضر..

 

[n-o-n-a]

الله يعينكم ان شاء الله يمكن اول كورس تسيب بس ان شاء الله هالاسبوع يلتزم موفقين اللهم اميين