تجمع بنات كلية البنات الجامعيةcfw

[اخت الجبهه ~]

بناات

محتاجه مساعدتكم


باجر عندي midterm الاول بيئه عند محمد حموده

ابي نموذج عن الامتحان شفت منتدى الكليه الكميه ال في الامتحان غيير

يا لييت الي كانت ماخذه عند حموده 139 تعطينا الامتحان


وترا بااجر الامتحاااااااان

 

[اخت الجبهه ~]

up

up

 

[HairSpray]

بنااااات اي نيد يور هيلب

انا متخصصة نيوترشن

سجلت ثلاث مواد تقدير فن و احياء و اخلاقيات

وابي مادة رابعة مو محصلة كل مواد التخصص مومستوفية شروطها

شسجل رشحولي مواد مو محصلة شي

انتي باي دفعه؟؟

خذيتي جبر؟

جدولج سهل بس عندج الأحياء يبيله شغل

فاخذي جبر وافتكي لأنه غثيث

بالنسبه لتقدير الفن فالماده خرابيط

عند ايفون؟ والا روزالي؟

يعتمد

اذا عند ايفون فدربج خضر لوول

اذا روزالي

والله لو تدرسين بايدينج وريولج ما تحصلين درجات

بالنسبه للماده سهله بس روزالي دكتوره حبوبه لأبعد الحدود مشكلتها امتحاناتها صعبه وتتوقع من اكثر من اللي نقدر عليه

ايفون نظام تشغلكم تلعن خيركم شغل بس خووووش دكتوره تهبل

ما تظلمج بالدرجات و اذا شافت انج تشتغلين تعطيج حقج

اهم شي عندها لا تغيبين ولا تتأخرين ويا ويلج يا سواد ليلج اذا سلمتي شي متأخر

يعني سيدا عالسراط المستقيم

بس كلااساتها حييل ممتعه ما تتوقعين عشان جذي اي شغل يهون


مادة الأخلاقيات حلوه

لما خذيتها كانت الأمتحانات كلها اختيار متعدد فكانت سهله

بس اهي اخلاقيات يعني فلسفه

نظام الصح ة الغلط و الصح والصح شتختارين

حجي فلسفه بس انا بالنسبه لي حلوه

انشالله اكون فدتج

 

[HairSpray]

الســلام عليكم ورحمة الله وبركاااته
..
شخباركم بنات؟؟
والله استانست لما عرفت ان لكم تجمع خاص بكليتكم
..
عندي جم استفسار عن كليه البنات

1-سمعت انها خلاااص اكتفت ماراح تقبل اكثر هالسنه؟؟ صج ولا لا؟
2-شنو الفرق بين

بكالوريوس علوم التغذية.

- بكالوريوس علوم في علوم التغذية
..
3- شنو الوظيفه لو اتخرج من احد هالقسمين؟؟يعني اراقب اكل المرضى بالمستشفيات ولا اكون اخصائيه تغذيه ووظيفتي مثل حسين دشتي وعبدالله المطوع اعطي الناس انظمه غذائيه واقدر افتح عياده؟؟
وووبس
يااريت اللي تجاوب تعطيني اجوبه متأكده منها

..
ومشكورييين مقدماً
..
تحياتي للجمييع
اختكم
شموخ

والله الكليه كفكره حلوه

لكن خلونا نكون واقعين احنا بالكويت

فاكيد زفت بزفت بتطلع

انا من الناس اللي يعانون بهالكليه من سوء التنظيم

يعني لا دكاتره ولا العماده تدري عن الطلبه

ناس متأزمين مادرو عنا

بالنسبه لقسم العلوم الأسريه فهو من انجح الأقسام عندنا

الصراحه القسم يهبل والدكاتره عسل

ويا ريتني فيه ولا بتخصصي اللي ما ينعرف كوعه من بوعه

بالنسبه للتخصصات فهي علم تغذيه و علم اغذيه

انتي مخربطه
التغذيه اللي اهي نيوترشن عباره عن تغذية الانسان
الأغذيه اللي اهي فوود ساينس يعني يتعلق بالأكل نفسه تصنيعه ما تصنيعه و هالسوالف

بالنسبه للوظايف فبنات التخصص يفيدونج اكثر

 

[innocent]

Hairspray

مشكووووووووورة ما قصرتي والله

أفدتيني وايييييد : )

تقدير الفن عند ايفوووون

انزين قلتي شغل شنو اهو الشغل اللي بالمادة

لا يكووووون رسم : (

أنا و الرسم بعد المشرق عن المغرب

أنا دفعة 2007

مفكرة آخذ كيميا بعد بس أنطر ينزلونها

أنتي أي دفعة وشنوو تخصصج ؟

ويعطيييج ألف عافييية


أخت الجبهة

بشرينا شسويتي بالامتحان

للأسف ما كنت أقدر أفيدج

بس ان شاء الله كان الامتحان سهل عليج

 

[][شموخ][]

حبيبتي HairSpray
..
يعطيج الف الف عااافيه والله يوفقج دنيا واخره على هالمساعده الطيبه
..
مااا قصرتي يا قلبي
..
تحياتي لج
..

 

[HairSpray]

hairspray

مشكووووووووورة ما قصرتي والله

أفدتيني وايييييد : )

تقدير الفن عند ايفوووون

انزين قلتي شغل شنو اهو الشغل اللي بالمادة

لا يكووووون رسم : (

أنا و الرسم بعد المشرق عن المغرب

أنا دفعة 2007

مفكرة آخذ كيميا بعد بس أنطر ينزلونها

أنتي أي دفعة وشنوو تخصصج ؟

ويعطيييج ألف عافييية


أخت الجبهة

بشرينا شسويتي بالامتحان

للأسف ما كنت أقدر أفيدج

بس ان شاء الله كان الامتحان سهل عليج

تقدير الفن ماده نظريه

والصراحه ما جربت ايفون بماده نظري

كله سوالف و تفلسف يعني فاهمين

يعني تعاريف و مصطلحات اساسيه لازم تفهمينها

مو تخترعين!!

ايزي والله

خاصة عند ايفون راح تستمتعين

بس مثل ما قلتلج

مو ان تضحك معناته تسحبين عليها
لأ

لأنها شديده من ناحية الدراسه

موفقه

 

[HairSpray]

حبيبتي hairspray
..
يعطيج الف الف عااافيه والله يوفقج دنيا واخره على هالمساعده الطيبه
..
مااا قصرتي يا قلبي
..
تحياتي لج
..

نو بروبليمااا

 

[innocent]

HairSpray

ثانكس على الافادة طمنتيني و الله : )

يعطيج العافية ومووفقة يارب

 

[eNg_ToTa]

السلام عليكم بنات كليتي

انا دفعة 2008 و تسجيلي7-30

و ابي اتخصص بيئه ان شالله
انا مخلصة مدخل بيئة و مدخل it و احياء و ان شالله هالكورس اخلص 146 و كالكولس


و باقلي علوم بيئة 101 CFW
art of drwing AAD 110 <<< مدخل
nutration FSC 110 <<< مدخل
fundamntals ISC 100
chemistry CFW 105

شرايكم بالمواد اخذهم كلهم الكورس الياي اذا موجودين و عند منو اخذهم فيدوني بليز

و صج لازم اخذ احصاء ؟؟؟؟؟؟ لأن في ورقة المتطلبات للتخصص مو حاطين ؟!

و انا ما خذيت ولا مادة اختياري للحين اخذ الكورس الياي ولا اخليها بعدين !

 

[innocent]

توتا

امممم أظن ماله داعي تاخذين مدخل فن الرسم أولا لأن ساعاته أظن وايد و أكيد بيتعارض مع باقي المواد

وثانيا انتي كنتي ماخذة مدخلين وبقالج مدخل و مادة ge او مدخلين

وبما انج بتاخذين مدخل علوم بيئية تعتبر ge وبتاخذين مدخل نيوترشن يعني استوفيتي شروط التخصص

وأساسيات هذي ضروري تاخذينها

اي احصاء لازم تاخذين بس مو شرط الحين كيفج اي وقت

وكيميا انا بعد ناطرة ينزلونه لحد الحين ما نزلوه السستم

اخذي تاريخ حضارة وافتكي أو عربي لأنهم الزاميين

وموفقة يارب

 

[innocent]

بنات بسألكم عن مادة لياقة بدنية واسعافات

شنوو نظامها سهلة وعن شنو تتكلم بالضبط

بليييز ضروري تجاوبوني

 

[innocent]

بنااااات اللي بتسحب تقدير فن تقولي ضرووووري

 

[eNg_ToTa]

توتا

امممم أظن ماله داعي تاخذين مدخل فن الرسم أولا لأن ساعاته أظن وايد و أكيد بيتعارض مع باقي المواد

وثانيا انتي كنتي ماخذة مدخلين وبقالج مدخل و مادة ge او مدخلين

وبما انج بتاخذين مدخل علوم بيئية تعتبر ge وبتاخذين مدخل نيوترشن يعني استوفيتي شروط التخصص

وأساسيات هذي ضروري تاخذينها

اي احصاء لازم تاخذين بس مو شرط الحين كيفج اي وقت

وكيميا انا بعد ناطرة ينزلونه لحد الحين ما نزلوه السستم

اخذي تاريخ حضارة وافتكي أو عربي لأنهم الزاميين

وموفقة يارب

ايي اليوم رحت الارشاد و قالتلي مالا داعي فن الرسم

و كالكولس بيحسبولي ايها ge

يعني الحين لازم اسجل علوم بيئه و نيوترشن و اساسيات

و كيميا بعدين , انزين نيوترشن و اساسيات منو منزلهم زين ؟؟

ايي انشالله اذا لقيته فاتح حضاره او عربي اخذ

مم انزين بسألج شلوون اطلع درجاتي بالسستم اول الايام موجودين الحيين ماني عارفة شلون ؟!

و مشكوره و ماقصرتي :tek:

 

[innocent]

هلا تووتا

نيوترشن منزلها فاروق الصبان ما جربته بس يمدحونه

والمادة أساسا حلوووة بس يبيلها دراسة وحفظ

أساسيات شفت منزلها سارفراز الصراحة ما أعرف نظامه

بس يمكن يفتحون شعبة يديدة مو معقولة شعبة وحدة بس

حضارة طبعا و أكيد زيتووون

عربي اذا حصلتي عبير البالول لا تطوفينها

والكيما أمس افتحت بس مو حاطين الدكتور

بالنسبة للدرجات شالوووهم يمكن عشان التسجيل

بس بعدين أكيد بيحطونهم

العفووو ولووو

 

[eNg_ToTa]

هلا تووتا

نيوترشن منزلها فاروق الصبان ما جربته بس يمدحونه

والمادة أساسا حلوووة بس يبيلها دراسة وحفظ

أساسيات شفت منزلها سارفراز الصراحة ما أعرف نظامه

بس يمكن يفتحون شعبة يديدة مو معقولة شعبة وحدة بس

حضارة طبعا و أكيد زيتووون

عربي اذا حصلتي عبير البالول لا تطوفينها

والكيما أمس افتحت بس مو حاطين الدكتور

بالنسبة للدرجات شالوووهم يمكن عشان التسجيل

بس بعدين أكيد بيحطونهم

العفووو ولووو

ممم اساسيات خن اسأل بنات ال it

ويي ليش ملاقه ابي اشوف شنو الي يايبة فيهم -c عشان اعيدهم

و مشكوووووووووووووووره ماقصرتي :*****

 

[innocent]

up

up

بنات شرايكم بمادة لياقة بدنية

 

[auror]

مرحبا بدي إسال البنات أنا كنت طالبة جامعية في لبنان ودرسة سنتين وما قدرت كفي إنتساب لأن جامعتنا منعته بدي إسأل هل فيني إتسجل بجامعة الكويت أو في كلية الدراسات التجارية بنات في حولي
شفت بالوبسايت عن الطلبة غير المقيدين بدي أعرف شو يعني وإذا فيني أتقدم وشو الحسانات والسيئات فيه
ساعدوني إذا حدا عنده فكرة للعلم أنا لبنانية وبشتغل شكراً

 

[eNg_ToTa]

بنات انا تسجيلي الحين و ابي مدخل نيوترشن بس يطلعلي مال المستجدين الشعبة الثانيه ماتطلع و بعد الاساسيات نفس شي :\

لييييييييييييييش :s

 

[innocent]

تووتا

النيوترشن المدخل بس حاطين شعبة وحدة يدرسها الصبان

والاساسيات هم شعبة وحدة يدرسها سارفراز

شنوو يطلع لج غير مستوفي الشروط والا شنوو

بس اعتقد ان شاء الله بيفتحون شعب يديدة