تجمع اولياء امور مدرسة الحياة hubs

[اي اسم]

وبالنسبة للدوام السنة الجاية هل فعلا راح يكون8/9 لأن الدوامات راح تكون بعد رمضان فما عتقد انهم راح يبدون قبلها
انا ما سألأت ولا أدري عن دوامهم ...؟

وعليكم السلام والرحمة
بالنسبة للدوام انا لما رحت الاسبوع اللي طاف للمدرسة عشان ادفع ال100 دينار رسوم تسجيل السنة الجاية لولدي اللي بالروضة قالت لي موظفة التسجيل ان الدوام السنة القادمة 8 سبتمبر وانا استغربت لاني توقعته ورا رمضان والله اعلم

 

[اي اسم]

السلام عليكم اختي اي اسم ... شلونكم شخباركم ... انا طبعا حدي مشغولة هاليومين من جذي صارلي فترة ما دخلت المنتدى
أولا ماعندي خادمة ... وثانيا بديت دوام الكلية لهذه الأسباب انشغلت
بالنسبة حق الروضة فتعاملهم وايد وايد حلو مع اليهال انا ولدي كان في بداية اليوم الأول يبجي بس ما شاء الله عليها مس ديانا
ومس منى اول شي خلوني معاه لين عرفوا يسكتونه اول وبعدين قامو ياخذون ويعطون معاه لين سكت وانا
موجودة وبعدها طلعوني شوي شوي... وتصدقين عاد ثاني يوم ولدي قالي يبي يروح الروضة بروحه
واكيد كان هالشي من جذبهم له في اليوم الأول فلا تحاتين وتوكلي على الله وحتى اذا بجى خليه والمدرسة تعرف تتصرف
معاه ...:tomato2:

هلا وغلا ام فهد
وان شا الله الله يرزقج بخدامة زينه ...صايرين عملة نادره هالايام
ومشكوورة طمنتيني بالنسبة للروضة
عاد انا ولدي الصغير عسر ومو اجتماعي ودلوع
بس ان شا الله شخصيته تتعدل بالروضة

 

[اي اسم]

تكلم الدكتور عن التربية الذكية كيف نستطيع تربية اولادنا تربية ذكية ..
وأول شيء بدأ به هو ان الانسان يعرف قدر نفسه ولا يخضع لأولاده وانما يربيهم بالطريقة المناسبة وليس على حساب نفسه وذلك
لأن لنفسه عليه حق...
كما انه قال لا تشفقوا على اولادكم الشفقة التي توصلهم الى الفساد والتحكم بكم ...حيث قال سيدنا علي رضي الله عنه اشفقوا على اولادكم
من شفقتكم ..
كما ذكر ان الذكاء ينمو بالتقبل ...والذكاء يؤكدة ويجذره الثبات ...والذكاء يعني تأسيس الشخصية ومن علامات الثبات
القرار ..وللذكاء عدة نقاط ومنها ...
1- الذكاء هو تحدي الوضع الراهن
2- الذكاء هو التواصل النوعي
3- الذكاء غذاءه الحب
4-الذكاء هو التعلم
5- الذكاء هو التحكم.... التحكم يعني التحكم بالانفعال والتفاعل الجيد مع الفعل والفاعل .
الذكاء هو التكييف .. وهو ان تكون لدينا القدرة على مغالبة المشكلات وتحويلها الى فرص للنجاح والتفوق
وتأسيس الشخصية يكون من خلال وسائل البناء وهي التشجيع - ايقاف التدمير - التغافل عن صغار الأمور وعدم التدقيق فيها
التوقعات المحفزة ... اي ان اقول للطفل انت قادر على عمل ذلك ... انت ستفعل ذلك جيدا ... وهكذا ...التعريض وهو ان اترك الطفل يتعرض للمواقف لكي يعرف عواقبها ...بناء الولاء وهو ان اربي في الطفل الولاء والاخلاص
وتطرق لوسائل تدمير الطفل وهي النقد الزائد _ التوقعات المثاليه __ الحماية الزائدة _ العقاب المتعسف _ التوقعات السلبية
وأخيرا قال ان العقاب صناعي أي ان الطفل حينما يخطيء اقوم بمعاقبته قهذا صناعي
لكن العواقب ... وهي الاتفاق المسبق مع الأولاد عن العواقب التي ستحصل لهم اذا وقعوا بالخطأ ويكون هذا الشيء مع الشعور بالحب
هذا كان باختصار ما دار بالمحاضرة
وارجو ان اكون قد وصلت بعض النقاط المفيدة لكن عزيزاتي :gathering:

مشكورة ام فهد ما قصرت وجزاج الله كل خير ووفقج في دراستج
والله يجعله في ميزان اعمالج

عجبني هالجزء

اشفقوا على اولادكم
من شفقتكم ..


وحلوه تعريفات الذكاء
اتمنى انه الخليفي يعطي مثل هالمحاضرات بعد بشكل خاص للستاف اللي عنده عشان يتعاملون مع الطلبة صح

 

[أم فهد الكريديس]

مشكورة ام فهد ما قصرت وجزاج الله كل خير ووفقج في دراستج
والله يجعله في ميزان اعمالج

عجبني هالجزء

اشفقوا على اولادكم
من شفقتكم ..


وحلوه تعريفات الذكاء
اتمنى انه الخليفي يعطي مثل هالمحاضرات بعد بشكل خاص للستاف اللي عنده عشان يتعاملون مع الطلبة صح

السلام عليكم اخي اي اسم ...
بالعكس ترى الخليفي شديد جدا مع الستاف اللي عنده ووايد يحرص على مصلحة الطالب واذا كان اي معلم عنده
فيه شي علطول يغيره وبدون تفكير ... وترى الستاف اللي عنده ممتاز في تعامله مع الأطفال وكلهم على مستوى ممتاز في التعليم
حتى في وحدة كانت حاضرة المحاضرة وقالت حق الدكتور ان ولدي في الكي جي ون ما يبي يكتب الواجبات
وكله يبجي من الواجبات ... وقالتله انها راحت حق مدرسته وقالت انه مايكتب معاها او انه ما يتجاوب معاها
فالمهم رد عليها الخليفي قالها تروحين حق المدرسة اللي قالتلج هالكلام وتقولين لها عيل انا ليش دافعة فلوس ومدخلة ولدي
مدرسة خاصة مو عشان انتو تركزون عليه وتخلونه يعرف يكتب ويتعلم عدل وقالها بعد المحاضرة كلميني
وبعدين وجهه الكلام لنا وقال لنا لا تتساهلون مع اي مدرس يتشكى لكم من مستوى عيالكم أو اي شي يخص
اليهال لأنه طول ما اهو في هذه المدرسة اهو مسئول عن الأ"فال وعن اي شي يخصهم وانتوا كأولياء امور بس عليكم
المساعدة وليس الأساس ..
بصراحة انا شخصيا يعجبني اسلوبه وطريقته في التعامل ... ومايقصر الدكتور ابراهيم مع اي شخص يروحله .

 

[أم فهد الكريديس]

هلا وغلا ام فهد
وان شا الله الله يرزقج بخدامة زينه ...صايرين عملة نادره هالايام
ومشكوورة طمنتيني بالنسبة للروضة
عاد انا ولدي الصغير عسر ومو اجتماعي ودلوع
بس ان شا الله شخصيته تتعدل بالروضة

هلا فيج ويحييج .. اي والله الخدم عملة نادرة جدا بعد ... بس الله المستعان عليهم
ولا تحاتين ابنج تراه راح يتغير 180 درجة انا ابني كان عسر بس اسم الله عليه هالأيام مختلف غير عن اول ايام حتى اسلوبه حتى طريقته
وبكل شي وطبعا لازم انتي بعد تعاونينهم عشان تقدرين تغيرين اسلوب ولدج اذا كان مضايقج
والله يعينج على تربيتهم:eh_s(6):

 

[مدرسة مكروفة]

السلام عليكم شلونكم . منو بتروح نادي السالمية ووين مكانه بالضبط عن مدرسة الحياة .

 

[ReeMaN]

السلااااااااام خواتى شخباركم شلونكم مع اليوم الرياضي بدايه كان خوش شغل بس بعدين صار فوضي ومساكين كان الجو حر عليهم بس استانسو بهالمسابقات والله تغيير لهم وياحليله الخليفي لما دش يشجع اليهال على الفوز عيالكم اشقالو عن النادي

 

[أم فهد الكريديس]

السلااااااااام خواتى شخباركم شلونكم مع اليوم الرياضي بدايه كان خوش شغل بس بعدين صار فوضي ومساكين كان الجو حر عليهم بس استانسو بهالمسابقات والله تغيير لهم وياحليله الخليفي لما دش يشجع اليهال على الفوز عيالكم اشقالو عن النادي

السلام عليكم ... شلونكم يا خواتي .... ان شاء الله استمتعتوا في اليوم الرياضي ...
كان وايد حلو حق اليهال ووايد استمتعوا فيه...
وماعليه اختي رينيم يمكن انه كان فوضى لكن المهم ان اليهال استمتعوا فيه وايد والله يعطيهم العافية
بصراحة ما قصروا وبعدين انتي تعرفين اليهال واذا كانوا مستانسين محد يقدر يسيطر عليهم ... لكنهم بذلوا جهد كبير وايد معاهم
والحمد الله ان عيالنا ردوا مستانسين ومتحمسين وهذا كان المطلوب من هاليوم والحمد الله تحقق .
:ioljnmlk:

 

[توته احلى بنوته]

بنات ممكن سؤال .... التسجيل عندهم للسنة الجاية خلص ولا لأ .........

 

[bambena]

بسجل ولدي وقلت ادش اشوف تجاربكم

 

[bambena]

بصراحه بنات ماتشجعت اسجله

انا ولدي متاسس عدل بحضانته الحضانه ممتازه وابي ادخله بايلانغوال

اللي فهمته من كلامكم ان العلوم والرياضيات بس يدرس بالانجليزي ؟ اذا جذي عيل شلون المدرسه ثنائيه اللغه ؟؟ لاني لما سالت التسجيل عندهم قالتلي ثنائيه معناته العلوم مثلا يدرس انجليزي وعربي والرياضيات بعد

وقالتلي اولى روضه ب 1300 مو 1600 مثل ما انتوا كاتبين


وبعدين الباص المفروض كل منطقتين او 3 بباص واحد مو يقعد يفتر على كل المناطق !!

وحضانة ولدي كل ياهل رابط حزامه ومشغلين لهم بارني بالباص وانا حدي خايفه من هالباصات عشان جذي متردده

 

[bambena]

توته ماخلص

الخميس انا داقه قالت في اماكن ماكو مشكله

 

[ReeMaN]

السلام عليكم .... شخباركم امهات ؟ اختى بامبينا صاجه مدرسة الحياة المفروض اسمها الحياة الامريكيه لان نظامهم امريكي مااشوف انها ثنائية اللغه بس وايد قويه بالتاسيس والاداره يهبلون بالتعامل وكلمتج مسموعه عندهم باي شي .... بس اذا تدورين ثنائية ماتصلح لج والله يوفق الجميع

 

[ReeMaN]

والتسجيل الى الحين مفتوح والاسعار نفس ماقالو البنات جنى 1700 انشالله يفيدونج اكثر البنات

 

[Ms.RainBow]

سلام عليكم

اليوم شفت اعلانهم بجريدة الوطن للي يبي يسجل اعياله

بس بنات بغيت اعرف شنو معناة ثنائية اللغة ؟
وشالفرق بين النظام الامريكي والبريطاني؟

واقتراح لأولياء أمور مدرسة الحياة ليش ما تقترحون على الادارة يحطون كاميرا تقدرون من خلالها اتابعون عيالكم اون لاين او بالتلفون
ويكون حق كل ولي الامر يوزر وباسورد عشان يشوف عياله ويطمن عليهم

منها يشدون الناس للتسجيل عندهم ومنها اولياء الامور يطمنون على عيالهم

بصراحه احس بهالوقت الكاميرا صارت ضرورية سواء بالبيت او المدرسة او بالمجمعات وبكل مكان

وانتو شرايكم

 

[bambena]

ريمان رديت دقيت سالت قالتلي هم اولى روضه ب 1390 !!

مو 1700


وسالتها ثنائيه قالت اي !!


ياربي ليش مايوضحون عدل لاولياء الامور ؟!

 

[ReeMaN]

رينبو خوش اقتراح انشالله مستقبلا ... واختى بامبينا ولدي هالسنه كي جي 1 ب 1550 دينار واتوقع عالسنه اليايه مزيدين بالسعر انشالله بس ماادري جم ؟؟؟ وبالنسبه للثنائيه اهى صح اسمها ثنائيه بس انا اشوفها انها موثنائيه لان تقريبا كل المواد دراستهم امريكي الا العربي وطبعا الاسلاميه وماتصلح اسم الحياة ثنائية اللغه المفروض الحياة الامريكيه

 

[ReeMaN]

:gathering: وينكم صديقاتى نبي انسولف

 

[اي اسم]

:gathering: وينكم صديقاتى نبي انسولف

هلا والله ريمان حبيبتي
سولفي وقولي كل اللي بقلبج وكلي اذان صاغية
هالجم يوم اللي طافوا كنت حدي مشغولة فما رديت
الحين بكتب
وبانتظار سوالفج

 

[ReeMaN]

هلاا والله اى اسم شخبارج وعساج على القوه حبيبتى ... بعد تدرين هنى محد يعطينى ويه غيرج هههههههههه

انا بقولج سالفتى سالفه مع هالمدرسه اله يسلمج الولييد الى عندي الله يحفظه ويطول بالي عليه صاير هالجم اسبوع ماله خلق يكتب واجباته وزااااااااادت شطانته وسواليفه عاد قلتله على الواجبات ان ماكتبت الواجب ترا بقول حق التيشر قال لى التيشر عااادي طيبه ماتقول شي اذا ماكتبته ..... جان اقوم وطيرااااااااااااااااان غرييييندااااااااايزر على المدرسه وقلت حق ابلته العربي مس هاله تعاقبونه لايابلكم الورقه خاليه وليش وليش ليش ....عاد مس هاله لا تكلمت بموضوع بس اتيينى النووووووووومه من كثر مااسلوبها هاااادي وتكلم بالقطاره الموووهم
قلتلها اشلون عالعقاب قالت قانون الخليفي ان نحذر الياهل بالبدايه وثانيا نعاقبه وقالت راح اكلمه وان ماكتب اكتبيلي رساله ان مارضى يكتب وراح اكلمه المهم رديت انا مكانى و مرت الايام والايام والايام والاياااااااااااااام ولا اكو فايده وكتبت رساله ورا رساله ولاااااااااااا اكو فايده الظاهر يخافون يزفونه ويحوشهم طشار من الخليفي او الاداره ماادري شقصتهم ......... ف قولي لي شسوي معااااااااااااه اذا عندج حل طبعا