السلام عليكم :eh_s(17)::eh_s(17)::eh_s(17):
شلووونكم شخبااركم:eh_s(22):
انا شفت هالتجمع قلت ادش افيدكم :eh_s(15):
اول شي الوضع طبعاً راح يتغير عليكم لان المواد راح تزيد عليكم مثل العلوم راح ينقسم حق 4 اقسام كيميا و فيزيا و احياء و جلوجيا
اعتقد بعاشر ماراح يعطونكم جلوجيا ...
طبعاً الفيزيا و الكيميا اعتمدوا على شرح الابله و الكتاب و طبعاً حاولوا تكتبون كل الملاحظات اللي تقولها الابله
و الاحياء ان شاء الله سهالات اكثر شي حفظ و شرح الابله مهم مهم مهم ... لان مرات تقوول اشياء مو موجوده بالكتاب
و الجلوجيا نفس الشي
بس بشكل عام المواد سهله بس يبيلها دراسه و فهم و كلهم فيهم قسمين عملي و نظري بس النظري اكثر ...
اما الرياضيات .. مااده حلللللوه و اعتمدوا على الدفتر و حل كل مسائل الكتاب و اذا درستوا من مصادر ثانيه بعد احسن .. وحاولوا تفهمون الماده اول باول اذا في شي مو فاهمينه سئلوا الابله عنه لان بالرياضيات كل درس يعتمد على اللي قبله
اما العربي راح ينقسم حق 3 اقسام .. نصوص و قواعد و بلاغه
النصوص مثل اللي كنتوا تاخذونه بالمتوسطه
القواعد بعد اشياء حلوه و مو تعجيزيه ... بس اهم شي حاولوا تحبوون القواعد عشان تمشون فيها ... و خشوا كتب القواعد عشان تدرسون منهم حق 11 و 12 او تراجعونهم .. .. يعني ب11 لا تدرسون بس قواعد 11 .. درسوا كتاب 11 و راجعوا او تصفحوا كتاب عاشر و نفس الشي حق 12
هذا بالنسبه للقواعد
البلاغه شي اعتقد يديد عليكم .. بس كنتوا تاخذون بالمتوسطه اشياء بسيطه منه اللي اهوه مثلاً الترادف و الطباق و المقابله .. و التشبيه ..
الحين الانقليزي انا بصراحه ما اقدر افيدكم فيه لان انا لحقت على الانقليزي القديم الاماراتي .. بس حسب اللي اسمعه انه يبيله درااسه و فهم:eh_s(15):
بالنسبه حق الاجتماعيات نفس اللي كنتوا تاخذونه بالمتوسطه بس مواضيع ثانيه و يديده .. حسب اللي اذكره انه راح تاخذون عن الدوله العثمانيه و فلسطين و اشياء ثانيه ... يبيله حفظ :eh_s(4):
احلى شي فيه انه كتاب واحد حق الكورسين
اما الدستوووور ما ادري اذا بتاخذونه ولالا بس ماده خفيفه و حلوه و تتكلم عن سياسة الكويت و الدستوور ... مو صعبه و راح ياخذونها علمي و ادبي
الحين بالنسبه حق الحاسوب ... هالماده نفس المتوسطه الاغلبيه يضمنون درجات عاليه و نظامه نفس المتوسطه ... بس السنه اللي طافت شالوا الامتحان النظري و خلوه بس عملي .. اهوه و البدنيه ..
و اكثر ماده حاولوا تيبون فيها اهيا العربي ... لان انا دفعتي كانو يحسبون عدد الحصص مع الدرجه فكانت لها اكبر نسبه من الدرجه... و لان فيها وايد اقسام ..
و بس اتمنى انه ما تكون معلوماتي قديمه و استفدتوا و اذا في اي استفسار لا يردكم الا الكيبورد :eh_s(22):
