تجمع قراء كتاب "لا تحزن"

[بنوتة طموحة]

كتاب رائع
قريته بوقت كنت فعلا محتاجة أحد ينصحني
ألف شكر لج أختي
وواصلي تميزج
كلنا متابعينج

 

[سكرة هانم]

رد : تجمع قراء كتاب "لا تحزن"

تسجيييل حضوووور

مرحبا بنات .. الحين قاعده انزل النشخه الالكترونية وانشالله من بأجر ببلش فيه



ببدي أعرفكم بنفسي

الاسم : سكره
العمر : 22
التخصص: علوم بيئة
الوظيفة : ربة منزل والله يسهل عالوظيفه
افضل الروايات والسير الذاتية .. واقل الكتب قرأة السياسية وتنمية الذات ادري بتستغربون بس مادري ليش ما اقره تنمية ذات اشتري واقره صفحتين واهده


موفقييين :wqedqw:

 

[مفرفشه عالاخر]

رد : تجمع قراء كتاب "لا تحزن"

كنت اقرا مقاطع من الكتاب مو بالترتيب كنت افتش من عند الفهرس واختار العناوين الي تعجبني واقراها يعني ماقرا الصفحات بالترتيب بس كان روووووووووووووووعه الكتاب شكثر خفف عني الاام وجرووووووووووووح

 

[مطـــيــريهـ فـــوشيـــآ]

هالكتااب ماينوصف بكلمه كلمة روووعه شوي عليه

اكبر خسآآره عدم قراءة هالكتااب

بختصاار الكاتب آبدع

من الكتب الي تقرينها مليون مره وماتمليين

وماعندي مشكله اقراه معآكم بعد :d

بس ياليتج اتقسميين لاجزاء عشان نقراه مع بعض ونتناقش

 

[مفرفشه عالاخر]

رد : تجمع قراء كتاب "لا تحزن"

انا بعد اقول لو تقسمين الاجزاء ونتناقش فيها احسن

 

[سكرة هانم]

رد : تجمع قراء كتاب "لا تحزن"

تسجيل حضووور

مرحبا بنوتاات التجمع حييل هدوو


بديت اليوم بالكتاب ما قريت وايد قريت ليه اطرد الفراغ بالعمل

لحد الان رايي بالكتاب جدا رائع ومختصر بالنسبه لي ما مليت لان ذكر كل نقطه باختصار شدييد

وايد عطاني دافع


اكثر شي عجبني

فكر واشكر .. يومك يومك .. اطرد الفراغ بالعمل


وسامحوني علا مشاركتي المتواضعه لان اول مره اشترك بتجمع لقرأة كتاب ومنكم نستفيد


وهم سامحوني عالبدليات لأني ادش من الاي فون وموكل الأحرف موجوده لووول


:blueSmCLR:

 

[مزيونة الهيلا]

هالكتاب هو الي بعد ما قريت غير نظرتي للحياة وحسيت انه الدنيا ما تسوى

واستغرب من ردود بعض البنات الي ما عجبهم !!!!!!!!!!!لكن الناس اذواق

انا اول ماشريته قبل 5 سنوات كنت اقراه بالدوام واقرء لرفيجاتي منه وراحوا كلهم شرو الكتاب من كثر ما هو غني بمفاهيم وقيم وقصص وحكم صج صج مفيدة ورووووعة وحتى طريقة صيغة وترتيب الافكار كانت حييل مبسطة وبنفس الوقت عميقة بفهومها واقنعني حيل بالكلام الي كاتبه فعلا عرف اشلون يلعب بالنفسية ويقلبها طبعا للاحسن

واكثر شي عجبني النقاط الاخيرة

ومشكووووورة ع هالموضوع

 

[هوية غريب]

رد : تجمع قراء كتاب "لا تحزن"

السلام عليكم بنات :friends:

سامحوني بنات تعبت شوي هاليومين وما قدرت أقرا إلا كم صفحة ،،

بالنسبة لتقسيم الكتاب .. المشكلة حبيباتي ان الطبعات كثيرة وكل طبعة تختلف عدد صفحاتها عن الثانية ..

الطبعة اللي بالنسخة الإلكترونية عدد صفحاتها 584 .. والطبعة اللي بيدي عدد صفحاتها 414 .. يعني فرق 170 صفحة .. طبعتي خطها أصغر والصفحة متروسة شوي عن النسخة الإلكترونية

بس إذا حابين نقسم الكتاب على شهر .. يعني خلينا نقول نخلصه على 9/3/2011 إن شاء الله .. راح تكون التقسيمة كالتالي:

9 - 16 فبراير --> من (يا الله) إلى (وخير جليس في الأنام كتاب)

16 - 23 فبراير --> من (أقوال في فضل الكتاب) إلى (في حياتك دقائق غالية)

23 فبراير - 2 مارس --> من (الأفعال الجميلة طريق السعادة) إلى (رويداً رويداً)

2 - 9 مارس --> من (كيف تشكر على الكثير وقد قصرت في القليل) إلى (النهاية)


شرايكم؟؟ مبدئياً راح أبدي إن شاء الله على أساس هالتقسيمة .. وآسفة مرة ثانية على التأخير بس غصبن علي

 

[هوية غريب]

رد : تجمع قراء كتاب "لا تحزن"

هلا و غلا حبيبتي
تشكرين ع الموضوع الحلو
أنا قريته من زمان
تقريبا قبل 5 سنوات
الكتاب طيب و جيد
بس ما راق لي حيل
أحس مواضيعه جدا عميقة
بس ذكرها باختصار جدا
عجبني كتاب أسعد إمرأة في العالم
أكثر
بس
جزاه الله خير
و الكتاب عجب آلاف غيري
هوية غريب
تسلم أناملج ع التجمع الطيب
لا تحرمينا جديدج

حياج الله حبيبتي ومشكورة على ردج الجميل والصريح ،،

لي عودة وتعليق بإذن الله على مسألة عدم تعمقه .. ولكن بعد قراءة الكتاب فانتظريني

والله يديم هالتجمع الطيب .. منورة حبيبتي :blueSmCLR:

 

[هوية غريب]

رد : تجمع قراء كتاب "لا تحزن"

صباح الورد :blueSmCLR: ​

قريت الكتاب من فتره طويله جداً . . ومازلت اتذكر الكثير منه . . كتاب رائع . . كان اهداء من خالي الى امي . . ​

بس صج مفيد :rerrerek: . . الكاتب مثقف جداً والكتاب يدل على عمق ثقافته ورؤيته للأمور واطلاعه . . ​

اتمنى لكم قراءة ممتعه بنات وانا راح اتابع معاكم نقاشات الكتاب باذن الله . . ​

هلا والله يمامتي

كلامج مشوق .. وتذكرت هالكلام الحلو لما وجدت نفسي أستمتع بأسلوبه .. فعلاً أسلوبه حلو لدرجة اني ما طوفت المقدمتين .. :wqedqw:

حياج الله بينا منورتنا :hjy5jewf:

انا قارية الكتاب من زمان
صراحة كتاب تنظيري ماله علاقة بالواقع
يعني مثلا الكاتب ينصح الشباب في حالة الحزن انه يغير من احواله يتزوج يشتغل يكمل دراسته
وهذا هو سبب تعاسة شبابنا لاهو لاقي وظايف ولازواج ولا لاقي جامعات تقبله ولايقدر يخطط لمستقبله
لانه التحديات امام الشباب في هالوقت كبيرة
شعليه هو واحد كل يوم طالع بقناة وينظر وبس مو حاسس بالواقع
ماعجبني ابد مو واقعي ابدا

هلا والله رحول

أفا عليج مو عاجبج قطيه ورا ظهرج :wqedqw:

ومع اني ليلحين ما قريت اللي انتي قريتيه .. بس إذا كان هذا كلامه فعلاً .. ما غلط!!!!!! ولا كلامه بعيد عن الواقع

مو بعيد عن الواقع ان الواحد يتزوج ويشتغل .. أفا عليج وين قاعدين احنا .. على الأقل خلينا نتكلم عن بلدنا .. في الكويت مو بعيد عن الواقع ان الواحد يتزوج سواء كان كويتي أو غير كويتي .. وكل يمد ريله على قد لحافه .. والوظيفة نفس الشي .. اللي يبي يتوظف وما يتشرط يلقى الوظيفة .. لكن اللي يقول انا ما آخذ راتب أقل من كذا لأني جامعي ولا أشتغل أكثر من كذا ساعة لأني خريج ولا أشتغل مثلاً كاتب مستوصف أو موظف استقبال لأني كويتي .. اللي يقول جذي ما راح يتوظف .. لكن اللي يتحمل ويتدرج يلقى الوظيفة وربج يفرج عليه بعد ويحسن من وضعه بإذن الله .. وعلى قولة ربعنا الإنجليز .. No pain , No gain

في مصر مثلاً الله يعينهم ممكن تقولين الزواج والوظيفة صعبين على شباب وايد والأسباب اهما أدرى فيها مني .. لكن في دول الخليج على الأقل الوضع غير

ولو وجدت بعد قراءة الكتاب غير هذا الكلام سأرجع وأذكره .. وانا لست مع الكاتب ولست ضده ..

وتسلمين حبيبتي على رايج ومرورج :hjy5jewf:

وااايد حلو الكتاب و استفدت منه حق المدرسة شرحت عنه بحصة العربي و الابلة استانست عليه

و انصح حق اللي ما قرته لي الحين خل تقراه ترى جذي :rerrerek:

و يعطيج الف عافية صاحبة الموضوع :hjy5jewf:

هلا وغلا ننوسة .. تسلمين حبوبة على مشاركتج .. وبإذن الله نلقاه جذي :rerrerek: مثل ما لقيتيه

ويعطيج العافية انتي على مشاركتج الجميلة :hearting:

هالكتاب جاني هدية قريت بدايته روعة وبعدين مادري بشنو لهيت

ودي أشارك بس انا حاليا برا الديرة

أتمنى لكم قراءة ماتعة

هلا حبيبتي .. حافظج الله تردين بالسلامة يارب :eh_s:

وبعون الله تكملينه سواء معانا أو عقبنا .. شاكرة مرورج حياتي

اول مانزل قرايته

من زمان

هلا لولو .. منورة الموضوع

لي عودة للموضوع بتفاصيل ادق عن فوائد قرائتي للكتاب
تقبلي مروووري :wqedqw:

ناطرينج على أحر من الجمر :eh_s(14):

كتاب رائع قرأته بس من فترة وهو كناب يبين لنا ان الحياة لاتسوى ان نملأ قلوبنا بالهموم من أجلها

ويرينا تجارب وأقوال لحكماء

اشكرك حبيبتي

واتمنى ان نظل على تواصل فأنا احب ان اكون مع اصدقاء الكتاب امثالي :

حياج الله حبيبتي .. وظلي على تواصل معانا خلال هالصفحات .. ونستفيد منج دامج قاريته قبلنا

عندي اياه وبودي اقراه وكنت مو راسيه على بر متى اقراه
الحين شجعتوني واكيد بابدي معاكم

هلا والله أبلة لكجري .. :aha:

منورة هالجمعة والله وعطينا رايج بالتقسيمة

 

[هوية غريب]

رد : تجمع قراء كتاب "لا تحزن"

رآح أشتريـه وأبــدي أقـرى
أو أنزلـه ع ـالآي بــآد
بــسس يــآريتج لو تقسمين الكتــآب وكل كميـة لهــآ فترهـ يعني من الصفحة الفلآنية لي الصفحـه الفلآنية إسبووع
وجــذي عشــآن نتنــآقش ونبدي مــلآحظـآتنــآ وإللي مــآفهمت شي أو تبي تستفسـر عن شغلة نقدر نفيدهــآ كلنــآ

حياج الله زبدة قلبي .. وياريت تقوليلي رايج بالتقسيمة .. خايفة تكون ثقيلة عليكم :eh_s(10):

كتاب راااااااااااااااائـــــــــــــــــــــــع و أكثر من رائـــــــــــــع

قريــته قبل سنتيــن تقريبـًا ,, وصلت لـ ص 60 همن وقفت لأني سافرت الإمارات

أخذت الكتاب معي هناك

عزمت على إكماله ,, بس انشغلت و نسيت ليومك @.@

حمستوني أكمله خخخخخخخ

جزاتس ربي الجنــة ,,

احترامي و تقديري

ترانيم القصيم

وجزاج الجنة يا ترانيم ..

بس دامج قريتي أقل من 100 صفحة عيل تبدين من البداية معانا :fun22: وبالمرة عشان نتناقش فيه .. النقاش مثمر ويعطينا أفكار يمكن الكاتب نفسه ما ذكرها .. تخيلي 10 يتناقشون .. عندج 10 عقول مختلفة وبالتالي أفكار مختلفة ..

وحياج الله

الكتاب قديم و قريته من قبل بس نسيت وايد شغلات
و الي يقهر اني مجمعه كل كتبي بصناديق

و مسكرتهم صعب اطلع النسخه الورقيه
اشوف وضعي اقدر افتح الكرتون ولا انزل النسخه الالكترونيه :gr4uu:

الله يهديج بتشحنينهم؟؟؟؟ :050103nbh_prv:


انا من رايي النسخة الإلكترونية وايد أسهل :dddds:

.


الكتاب روعه ماشالله ، قريته من سنتين تقريبا !
وآيد حبيته و وآيد استفدت منه .. حبيت اسلوب الكآتب
مآشالله عائض القرني كلآمه بالمحآظرات يونس شلون بالكتابه و الآبدآع ،
هالكتاب آحد آعظمـ الكتب الي ممكن يستفيد منهآ القآرئ بشكل كبير
آمي عطتني اياه بعد مآ قرته و انا عطيته حق اختي بعد مآ خلصته ؛*

يزآج الله خير :blueSmCLR:

هلا توم وجيري .. فعلاً انا بس من المقدمة عجبني أسلوبه حيل .. فعلاً كلامه حلو ومؤثر

وجزاج الله خير حبيبتي

الكتااب روووووعه والافكاار اروووع ...

بس لحد الان ماكملته

لي نيية اني اكمله ان شااء الله :rerrerek:

هلا حبوبة .. ابدي معانا .. شرايج؟؟؟

كتاب رائع
قريته بوقت كنت فعلا محتاجة أحد ينصحني
ألف شكر لج أختي
وواصلي تميزج
كلنا متابعينج

فديت عيونج يا بنوتة .. الشكر لج على مرورج الجميل

إذا كان هناك تميز فهو بفضل الله ثم وجودي مع جماعة متميزة مثلكم ..

حافظج الرحمن :hearting:

 

[هوية غريب]

رد : تجمع قراء كتاب "لا تحزن"

تسجيييل حضوووور

مرحبا بنات .. الحين قاعده انزل النشخه الالكترونية وانشالله من بأجر ببلش فيه



ببدي أعرفكم بنفسي

الاسم : سكره
العمر : 22
التخصص: علوم بيئة
الوظيفة : ربة منزل والله يسهل عالوظيفه
افضل الروايات والسير الذاتية .. واقل الكتب قرأة السياسية وتنمية الذات ادري بتستغربون بس مادري ليش ما اقره تنمية ذات اشتري واقره صفحتين واهده


موفقييين :wqedqw:

هلا سكرة .. أو لاً منورة حبيبتي

ثانياً .. قوليلي رايج بالتقسيمة ..

ثالثاً .. كتب تنمية الذات مفيدة لأبعد مما تتصورين .. جربي تخلصين كتاب وانتي تعرفين هالشي بنفسج ..

وناطرة ردج :fun:

كنت اقرا مقاطع من الكتاب مو بالترتيب كنت افتش من عند الفهرس واختار العناوين الي تعجبني واقراها يعني ماقرا الصفحات بالترتيب بس كان روووووووووووووووعه الكتاب شكثر خفف عني الاام وجرووووووووووووح

من خلال تصفحي السريع شفت فعلاً ان الكتاب ممكن تقرينه من أي نقطة .. الحلو فيه ان مخليه خفيف على أي واحد يمسكه ويقدر يبدا فيه من النقطة اللي تعجبه ..

شاكرة مرورج حبيبتي .. وأبي رايج بالتقسيمة .. يارب تكون خفيفة ومحد يقوللي :flower:

هالكتااب ماينوصف بكلمه كلمة روووعه شوي عليه

اكبر خسآآره عدم قراءة هالكتااب

بختصاار الكاتب آبدع

من الكتب الي تقرينها مليون مره وماتمليين

وماعندي مشكله اقراه معآكم بعد :d

بس ياليتج اتقسميين لاجزاء عشان نقراه مع بعض ونتناقش

هلا والله بأحلى مطيرية :ceaf32e183: (لا يزعلون باجي المطيريات ترى كل وحدة اهيا أحلى وحدة ههههه)

التقسيمة موجودة فوق .. وحياج الله معانا منورة حبيبتي

هالكتاب هو الي بعد ما قريت غير نظرتي للحياة وحسيت انه الدنيا ما تسوى

واستغرب من ردود بعض البنات الي ما عجبهم !!!!!!!!!!!لكن الناس اذواق

انا اول ماشريته قبل 5 سنوات كنت اقراه بالدوام واقرء لرفيجاتي منه وراحوا كلهم شرو الكتاب من كثر ما هو غني بمفاهيم وقيم وقصص وحكم صج صج مفيدة ورووووعة وحتى طريقة صيغة وترتيب الافكار كانت حييل مبسطة وبنفس الوقت عميقة بفهومها واقنعني حيل بالكلام الي كاتبه فعلا عرف اشلون يلعب بالنفسية ويقلبها طبعا للاحسن

واكثر شي عجبني النقاط الاخيرة

ومشكووووورة ع هالموضوع

عجبني كلامج (الأفكار مبسطة لكن عميقة بمفهومها) ..

بإذن الله نقرا هالأفكار العميقة ونستفيد منها يارب ..

وتسلمين على الطلة البهية يا المزيونة :33_1185028183:

 

[صريحه ولكن]

الكتاب مهم جدا انا قريته اكثر من مرة
واهديته اكثر من وحده من قريباتي وصديقاتي وبمستويات ثقافيه متفاوته والغريب ان كلهم حبوه مناسب جدا الاي شخص عنده مشكله او يمر بازمة لانه يذكره بحقيقة الدنيا وباهمية الايمان
وانا عن نفسي لما امر بضيق احب دائما ارجع اذكر نفسي فيه
الحقيقة انصح الكل يقتنيه .مرجع حلو للتفاؤل والايجابية

 

[الزيــALZAINــن]

رد : تجمع قراء كتاب "لا تحزن"

كتاب لا تحزن لد.عائض القرني كتاب رائع و ما زلت اقراه و بصراحه الدكتور مبدع في نقل المعلومه و احب ان اشيد بكتاب "اسعد امراه في العالم" ..

اختيار موفق عزيزتي ..

 

[هوية غريب]

رد : تجمع قراء كتاب "لا تحزن"

الكتاب مهم جدا انا قريته اكثر من مرة
واهديته اكثر من وحده من قريباتي وصديقاتي وبمستويات ثقافيه متفاوته والغريب ان كلهم حبوه مناسب جدا الاي شخص عنده مشكله او يمر بازمة لانه يذكره بحقيقة الدنيا وباهمية الايمان
وانا عن نفسي لما امر بضيق احب دائما ارجع اذكر نفسي فيه
الحقيقة انصح الكل يقتنيه .مرجع حلو للتفاؤل والايجابية

هلا اختي الحبيبة .. فعلاً مناسب لجميع المستويات .. هذا اللي فهمته من البداية.. الحلو ان الدكتور عطى في البداية نبذة عن اللي بنقراه في الكتاب قبل لا نبدي فيه حتى ..

وشكراً على مرورج منورة :blueSmCLR:

كتاب لا تحزن لد.عائض القرني كتاب رائع و ما زلت اقراه و بصراحه الدكتور مبدع في نقل المعلومه و احب ان اشيد بكتاب "اسعد امراه في العالم" ..

اختيار موفق عزيزتي ..

هلا بالزين

حياج الله .. وإذا ما زلتي تقرينه عيل حياج معانا :blueSmCLR:

 

[مطـــيــريهـ فـــوشيـــآ]

رد: رد : تجمع قراء كتاب "لا تحزن"

هلا والله بأحلى مطيرية :ceaf32e183: (لا يزعلون باجي المطيريات ترى كل وحدة اهيا أحلى وحدة ههههه)

التقسيمة موجودة فوق .. وحياج الله معانا منورة حبيبتي


:wqedqw:

<<< صدقت

:krkrkr:


وبالعكس خوش تقسيمه

من اليوم ببدي اقرآ ان شاءالله

 

[طويت صفحة الماضي]

رد : تجمع قراء كتاب "لا تحزن"

كتاب كلمة روعه شويه عليه يجنن في احكام روعه وعبر وقصص واو قريته بس الالحين ماكملته ولاوصلت للي نهاية جداً ممتع هالكتاب وانصح اللي ماعندها تشتري مثله

 

[هوية غريب]

رد : تجمع قراء كتاب "لا تحزن"

السلام عليكم بنات ..

راح أبدي بأول مناقشة لي .. بعون الله .. لكن ودي أرد على سكرة الحلوة

تسجيل حضووور
مرحبا بنوتاات التجمع حييل هدوو
بديت اليوم بالكتاب ما قريت وايد قريت ليه اطرد الفراغ بالعمل
لحد الان رايي بالكتاب جدا رائع ومختصر بالنسبه لي ما مليت لان ذكر كل نقطه باختصار شدييد
وايد عطاني دافع
اكثر شي عجبني
فكر واشكر .. يومك يومك .. اطرد الفراغ بالعمل
وسامحوني علا مشاركتي المتواضعه لان اول مره اشترك بتجمع لقرأة كتاب ومنكم نستفيد
وهم سامحوني عالبدليات لأني ادش من الاي فون وموكل الأحرف موجوده لووول
:blueSmCLR:

هلا حبيبتي بس ما قريتلج بدليات .. وينها قاعدة ادورها هههههه

فعلاً النقاط ذاكرها مختصرة بس معانيها عميقة وجميلة

فعلاً فكر واشكر ويومك يومك جداً مؤثرين ومعانيهم جميلة وأسلوب الكاتب فيهم يدخل القلب .. تسلمين على التعليق سكرة قلبي


وودي أفصل مناقشتي بالآتي:

أسلوب الكاتب جميل جداً .. ومؤثر .. لغته العربية سلسة الألفاظ سهلة المعاني لا تستعصي على أحد مهما قلت ثقافته..

أجمل شي سواه الكاتب انه كتب مثل رسالة للقارئ في المقدمة فيها تقريب للقارئ واعتباره مثل الصديق اللي يخاطبه ويناجيه ويبكي معاه .. أسلوب تشويق وتأليف يخلي القارئ يقرا الكتاب كأنه يكلم صديقه اللي يرتاح له ويثق بكلامه.. أسلوب تسويقي أيضاً يشجع القارئ على شراء الكتاب :ggdw:

ودي أعلق على المقدمة .. جميلة جداً إذا كنت أقصد مقدمة الطبعة الأولى .. لكن مقدمة الطبعة المليون ومقدمة الطبعة المليونين الله يهديه فرحان فيهم زيادة عن اللزوم كأنه أول مرة يألف وكأنه مو مصدق ان كتابه ينتشر بهالطريقة.. غلط يا شيخنا إظهار فرحتك الزايدة عن اللزوم تحسس القارئ انك مو مصدق ان قاعد يقرالك وبهالطريقة خربت على أسلوبك التشويقي اللي ذكرته فوق :jumpon:

نأتي لبداية الكتاب .. (يا الله) جمل بسيطة وغنية بالمفاهيم القوية والنافعة .. لكن لو مخليها آخر الكتاب يكون أحسن .. مو حلو أول ما تدش على الكتاب تقرا مقتطفات وجمل متفرقة.


بعدين نأتي إلى (فكر واشكر) .. يا الله على جمال كلماته .. يا الله على معانيها .. بغيت أبكي

(هل هي مسألة سهلة أن تمشي على قدميك وقد بترت أقدام؟؟ وأن تملأ معدتك من الطعام الشهي وهناك من عكر عليه الطعام بأمراض وأسقام؟؟؟)
هذا المعنى ذكرني بنفسي .. انا فيني مرض الكانسر اكتشفته شهر 8 الماضي واستأصلت العضو المصاب بالورم (الكانسر اللي يصيب النساء أكثر من الرجال .. وضحت الصورة إن شاء الله) أذكر لما كنت أصبر نفسي كنت اقول هالعضو اللي راح يستأصلونه ما راح يضرني وخاصة اني بسويله تجميل .. لكن لو بيستأصلون إيدي أو قدمي حتى لو بحط أطراف تجميل صناعية ما راح أقدر أعيش حياتي مثل السابق وراح أتنغص .. اللهم لك الحمد على نعمتك وفضلك

لكن بنات عندي سؤال .. يقول الدكتور القرني (أتحب بيع سمعك وزن ثهلان فضة؟ هل تشتري قصور الزهراء بلسانك فتكون أبكم؟) .. شنو يعني ثهلان ؟؟ ووين صايرة قصور الزهراء؟؟


نأتي إلى فقرة (ما مضى فات) .. لا تقل عن سابقتها روعة ..

فيها يقول الدكتور القرني ان اللي يعيش رهين الماضي يبكي عليه ويحترق عليه فيه حمق وجنون (صدق والله) لأنه يضيع جهده وإرادته ويضيع يومه اللي المفروض انه يستفيد فيه ويعمل فيه .. وضرب مثل جميل أن الريح تتجه إلى الأمام والماء ينحدر للأمام والقافلة تسير إلى الأمام ..
أيضاً هذه الأمثال ذكرتني بالآية اللي تقول (ولا يلتفت منكم أحد وامضوا حيث تؤمرون) في سورة هود .. لما أمر الله عز وجل هود عليه السلام بالذهاب قبل أن يوقع العذاب على قومه .. قال لهم ولا يلتفت منكم أحد .. لأنهم لو التفتوا وشافوا العذاب واقع بقومهم يمكن يوقفون من هول الصدمة أو يرجعون لهم .. دايماً أذكر نفسي بهالآية عشان ما أوقف ولا أرجع للوراء

وعندي أيضاً استفسار آخر لو تكرمتوا : شعلاقة نسيان الماضي وترك الهم والغم عليه بالمثل اللي ذكره (قيل للحمار لم لا تجتر؟ قال لا أحب الكذب) .. ماني شايفة أي علاقة !!!!!!

وللحديث بقية .. لكن ناطرة مشاركتكم ولو بكم صفحة قريتوها .. أثروا الموضوع وجزاكم الله الجنة :fun:

حبيبتي طويت صفحة الماضي .. منورة الموضوع وتسلم الإيد اللي تصفحت وكتبت

 

[هوية غريب]

رد : تجمع قراء كتاب "لا تحزن"

بنات التجمع وينكم الله يهديكم .. هالموضوع لمناقشة اللي نقراه مو لمدح الكتاب فقط!!!!!!

لما تقرون كم فقرة حطوا رايكم وانطباعكم عشان ناخذ ونعطي مع بعض

وبعدين زعلت عليكم .. سألتكم كم سؤال محد ردي علي


فقرة (يومك يومك) .. وايد حلوة وكلامه حكيم جداً ..

الأمس ذهب بلا رجعة .. والغد في علم الغيب .. فلم الحزن والهم على ماضٍ لن يرجع وعلى مستقبل ليس له وجود
وحسب كلامه ان يجب علينا الاشتغال بعمل اليوم وبتنميته وتحسينه سواء في العبادات وفي غيرها ..
ذكرني بفقرة في كتاب (لا تهتم بصغائر الأمور فكل الأمور صغائر) وهي آخر فقرة (live this day as if it were your last. It might be) عش هذا اليوم كأنه آخر يوم في حياتك وقد يكون كذلك .. نفس الفكرة .

طبعاً كلامه عن الماضي واضح وصحيح 100% .. وكلامه عن المستقبل لي عليه زيادة بسيطة ألا وهو ان المذموم هو القلق والحزن والتفكير بالمستقبل والخوف وشغل التفكير فيه .. لكن أيضاً واجب علينا العمل لتحسين الحال في المستقبل مثلاً توفير نقود أو تربية طفل أو دراسة تخصص معين لتحسين الوضع المهني وكل هذا نتائجه المرجوة تكون في المستقبل بإذن الله ..

وفي الفقرة اللي بعدها (اترك المستقبل حتى يأتي) ..
عجبني شي .. وما عجبني شي ثاني

اللي عجبني .. جملة بديعة الوصف والمعنى عن الاكتواء بالمزعجات المتوقعة في المستقبل (وهو مذموم عقلاً لأنه مصارعة للظل) .. يا الله أسلوب جميل ..

واللي ما أؤيده فيه لما قال أن العالم يتوقع في المستقبل الجوع والمرض والفقر وهذا من مقررات مدارس الشيطان .. طبعاً المذموم هو الحزن والقلق والانشغال بالتفكير غير المثمر بهالأمور لكن مجرد التوقع هو من دراسات تحليلية وإحصائية للثروات اللي نملكها وللواقع اللي نعيشه .. والواجب العمل وبذل الأسباب اللي تخلينا نتجنب هذه الأمور المتوقعة ..


وانظروا إلى هالجملة اللي ما قرأت بروعتها عمري كله ..
(وإن تعجب فعجب هؤلاء يقترضون الهم نقداً ليقضوه نسيئة في يوم لم يشرق شمسه ولم ير النور) الله على روعتها


ولي عودة بإذن الله

 

[هوية غريب]

رد : تجمع قراء كتاب "لا تحزن"

بنات وينكم نسيتوني :eh_s(11)::eh_s(11):

مو مشكلة ..


الفقرة اللي بعدها (كيف تواجه النقد الآثم) ..
بدأها بداية رووووووعة .. انه إذا كان الله عز وجل شتموه والعياذ بالله فكيف بنا نحن العباد الخطائين؟؟؟؟ فعلاً مثل يخلي الواحد يستحمل أي شي

وأثرت فيني مقولتين ..
1) وبقدر وزنك يكون النقد الآثم.
2) بل تستطيع أن تصب في أفواههم الخردل بزيادة فضائلك ..

والله صااااااااااج هالريال .. ذكرني بمأساتي مع فئة معينة في دوامي :eh_s(9):

الفقرة اللي بعدها (لا تنتظر شكراً من أحد) ..
نفس أسلوبه في الفقرة اللي فوق .. إذا كان الله عز وجل خلق الناس ورزقهم قاموا عبدوا وشكروا غيره .. شلون انت بالعبد الفقير ؟؟؟ اعمل الخير لوجه الله .. لأن البشر ما شكروا الله فلا تنطر منهم شكر
وقال عن كلامه (إنما يوطنك على انتظار الجحود) صحيح لازم نتوقع عدم شكر الناس وجحودهم .. فإذا شكرونا فرحنا وإذا جحدونا نكون متوقعين فما نزعل

الفقرة اللي بعدها (الإحسان إلى الآخرين انشراح للصدر) ..

الجميل .. كاسمه (هذي عجبتني) :eh_s(15):

ويقول فيها ان أول المستفيدين من إسعاد الناس هم المتفضلين عليهم.. يجنون ثمرة ذلك عاجلاً .. وانا مجربة هالشي .. كلما ضاق خلقي وصابني هم وغم وأبي الفرج من الله ناديت أي فقير أشوفه أو حتى الفراش اللي بالدوام وعطيته من فضل الله اللي أعطانيه .. سبحان الله ينفرج الهم بسرعة .. سبحانك يا ذا الفضل


وسلامتكم :eh_s(8):