أم عامر
New member
- إنضم
- 27 ديسمبر 2008
- المشاركات
- 7,942
- مستوى التفاعل
- 0
- النقاط
- 0
السلام عليكم
رحت اليوم للمراجعه وسوا لي اشعه وعطوني موعد للجراحه باجر العصر
بس مو هذا المهم
اليوم صار لي موقف غلب لي يومي كله ومن الصبح وانا ابجي
اسمعوا الموقف
اول شي اقول حسبي الله ونعم الوكيل وعسى ربي ينتقم منهم اشد انتقام
اليوم بعد ما طلعنا من الطبيب مريت السوق بنتي تبي اغراض للمدرسه
وبعد ماخلصنا واحنا طالعين للسياره ولا اشوف عجوز تمشي شايله اكياس
ومن الكبر تمشي وظهرها محنب فقلت لزوجي شوف هالعجوز حرام تمشي وشايله اغراض
قال خل نروح لها ونوصلها مرينا يمها وقلت لها يما نوصلج قالت يما اخاف عندكم شغل
قلت لها لا يما تعالي نوصلج وفتحت لها الباب وظلت تدعي لنا وتتشكر
فقال لها زوجي يما ليش تمشين انتي وين العيال ما يودونج قالت يما الولد ولد مرته
ولدي مرته ماتبيني وقطني الساعه 2 بالليل عند المقبره
انا من سكان الجهراء وعندنا بالجهراء مقبره داخل المنطقه مقبره قديمه
انا وزوجي مثل الصاعقه طاحت علينا
قالت ربيتهم وهم صغار وتعبت عليهم كنت اشتغل فراشه بالمدارس علشان اوفر لهم لقمت العيش وما يحتاجون من احد وبالغزو انحشت فيهم من صدام وما ادري شلون وراحوا لكندا وبعد سنوات ارجعوا للكويت هي الحين عندها الجنسيه الكنديه
تقول بعيد الاضحى رحت لبنتي وبنتي اطردتني وظليت افتر بالمنطقه مضيعه فيها وتقول لمل رحت لولدي وكنت مريضه فرشلي فراش ومرته مارضت واشوفه يأشر لها اصبري وقومني بالليل وقطني عند المقبره
كلامها المرا كان متقطع كانت تتكلم وتبجي وكل شوي تذكر موقف من عيالها
عيالها وايد مو واحد ولا اثنين تقول ولدي الصغير قلت له يما طالبتك قال لي شنو اخلصي بسرعه قلت له يما في وحده تبرعت لي بحجه ابي اشوف بيت الله بس ابيك توديني قال لها اوديج الكنيسه
عسى ربي ياخذ بحقها من هالعاقين فيها وعيالهم يسوون فيهم مثل ما سوو بأمهم
وقلنا لها انتي الحين وين قاعده قالت عند ناس لموني من الشارع هم بدون وحالتهم ظعيفه
مأجرين بيت وبالسطح مال البيت بنوا لي غرفه كيربي وفيها مكيف ولما سألها زوجي عندج ثلاجه قالت لا ولما دلتنا على البيت وقفت بعيد عن البيت قلت لها يما انزل معاج ابي ادل البيت علشان اجيج قالت لايما اهل البيت مايرضون وفشله منهم يكفي انهم لاميني عندهم وعيالي قطوني
قلت لها هذا رقم تلفوني دقي علي وعطيتها مبلغ بسيط وما رضت تاخذه بس حلفت عليها تاخذه
وطول الطريق وهي تبجي وتسولف عن عيالها ولما زوجي يقول لها ربي يهديهم تقول عقب شنو
ليت ربي ياخذ امانته وارتاح والله انها من انزلت وانا ابجي مو مصدقه الي شفته كنت اسمع سمع لكن اول مره اشوف ورحت لأم زوجي كانوا عيالي عندها ودخلت عليها ابجي وقلت لها السالفه وقامت تبجي معاي وطول اليوم اتذكرها وابجي حسبي الله عليهم والله لو تشوفونها تموتون من الالم مره كبيره حيل وضعيفه ومن الكبر كل شي غيها مجعد حتى ايدينها ذراعها الي بعمرها يبي له اهتمام ومدارات هذي لو مرضت منو يدري عنها ويراعيها حسبي الله ونعم الوكيل
الحين احنا عرفنا البيت وراح ان شاء الله امرها واساعدها بلي اقدر من اكل وملابس لأن حالها يرثى لها وابي احاول اجمع لها مبلغ من المال علشان ااجر لها غرفه بحمامها لأنها قاعده بغرفه كيربي تخيلوا كيربي بالحر هذا وانتو ادرى بجو الكويت وهي ماتبي احد يجيها للبيت علشان الناس ألي ساكنه عندهم مايرضون ويتضايقون
بنات الي تعرف احد يبي يساعدها لاتبخل والله حاله يصعب على الكافر
وانا ان شاء الله راح اكون الوسيط لها
واقسم بالله العلي العظيم اني ماجذبت عليكم بكل حرف اكتبه
وهي ماعندها تلفون بس احنا عرفنا عنوان البيت بس مو بالضبط وزوجي راح يروح المكان الي نزلناها فيه ويسال عن عنوانها عدل علشان نساعدها
لا حول ولا قوه الا بالله
رحت اليوم للمراجعه وسوا لي اشعه وعطوني موعد للجراحه باجر العصر
بس مو هذا المهم
اليوم صار لي موقف غلب لي يومي كله ومن الصبح وانا ابجي
اسمعوا الموقف
اول شي اقول حسبي الله ونعم الوكيل وعسى ربي ينتقم منهم اشد انتقام
اليوم بعد ما طلعنا من الطبيب مريت السوق بنتي تبي اغراض للمدرسه
وبعد ماخلصنا واحنا طالعين للسياره ولا اشوف عجوز تمشي شايله اكياس
ومن الكبر تمشي وظهرها محنب فقلت لزوجي شوف هالعجوز حرام تمشي وشايله اغراض
قال خل نروح لها ونوصلها مرينا يمها وقلت لها يما نوصلج قالت يما اخاف عندكم شغل
قلت لها لا يما تعالي نوصلج وفتحت لها الباب وظلت تدعي لنا وتتشكر
فقال لها زوجي يما ليش تمشين انتي وين العيال ما يودونج قالت يما الولد ولد مرته
ولدي مرته ماتبيني وقطني الساعه 2 بالليل عند المقبره
انا من سكان الجهراء وعندنا بالجهراء مقبره داخل المنطقه مقبره قديمه
انا وزوجي مثل الصاعقه طاحت علينا
قالت ربيتهم وهم صغار وتعبت عليهم كنت اشتغل فراشه بالمدارس علشان اوفر لهم لقمت العيش وما يحتاجون من احد وبالغزو انحشت فيهم من صدام وما ادري شلون وراحوا لكندا وبعد سنوات ارجعوا للكويت هي الحين عندها الجنسيه الكنديه
تقول بعيد الاضحى رحت لبنتي وبنتي اطردتني وظليت افتر بالمنطقه مضيعه فيها وتقول لمل رحت لولدي وكنت مريضه فرشلي فراش ومرته مارضت واشوفه يأشر لها اصبري وقومني بالليل وقطني عند المقبره
كلامها المرا كان متقطع كانت تتكلم وتبجي وكل شوي تذكر موقف من عيالها
عيالها وايد مو واحد ولا اثنين تقول ولدي الصغير قلت له يما طالبتك قال لي شنو اخلصي بسرعه قلت له يما في وحده تبرعت لي بحجه ابي اشوف بيت الله بس ابيك توديني قال لها اوديج الكنيسه
عسى ربي ياخذ بحقها من هالعاقين فيها وعيالهم يسوون فيهم مثل ما سوو بأمهم
وقلنا لها انتي الحين وين قاعده قالت عند ناس لموني من الشارع هم بدون وحالتهم ظعيفه
مأجرين بيت وبالسطح مال البيت بنوا لي غرفه كيربي وفيها مكيف ولما سألها زوجي عندج ثلاجه قالت لا ولما دلتنا على البيت وقفت بعيد عن البيت قلت لها يما انزل معاج ابي ادل البيت علشان اجيج قالت لايما اهل البيت مايرضون وفشله منهم يكفي انهم لاميني عندهم وعيالي قطوني
قلت لها هذا رقم تلفوني دقي علي وعطيتها مبلغ بسيط وما رضت تاخذه بس حلفت عليها تاخذه
وطول الطريق وهي تبجي وتسولف عن عيالها ولما زوجي يقول لها ربي يهديهم تقول عقب شنو
ليت ربي ياخذ امانته وارتاح والله انها من انزلت وانا ابجي مو مصدقه الي شفته كنت اسمع سمع لكن اول مره اشوف ورحت لأم زوجي كانوا عيالي عندها ودخلت عليها ابجي وقلت لها السالفه وقامت تبجي معاي وطول اليوم اتذكرها وابجي حسبي الله عليهم والله لو تشوفونها تموتون من الالم مره كبيره حيل وضعيفه ومن الكبر كل شي غيها مجعد حتى ايدينها ذراعها الي بعمرها يبي له اهتمام ومدارات هذي لو مرضت منو يدري عنها ويراعيها حسبي الله ونعم الوكيل
الحين احنا عرفنا البيت وراح ان شاء الله امرها واساعدها بلي اقدر من اكل وملابس لأن حالها يرثى لها وابي احاول اجمع لها مبلغ من المال علشان ااجر لها غرفه بحمامها لأنها قاعده بغرفه كيربي تخيلوا كيربي بالحر هذا وانتو ادرى بجو الكويت وهي ماتبي احد يجيها للبيت علشان الناس ألي ساكنه عندهم مايرضون ويتضايقون
بنات الي تعرف احد يبي يساعدها لاتبخل والله حاله يصعب على الكافر
وانا ان شاء الله راح اكون الوسيط لها
واقسم بالله العلي العظيم اني ماجذبت عليكم بكل حرف اكتبه
وهي ماعندها تلفون بس احنا عرفنا عنوان البيت بس مو بالضبط وزوجي راح يروح المكان الي نزلناها فيه ويسال عن عنوانها عدل علشان نساعدها
لا حول ولا قوه الا بالله
و خلاص تعبنا من مشوار ادايت ودنا نخلص و نثبت , 
