السلام عليكم ..
هلا اي اسم و خواتي شلونكم اليوم
حسافة كان ودي يكون لهم منهج خاص .. و اول مره اسمه عن مادة مهارات الحياة بالحكومة يعني شي متعوب عليه ولا مثل مناهجهم الي تييب المرض؟
الله يسلمج انا الوالدة كانت تحن علي ادخل ولدي البيان .. بس انا كلش مو حابتها لان تقدرين تقولين شخصية اخواني ما تعجبني الله يهديهم ان شاء الله .. و حتى بالدراسة كانت زينه بس بالآونه الاخيرة صاروا اييبون مدرسين دون المستوى و محد فيهم درس برا لان اهلي شوي شديدين من هالناحية..
و عن نفسي انا كنت طول عمري بمدرسة فجر الصباح ( الله لا يعودها من ايام !!
) و عقبها رحت مقررات ثانوية المنصورية يعني خبرتي بالمدارس الخاصة مقتصرة باخواني الي اصغر مني..
ان شاء الله اذا رحت اكمل اوراقة لمدرسة الحياة لازم استفسر عن سالفة الاعتراف .. ( ازهب الدوا قبل الفلعة):23_asmilies-com: .. لان الله يسلمج الي خلاني احاتي هالنقطة على ما اعتقد ان في وحده من العضوات هني ذاكرة ان التكامل مو معترف فيها ليلحين او وحده من المدارس الي مؤسسها الخليفي .. فلازم نعرف اكثر عن هالامور لان ما ودي انقل ولدي من مدرسة لي مدرسة!
و عندي بعد سالفة الاختلاط مو حابتها .. يعني ما احس انهم سوو شي لما بس افصلوا صفوف البنات عن الاولاد ولا اشرايكم؟
