تجمع خاص لعمليات التجميل في دولة الامارات فقط

[دانة_ دبي]

السلام عليكم



هذا تجمع خاص
لتجارب البنات
لعمليات التجميل في دولة الامارات فقط


عشان كل خواتنا يستفيدون



و حياكم بنوتات :d​

 

[فطمطم]

ببتدي انا اول وحده
سويت خشمي في دبي عند الدكتور شجاع في مركز الاخصائين في دبي وخشمي صار عوي ويلووووووووووووع الجبد
الحبيب ضعف مكان اكثر من مكان

واضطريت اعيد العمليه مره ثانيه
للاسف
ياليت ماسوووووووووويتها

 

[AMISA]

في دبي دكاترة كثير بس مافي اي حد يفيدنا باي معلومة
​

 

[AMISA]

في دبي دكاترة كثير بس مافي اي حد يفيدنا باي معلومة
​

 

[دانة_ دبي]

الدكتور نادر صعب دايما يزور الامارات بين الفترة و الثانية

الدكاترة في مركز كوزموسيرج فرع دبي ممتازين لعمليات الشفط و الشد الجسم عن تجربة زميلاتي

بالنسبة للبوتكس و الفلرز و الابر فقط: كوزموسيرج - سعاد لطفي- امينة الاميري - صقر المعلا - الدكتورة العراقية رغد -

 

[فطمطم]

الدكتور نادر صعب دايما يزور الامارات بين الفترة و الثانية

الدكاترة في مركز كوزموسيرج فرع دبي ممتازين لعمليات الشفط و الشد الجسم عن تجربة زميلاتي

بالنسبة للبوتكس و الفلرز و الابر فقط: كوزموسيرج - سعاد لطفي- امينة الاميري - صقر المعلا - الدكتورة العراقية رغد -

حبيبتي شو كانت تجربتج ويا الدكتوره رغد؟؟ شو شفتي شغلها زين !؟!؟!؟

 

[دانة_ دبي]

انا ما جربت بس من التجارب المحيطة بي ^..^

 

[فطمطم]

اعرف بنات حقنتهم بمادة ريديس حلوه نتيجتهم الماده بيضا مثل الحليب

 

[بيوتي سيكرت]

مرحباا ان شاءالله يكون في تفاعل في هالتجمع .... ومايروح صفحات ورااااا
انااا ناوية اسوي عند دكتور حسام في الاماراتي الفرنسي
ريال كبير وخبرة وكان في مستشفى المفرق.. وأغلب اللي سوو عنده يمدحونه في نسبة بسيطة يذمونه تقريبا 2 قريت يذمنه
عني انااا أكبر أكس على كوزمسيرج حرامية والله ماهمهم غير المادة بالأخص الدكتور غابرييل
لالالا وألف لا..
بليييز بنات اللي عندها خلفيه عند دكتور حسام تفيدني.. هو شاطر بالعظم و الغضاريف
عمليتي علاجية وتجميلية.. وبياخذ عني 6000 مع تغطية ثقة

 

[فطمطم]

اختي بيوتي سيكرت
انا اعرف وحده من بوظبي صديقتي سوت عنده تقول خشمها اول 6 شهور كان حلو بس يوم كملت سنه بالضبط طلعت عيوب خشمها
والعيوب الي طلعت انه خشمها من فووووووووق وايد وايد ضعيف ومن تحت هالمتن ومب متناسق

وتبا تعيدها برع

استخيري ربج اكثر من مره

 

[hind25]

تجمع حلو ومفيد واللى تعرف اكثر عن عمليات المعده ياليت تفيدنا وياليت يكون ببوظبى وبعد عمليات الفيلرز لانتفاخ تحت العيون من السهر

 

[دانة_ دبي]

وين مشاركاتكم

 

[miss.alsuwaidi]

انا حبيت اقولكم عن تجربتي في تقنية ابر البلازما للوجه والنتيجة كانت روعه عطتيني نضارة وشد خفيف على بشرتي وكل حد يشوفني يقولي شو مسويه في وجه وان برجع اسويها مرة ثانية

 

[دانة_ دبي]

للرفع

 

[دانة_ دبي]

كنت بضيف تجربة زميلة لي

سوت شفط في كوزموسيرج الشارقة ( عندهم دكتورة اجنبية ) بس طبعا كوزموسيرج اتوقع يسوون العمليات كلها في مستشفى الامارات اذا ما خاب ظني
و الطاقم كله كان نسائي
و عطوها تخدير نصفي مو كامل
عملت شفط للبطن و الخواصر و الارداف و حقن مؤخرة
بصراحة الشغل مرتب و جسمها صار تبارك الله حلو

حتى اللي اعرفه قسطوا لها المبلغ يمكن ها الشي بس للمقييمين في الدولة يا بنات اقصد سالفة تقسيط المبلغ
معروفين كوزموسيرج بعمليات الشفط و تضييق المهبل و البوتكس و سوالف الابر
اما باقي الاشياء التخصصية مثل عمليات الانف ف ما اشجع بصراحة

طبعا كوزموسيرج لهم فروع ف دبي و الشارقة و ابوظبي و راس الخيمة ...........الخ



انا جربت اسوي فلرز و بوتكس عند الدكتورة سعاد لطفي بصراحة شاطرة
و عملت لي بوتكس لتنحيف الانف بصراحة كانت التجربة حلوة بس كانت 3 شهور و فشت و كأنك يا بو زيد ما غزيت خخخخخخخخخخخخ
لكن عيبها زحمة و سريعة جدا تاخذ دقيقة ع كل مريض و بصراحة انا احب الدكتور يكون حريص و ياخذ راحته مع المريض
وما احب اراجع عندها لان ما تعطي كل مريض حقه و لكن بصراحة شطورة جدا و تعرف شغلها
سعاد لطفي لها افرع في ابوظبي و دبي و الشارقة و راس الخيمة ..الخ

 

[دلوول 2006]

بنات منو جربت مستشفى الأكاديمية الأمريكية في دبي
تفيدنا جزاها الله خير

 

[Dubai-Girl85]

أنا ربيعتي تسوي عندهم فلرز وبوتكس... تمدحهم.. بس تقول اسعارهم غالية..
بس شغلهم عليها مووووووووووول مب امبين... شكله وايد طبيعي
بس هذا اللي اعرفه.. شخصيا ما جربت عندهم شي​

 

[دلوول 2006]

مشكورة فديتج على الرد
ويا ليت البنات يفيدونا

 

[دانة_ دبي]

للرفع

 

[meesh]

مين الدكاتره الايرانين بدبي شاطرين بالانف
نادر صعب ماعجبني شغله كلللللللللللللش
على كثر المدح وشهرته لكن شغله بالخشم مو حلو يكبره انا ماسويت بس شفت شغله على اصاله والثانيه فاطمه الي برنامج خوات