تجمع بنات البحرين إلي مسوين عمليات تجميل

[mabahrain]

هاي دلع البحرين
الدكتور عبدالشهيد فضل عيادته في مجمع الخليج الطبي

 

[دلع_البحرين]

آنه بعد خوافه يا اختي بس شنسوي لازم نحوورف في عمرنا

ما بحرين اي عرفت مجمع الخليج التخصصي تدرين ان بنت عم زوجي مسويه عنده تصغير صدر تقول شاطر احين تذكرت يوم قلتي مجمع الخليج امممم يبي لي اروح واشوف انا للحين مب مستعيله ابي واحد يضبط لي هالخشم الحلو

آيه عليكم يا بنات ديرتي وعلى سوالفكم

 

[~ عز ~]

فديتج دلع

انا بجرب بروح له .. والله يستر

بشوف اذا عنده صور يمكن اتحمس

 

[دلع_البحرين]

فديت روحج عز انتي روحي وشوفي مب سيده تسوين العمليه انا احب اطالع لين اروح عياده تلاقيني مدققه في كل وحده يعني اتاكد من شغله وبعدين اسلمه نفسي هههه ذبيحه لووول

 

[~ عز ~]

اي والله ذبيحه .. ههههههه

عاد انا كلش ماقط جربت اسوي عمليات ابد

يعني ماقط تبنجت ( لله الحمد )

حتى الاسنان قايلين لي لازم عمليه حق ضرس العقل .. وانا عيييت


حتى ولادتي قيصريه بنج نص مب كامل لوووووول

 

[دلع_البحرين]

تصدقين عاد انه بعد في حياتي ماسويت عمليه ولا خذيت بنج ولادتي كانت طبيعيه بس من كثر خوفي في الولاده ارتفع الضغط علي جبانه يعني هههه الله يستر بس اول شي ببدأ في خشمي وبطني لاحقه عليه

 

[دلع_البحرين]

على سالفة الاسنان انا بيضتهم هالمره بجهاز اسمه زوووم صارو ايهبلون حتى لما اضحك يقولون لي اسنانج حلوه رفيجة بنت خالتي شافتني عاد سلمت عليها تقول ماشالله اسنانج صفه وبيييض عاد استانست اني قطيت فلوسي في شي يسوى خاطري اسويهم فينيرز بس قال لي الدكتور السن الواحد 200 قلت بفكر اشرايكم

 

[~ عز ~]

اي مب ذابحنا الا الخووووف .. والا جان الحين احنا احلى من اليسا خخخخ

انا مب بس يبي لي فينرز .. انا ودي اسوي تقويم بس اللي مهيدني الا خوفي من الجلاع .. لازم اشيل 4 ضروس قبل

بس موكأن الواحد 200 وايد ؟ عند من هالاسعار دلع ؟

 

[دلع_البحرين]

اهااا عيل سوي تقويم اول وجلعي ضروسج عشان ترتاحين ترى الاسنانا اذيه انه اروح عند دكتور علي الجفيري اللي يم مستشفى الطب النفسي صراحه شطوور انه خاطري اسوي اسناني مثل ميساء وحليمه واااي بستخف ههه

 

[~ عز ~]

هلا دلع

ميساء مب حلوين ترا صايرين كأنهم تركيب

بس حليمه ضروسها ششششششي ماشالله

 

[نواعم البحرين]

mabahrain
مشكوره على المعلومات
بس حبيبتي ما عندك فكره عن دكتوره عبير الكبيسي

 

[mabahrain]

رحبا حبيبتي نواعم البحرين
بخصوص سؤالج عن الدكتورة عبير الكبيسي انا سمعت وحدة سعودية سوت عنده شد الجفون لما كانت تشتغل في مستشفى سعد و تقول عنها انها فنانة و تقول انها وايد مشهورة في السعودية حتى السعوديات ايونها البحرين يسوون عندها عمليات بس هذي اللي سمعته عنها و من كم يوم شفت لها مقابلة في تلفزيون قطر و من كلامها حسيت انها شاطرة و طريقة عملياتها متطورةبس بعد انتي سألي أكثر عنها.

و يا بنات في أحد سمع عن دكتور اسمه ريكاردو في مستشفى نور لأني راسلته على ايميله كنت ابي معلومات عن عملية الشفط و اذا يقدر يسويها لي بالتخدير الموضعي و ياخذ الشحم و يحطه مكان ثاني بس ما باقول لكم وين و لما رد علي ما قالي ولا شي بس قالي تعالي العيادة و بشرح لج كل شي و باراويج صور حق العمليات اللي سويتها قبل و تخيلوا ان عطاني استشارة فررررري يحليله. بس انا ابي اعرف اذا تعرفون عنه شي لأن مابي اخاطر.

 

[maya2009]

الدكتور دين في التخصصي في احد سوى عنده ياريت يخبرنا

 

[دلع_البحرين]

هلا حبيبتي مايا وينج لا حس ولاخبر توني افكر فيج الصبح دين سمعت عنه زين واايد


مابحرين صراحه ماسمعت عن الدكتووور قولي لي شنو اخر اخبارج


عز حبيبتي وينج انتي وحشتيني

 

[~ عز ~]

هلا و غلا دلع

انا دايما اشيككم

شخباركم .. اشجديدكم

 

[دلع_البحرين]

آيه عليج حبوبه انه مافي جديد عندي سافرت دبي ورجعت مريضه هالاسبوع بروح لدكتور جانج بخليه يوريني صور وبخبركم كل شي اول بأول

 

[~ عز ~]

حمدالله عالسلامه اختي .. ماعليييييج شر

اي فديتج شوفيه ..

انا من كم يوم كنت في عزيمه و يبت طاري ان ابي اعدل خشمي .. كلوووني النسوان اكل لوووووووولز

يقولون لاتخربينه ... اقول في خاطري من صجهم ؟؟ انا اعرف اذا حلو والا لاء ؟؟

بس شسوي ..

انا هالشهر بروح لندن .. بسأل عن العمليات هناك .. و بشوف طبيب جلديه بقول له ابيك تسويني ناعمه جدا لووووووولز

 

[دلع_البحرين]

اي ياختي اهم شي مايبين انه بقول للدكتور طبيعي مافيني شدة حش الحريم ههههه وفي لندن اكيد متمرسين وشطار بس اهم شي تتاكدين من اسم الدكتور وشغله انه بعد ابي اصير ناعمه وديني وياج هههههاي

 

[mabahrain]

والله انا مسوينه في لبنان

اذا تبين البحرين..

عندج واحد ايي المستشفى التخصصي .. اسمه ايرك بلو شي جذي ,, وعنده زياره هالشهر,, وحده فالمنتدى اسمها مس ورود مسويه عنده


وعندج واحد برزايلي يديد يقولون اشهر دكتور تجميل هناك ,, في مستشفى النور


وعندج جانج ابن النفيس ... انا شفت شغله على بنت وحده ,, وايد حلوو صغيرون ومرفوع وايد.. وايد حلو
مو مرفوع مثل الاجانب ,, رفعته حلوه ,, بس مادري انتي وطبيعة خشمج... في دكاتره يضطبون خشم عن خشم ثاني

انتي شوفي الدكاتره اللي هني احذي فره واستشير على راحتج لاتستعيلين.. واستشيري وشوفي بدال الصوره الف,, من حقه يراويج عملياته ,, وشوفي شنو انتي تبين يسوي لج وشنو يقدر يسوليج ,, تاكدي مليون مره من اي دكتور بتسوين العمليه,, وبعدين قرري وين تبين
فكري مليون مره واستخيري,, هي السالفه مو معقده بس انتي لازم تبين نتيجه حلوه
واذا تبين لبنان انا اعرف دكاتره شطر في لبنان... راسلني على الخاص حق اي استفسار,,, مافينا شده يقولون نسوي دعايات حق دكاتره

هاي حبيبتي ريونه انا توني قريت مشاركتج و شفت انج كاتبة عن الدكتور البرازيلي اللي في مستشفى نور, انا من اسبوع رحت له استشاره و راواني صور عملياته بصراحة رووووووعه ينيت عليهم بس اللي مخوفني اني مو سامعه عنه شي بس ألحين لما شفت مشاركتج ارتحت شوي بس ابي معلومات اكثر يعني اذا شفتي احد مسوي عنده قوليلي و وين سمعتي انه اشهر دكتور في البرازيل
بليز حبيبتي ردي علي بسرعه لأن حدي خاطري اسويها بس خايفه

 

[~ عز ~]

اي ياختي اهم شي مايبين انه بقول للدكتور طبيعي مافيني شدة حش الحريم ههههه وفي لندن اكيد متمرسين وشطار بس اهم شي تتاكدين من اسم الدكتور وشغله انه بعد ابي اصير ناعمه وديني وياج هههههاي

يالله حياج معاي .. نصير ناعمييين ونرجع احنا ونعومتنا :dddds: