العناااااااااااااايه :ggdw:
الشعر
أستخدم زيت صحاري و وراه بيوم استخدم( سدر + ثوم + روب +بيض + جرجير ) واليوم اللي بعده ارد استخدم الزيت و وراه يوم راحه للشعر ... يعني كل ثلاث أيام وراهم يوم راحه
و اليوم اللي أكون حاطه فيه الزيت اغسل شعري بالشامبو العادي (انا استخدم هيد اند شولدرز ) و بعدين أغسله بشامبو ميتال الأندونيسي
واليوم اللي أكون حاطه سدر استخدم شامبو ميتال على طول بدون هيد اند شولدزر
اسوي جذي لانه ميتال ما ينظف الزين ... ميتال كله حلبه و أعشاب يعني احسه تغذيه للشعر أكثر من التنظيف ..
الوجه
*اهم شي الميك اب لما تمسحينه حاولي تمسحينه عدل عشان ما يأي بشرتج
*كريم ماجيك <<<< رهييييييييييييييييييييب والله يخلي البشره كأنها بيبي بس قريت انه ما يصير تقطعينه مره وحده فجأه يعني ديرو بالكم يا بنات
*غسول كلين اند كلير البرتقالي << يعطيج احساس بالنظافه صجججج و يخليج فرش
*و كل ما فظيت ارش ويهي ببخاخ ماي ورد
الرموش
خروع وبصراحه مو دايما لانه رموشي الحمدالله ما يبيلهم شي
الشفايف
فازلين بس ودي بشي يخلي لونهم وردي:gr4uu:
المناطق الداكنه ( الكوع + الركبه )
خليط من ( فير اند لوفلي + جلسرين + ليمون)
وارطب يديني بكريم 21 البرتقالي حيل حلو
التشققات <<< المشكله اللي مأزمتني :0bee2e8d89:
كريم اسمه vichy مرتين باليوم الصبح وقبل النوم
خليط من زيت جنين القمح + زبدة الكاكاو م بالمرز
و استخدم صابونه زبدة كاكاو من بالمرز بعد
الجسم
الخلطه الصابونيه مالت مزيونه وشقرا بس انا اسويها بالبيت
ارطب جسمي ورا الشاور بلوشن بيبي جونسون مال اليهال لانه خفيف
المنطقه ال..... << احم احم .. اكيد فهمتوني :$
الدوكين كل يوم بالليل
كنت استخدم كيرفري بس ما ارتحت عليه وايد فشريت توني غسول سيباميد وانشالله يعجبني
وعلى الغيار اليومي ارش ماي ورد مرات لانه سمعت انه يشد المنطقه
القدم
عادي مجرد ترطيب والبس دلاغ بالليل والصبح تكون نااااعمه
وبسسسسسسسس ... اذا تذكرت شي بعد راح اقولكم واللي عندها شي أحلى تقولي لانه فيني هوس اهتمااااااام
:aha:
