تجمع قروب(والله وتحقق منايا) لمده 3 اشهر من 90 الى 70 كيلوو

[أحلى عيون]

يومياتي:


الغداا صدر دجاجه مشوي مع نسكافيه


العشاا كورن فليكس مع حليب خالي الدسم وشويه دارسين

 

[ام عفاف الكويت]

خلاص اشربه الاعشاب بعد الاكل
امبيه انا ميته واسوي تمارين ماقدر عملياتي خطر اسوي ومامر عليها عمليتي القيصريه سنه هذي عادي
وعمليتي التجميل 3 اشهر مر علي
وعمليتي الرحم شهر
يعني بس علي امشي لا وبعد ماقدر وايد
رحت توني مع اليهال الساعه 5 ونص يوم البحار لعبوا وانا مشيت شوي وشربت شاي غوري مع بنت خالتي بدون سكر
واكلت 6 جبدات صغار قطع للدم
وخلصت طلعت كيفان شريت من عصير كيفان اناناس وكيوي بدون سكر
والحين صاكه حلجي
مابي اتعشى وقبل النوم بشرب جاي اعشاب

 

[أحلى عيون]

بالعافيه عليج ام عفوفه عاد اليوم فيه هواا


بالنسبه للعمليات انا بعد والله صار لي 7 اشهر والده قيصريه وكل ما نقزت امسك صدري وبطني لانه صدري يعورني ههههههههههههه

 

[جنان2006]

مساء الخير بنات

خشووووفه

وعليكم السلام هلا وغلا وأجمعين يالغالية
وهني وعافية ماكليتي


يمامة

هلا وغلا وعليج بألف عافية إن شاءالله


أم عفاف

نوم العوافي وعليج بألف عافية ان شاءالله
والله ماعندي فكرةعن الأعشاب ودام اليوم آخر يوم لج بالدورة من باجر غيري رجيمج وإن شاءالله تنزلين هالأسبوع بصحة وعافية ياااارب


كماشة

الحمدلله احنا بخير انتي اشلونج؟
وعوافي ما كليتي


أحلى عيون

هلا وغلا والله انج أخت عزيزة وغالية وندري انج تبين مصلحتنا وبالعكس مافيها شي لم تنصحينا والله يديم علينا هالتجمع الحلو والصحبة الطيبة ان شاءالله

وعليج بألف عافية ان شاءالله

 

[أحلى عيون]

ويعافيج يا قلبي جنونه يا شمعت التجمع والله يديم المحبه بالقلوب

 

[يمامة]

الله يعافيج جنان

طمنينا على بنتج؟

 

[جنان2006]

بعد قلبي والله تسلمين ياعسل لا خلا ولا عدم:hjy5jewf:

 

[يمامة]

الحالمة عسى ما شر وينها اليوم ما بينت؟

 

[جنان2006]

هلا يمامة

والله مادري اشفيها للحين تعبانة الحمدلله مافيها حرارة بس تكرمين ترجيع وموراضية تاكل كلش حتى حليب ماشربت اليوم تخيلي طول اليوم مو ماكلة غير بسكوته وحدة وكل اشوي تأشر لي على بطنها ان يعورها ....كنت بوديها خاص بس اليوم عطلة بنطر عليها لي باجر إذا تمت جذي بإذن الله أوديها خاص .... ومشكورة ياقلبي عالسؤال ماتقصرين والله

 

[جنان2006]

صاجة والله توني بسأل عنها يارب اتكون حلووووم بخير وعافية وادش اطمنا عليها بعد اشوي

 

[جنان2006]

حلوووومة
رسيل
سماء
شمس


وينكم اليوم ماطليتوا علينا عسى المانع خير إن شاءالله

 

[جنان2006]

الظهر مشيت عالجهاز نص ساعه

وعالأربع ونص تقريبا تغديت : حمسة تونة بدون دهن + ربع خبزة إيرانية + اشوي تبولة

والسناك عالساعه 8 شربت عصير أناناس وكيوي

وسلامتكم والصور نفس كل مرة من قوقل

 

[يمامة]

هلا يمامة

والله مادري اشفيها للحين تعبانة الحمدلله مافيها حرارة بس تكرمين ترجيع وموراضية تاكل كلش حتى حليب ماشربت اليوم تخيلي طول اليوم مو ماكلة غير بسكوته وحدة وكل اشوي تأشر لي على بطنها ان يعورها ....كنت بوديها خاص بس اليوم عطلة بنطر عليها لي باجر إذا تمت جذي بإذن الله أوديها خاص .... ومشكورة ياقلبي عالسؤال ماتقصرين والله

ما تشوف شر حبيبتي والله هاليهال يكسرون فالخاطر :cxxxp:

 

[يمامة]

عليج بألف عافية جنان

 

[جنان2006]

الشر ماييج ياقلبي اي والله يعورون القلب والجو كله فايروسات وأمراض عسى ربي يكافينا ويكافيكم الشر ان شاءالله

 

[جنان2006]

الله يعافيج يالغالية:eh_s(7):

 

[جنان2006]

الحمدلله اليوم شربت 4 جلاسات ماي و إن شاءالله بتعشى بعد نص ساعه تقريبا

1أفندي + تفاحة خضرا + لبن خالي الدسم

 

[manarah]

السلام عليكم ...

شخباركم انشالله بخير ..

احلى عيون .. الموضوع كله طاف وخلاص ماصار الا الخير وأقدر تحملج المسؤليه ويكفي انج فتحتي هالتجمع واتعبين روحج واتابعين الاوزان ويزاج الله خير

جنان .. ما تشوف شر بنتج انشالله ومالج الا الخاص وانشالله تتشافى .

والحين بحط يومي بس ما صورت اليوم كله اكل عالطاير ... الصبح امبجر نسكافيه ... الضحى جاي اخضر .. الغدا علبه روب خالي الدسم مع قلاص لبن ... المغرب نسكافيه ... العشا هم روبه خاليه الدسم .. والحين شاي اخضر ..
وسلامتكم وتعيشون وتضعفون

 

[أحلى عيون]

جنونه هلا يا قلبي الله يعينج ويشفي بنتج يارب ما عليه شوفي في مستشفى الراشد عندهم شراب روعه يعطونه لليهال ويفتح الشهيه


يمامه : هلا حبوبه صاجه اليوم الحالمه مو مبينه نهائياا الظاهر طالعه للبر او عندهم احد


مناره : حصل خير



وبالعافيه على قلوبكم خواتي

 

[جنان2006]

مناره

وعليكم السلام يزاج الله خير ماتقصرين والشر ماييج ان شاءالله
وعليج بألف عافية ياااارب


أحلى عيون

الله يعافيج ياااقلبي
ويزاج الله خير الشر ماييج ان شاءالله ماتقصرين