تجمع رئيسات الاقسام الجدد

[مرسى الورد]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

موفقين يارب

 

[ابلة غزالة]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

انا رئيسة قسم علوم للي يبي مساعده انا حاضره لان السجلات و المحتويات تختلف من ماده الى ثانية
وغير جذي نظام السجلات عندنا في العلوم يختلف من توجيه محافظه لتوجيه محافظة ثانية
والله يوفقكم انشالله و يعينكم على المسؤوليه

 

[أقويا يويا]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

انا رئيسة قسم علوم للي يبي مساعده انا حاضره لان السجلات و المحتويات تختلف من ماده الى ثانية
وغير جذي نظام السجلات عندنا في العلوم يختلف من توجيه محافظه لتوجيه محافظة ثانية
والله يوفقكم انشالله و يعينكم على المسؤوليه

يعطيج العافية اختي ابله غزاله

بس اوقع سجل الخطط والانشطه مشترك

واذا عندج فورمات ماعليج امر ممكن تفيدينا فيهم :eh_s(4)::eh_s(4):

 

[حيوته]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

أنا للحين مادري اذا راح اترشح السنة الياية ولا لا ؟؟
صار لي سنتين أنطر
فمادري اسوي سجلاتي ولا لا ؟؟
واذا سويت السجلات شنو اكتب عليهم وأنا مادري بأي منطقة بيودوني و شنو اسم المدرسة ؟؟؟
وياريت اذا في رأيسة قسم رياضيات تنورنا

 

[ابلة غزالة]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

انا صراحه ما انصح رئيسة قسم جديده انها اتسوي سجلاتها الحين لان ممكن التوزيع يصير بمحافظة ثانية غير عن الي انتي موجوده فيها الحين فنطروا توزيع الجرايد انشالله اخر شهر اغسطس وبعدها جهزوا سجلاتكم
و انصح بعد انج لا تكتبين اسم المدرسة بره على السجل خليه بس داخل احسن ولا تكتبين الا اسمج اما اسم الناظره لأ

 

[ابلة غزالة]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

حيوته انشالله يوزعونج السنه هذي و روحي مكتب التنسيق سألي عن رقمج جم
وانشالله خير

 

[حيوته]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

غزالة يعطيج العافيه قلب شفت رقمي 12 الله كريم
بس وايد متاخر يعلنون الاسامي ..

 

[أقويا يويا]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

حياكم الله بنات خيوته. وغزاله

الاساني اول ٨ بنات نفس العام


ابله غزاله انا شفت سجلات وين تنكتي اسم المدرسه من داخل لان ماشفت بالمره الا علا الاوراق اللي نضيفها

ياريت بنات ترفعون لنا بعض النماذج المشتركه لكل التخصصات

 

[مشغوله و محتاسه]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

اقويا ... رفع الملفات هني متعب الحجم وايد صغير .. لازم موقع رفع ملفات .. و انتي عارفه انا رافعتهم هناك بعد مافيني ارد اعيد




بس الاسم يكون على الغلاف الداخلي اللي تسوينه


لازم كل سجل .. تطبعين له ورقه .. عليها الديباجه المعروفة

الادارة العامة لمنطقة ........ التعليمية
مدرسة ..................
قسم .....................





اسم السجل



اسم رئيسة القسم ... و المديرة





-------------------



بس العام انا طبعت قبل لا اعرف مدرستي ... فما كتبت اسم المديره و اهي اللي يصبحها بالخير حبوبه ولا دققت

 

[أقويا يويا]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

رايتج بيضه يا ام يعقرب والله ماقصرتي وبالفعل كان موضوع اكثر من روعه

عمري تقدرين تتكلمين عن سجل التوجيه والزيارات المعلمات ما عليح امر لو تتكلمين عن الصفحات وترتيبها الله يعافيج

 

[مشغوله و محتاسه]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

اول شي هاج و حطيها باسمي هههههههه بدال الراء



ثانيا ..


سجل التوجيه .. يعتمد على الموجه

بمنطقتي انا .. في موجهين يفضلون يكون بملف .. و في موجهين يفضلونه سجل ريكورد

و طبعا الملف اسهل وايد


موجهي انا يفضل السجل الريكورد للامانه و لضمان عدم تضييع اي ورقه او زيارة



الموجه اول ما زارني ..

عطاني نموذج الزيارة

و طلب الاتي


ترتيب السجل يكون ::


صفحتين : Index

صفحتين وراهم : Teachers Data

صفحتين وراهم : Time Table

نموذج الزيارة بمعدل 4 نسخ لكل معلمة = 12معلمة × 4 نسخ = 48


20 ورقة " ما تم انجازه " : هذي لزيارات الموجه .. يكتب فيها ملاحظاته و توصياته



اذا موجهج طلب الملف ... فبسهولة راح تسوينه لان النماذج سهله و موجوده كل اللي عليج نسخ الاوراق و ادخالها للملف .. الما اذا سجل ريكورد .. فلازم تودينه المطبعة .. و المطبعة على اول السنة الدراسية ممكن اتطول معاج شهر !! اما الحين هالفترة فيخلصونه لج بيومين ثلاث ..


و سلامتكم

 

[أقويا يويا]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

هلا والله ام يعقوب والله انج ورده
يعني عمري مافي في بدايه السجل اهداف رسوالف وهالسجل كله بالانحليزي

طيب خابه اسال عن الداتا مالت المعلمات يعني اخلي حق كل معلمه قسم خاص فيعا ولا ورا بعض

 

[مشغوله و محتاسه]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

ههه حبيبتي انا بالخدمة و تحت امركم باللي اعرفه



بصراحه ولا سجل حطيت له اهدافه و هالسوالف ... موجهي عملي و ما يحب هالسوالف و ما طلبها


اهو اول و تالي يعتمد على الموجه شنو يبي

سجلاتي .. غلاف داخلي .. و نبدا بالشغل على طوول



الداتا ... بيانات المعلمات كلها بورقة وحده

فيها الاسم .. التعيين .. الخبرة .. ملاحظات

وفوقها طبعا الديباجة و شعار التوجيه اذا في


و تحت اكيد اسمج و اسم المديرة

 

[أقويا يويا]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

السلام عليكم بنات

في هبر انه اخر الشهر بتنزل الاسماء في الجرايد والله المستعان

ام يعقوب تسلمين وماقصرتي والله

وبالنسبه لسجل زيارات المعلمات

 

[همامة]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

السلام عليكم و رحمة الله

مبروووووووووووووك للكل
و الله يقدرنا على حمل الامانة و يرزقنا الاخلاص و يصلح لنا امورنا


انا بعد معاكم
تخصص لغة عربية ثانوي

قاعدة اجمع معلومات و بس ارتب معلوماتي راح انزلها لكم ان شاء الله

 

[همامة]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

خواتي

انا قبل اسبوعين تقريبا راجعت الوزارة قالت لي لموظفة ان ترتيبي على مستوى الكويت كلها بتخصصي رقم 7
يعني في كل المناطق التعليمية قبلي 6 يباشرون عملهم و انا السابعه

و على المنطقة التعليمية قبلي وحده تباشر عملها و انا الثانية
و امنطقتنا التعليمية فيها شواغر يمكن 5 مدارس من غير رئيسة قسم
يعني ان شاء الله راح اباشر عملي شهر 9
الا اذا الواسطات لعبت دورها و احد دخل قبلي

فاللي حابة تعرف دورها تراجع الوزارة مكتب التنسيق

و عموما اخر الاسبوع يوم الخميس راح تطلع اسماء النقل الخارجي بالجريدة
و على اخر الشهر راح تطلع اسماء اللي راح يستلمون الوظائف الاشرافية حسب المناطق التعليمية
و اول شهر 8 لازم نراجع المنطقة التعليمية يقولون لنا راح نكون باي مدرسة بالضبط
هالكلام اخذته من موظفة بالتنسيق و موجه فني

الله يوفق الجميع

 

[مشغوله و محتاسه]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

وبالنسبه لسجل زيارات المعلمات

سجل زيارات المعلمات


غلاف داخلي
عليه الديباجه و اسمج و اسم المديرة

اسماء المعلمات - نموذج استمارة الاحصاء كافي


بعدين

اسم كل معلمة على ورقة بروحه ... ترتبينهم حسب الخبره
اشتري ورق ملون حلو و طبعي اسماء المعلمات بخط حلو و كبير
و عبيه بالجيوب البلاستيك
و كلما زرتي معلمه ... خليها تقرا الزياره و توقع عليها و على طوووووول حطيها بالملف



عدد الزيارات ... حسب الموجه
انا لاحظت ان في اختلاف

موجهي طلب اغطي كل الفصول بالفترة الواحده
يعني الابله اللي عندها 15 حصه ازورها 3 مرات
و اللي عندها 10 حصص ازورها مرتين

مع زيارات المساند و حصص القراءة .. عالاقل كل ابله مره




==========================


نصيحتي لج ولكل رئيسة قسم ... لا تسوين الا اللي يطلبه موجهج
يعني زميله تقولج سوينا كذا و موجهنا قال كذا .. ما عليج منها
سوي اللي يطلبه موجهج و بس
اعرف زميله ما تسمع كلمه من اي مدرسه الا و طبقتها
تتعب زياده و تضغط على ابلاتها و بالنهاية الموجه ما يعترف باللي سوته لانه من الاساس ما طلبه و لا يبيه

 

[مشغوله و محتاسه]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

همامه ... مبرووك و موفقه يا رب

 

[أقويا يويا]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

مبروك لج انت اختي همامه

وانشاء الله يوفقنا هاصه ان اول سنه تعتبر لنا سنه ندب

 

[همامة]

رد: تجمع رئيسات الأقسام الجدد ( فلنلتقي هنا لنرتقي في سماء الإبداع )

الله يبارك فيكم

مقدمين على مسؤولية كبيرة و مطلوب جهد اكبر لنكون اهلا لها



الله يعينناااااااااا