تجمع بنات البحرين إلي مسوين عمليات تجميل

[maya2009]

هلا حبيبتي غرور بحرينيه

انا من خبرتي ويا صديقتي كان عندها عدة مشاكل في وجهها من حبوب شباب و لحم زائد وحبة خال صراحه الدكتورجانج في ابن النفيس عنده اجهزه حديثه جدا مادري اذا باقي الدكاتره في البحرين عندهم مثلها وحنان معرفي بعد سمعنا انها زين بس هذلين الاثنين اقدر ارشحهم الباقي ما عندي ثقه فيهم بالنسبه حق دكتور طارق سعيد بس يصلح لليزر والفيلنج والبوتكس بس فقط نقطه لحد يروح له حق شي ثاني راحت ايامه

 

[mabahrain]

هاااااااااااي شاكليته و دلع البحرين
طمنوني على خشومكم
و حشتوني وايد

 

[دلع_البحرين]

هـــلا وغلا حـــبيبتي آنه بخير الحمد لله كل اسببوع اروح للدكتور اشوف خشمي وينظفه لي ويحط لي بلاستر جديد عطاني حبوب روكاتين بديت اخذه من البارحه يقول بينشف الدهون اللي في ويهي وبيساعد على ان خشمي يفش هههه سولفي لنا انتي بعد وحشتينا ما بحرين

 

[غرور بحرينيه]

هلا حبيبتي غرور بحرينيه

انا من خبرتي ويا صديقتي كان عندها عدة مشاكل في وجهها من حبوب شباب و لحم زائد وحبة خال صراحه الدكتورجانج في ابن النفيس عنده اجهزه حديثه جدا مادري اذا باقي الدكاتره في البحرين عندهم مثلها وحنان معرفي بعد سمعنا انها زين بس هذلين الاثنين اقدر ارشحهم الباقي ما عندي ثقه فيهم بالنسبه حق دكتور طارق سعيد بس يصلح لليزر والفيلنج والبوتكس بس فقط نقطه لحد يروح له حق شي ثاني راحت ايامه

مشكووره حبيبتي على الرد

بس مادري شلون عن اسعارها حنان معرفي ووين مكانها لاني اول مره اسمع منها بهالمنتدى يمدحون فيها وايد

امس اتصلت على عيادة الدكتوره عبير لقيت وايد سعرها فوق حق شفط الدهون تقولي 2500 دينار شغل ايدها بس 1500

بس نسيت ماسالتها هل هذا بس حق منطقه معينه او حق الجسم كله يعني الافخاذ والزنود والصدر والبطن

شفته وايد سعرها يبي له ميزانيه بروحه هالشفط

 

[شاكليته]

هاااااااااااي شاكليته و دلع البحرين
طمنوني على خشومكم
و حشتوني وايد

هاايات يالغاليه , خشمي ياخشمي كل يوم اصوره كل يووووم , قالي الدكتور لاتوقعين بين يوم وليله يتبدل ويصير اللي في بالج , ياخذله وقت ليما يتشكل ! طين موب خشم ههه

ابشركم شالوا الستشز اليوم عقدت اصييييييح يده ثقيله ماينلام جراح بس زوجته لما تنظف يدها صج خفيفه

انتو شلونكم ؟ اخباركم .... شبسوون في العطله


:eh_s(22):

 

[شاكليته]

السلام عليكم بنات

شخباركم


هذي اول مشاركه لي واتمنى ماتكون الاخيره

كنت اتصفح شوي في النت عن عمليات التجميل عشان قاعده افكر اسوي شوية ترميم حقي ههههه

المهم شفت هالتجمع وعجبني وحبيت اخذ شوي من تجاربكم وتنصحوني لانه اغلبكم مجربين هالشغلات


وياليت اشوف المساعده

مشكلتي الاولى اني اعاني من كبر في الصدر وغير مشدود وجربت الادويه الشعبيه لقيتها كلها خرطي ماتسوي شي بس دعايات وفلوس على حسابنا من غير نتايج

فكرت في العمليه بس متخوفه شوي وطبعا الكل يدري انه تكاليف العمليه وايد .. وسمعت عن طريقة يسوونها من غير عمليه وكانها حقن بالابر او شي من هالقبيل فياليت اللي سوت هالعمليه او عندها فكره تخبرني عنها او عن اسعارها وحتى الدكتوره اللي سوت لها لاني قريت وايد عن الدكتوره عبير الكبيبسي ووايد ناس يمدحونها بهالشغلات

المشكله الثانيه هي شفط الدهون لانه عندي منطقة الفخوذ متجمع فيها الدهون بشكل ملحوظ صرت استحي البس بناطلين وكله ماسكه معاي التنورات والمشكله الاعظم انه بس انا اللي مليانه شوي في عايلتنا واحسد بنات عمتي واختي على اجسامهم المتناسقه

المشكله الاخيره هي كثيرة حبة الخال في وجهي .. سمعت عن الدكتور طارق وخبرته في هذا المجال بس شفت هني بالمنتدى وايد تمدحون الدكتوره حنان فياليت اللي سوت شي او عندها فكره تخبرني

ممكن تخبروني عن الاسعار والدكاتره الشطار في هالمجالات الثلاث


ولكم جزيل تحياتي وعسانا ماننحرم من مساعدتكم يابنات ديرتي​

هلا ومسلا فيج حبيبتي بين خواتج ,, انتي مريتي على دكاتره ؟؟ مري عليهم عندج دكتوره عبير دكتور ريكاردو دكتور جانج دكتور دين ,,, ذلين اللي هابين عليهم ,,,

اما الشامات حياتي هذي حتى بالعسكري او السلمانيه يسونها لج نوت بيغ ديل , على فكره دكتور جانج كان بالسالمانيه وشاتهر هناك تالي خذوه ابن النفيس , فلا تخافين من دكاتره العسكري او السلمانيه حق الاشيا البسيطه

 

[غرور بحرينيه]

هلا ومسلا فيج حبيبتي بين خواتج ,, انتي مريتي على دكاتره ؟؟ مري عليهم عندج دكتوره عبير دكتور ريكاردو دكتور جانج دكتور دين ,,, ذلين اللي هابين عليهم ,,,

اما الشامات حياتي هذي حتى بالعسكري او السلمانيه يسونها لج نوت بيغ ديل , على فكره دكتور جانج كان بالسالمانيه وشاتهر هناك تالي خذوه ابن النفيس , فلا تخافين من دكاتره العسكري او السلمانيه حق الاشيا البسيطه

ياقلبي انتي مشكوره فديتج

اي قالو لي كل العيادات تسوي هالشي بس نصحوني اكثر حق هالسالفه عند الدكتور طارق ولا ادري للحيني قاعده اشوف

اما بخصوص الشفط ياويل حالي يبي له ميزانيه فراح ااجلها شوي على مانحصل او تقط علينا السما فلوس ههههه حشى مقدم سياره مو جسم كل دكتور يقول الزود عندي

حاليا مركزه اكثر على حب الخال اللي تارسه ويهي وبعد توحيد جسمي بالليزر لانه اشوف ايدي من كثر ماسوق السياره صايره سوده غير عن باقي الذراع فبحاول اشوفلها حل عند الجلديه


مشكوره وماقصرتي

 

[دلع_البحرين]

حبيبتي غرور في دكاتره وايد شطار على فكره دكتور جانج اكثر عملياته شفط وشد وشاطر واايد وريكاردوو بعد شفت الصور عجبوني بس على ماقلتي غاليين كانج دافعه مقدم سياره هههههه الله يعيننا على المحووورف ترى دكتور عبد الشهيد ارخص منهم بوااايد شيكي روحي له ترى اعرف وحده مسويه عنده شفط صارت غزال وملامحها طلعت من الضعف بس اهي ماعترفت انها سوت شي بس ناس شافوها ترةح زيارده للدكتور وخبرونا ههههه قولي لنا اخر احبارج حبيبتي وحياج بيننا

 

[~ عز ~]

السلااااااااااام

شلووونكم ؟ ان شالله كلكم تمام ؟؟

عز حياتي الابر ماتعور حالها حال اي ابره بس الفلر مدري ليش يعور اكثر , وابر النظاره او الميزوثيربي تلقينها باي عياده بس مثل ماقلت لج على راحتج مع الدكتور , بعض الدكاتره تاخذه العزه بالنفس حتى لو مااعجبج شغلهم !

عياده الدكتور طارق حق الفيشل وتنظيف البشره , اما اذا تبون صالونات عندكم صالون بروفايل صاحبه الصالون معروفه ومخذه دورات ومن اقدم الصالونات في البحرين واعرقها

تسلمين حبيبتي .. ماشالله عليج خبره ..

انا مره سويت عند بروفايل فيشل بس ماعجبني شغلهم .. حتى قلت لها احس ماسويتي شي قالت بشرتج زينه مايبي لها شغل !!مع اني احس ان بشرتي محتاجه

انا وقفت سوالف فيشل مافيشل في الصالونات , قمت اسوي خلطاتي بأديا وحياه عنيا , ومن تجربتي عرفت شلي يوالام بشرتي وشلي يهيجها

كل ديره اطبها او ناس من دير ثانيه اخذ خلطاتهم واشوف اللي يناسب جونا وبشره الفتاه البحرينيه واجربها والتجربه خير برهان

والاكل ثم الاكل وايد يئثر على البشره والجسم والشعر , الرسول عليه الصلاه والسلام قال المعده بيت الداء والحميه راس الدواء

والحميه اهني يعني نتمعن شلي نقط في بطونه , سوالف البيبسي والجانك فود بس نوقفها ,, ولنا وقفه تالي عن هل السوالف

والله صاجه الاكل الصحي ينعكس عالبشره اكيد

عطيني الخلطه اللي عجبتج نفعينا تستاجرين فينا :eh_s(3):

هاي حبيبتي طمنتيني وااااااااايد مشكورة
و على فكرة انا من زمان منضمة حق فريق الأبطال و مسويه خشمي من سنتين تقريبا عند الدكتور عبدالشهيد فضل و سويت تكبير شفايف عند الدكتور ديين اللي في التخصصي و سويت غمازات في مستشفى الشفاء الجديد في الكويت يعني حورفت بروحي وايد و ناطرتكم تعطوني لقب و اذا سويت نحت الجسم ابي الميدالية الذهبية ههههههههه

المهم انا ألحين ابي أسوي عنده شفط بطن و خواصر و ظهر و حقن المؤخرة بالدهون و رحت له استشارة و راواني صور حق بنات مسويلهم مثل عمليتي و جسمهم صار روعة. و اللي يخليني مترددة ان انا مافيني دهون وايد يعني انا طولي 170 و وزني 70 يعني اقدر اسوي دايت و انزل بسهوله بدون عملية بس في نفس الوقت خاطري يشكلي جسمي اكثر و يشيلي الخواصر اللي موقاعدين يروحون حتى بالدايت و الرياضة بس تصدقين انا من كلامج ارتحت وايد و حتى صديقتي راحت له استشارة وقالت انه يين عليه شاطر و بتسوي عمليتها الشهر الياي و هذي الشي شجعني أكثر

انتي من غير الشفط يبي لج ميداليه ذهبيه ماشالله تبارك الله لوووووووووووووووولز

بس احس جسمج حلو من وزنج و طولج !! ليش اتعبثين فيه !!

 

[aseera al7ob]

ههه اتشجعون بنات على العمليات
آنه وزني 67 وطولي 162 بس دبتي مترهله من الولاده وكانت ولادتي قيصريه مافي شي غير العمليه يروح هالترهل
والدهون متركزه في الارداف وعلى الجوانب في الضهر شكلهم قبيح

في احد جرب الجهاز الا يذوب الذهون بالاشعه الليزر سمعت عنها وايد بس مايندره شنو النتيجه
تعرفون احد استفاد من الجهاز

 

[maya2009]

اختي نصيحه حق اللي يعاني من الترهل والدهون يختصر الوقت ويسوي شفط وشد ترى الاجهزه تنفع حق واحده اصلا رشيقه يبيغي لها شغل خفيف اما حق هذه السوالف اختصروا الوقت والفلوس وسوو عمليه على حسب ميزانيكتكم

عندي سوؤال دكتور ريكاردو هذا في اي مستشفى ؟؟؟ وشنو جنسيته ؟
للحين خلصت اليوم سنه واربعه اشهر ونصف ومازالت الارنبه وارمه والخدود فيهم ورم بسيط راح انتظر بعد كم شهر بعدين راح اشوف الدكتور يارب ادعو لي اغز ابره وتفش الارنبه واي وناسه ما راح يصير فيني خنافر ان شاءالله

 

[maya2009]

اختي في مستشفى اسمه ubs قريب لابن النفيس في زائر مصري بين فتره وفتره يمر كانت عملية الشفط لاحد الصدييقات 700 دينار بحريني وكانت ناجحه بس عاد اقرأي على روحك بصراحه هذلين الدكاتره الزائرين يرهقون نفسهم في اليوم الواحد يسوون 7 عمليات خذي دكتور جانح مستحيل يقبل يسوي اكثر من ثلاث عمليات في اليوم الواحد اذا مو اقل

 

[aseera al7ob]

بل 7 عمليات في يوم واحد اكيد في مجال للخطأ لان كل عمليه جم تاخذ من الوقت اكثر من 3 ساعات

 

[دلع_البحرين]

ايه صح كلامك مايا اذا تحسين فيج وايد كرش سوي شفط لان مستحيل الليزر بيشيل الشحم واللحم خخخخ ودوري لج دكتور شاطر صراحه الواحد يقط فلوسه على شي عدل

 

[كلي تواضع]

السلام عليكمـ

شلونكمـ وشخباركـمـ ؟

انا توني مسويه سليف عند الكتور خليفه بن دينه

الحمدلله اول يومين تعب بس الحمدلله الحين سهالات

 

[~ عز ~]

كلي تواضع

حمدالله عالسلامه

كلمينا عن عمليتج .. بالتفصيل اذا تقدرين

 

[دلع_البحرين]

كلي تواضع الحمد لله عالسلامه حبيبتي


عز وحشتيني يا الورده شخبارج وشمسويه

 

[~ عز ~]

هلا و غلا حبيبتي

اخباري خير ان شالله

بعد بكرا بروح لندن .. تامرين على شي

 

[دلع_البحرين]

وااااو حبيبتي عليج بالعافيه تروحين وترجعين بالسلامه سلامتج ياعمري مابي شي غيري جو وانا محبووسه ماحب حتى اطلع من البيت هههه ابي اطلع بالنيو لووك تيك كير ولين قدرتي دخلي طمنينا عليج يا الورده

 

[~ عز ~]

الله يسلمج حبيبتي

اي ان شالله بحاول ادخل اذا صار عندي وقت