السلام عليكم . ابراء للذمه و ان كل ما اقوله صحيح
اولا مدرسه المستقبل ولدى فيها فى الصف الخامس. لغايه الان المدرسه ما فيها اى استقرار كل سنه يغيرون المدرسين ( او بالاحرى المدرسين يطلعون لمدارس اخرى لعدم لارتياحهم فى المدرسه)
ثانيا فى صف ولدى بالخامس طلبه ما يعرفون يقراون انجليزى واللى حضر الحفله اللى طافت لاحظ هالشى ( شلون ينجحونهم للصف الخامس وهم ما يعرفون يقراون)
ثالثا يقبلون طلاب من الحكومه باى مستوى( والمشكله فى انهم يقبلونهم بالصف الثانى والثالث وحتى الخامس)
رابعا مافيه اى مرقبه على السلوك والتربيه او زرع قيم تربويه لدى الطفل( فى صف ولدى فيه طالب جايب موبايل فيه صور خليعه ويعرضها على الطلبه والاداره عندها خبر ولم تحرك شى سوى اخذت المبايل وطالب ثانى جاىب شاى وقهوه فى الصف وعازم الطلبه اكثر من مره داخل الصف)
خامسا بعض الطلبه مشاغبين فى الصف الخامس ومو مخلين المدرس يشرح ( والاداره مو قادره تسوى شى لان الطالب من عايله مالك المدرسه .
وهذا غيض من فيض ولهذا قررت نقل ابنى لمدرسه ثانيه وشكرا
اختي نور اذا كانت على المدرسات فلابد من تجديد المدرسات لأنها مدرسة جديدة و لا تستطيع تقييم المدرسين الا بعد تجربتهم و لا اعتقد ان المدرسات يطلعون من المدرسة لعدم ارتياحهم ..
انا شايفة مدرسة التربية البدنية اللي كانت تدرس ولدي بالمستقبل شفتها بالرسالة ..
قلتلها ها طلعتي منهم ؟ قالت أي و هالاسبوع بحاول ارجع لهم و أعتقد رجعت لهم لأني ما قمت اشوفها بالرسالة ..
و عايلة صاحب المدرسة في كم واحد منهم مفصولين بسبب مشاجرة وهذا كلام ولد اختي عنده 2 من نفس العايله ..
أما سالفة الموبايل أول مرة أسمعها و أتوقع كل المدارس فيها هالسوالف و محد فينا يدري شنو كان قرار الادارة .
و أنا كنت مرتاحة منها و كافي ان ولدي مرتاح فيها و كان متفوق و مبين عليه التطور بالدراسة شهرياً .
و بالنهاية الكل يدور مستقبل عيالة و راحتهم و انا اشوف مستقبلهم بالرسالة و ان شاء الله يوفقهم و يوفق عيالكم أجمعين
< مستانسه على ابو انه اسبوع بيفرق 
