هلا وغلا خواتي والله فكرتج حلوه جست مي والله لوما العادات الإجتماعيه جان حطينا صورنا قبل وبعد واستانسنا وتشجعنا
شكرا خيتووووو عالبادره الحلوه
انا الله يسلمكم عندي كنت متيينه وضعفت بس الترهل عندي صار شبه تشويه مع اني دشيت نادي بس سبحان الله ما فاد وصارت كارهه نفسي افتشل من نفسي والله..
حتى عيالي عقدوني اذا شافوا شي صرخوا ماما شنو هذا تخيلوا والله كنت ابجي لالالالالا ومع ردة الفعل اروح الثلاجه وهاك أكل ودرم..
لين سبحان الله الله سخرلي تجارب البنات هنيه حرم الحوت وبولنديه وضبيه وصدى الأصوات وفوفو وااااااااااااااااااااااااااي والله كنت اقرا تجاربهم وابتسم اقول من صجهم !!!! جذي يشجعونا والله اقتنعت بكلامهم وتشجعت وصليت استخاره ورحت حق دكتوري عبدالناصرخلاف بالمنار كلينك ماراح اقولكم شهادتي فيه مجروحه محد راح يقتنع بكلامي الا لما تجربه واتقابله لأن اذا تكلمت بتقولون ابالغ فا انا اترك هذه الجزئيه لكم اللى حابه تروحله واتشوف ابنفسها كلامه وشطارته لا تتردد..
انا دخلت عليه شبه منهاره لأن انا من 20 سنه مابقى شي ما جربته ادويه دهونات مسجات نوادي رجيمات ما تتخيلوووووووووووووووووووووووووووووووووووون والله كل معاشي على هالسوالف وماكو فايده
فا كان المشرط الجراحي الحل الوحيد والله يبارك بتجارب البنات شجعوني حيييييييييييييييييييييييييييييييييل..
المهم اتفقت معاه على شد بطن و صدر سيلكون وشفط فخوذ طلع على كله تقريبا 3500 مع المستشفى والمشدات وسعر السيلكون بروحله300 دينار ومستشفى الزهير خذوا تقريبا 500 كنت خايفه حاسه انهم بيذبحوني بس كانت اختى حرم الحوت اللي لللآن ادعيلها كانت بالتلفون معاي ماترددت اني كل ما احتجت لها اكلمها وقفت معاي وقفه الله يوفقها اهيا وزوجها وعيالها دنيا وآخره مع اني عرفتها من النتدى هنيه بس والله ونعم الإنسانه والروح الطيبه عسى الله يحفظها.. توكلت على الله وعملت العمليه يوم ثالث طلعت ويوم ثالث شالوا البربيش ومع المسكنات سهالات الحمدالله عقب رحمة رب العالمين والدكتور ماشاء الله عليه ما يخليج بروحج ناطلج الصبح قبل ليروح العياده وبالليل اييلج عقب ما يخلص العياده بس اهيا القومه والقعده علشان عمليه البطن تحتاجين احد يساعدج .. عقب عشر ايام بالضبط تقدرين تقولون انج اجتزتي اصعب مرحله وشوي شوي ترجعين لنشاطج الطبيعي يعنى الإسبوع الثالث خلاص غدى شرج بإذن الله. طبعا لا انسى سويتها بالزهير انتي تختارين
تبين الزهير والا السلام انا اخترت الزهير لأن هادي . طبعا انا انصح كل وحده اتسويها واللللللللللللللللللللللللللللللللله والحمدالله يا بنات ويا خواتي ترا الطب تطور يعنى عمليات التجميل الحين مو نفس قبل عشر سنوات الأجهزه اختلفت الطب تطور صار الموضوع تحت السيطره عقب عناية رب العالمين .. ويمكن في بنات يقولون سألتوا الشرع وما يجوز وما اعرف ايش انا اقولهم الزمن تغير والمفاتن كثرت والبيوت خربت من هالمفاتن اللي تصير بره والبنات والتلفزيون والرجل اسهل ما عليه يتزوج ثانيه واللى مو متزوجه وعندها هالمشاكل مو مجبر الشاب يتزوجها يبي نفس هاللي بالتلفزيون واحنا كلنا نبي الستر ونبي الله يستر علينا في بيت واسره احنا ما غيرنا خلقت رب العالمين زرعنا عدسات زرقا والا كبرنا العين والا والا احنا رممنا اللي خربه علينا الزمن من ولادات من رجيمات نضعف ونرد نمتن ونمتن ونرد نضعف والجسم صار مترهل والصدر مترهل اطول من سور الصين العظيم !! وبعدها ليش فلان تزوج على زوجته او ليش فلانه للحين
ما انخطبت هاهاهاهاهاااااااااي هذه بس ملحوظه على اللي راح اتنط واتعلق تقول سألتوا الشرع والله رحيم واحنا ما تمادينا انا معاكم ان ارضاء الرجل مو أهم شي بالدنيا لكن الزواج والستر والإستقرار والأمان أهم شي للمرأه وارضاء الزوج او الخطيب وسيله لهذه المملكه ودام ان العلم تطور وفيه حلول للترميم واحنا كلنا ولله الحمد مسلمين ما ننكشف الا لمحارمنا فا ايش اللي يمنع انه انسخر هالعلم في اصلاح ما افسده الدهر علينا وترجع لنا ثقتنا بنفسنا والله حتى النفسيه تتغير وتنعكس على اللى حولج أهلج وحبايبج وصحتج تصير احسن اقولكم شي قسما بالله قبل ما كنت اطول بالسجود احس اتعب من فخوذي وبطنى الحين خفيفه لو اطول بالسجود ما اتعب نفس قبل يعنى تتغير الحياة بشكل جذري طاقتج حركتج نفسيتج اهتماماتج فما بالج بشكلج ولبسج
انا أشجع الكل ان يستخير وتتوكل على الله واحنا كلنا اهني موجودين نساعد بعض وننصح بعض ونخاف على بعض واي استفسار انا حاضره والله يتمم على اللي سووا وخلصوا والله يحفظ ويشافي ويقومهم بالسلامه اللي بسوون أي عمليه
شكلنا بنسوي حمله وأخيرا" كويتيات رشيقات
يارب ترحمنا واتطمن قلوبنا وتعطي كل وحده على نيتها واتسهل امورنا واتسخرنا من عبيدك اللى يوقف بجانبنا واتوفقنا وتجبر بخاطرنا واتحقق اللى في بال كل وحده من خواتي بالمنتدى اللهم آمين
