تجمع بنات البحرين إلي مسوين عمليات تجميل

[دلع_البحرين]

هلا حبيبتي مايا اذا تبين تسوين فيلر روحي لدكتور جانج اللي في ابن النفيس والله شغله رووعه رفيجتي دووم تسوي عنده ومسويه خشمها قبل 3 سنوات مسويه حلو بس تحت في فتحه احس مبين شوي بس حلو من بعيد وايد ناعم
يلدا الدكتور حرب وايد زين بعطيج رقمه دووم اسوي عنده تقشير 17626767


بنات ابي اسوي خشمي والله مفكره اروح لبنان او ايران اخاف اسويها اهني عشان بره جوهم احلى ومحد يدري اني مسويه ابي شي طبيعي بس متحيره وين اسويها

 

[يلدا.]

مشكوووووره

 

[maya2009]

الدكتورجانج في ابن النفيس عدة عمليات في الخشم كان شاطر فيها وكانت النتيجه من ممتازه الى جيده جدا على حسب نوع الجلده وسماكة الخشم وعلى حسب حالة الخشم في خشوم يبيغي لها اكثر من عمليه اعتقد خشمي من هذا النوع سويتها اول مره الحمدلله احسن مليون مره من اول بس اعتقد ان احتاج عمليه ثانيه

 

[حكاية شهرزاد]

مرحبااااااا

تعالوا عندي بنات البحرين ... انا خبره تجميل من سنة 2000 ..


اولا : كل وحده التجميل عليها يصير غير ..

من الغباء انه الوحده تظن انه الدكتور الفلاني اللي سوه لفلانه يصير نفسه عليج ..

ونفس الكلام ينطبق للفنانات .. يعني بالله نانسي اكيد فيها ميزات تاهلها علشان تصير اذا سوت تجميل بيبين عليها حلو ..
ونفس الشي هيفاء وهبي .. حتى لو بتجميل حلوة .. بس هم كان فيها ميزات ماتجي على بنت عاديه .. واولها شكل وقالب الوجه والملامح ..


نبتدي بعرض الدكاتره :

عندكم باسم ميرزا عاشور .. في ابن النفيس رقم 2 ..

هالدكتور ناعم للي تبين يبين طبيعي .. تروح له .. لانه سوالي خشمي وماغير فيه شي مع اني بحاجه الى تغير بالانف اكثر ..

سعر الانف ابتداء من 1100 الى ...

نجي لدكتور جنج كومار رانج .. في ابن النفيس 1 ..
هالدكتور كلاسيكي .. سريع وذكي .. هذا بالنقاش معاه راح تلاحظون هالميزات ..

زين شغله .. ويجازف اذا تبون المجازفه .. ولكن اهو ماله خص اذا صار اللي تبونه مايناسبكم ..
وهم سوه خشمي .. وماضبطاه لانه بنظره انه يبيله بس خياط داخلي ..

سوالي نفخ بزياده صار علي .. وماعجبني وماارتحت الا لما راح النفخ ..

عملياته سعر طبعا غالي ..

الانف ب1400 ورايح
الشفط ب 1600 ورايح
يعني تعرفون ابن النفيس انتو ..


نجي على عبدالشهيد فضل ...

الحين اقولكم هذا ممتاز للشفط ..
ب 1300 ورايح

الخشم توني سائلته ب 1400

يعني تقريبا كلهم فوق الالف وشوي ..

حق الشفط والانف وغيره ..

عندكم دكتور نايف بالعسكري .. في ناس يقولون اوكي وفي ناس يقولون مش فنان ..

عندكم عبير الكبيسي مدحوها وايد .. بس غاليه ...

عندكم دكتور دين .. هذا دكتور هندي بالتخصصي ..

شنو غالي .. بس شنو وسيييييييييييييييم .. وراقي ..

اسعاره شاقولكم بس .. نار ..
الخشم 2000
الشفط 2000
الذقن 1200
يعني عادي العمليات الثلاثه ب 6000 دينار ..

وتعرفون بروحكم التخصصي ..

وعندكم بعد الجلدي ..
العريض .. حرب .. سميرة المتروك .. حنان معرفي .. ))

وعندكم طارق حق كلشي .. زين .. بس غالي .. ويعتمد على البنت وشكلها بالنهاية ..

 

[ريونه المزيونه]

هااي بنات

بالنسبه للاخت شهرزاد.. عدل كلامج عن جانج,, واحس مايستاهل ان الوحده تقط فلوسها ومايستوى من اول مره ولا تجازف.. وثاني شي باسم عبد الامير احسه مايفهم وايد..صراحه سويت مره فلر وحسيت وايد ترس المنطقه ...

عبد الشهيد زين بس اعرف وحده سوت عنده شد وشفط كلش مو مستانسه من النتيجه...؟!!

وحق الخشوم مايعرف الا حق الخشم اللي في عظمه...




دكتور التخصصي .. انا ماشفت شغله ,, بس رحت له عقب اول عملية تجميل سويتها في لبنان وهو فج لي الجبس... بس يقولون انه زين والله اعلم

طارق سعيد مانصح حق تجميل لانه غالي وعلى الطل ,, ومو واثتق من شغله كلللللللللللللللللللللللللللللللللش وايد يتفلسف


نايف اللي فالعسكري ,, واحد من اهلنا سواه عنده.. ويييييييييييييه استغفر الله ,, سواله مثل فايز السعيد


الجلد عندكم حنان معرفي,, ونضال الخليفه


حرب وسميره المتروك صارو قدم واحس علاجهم مادري شلون



بختصار لاتجدازفون تسون تجميل فالبحرين

 

[maya2009]

بنات طارق سعيد اعيد واكرر لحد يقط خشمه عنده ترى يتفلسلف على الفاضي ويضيعكم ضيع من عمري سنين وانا مصدقه ان خشمي طبيعي طلع اعاقه مو بس قبيح كله على بعضه معوق ومشوه وجهي وانا مفكره روحي عادي عليه شكل وجهي وهذا بعد ثلاث استشارات عنده كل مره ادفع 20 دينار اترجاه يسوي حسبالي حكيم زمانه واوانه احنا بنات ورانا زواج ومجتمع ما يصير نقعد بشي شبه اعاقه خصوصا على الوجه ما يصلح طارق سعيد الاحق الليزر بس عندي سؤال

بالنسبله للفيلر بنات في احد مسوي عنده فيلر ولو ان الدكاتر ه الهنود اللي حاطنهم اغبيه بس يمكن فالحين بالفيلينج خلني اخلص امتحانات بروح حقهم

 

[maya2009]

جانج في ابن النفيس حق الفيلر شاطر حده ودقيق طبعيي حده انصح فيه

 

[نواعم البحرين]

يعني ما في احد جرب عبير الكبيسي؟؟؟؟؟؟؟؟

 

[سراب الدمع 123]

بنات ممكن تعطوني رقم مشتشفى ابن النفيس اللي فيه الدكتور جانج خاطري لسوي غمازات

يعني بنات اقدر اخذ موعد ونفس اليوم يسويلي الغمازات لاني من الدمام يعني ابي اروح وارد مسويتهم واللي سوت عنده كيف الالم عادي او مره كايد الالم

 

[maya2009]

اختي سراب الدمع عندك مستشفى المانع في السعوديه احسن من البحرين تروحين حقهم احسن حدهم شطار واسعارهم ارخص ما في داعي تعبين روحك حتى عمليات الانف يسوون كل انواع العمليات يسوون حدهم شطار

 

[سراب الدمع 123]

اختي maya2009 اي مانع الخبر او الدمام ومن اافضل دكتور يارييييييييييت اختي تردين علي بسرعه لآني انشاء الله بعد اسبوع بسوي عملية شد حق بطني وبعدها بسوي غمازات اذا الله اراد انتظر ردك اختي وانتي شفتي احد مسوي في المانع علشان بس اتطمن وبكم تبداء اسعارهم

 

[maya2009]

اللي اعرفه الاثنين زينين بس انا اللي اعرف عنه الخبر ما في دكتور محدد تقدرين تسئلين المستشفى ممكن يساعدونك انا اعرف بنت من ا لاحساء تشتغل في المانع اللي قريب من الاحساء مادري اي واحد منهم قريب من الاحساء انتي ادري اسمها عبير تشتغل في الاستقبال مره كويسه اتصلي فيها انا متاكده تساعدك اسعارهم احسن من اسعار البحرين وعملياتهم افضل من البحرين بكثير مادري ليش تجون عندنا وانتم عندكم كل شي

 

[سراب الدمع 123]

مشكوره اختي على تعاونك معاي وانشاء الله اقدر اخدمك في المرات الجايه

 

[نواعم البحرين]

بنات يعني محد رد
احد جرب عبير الكبيسي
بليييييييييييييز ردو علي
وكم اسعارهم

 

[maya2009]

بنات سمعت عن ابره عند طارق سعيد يستخدمها بعد عملية تجميل الانف تشيل الورم وتسحب الدهون والماء انا مسويه عملية التجميل صار لي سنه وثلاثة اشهر وللحين خدودوي وارمين والارنبه مورمه تعتقدون الابره تنفع

 

[**CuTeGiRl**]

للاسف ماجرب اسوى عمليات

لكن

متابعه وبقوه

تحياتى لكم يابنات

 

[~Princess~]

مايا الابره اعتقد كورتزون ويخلونها ليه اخر شي عشان يفشون التورم اهي تنشف اعرف بنات جربوها بعد العمليات وخذوها اكثر من مره..


وانا اقول لا تسوون تجميل بالبحرين !! تعالوا الكويت او لبنان

 

[maya2009]

مشكوره اختي princess ما قصرتي انا شكلي بسوي عمليه ثانيه بس انطر لما اكمل سنتين وجهي مورم خدودي مورمه خشمي مورمه مع ان طافت اكثر من سنه والله لو ما الورم كان سويت الثانيه

 

[maya2009]

بنات الله يخليكم ما في دكتور بالبحرين يضبط الخشم انا سويت عملية الاولى احسن من اول بس خنافر والله لو تشوفون ما تصدقون ان مسويته يعني يمشي حاله احسن من اول بس ما انضبط وكنت دافعه فيه الفين دينار على اساس ان تغيير كلي في ناس تمدح في بول عوده في لبنان في ناس تسب فيه والله يعافيكم اذا تعرفون دكتور زين رشحوا حقي

في سؤال عندي في احد سوى عند دكتور دين في التخصصي في احد شاف شغله اذا فيه ياريت تخبروني رايكم

 

[maya2009]

بنات تكفون والله يعافيكم في احد شاف شغل جانج حق الانف او من ترشحون دكتور عدل في البحرين يضبط الانف في ناس تمدح في بول عوده وناس تذم فيه شاسوي وين اطق بوجهي