تجمع بنات تخصص تأمين؟؟

[^^DADDIES GIRL^^]

قنووعه والله ماالومج بس انا من البدايه ماوعدتكم ادري ماراح اقدر

والله كريم لا تنحبطين ان شاالله ربج يفرجها

الهنوف ماقصرتي حبيبتي

 

[أو عبوش]

جودي ابوت


سوري قلبي توني اشوف ردج لو سائله خاص يمكن شفته لاني ما ارد غالبا للمواضيع اللي قريتها.....



اي اذا توظفتي لج كادر المحاسبه نفسه للتأمين لان نفس الشغل

بالتربيه انا تأمين ومسماي كاتب حسابات نشتغل شغل محاسبه>> مع اني اكررره الحسابات يااربي



وماضنتي يحطونج سكرتاريه وانتي تأمين يعني لازم يحطونج بقسم محاسبي عشان يكون مسماج كاتب حسابات وتستحقين الكادر

 

[Judy . abbot]

او عبووش
لا حبيبتي عاادي
ومشكووره وااايد ويعطيج العافيه ماتقصرييت

 

[قنوووعه]

هلا والله الهنوف اي والله ان شالله ماديتي تسمح ادخل جامعه خاصه لبكالوريس المحاسبه بس انا رياضيات ميييح اخاف اتوهق اذكر محاسبه واخد واثنين انصدم الدكتور من اجاباتي ولما رحت اشوف نتايج اخر السنه كان قاعد بالمكتب يرصد الدرجات بس عرف اسمي قال انتي الي كان خاطري اشوفها قبل اعلق النتايج انتي من صجج تحلين بالورقه ولاكان ودج تستهزأين قعدت اضحك واهو منصدم اخر شي نجحت بالمنه يقول شلون حظورج توب وجذي متحانج و الله حط كوركتير ونجحني ولاكنت موليه انا شاطره بكل شي حتي الانجليزي الرياضيات عقدتي



طولت اسولف بس يمكن جامعات خاصه تمشي *

 

[Judy . abbot]

قنووعه
لا تتخصصين محاسبه اذا مو حابتها انتي متخيله انه راح تكون دراستج كلها ارقام وحتى وظيفتج
حبيت انصحج قبل لا ادشين وتتوهقين
ليش ما اتخصصين اداره اسهل

 

[سلايل*عبس]

اكره لمن اكتب رد ويختفي اكرررررررره

السلام عليكم

شلونكم بنات

ياليت تعذروني على عدم تواجدي في 22-11

انا فعلا كنت جاده ونظمت الوقت - بس للاسف ماقدرت احضر وشفتوني اشلون كنت متردده قبلها بجم يوم بخصوص الموعد وحاولت اغيره

لانه زوجي اضطر يسافر وكنت متأكده اني ماراح احصل احد يجيبني عاى موعدنا وهم كنت بجي بالسياره وانا اخاف من طريج الديوان بس قلت يالله بدعم بخلق الله المهم احضر @@ بس للاسف على اخر لحظه ترددت

وانا جااااااده في تحديد موعد غيره على ان يكون قبل تاريخ 10-12 \\\ او 15-12 \\\\ موبعد هالتواريخ يالله حددوا وانا معاكم ضروري نتجمع بنات ترا ماهي مظاهره ولا بلبله ترا كلنا مثلكم مانحب الصوت العالي ولفت الانظار عادي جننا رفيجات دفعه وحده متجمعين لاتخافون وتعسرون علينا وعليكم

لازم نروح قبل لاتنزل اي اسامي جديده

لانه الديوان جد ماكل حقنا وطفح الكيييييييل منه حسبنا الله ونعم الوكيل

حسبنا الله سيؤتينا الله من فضله إنا الى الله راغبون ...

 

[كويتية بالخارج]

السلام عليكم
شلونكم بنات؟
خبر وايد وايد مهم
اليوم آخر موعد للتسجيل في دبلومات
1- الترجمة القانونية
2- ترجمات الأمم المتحدة
3- التحكيم التجاري الدولي
وهادوله للخريجات من تخصصات الحقوق والقانون والترجمة والعلوم السياسية
والمرشحات للعمل في وزارة الخارجية أو الموظفات فيها
أو الموظفات في المنظمات الدولية أو الإقليمية
أو المؤهلات العليا بصفة عامة وترغب في العمل في هيئات سياسية أو دبلوماسية
رسوم الدبلومة فقط 500 دينار
وخصم خاص للمجموعات
مدة الدبلومة 150 ساعة يعني تقريبا 3 شهور
الدراسة عن بُعد
الاختبار عن بُعد
شهادة التخرج تعتمدها
1- جامعة القاهرة بمصر
2- جمعية المترجمين الدولية
3- المؤسسة العربية للدراسات العليا
4- الاتحاد الفيدرالي لمنظمة اليونسكو العالمية
5- الأكاديمية العربية للبحث العلمي والاستشارات والتدريب
سجلي اسمج بعدين كملي أوراقج
كل اللي يبونه منج الحين صورة من شهادة مؤهلج وصورة من بطاقتج المدنية
الدبلومة مسجل فيها كل الجناسي
الكويت والسعودية والامارات وقطر ومصر والاردن والبحرين
لأنها أقوى دبلومة بالخليج ودول مجلس التعاون الخليجي
:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):
تلحقون ما تلحقون
تليفونهم
66662477
والله يوفقكم
:yaaaaaarb::yaaaaaarb::yaaaaaarb:​

 

[سلايل*عبس]

وينكم بنات جنكم مليتوووو



لايأس مع الحياه

ولاحياة مع اليأس

 

[Judy . abbot]

لووول اظاهر فقدو الامل
وبصراحه مايلامون
الله كريييم

 

[lebanon cat]

بنات شركة الفجر للتأمين التكافلي بدن موظفات تأمين كويتيات راتب اساسي + دعم عمالة ممكن يوصل لـ 650 د.ك اول التعين غير الزودة بعدين

وانا اللي فكرت تخصص التأمين اندر من لبن العصفور في شركات بيتمنوكم تمني معليه اشتغلوا بالقاع الخاص بتترقوا احسن من الحكومة ..

 

[ياربي شسالفه]

انا تخصص تأمين والحين موظفه بمنطقة تعليمية بمسمى كاتب حسابات
وووع ماله اي شغل بالتخصص واتمنى انقل اليوم قبل بكرا

متى تخرجتي ؟ وشلون توظفتي قدمتي ع الديوان
ولا شلون وتحتاج واسطه ولا على طول وظفوج
وجم معااشج ياليت تردين لان انا نفس تخصصج وخاطري احول
بس ابي اشوف الخريجات​

 

[ياربي شسالفه]

أم عبووووووووووش
انتي اي سنة تخرجتي ومتى توظفتي
وقصدج بالتربيه يعني المدارس ولا المنطقه التعليميه وجم معااشج
عفيه بنات ابي خبرتكم​

 

[قنوووعه]

الله المستعان

 

[ياربي شسالفه]

احنا بس بنات التأمين مايتوظفون
والاداره وادارة مواد وغيرهم شلون ؟
يعني تنصحوني احول ادااره والله اخترعت اكثر من ردودكم​

 

[* Snow White *]

^

لول من صجج انتي؟ من قلب حولي اداره وانتي مغمضه، او حتى محاسبه
وانا افضل اداره اكثر من ادارة مواد .. سريع قبولهم وكل اللي اعرفهم بالاداره توظفوا مع انهم تخرجوا وياي وبعدي .. وتوظفوا بالنفط بعد

 

[ياربي شسالفه]

مستحيييل احول محاسبه كلش مااحبهاا
احتمال اداره بستخير واشوف واصلن هم معدلي مو شي​

 

[Judy . abbot]

اتوقع صعبه تحول ادااره لانه لازم نسبه قويه
لو انا منج اطلع من التجاري واروح سكرتاريه اسهل واسرع حق التوظيف

 

[أو عبوش]

هلاااااااااااااا مادري شسالفه<< سوري تأخرت


لو سائلتني عالخاص يمكن شفت سؤالج


اي انا تخرجت كورس اول 2007 بس كان امتحان مؤجل بس يعني انا متخرجه قبل

ونطرت سنتين ياله توظفت

وخلال هالسنتين رشحوني للجمارك وزوجي قال لو على جثتي ماتشتغلين بالجمارك ههههههه


ورفضت وعقب الرفض ب 8 اشهر يمكن رشحوني للتربيه من غيررررررررررررر واااااااااسطه واسطتي ربي مع ان عمي عضو مجلس امه لووووووووول
بس ماحب احد يتمنن علي





وبالوزاره نفسها الرئيسيه اللي بالشويخ مو منطقه ولا مدرسه وحاطيني محاسبه مع اني تأمين ويعطوني كادر المحاسبه
ومعاشي 701 مادري ليش هالدينار هههههههه



وياربي يرزقج الوظيفه السنعه

اي شي تبين على الخاص عشان اشووفه

 

[^^DADDIES GIRL^^]

الله المستعان عالديوان اللي متخرجين معاي توظفو صارلهم دهر احنا بيصير عندنا احفاد ومكانك راوح حتى الرقم مو راضي يتغير

 

[Judy . abbot]

دادليس
الله يعوضج بالوظيفه الزينه انشالله