تجمع بنات auk الجامعة الامريكية في الكويت

[Mo7aSbChia]

انا محاسبة... شنو احسن دكاتره مروا عليج خاصتا حق المواد اللي بالجينيرال ايديكيشن؟؟

و شنو تنصحين مواد ترفع المعدل وعند منو

 

[الماسة_21]

اممم مدام تخصصج محاسبة بغيت اسألج اخذتي محاسبة 205؟ وعند منو

مواد الجينيرال راح اقولج بالتفصيل
الانجلش 101 احلام
الانجلش 102 او 204 عند كاثرين كلبس
عربي 220 + 303 انصح بوحدة اسمها ختام وهم في واحد اسمه حامد بس بصراحة ما انصح فيه وايد مو بسهولة الa
سوشيال سينس اذا مهم تاخذين اكونومك انصح بقادر هانس
علم نفس 101 عند جيمس اذا تفهمين الانجلش المادة سهلة
فرنسي 101سهل عند جوزيف
ماث 103 انصح بفرناند
ارت دراونق انصح ب دومينك بس
بيولوجي 105 ريشارد بس بس علي شرارة نو اهو بكون موجود السكند بلوك لو حابة تاخذين عنده الايه بسهولة

هذوله الي اتذكرهم اذا بتسألين عن مادة معينة او دكتور اقولج

 

[a woman on top]

السلام عليكم
بنات بسال عن هالجامعه فيها ماجستير والا لا ؟:friends:
شكرا

 

[Mo7aSbChia]

اممم مدام تخصصج محاسبة بغيت اسألج اخذتي محاسبة 205؟ وعند منو

مواد الجينيرال راح اقولج بالتفصيل
الانجلش 101 احلام
الانجلش 102 او 204 عند كاثرين كلبس
عربي 220 + 303 انصح بوحدة اسمها ختام وهم في واحد اسمه حامد بس بصراحة ما انصح فيه وايد مو بسهولة الa
سوشيال سينس اذا مهم تاخذين اكونومك انصح بقادر هانس
علم نفس 101 عند جيمس اذا تفهمين الانجلش المادة سهلة
فرنسي 101سهل عند جوزيف
ماث 103 انصح بفرناند
ارت دراونق انصح ب دومينك بس
بيولوجي 105 ريشارد بس بس علي شرارة نو اهو بكون موجود السكند بلوك لو حابة تاخذين عنده الايه بسهولة

هذوله الي اتذكرهم اذا بتسألين عن مادة معينة او دكتور اقولج

العربي ليش خذيتي 303 مو المفروض ( 220 + 150 )؟؟
سايكولوجي عند جيمس يبي بريزنتيشن ولا لا؟؟
الفرنسي عند جوزف يقولون لازم معرض؟؟
البيولوجي حاطين tba مو ريجرد و اساساً فل و فوقهم 3 زياده فا ماقدر اسجلها

انزين شنو خذيتي هيومانيتيز و سوشال ساينسز؟؟
ستات 201 عند منو خذيتيها؟
و csis 101 عند منو خذيتيها؟
و educ 100 عند منو؟
و شنو الساينس الثانيه اللي خذيتيها غير البيولوجي كوز 105 بس 3 كردتس ولازم ثانيه 4 كردتس؟

وثيينكس وايد :*

 

[Mo7aSbChia]

لاا ما خذيت محاسبه 205 توني اول كورس

 

[Mo7aSbChia]

السلام عليكم
بنات بسال عن هالجامعه فيها ماجستير والا لا ؟:friends:
شكرا

لا والله مافيها ماستر ليلحين :*

 

[الماسة_21]

العربي ليش خذيتي 303 مو المفروض ( 220 + 150 )؟؟
سايكولوجي عند جيمس يبي بريزنتيشن ولا لا؟؟
الفرنسي عند جوزف يقولون لازم معرض؟؟
البيولوجي حاطين tba مو ريجرد و اساساً فل و فوقهم 3 زياده فا ماقدر اسجلها

انزين شنو خذيتي هيومانيتيز و سوشال ساينسز؟؟
ستات 201 عند منو خذيتيها؟
و csis 101 عند منو خذيتيها؟
و educ 100 عند منو؟
و شنو الساينس الثانيه اللي خذيتيها غير البيولوجي كوز 105 بس 3 كردتس ولازم ثانيه 4 كردتس؟

وثيينكس وايد :*

العربي يعتمد على المستوى انتي اي مستوى طلعتي ؟
اذا حطوج 150 تقدرين تاخذين 150 و 220 او اي مقرر فوق 150
اذا 220 تاخذينه وتاخذين اي مقرر فوقه
جيمس ما عنده برزنتيشن
على ايامي والله ما كان في معرض واساسا معرض شنو؟ اول مرة اسمع هالحجي
البيولوجي ادري حاطين tba بس الي بدرسها ريشارد الكل عرف ان ريشارد اهو الي بدرسها فقاعد اضيفون عنده
هيومانتك اخذت فرنسي وسيكولوجي
وسوشيال ساينس اخذت اكونومك مايكرو واكونومك ماكرو لانه اجباري علي
201 ستات انصح فيها عند فرناند
101 csis عند ديما اهي زينة وحبوبة
اديكيشن ما اخذتها
الساينس الثاني ناوية اخذ بيولوجي 101 4 كردتس لازم تاخذين وحدة 3 كردتس وحدة 4 كردتس

 

[Mo7aSbChia]

العربي يعتمد على المستوى انتي اي مستوى طلعتي ؟
اذا حطوج 150 تقدرين تاخذين 150 و 220 او اي مقرر فوق 150
اذا 220 تاخذينه وتاخذين اي مقرر فوقه
جيمس ما عنده برزنتيشن
على ايامي والله ما كان في معرض واساسا معرض شنو؟ اول مرة اسمع هالحجي
البيولوجي ادري حاطين tba بس الي بدرسها ريشارد الكل عرف ان ريشارد اهو الي بدرسها فقاعد اضيفون عنده
هيومانتك اخذت فرنسي وسيكولوجي
وسوشيال ساينس اخذت اكونومك مايكرو واكونومك ماكرو لانه اجباري علي
201 ستات انصح فيها عند فرناند
101 csis عند ديما اهي زينة وحبوبة
اديكيشن ما اخذتها
الساينس الثاني ناوية اخذ بيولوجي 101 4 كردتس لازم تاخذين وحدة 3 كردتس وحدة 4 كردتس

انا عربي 220... و خلصتها عند ريمند

بس اللي مستغربه منه انه في مقررات عربي تندرس بالانقليزي عيل شالفايده؟

مادري والله قالولي انه يسوي معرض وعليه نسبه من الدرجات..

دخت وانا اسجل و اسحب مواد وطبعاً ما سجلت ولا ماده نفس ما قالوا الادفايسنق

الله يعين

 

[الماسة_21]

مدام خلصتي 220 ما تقدرين تاخذين مادة قبلها ولا ترى ما يحسبولج اياها حتى الكتف انا رفيجتي جذي صار معاها
اذا تبين عربي اخذي مادة بعد 220 يعني عندج 03 او 314 اعتقد شنو الي نازل
اي في مواد بالعربي ادرسونها مدرسين اجانب علشان جذيه تكون بالانجليزي ...لا تاخذينهم حرام
بالنسبة للمعرض والله ما ادري احسن شي تشوفين السلفز ماله مومعقولة بالصيف يبي معرض شوفي السلفز شنو حاط درجاته وبتعرفين اذا في معرض او لا
انتي الادفايزر بشنو نصحتج؟؟؟؟ وجم معدلج ؟؟؟؟ وجم مادة حابة تاخذين بالصيفي؟؟؟؟ ساعتها اقدر اجاوبج

 

[Mo7aSbChia]

مدام خلصتي 220 ما تقدرين تاخذين مادة قبلها ولا ترى ما يحسبولج اياها حتى الكتف انا رفيجتي جذي صار معاها
اذا تبين عربي اخذي مادة بعد 220 يعني عندج 03 او 314 اعتقد شنو الي نازل
اي في مواد بالعربي ادرسونها مدرسين اجانب علشان جذيه تكون بالانجليزي ...لا تاخذينهم حرام
بالنسبة للمعرض والله ما ادري احسن شي تشوفين السلفز ماله مومعقولة بالصيف يبي معرض شوفي السلفز شنو حاط درجاته وبتعرفين اذا في معرض او لا
انتي الادفايزر بشنو نصحتج؟؟؟؟ وجم معدلج ؟؟؟؟ وجم مادة حابة تاخذين بالصيفي؟؟؟؟ ساعتها اقدر اجاوبج

همم انزين ختام كله بالعربي؟؟؟

المشكله انه السيليبس لازم تروحين تاخذينها منه مو موجوده بالنت فا معاناة...

قالت لي educ 100 + csis 101 + acct 201 + econ 200 + econ 201 + art 100

اللي سجلتهم educ 100 + csis 101 + econ 200 + stat 201 *bkeefy* + comm 111 *bkeefy* le2ana galoly easy A

معدلي 2.50

باخذ مادتين engl 102 + engl 108
wa7da 3end mary t queen wethanya 3end kathryn

و ثينكس ما قصرتي :*

 

[الماسة_21]

شوفي اذا تبين نصيحتي وتبين ترفعين معدلج
اخذي من هالمواد
Biology second block مدام مصكرة تقدرين تنطرين لين السكند بلوك وريتشارد ما اقول لا علطول اوافق
COMM ما ادري ليش تاخذين 111 اذا الكتف فأنا انصحج 110 عند ماجد منصور اما اذا كان اجباري ما عندي فكرة عن الكتور الموجود
ENG 102 عند كاثرين مو كاثي واهي سكند بلوك
ما انصحج بالستات عند المطيري ما اعرف يشرح
اكونومك عند قادر هم حلوة بس المادة يبيلها مجابل
انصحج بعد بمادة aacounting لان تخصص واذا ما اخذتيها راح تتأخرين وهم فرصة 4 وحدات تنزل بس شهر اخذيها وافتكي منها

موفقة واي استفسار انا حاضرة

 

[Mo7aSbChia]

شوفي اذا تبين نصيحتي وتبين ترفعين معدلج
اخذي من هالمواد
Biology second block مدام مصكرة تقدرين تنطرين لين السكند بلوك وريتشارد ما اقول لا علطول اوافق
COMM ما ادري ليش تاخذين 111 اذا الكتف فأنا انصحج 110 عند ماجد منصور اما اذا كان اجباري ما عندي فكرة عن الكتور الموجود
ENG 102 عند كاثرين مو كاثي واهي سكند بلوك
ما انصحج بالستات عند المطيري ما اعرف يشرح
اكونومك عند قادر هم حلوة بس المادة يبيلها مجابل
انصحج بعد بمادة aacounting لان تخصص واذا ما اخذتيها راح تتأخرين وهم فرصة 4 وحدات تنزل بس شهر اخذيها وافتكي منها

موفقة واي استفسار انا حاضرة

ودي بيولوجي بس اساساً انا ماخذه فيزيا 3 كردتس فا لازم بيولوجي 4 واللي نازلين 3 عرفتي

قالولي comm 111 وايد سهله مع محمد و ايزي a عشان جذي.. شلونه ماجد منصور زين؟؟

اييه لايحوشج كاثي لووول

لا الستات tba على امل انه يكون فرناند

acct شلون تنزل بعد شهر يعني غير اللي حاطينهم الحين؟

و مشكوره حبيبتي و اجمعين ما قصرتي تعبناج معانا :*

 

[الماسة_21]

هذوله المواد موجودة

ACCT 201 01 M 4.000 Principles of Financial Accounting MTWU 08:00 am-11:30 am John D. Russell (P) 06/20-07/15 LA B202

GDES 110 01 M 3.000 Digital Foundations TRU 08:00 am-11:29 am 28 15 13 25 20 5 Majid B. Mansour (P) 06/20-07/15 SB A107

الستات المطيري ادرسها لا تاخذينها

شوفي الانجليزي اذا كاثرين موجودة سواء ببلك سبيكنك او رايتنغ كاثرين زينة

 

[الماسة_21]

والله ما ادري عن محمد comm ما سمعت عنه شي

 

[Mo7aSbChia]

حبيبتي ثينكس :*

 

[Mo7aSbChia]

الجامعة احتفلت بـ 350 طالباً وطالبة دفعة 2010 بحضور دانة الصباح

خريجو «الأميركية» حولوا «طرة قبعاتهم» من اليمين إلى اليسار

بين قول الرئيس الموقت للجامعة الأميركية في الكويت، الدكتور تيم سوليفان ان «الحياة بعد الجامعة ليست إلا البداية»، وطلب النائبة الدكتورة آسيل العوضي من الطلبة الاستمتاع بحياتهم «ولا بأس من المرح لبعض الوقت، ولكن لا تنسوا أن تفكروا بما سيأتي، ضعوا أهدافكم نصب أعينكم واعملوا على تحقيقها»، واعلان المتحدثة باسم الخريجين نهى الفضلي «انهم جاهزون للمشاركة في بناء وتنمية الوطن بعد ان تحصنوا بالعلم والمعرفة» دارات وقائع احتفال الجامعة الاميركية في الكويت مساء الخميس الماضي بتخرج 350 طالبا وطالبة للعام الدراسي 2010 في أرض المعارض بمنطقة مشرف.
افتتح حفل التخرج الذي قدمته سارة جاسم بودي، بالنشيد الوطني، تلاه كلمة للرئيس الموقت للجامعة الأميركية في الكويت، الدكتور تيم سوليفان الذي رحب بالطلبة وعائلاتهم وبأعضاء مجلس أمناء الجامعة وعلى رأسهم رئيسة مجلس الأمناء الشيخة دانة ناصر الصباح وبممثل كلية دارتموث البروفيسور دايل أيكلمان والحضور.
و َذكر الدكتور سوليفان الطلبة في كلمته بأن الحياة بعد الجامعة هي ليست إلا البداية، وأضاف قائلا: إن «التخرج يعني أن الطلبة أنهوا جزءا مهما من تعليمهم الرسمي».
وأوضح ان حفلات التخرج تعرف بأنها تحضير للبدايات الجديدة كبداية مرحلة جديدة من حياة الرجل المتعلم أو المرأة المتعلمة، «وهذه الليلة علامة البداية وليس النهاية».
وتابع الدكتور سوليفان معقبا على أحلام مدرسي وموظفي الجامعة: قائلا «بتخرجكم نطمح بأن تصبحوا قادة في حياتكم المهنية، وبأن تلعبوا دوراً مهما في خدمة البلدان والمجتمعات التي تعيشون وتعملون فيها».
بعد ذلك، قدم الدكتور سوليفان المتحدث الرئيسي للحفل النائبة الدكتورة أسيل العوضي معرفا اياها بانها «من أوائل البرلمانيات الكويتيات، وقبل دخولها المعترك السياسي عملت كأستاذة للفلسفة في جامعة الكويت، وتحرص من خلال دورها كعضو في مجلس الأمة الكويتي على المساهمة في تقييم وإعادة هيكلة القطاع التعليمي في الكويت».
وتوجهت العوضي في خطابها إلى طلبة وإدارة الجامعة الأميركية في الكويت شاكرة لهم استضافتها كمتحدث ما أتاح لها مشاركة الخريجين فرحتهم، وعرضت لحياتها المهنية والإنجازات التي حققتها والتحديات التي واجهتها ومازالت تواجهها كمربي وسياسي.
وتوجهت العوضي بنصيحة للخريجين قائلة: «استمتعوا بحياتكم ولا بأس من المرح لبعض الوقت، ولكن لا تنسوا أن تفكروا بما سيأتي، ضعوا أهدافكم نصب أعينكم واعملوا على تحقيقها، لأن الطريق إلى السعادة يتمثل في النجاح بما تصبون إليه».
بعدها وجريا على الأعراف الاكاديمية الأميركية أوصى الدكتور حمزة الرئيس الموقت سوليفان بمنح الخريجين درجاتهم الجامعية.
وقام سوليفان بمنح الخريجين شهاداتهم بناء على التوصية، وتسلم كل خريج وخريجة شهادته منه ومن الدكتورة أسيل العوضي وعميد كلية العلوم والآداب الدكتور نزار حمزة.
بعد ذلك طلب سوليفان من الخريجين تحويل الطرة المتدلية من قبعاتهم من اليمين الى اليسار، معلناً بذلك عن تخرجهم رسميا من الجامعة الأميركية بالكويت.
ثم ألقت الخريجة نهى الفضلي خطبة للحضور، وتحدثت في خطابها عن قوة المعرفة قائلة: «الفردية يمكن أن تؤدي إلى النجاح، إلا أنها وحدها، لا يمكن أن تصبح أداة فعالة للنمو والتقدم، ومع ذلك، عندما تحصن الفردية بالمعرفة والخبرة والحكمة، يصبح الأفراد القوة الدافعة للتحول الاجتماعي»، وأضافت: «إن المعرفة هي حجر الأساس في التنمية البشرية وتمنح الناس خيارات أكثر وتطور من قدراتهم».
وشكرت الخريجة نهى الجامعة الأميركية في الكويت وأعضاء هيئتها التدريسية لتفانيهم في مساعدة الطلبة ولكونهم مصدر إلهام وتوجيه لتطوير الخريجين، وشددت على الدور المهم الذي يجب أن يضطلع به الخريجين في المجتمع، «محصنين بالمعنى الحقيقي وراء تعليمنا في الجامعة الأميركية في الكويت، خريجي دفعة عام 2010 على استعداد للاضطلاع بدور فعال في مجتمعنا»، مؤكدة ان الرسالة الأكثر أهمية التي تعلمناها في الجامعة هي أهمية المشاركة المدنية.
وتجدر الإشارة بأن نهى حائزة على شهادة بكالوريوس في اللغة الإنجليزية وتخصص مساند في العلوم الاجتماعية والسلوكية بأعلى معدل تراكمي بين الخريجين، وتخطط الى متابعة الدراسات العليا في مجال الأدب المقارن في الولايات المتحدة، وتتطلع لتدريس الأدب المقارن على المستوى الجامعي، وتطمح الى الزام نفسها بالبحث والنشر في هذا المجال.

​

أسيل العوضي متحدثة

قطع قالب حلوى الحفل

سارة جاسم بودي تعلن انطلاق الحفل

الطالبة شيخة الغانم مع العائلة

تيم سوليفان يكرم الطالب نواف العجمي

... والطالبة أديان قاسم

الطلاب والطالبات في أثواب التخرج خلال الحفل

المصدر : جريدة الراي

​

 

[واثقه بالله]

ياحلو المتخرجين ماشاءالله

عؤبالنا

اقوول محاسبجيه عندج خبر وين بكون المبنى اليديد؟ ؟؟؟؟وهل بنوه ولا للحين

 

[Mo7aSbChia]

ياحلو المتخرجين ماشاءالله

عؤبالنا

اقوول محاسبجيه عندج خبر وين بكون المبنى اليديد؟ ؟؟؟؟وهل بنوه ولا للحين

اللي اعرفه انه بالعارضيه؟

لأن هذا التوجه اليديد في الكويت بيخلون كل الجامعات في مكان واحد ( حق الزحمه )

لا ليلحين ما بنوه

 

[noufUS]

هلا بنات شلوونكم خوووش تجمع والله محاسبجيه ابي اعرف اذا مابي تمهيدي جم يبون معدل حق الايلتز اان امتحنت الايلتز ويبت فيه 5 اعدي التمهيدي او يحطوني ليفل 3 انا ابي اعديه مابي تمهيدي ؟؟؟

 

[Mo7aSbChia]

هلا بنات شلوونكم خوووش تجمع والله محاسبجيه ابي اعرف اذا مابي تمهيدي جم يبون معدل حق الايلتز اان امتحنت الايلتز ويبت فيه 5 اعدي التمهيدي او يحطوني ليفل 3 انا ابي اعديه مابي تمهيدي ؟؟؟

تماام حبيبتي :* من ذووقج :$

بالنسبه حق الانقلش

توفل:
68 internet-based
190 computer-based Test
520 paper-based

ولازم ما تكون النتيجه صاير لها اكثر من سنتين.

و بدائل التوفل اهيا:
1- تكونين يايه من كليه او جامعه لغتها انقلش (يعني موادها بالانقلش) و تكونين عالاقل عندج 24 وحده و مو اقل من c.
2- 450 وفوق SAT I
3- 5.5 وفوق IELTS

بس انا نصيحتي انه دشي لفل 3 وايد راح تستفيدين وذا ما دخلتيه راح تدشين engl 099 و هذا متشددين فيه اكثر من لفل 3. يعني نفس الكتب و نفس الدروس بس هذاك تمهيدي و الثاني لأ. حتى نفس عدد الساعات.

استخيري و موفقه :*

** المصدر **